مشاكل الشباب مع البنات

حاسس ان هيجيلي اكتئاب بسبب التفكير

السلام عليكم .. يا رب متحرمش حد من اللى بيحبه وتجمعم في الحلال مع بعض
انا شاب مصرى عايش في اوروبا من وانا عندي 17 سنه ودلوقتى عندي 20 سنه من ساعه ماتولدت الغايه سن 19 محبيتش ولا واحده
انا مجتهد في شغلى وبعمله بتقان وبشهاده من الكل الحمد لله وبره الشغل دايما بهرج وبضحك مع اصحابي وبنخرج سوا في الاوقات اللى احنا مش شغالين فيها انا دمي خفيف وشكلى الحمد لله كويس ولبسي زى الاوربيين شويه بس بحدود يعني واجتماعي جدا وناس كتير بتقول عليا انى سابق سنى بكتير
حبيت بس اعرفكم جزء من شخصيتي عشان تحلولى مشكلتى دي
واحد صاحبي ايطالى مره سالنى قالى انتوا بتعملوا ايه ع مواقع الشات بتاعتكم قلتله اصلا معرفش يعني ايه موقع شات
لانى مدخلتش عليه ابدا ولا اعرف في ايه المهم .. دخلت الشات ده مره ولقيت كلام وحش اوى وشتايم زباله اوى قلتله اهوه الشات بتاعنا الناس فيه بتحفظ قرءان هههه .. المهم دخلت تانى مره قلت يمكن اتغير لقيت اتكلمت مع الناس وهزرنا وكان في بنت دمها خفيف
اتعرفنا ع بعض وبقينا اصحاب وبنسال ع بعض علطول واخدنا ايميلات بعض انا بصراحه لانى متعود ع الصحوبيه مع ناس كتير
اعتبرتها صاحبتى كانت اول مره اصاحب بنت في حياتى ع فكره عمرى اقسم بالله ماروحت كلمت واحده ع الواقع وقلتلها انا معجب بيكي
او عاوز اتعرف عليكي لانى بتكسف بصراحه من البنات المهم .. البنت اللى اتعرفت عليها من ع الشات قالتى في يوم بحبك وقالتى بس زى اخويا
وقالتها كذا مره وانا قلتلها وانا كمان بحبك زى اختى وفي يوم قالتلى بحبك جدا من غير كلمه زى اخويا انا فهمت وانا مكدبش عليكم
بعد ما قالتهالى كدا من غير اخويه كل شويه افكر فيها قبل مانام وانا وبصحي وانا وشغال وفي كل وقت كنت بفكر فيها
وقلتلها الكلام ده وهي كمان بدات تصارحنى بمشاعرها تجاهى واقسم بالله العظيم اللى كله بيخاف منه انا حبيت البنت دي اكتر من اى حاجه تانيه في الدنيا وحبيتها اكتر من نفسي واديتها من وقتى كتير اوى وكنت بقول مش خساره فيها هي فعلا غيرت فيا حاجات مكنتش بصلى علطول نصحتنى بالصلاه .. والتزمت بالصلاه .. هي مصريه بس عايشه في دوله عربيه غير مصر مع اهلها .. هي مكانتش محجبه وطلبت منها اشوف صوره ليها
وكانت هبتعتلى واحده من غير حجاب قلتها لا لازم تلبسي الحجاب احنا مسلمين وكدا يعني ولبست الحجاب .. والله اعلم اذا كانت لبسته ولا لا
انا عمرى ماكلمتها كاميرا ولما بعتتلى صورها كانوا صورتين وصوره لاختها لانى كلمت اختها .. وبعدين بعتتلى صورتين ليها وواحده لاختها
بالصدفه او القدر لقيت صورتها على موقع ولقيت صوره اختها ع موقع تانى .. انا اتصدمت صدمه عمرى وقلتلها قالتى صوره اختى كانت مره منزلها ع النت هي وصحابها وشكلها كدا اتسرقت ع موقع تانى .. ماعلينا انا مصدقتش اوى بس عديتها لاني بحبها بجد .. بالنسبه لصورتها قالتى انا مره حطيت صورتى ع الفيس بوك يمكن حد سرقها.. بدات اشك ان دي صورتها وان دي صوره اختها .. عديت بمزاجي عشان بحبها وهي الحب الاول في حياتى .. مره اتصلت بيها واخوها كان جنبها وكلمتنى ع اساس انى بنت وبعدبن قالتلى انت اتسببتلى في مشاكل كتير اوى وانا اضربت بسببك انا والله كان حد ضربنى بمرزبه فوق راسي لما سمعهتا مكنتش اتمنى في يوم انى اكون سبب في تعساتها بعدين قلتها خلاص مش هتصل بيكي تانى غير لما انتى تتصلى متصلتش تانى اتصلت انا واعدت حوالى شهر اتصل  بالله عشان اتصل بيها
