انا اعجبت بواحدة وسالت عليها المهم كلمتها بطريقة شرعية عن طريق اختها واتكلمنا عن ظروفى وظروفها وسالتها انها مرتبطة ولا لا اجابت حاليا لا وقالتلى هنتكلم بصراحة انا كنت بحب واحد والموضوع انتهى المهم صدقتها وقلتلها هعوضك وان شاء الله هنكون مبسوطين مع بعض وعمرى ما هحرمك من حاجة لو حتى هشحت ومش هخليكى محتاجة اى حاجة
المهم بعد اسبوع قابلت اهلها وخطبتها واتكلمنا فى كل حاجة المهم كنا بنقعد لوحدنا المهم طلبت منى فعل الفاحشة المهم اتماديت معاها وزعلت بعد ما خلصنا وقلتلها مش نعمل كده تانى المهم ولا اكن فى زعل بقييت دى عادة كل يوم لمدة 4 شهور وبعد ذلك لقيتها اتغيرت منى خالص وطلبت منها نرجع ظل الموضوع لمدة شهرين زهقت وطلبت ننفصل وبعد ما لقيت الموضوع دخل فى الجد طلبت نرجع تانى المهم اتفقنا هنكون سعداء بس ما كنتش عارف اتغيرت منى ليه رجعنا تانى وكل مرة لما نقعد مع بعض نفعل الفاحشة خارجى حتى اى حد لا يسئ الظن لمده 6 شهور اخرى لقيت معاملتها اتغيرت قوى وكل مرة اطلب منها تعاملنى كويس والموضوع عندها عادى اكننا مش مخطوبين خالص بقيت ازعل منها عشان نرجع نحب بعض تانى ولا هى هنا لحد ما قررت ننفصل واخدت قرار لانى مش حاسس انى خاطب مفيش كلمه حلوة ولا حاجة وهددتها اننا هننفصل عشان نرجع نحب بعض تانى والموضوع بقى عادى عندها
انفصلنا المهم بعد كده لقيت واحد صاحبى بيقولى انت ربنا بيحبك قولتله ليه يعنى قالى انك سبت خطيبتك قالى هى على علاقة بحيبها الاولانى بقالهم حوالى 7 شهور بعد خطوبتى منها بـــ 3 شهور تقريبا لحد الان وانه قابلها 4 مرات فى شقة بره العجيب انه وصف وصف فى جسمها انا عارفه عشان انا عملت الى هو عمله وبييكلمها على طول وهى مخطوبالى اخر مرة قبل ما سيبها ب يومين رفضت تخرج معايا بحجة انها تعبانى صاحبى شافها بتقتبل حبيبها الاولانى فى نفس اليوم
حتى المواضيع الى كنا بنتكلم فيها حبيبه الاولانى عارفها دا الى اكد لى انه بيكلمها فعلا
مش عارف ازاى واحدة تبقى مخطوبة وتتكلم مع واحد تانى وتعمل معاه الى كانت بتعمله معايا طبعا لما فسخت الخطوبة قلت لاهلها احنا مش متفهمين المهم حبيبها الاولانى كده خانى وهى مخطوبة لى وهو دلوقت بيفكر يتقدم لها
مش عارف اعمل ايه انا بفكر انتظر لما يتقدم ليها وبعدين احكيله الى كانتبتعمله معايا وافركشها ويبقى انتقمت من الاثنين عشان الاثنين خانونى
حد يدلنى اعمل ايه بجد عايز ارتاح انا تعبان جدا من الموضوع ده ومش عارف انسى ان انسانه تخون خطيبها وهى مخطوبة وبتكلمنى ولا فيه اى حاجة ولو ما كنتش فسخت الخطوبة كان الموضوع هيكون ماشى عادى معايا ومع حبيبها الاولانى
مشاكل الشباب مع البنات
خطيبتى جنت عليا
اضيف بتاريخ: Friday, April 27th, 2018 في 05:12
كلمات مشاكل وحلول: الحب, الخطوبة, بنت, حب, شاب, فسخ الخطوبة
شوف يابن الناس انت من الاول لم تحسن الاختيار للزوجة وتسرعت جدا في خطوبتك من هذة البنت الفاسقة الغير محترمة طالما نها طلبت منك فعل الفاحشة بها كان مفروض تعرف انها مش بنت كويسة وتنهي خطوبتك منها فورا لكنك طاوعتها وعجبك الوضع ده واستمريت معها في العلاقة المحرمة وكنت مبسوط وسعيد بالشئ المقرف اللي تعمله انت وهي دون خوف من ربنا عزوجل ولارادع من دين ولاتانيب ضمير عندكما ماتزعلش مني انت زيها وماتفرقش عنها ابدا لوكنت فعلا راجل وتخاف الله عزوجل وتريد الحلال ما استجبت لها في طلباتها المتكررة ولفسخت خطوبتك منها فورا وجاي تلوم البنت وعاوز تفضحها وتنتقم منها وتقول عنها انها بنت شمال وخاينة وانت ايه ملاك طاهر وتعرف الحلال من الحرام مانت شجعتها على الفجور والسفالة تحت مسمى الخطوبة وماتفرقش عن الشاب الاولاني اللي كانت تعرفه كلكم زي بعض ولاد حرام وزبالة وثاني حاجة صاحبك ده ايه اللي عرفه بانها مستمرة في علاقتها بالولد اللي تعرفه ووصف لك تفاصيل جسمها وكانه كان موجود معهم وهم يمارسون الفاحشة صدقني انك فعلا عبيط وساذج واي واحد يقدر يضحك عليك ويستغفلك صاحبك اللي يدعي انه يحبك ويخاف عليك وعلى مصلحتك برضو على علاقة بالبنت دي ومش بعيد نام معها دي الحقيقة الغايبة عنك واللي لازم تقال نصيحة لك يابن الناس اترك البنت دي وافسخ خطوبتك منها لو كنت حريص على سمعتك وشرفك وعندك ذرة من الكرامة والرجولة ودعها تغور في داهية وربنا هو المنتقم منها وابحث لك عن ابنة الحلال الصالحة اللي تستاهلك وتشرفك وتقدرمشاعرك وتسعدك العمر كله واحسن الاختيار الجيد في المرة القادمة
بص انت سبهم كده اكنك متعرفش حاجة ولا تعرف عنها انها شمال ولا تعرف انه كان بيجلها الشقة.اللهم اضرب الظالمين بالظالمين
ربنا يرزقك ببنت الحلال ال تصونك.