واقول يمكن الفون مش بيجمع ومتردش عليا وكنت عايش اسوا ايام حياتى فعلا ومره انا وفي الشغل اعدت اعيط كتير اوى وسبت الشغل واخدت اجازه يومين وانا راجع من الشغل وفي الشارع بعيط والله وكان جنبي جامع ومقدرتش اصلى ظهر الجمعه ساعتها ولما روحت البيت مهديتش بكيت اكتر .. ومره وانا بصلى العصر اعدت ا دعيلها بخشوع لانى حاسس انى انا اللى اتسببت ليها في مشاكلها وعيط ييجي نص ساعه .. وهديت شويه ..عدا 20 يوم متصلتش تانى لان اخوها اخد منها الفون او هي غيرت الرقم مش عارف .. وبعدين كنت فاتح الميل وراحت هي فتحت بعد غياب شهرين تقريبا والله عدوا عليا كانهم سنين كتير كنت كل يوم بموت .. انا مكنتش اعرف نفسي انى انسان عاطفي بالشكل المبالغ فيه ده والله يا جماعه مكنتش بكلم اى بنت ع الفيس او حتى اضيفهم عندي وفي بنت كمان كانت نفسي ارتبط بيها هي عايشه هنا وبنت كويسه بس انا لما حبيبت مكنتش شايف غيرها وكنت بخاف حتى اجرحها بكلمه مش بفعل لما فتحت بقي قالتى ان اخوها ضربها وكسرلها ضلع وان غيابها كان غصب عنها عديت وصدقت لانى بحبها لا بعشقها بجد من كل قلبي احنا كنا بنبعت رسايل لبعض ومكالمات قليله جدا ..
وهي عمرها ماتصلت بيا ولا مره احنا نعرف بعض من سنه بعدين كانت تكلمنى يوم وتغيب اسبوع وانا افتكر ليكون اخوها عملها حاجه تانى
وابعتلها رسايل ساعات ترد وساعات لا انا تعبت بجد ساعتها واما بقي بالنسه للوقت الحالى بقالنا حوالى شهرين متكلمناش لانها مش بتفتح
وانا تعبت ودخلت المستشفي واعدت حوالى 20 يوم بسبب اللى حصل ولما صاحبي شافنى هموت كدا هو معاه باسوردي راح داخل عليها وبعتلها رساله وقالها انى بموت ومحتجلها جنبي راحت هي بعديها بيومين بعتت رساله وقالت والله غصب عني اخواتى فصلوا النت وانا ححاول بكره اخرج اكلمك   .. طب ليه متصلتش بيا ع الفون تتطمن حتى عليا بكلمه واحده مانا ياما عملت عشانها واتعذبت بجد وكنت هموت خلاص
هي بعتتلى الرساله ياما من سايبر ياما من بيتهم معرفش وقالت عمرى ماهسيبك ع كلام صاحبي وانا عملت مشكله مع صاحبي عشان هو عمل كدا
عشان مكنتش عاوزها تقلق عليا .. وبعدين خرجت ولا بعتت رساله ولا حتى رنه هو انا بعد الحب ده كله مستاهلش حتى رساله مش رنه تليفون
وبعدين كلمت اختها بالصدفه من كام يوم وقالتى ان اختها اللى هي حبيبتى جاتلها جلطه او اغمى عليها ومش بتفقوق وما بين الحيا والموت
سالتها ايه السبب قالتى ان اخواتى عاوزين يجوزوها بالغصب وهي عاوزاك انت .. طلبت منها اسم المستشفي لانها نزلت مصر قالتى معرفش غير المكان الفولانى اللى هم فيه انا انهارت بجد وكنت هموت والله لما قالتى كدا انا كل ده وانا مش عارف الكلام ده كله حقيقه ولا اشتغاله مانا مش شايف حاجه كمان انا طلبت اننا نتكلم مايك وعملت ان هي سامعانى بس انا مش سامعها .. الكلام ده من 5 ايام .. انا حاسس ان هيجيلي اكتئاب بسبب التفكير انا لا برد عاصحابي ولا بخرج ولا بقابل حد وفي الشغل مش بكلم حد كويس .. يعني حياتى اتغيرت كتيرر  اوى للاسوا
انا مش عارف اخد قرار اول مره في حياتى اكون متردد عاوز اسيبها لانى مش قادر وتعبت وخايف اكون ظلمتها ولانى لو اخدت قرار بالبعد عنها
مستحيل مستحيل بمعنى الكلمه انى ارجع في قرارى .. قبل ما اخد اى قرار هشوف ردود حضراتكم ايه وهاخد بيها لانى بثق فيكم جدا
لانى انا كمان بكتب ردود هنا كتير قولوى بالله عليكم اسيبها ولا اعمل ايه انا انسان شبه ميت ع فكره انا قلت لاختها انى هكلم اخوها واتقدملها في التليفون الغايه مانزل بعد كام شهر عشان تبقوا عارفين بس وشكرا واسف انى طولت بس بالله عليكم في الادراه نزلوا مشكلتى ابوس ايدكم

مشاكل وحلول ذات صلة

اضيف بتاريخ: Monday, June 25th, 2018 في 00:15

كلمات مشاكل وحلول: , , , , , , , , ,

ردود to “حاسس ان هيجيلي اكتئاب بسبب التفكير”

  1. ابوالبتول
    28/06/2018 at 08:37

    يابني قول لااله الا الله انت شاب كويس وعلى دين وخلاق ومن عيلة محترمة ليه تعمل كلدا في روحك علشان وحدة بنت تعرفت عليها من خلال الشات ومش عارف ان اي علاقة من خلال الانترنت تكون كلها غير صحيحة ولاصادقة وفيها الكثير من الخداع والاكاذيب والتضليل كما حصل لك مع البنت دي التي قدرت تسلب عقلك وتفكيرك بمشاعرها الكاذبة والمزيفة وتظاهرت لك بانها مثل الملاك وهي في الحقيقة شيطانة كبيرة وكل كلامها لك وتصرفاتها معك يوكد انها كذابة ومخادعة وتعمل كده مع كثيرا من الشباب المغفلين امثالك سورى ماتزعلش منى على اللفظ ده لكن دي الحقيقة التي لزوم تعرفها جيدا وتفوق لنفسك من الاوهام اللي انت عايش فيها وتلتفت لروحك ولمستقبلك قبل فوات الاوان حرام عليك تضيع عمرك ووقتك على حاجة ماتستاهلش ابدا وتعطي قلبك ومشاعرك لوحدة ساقطة كهذة البنت التي تعرف شبان بعدد شعرراسك وصدقني انها عمرها ماحبتك ولافكرت فيك وكل تصرفاتها معك تدل على فساد خلاقها ابتعد عنها واقطع علاقتك بها للابد واياك والانخداع فيها مرة اخرى او محاولة الاتصال والرد عليها انساها خالص وارميها وراء ظهرك تماما وربنا بيكرمك يابن الناس في بنت الحلال الصالحة التي تستاهلك وتقدرمشاعرك وتصون شرفك وكرامتك وتسعدك العمر كله

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة