مشاكل العقم

الشفقة بتقتلني وزهقت من علاج تكيس المبايض

السلام عليكم ورحمه الله وبركاته
انا يا جماعه متزوجه بقالى 3 سنين ومشكلتى هى تكيس المبايض جربت علاجات كتير للتكيس كتير ومفيش فايده
نفسيتى تعبانه ومش قادره اتكلم مع اى حد عشان مبحبش نظره الشفقه من اى حد
والله عارفه انها ارازاق ومؤمنه بكده الحمد لله بس من اللى بشوفه من حواليا اخواتى واصحابى
وجيرانى ربنا رزقهم والله مش بحقد عليهم بس بيصعب عليا نفسى البيت فاضى عليا وزهقت من العلاج والادويه
مفيش فى ايدى غير اقول يا رب
السلام عليكم ورحمه الله وبركاته

مشاكل وحلول ذات صلة

اضيف بتاريخ: Sunday, November 5th, 2017 في 07:43

كلمات مشاكل وحلول: , , ,

4 رد to “الشفقة بتقتلني وزهقت من علاج تكيس المبايض”

  1. ابواميرة
    06/04/2020 at 11:23

    يااختي لازم تعرفي ان من أسباب تكيس المبايض عند المراة – زيادة الوزن – واضطرابات هرمونية – والقلق والاكتاب يعني الحالة النفسية – كذلك قلة الحركة وعدم ممارسة الرياضة دي من أسباب التكيس في المبايض وتمنع حدوث الحمل عند الست المتزوجة لذانصحك بالاعشاب الطبيعية فهي نافعة جدا ولاتضر مثل مشروب القرفة معلقة منه مع كوب ماء ساخن وتنشرب يوميا – أيضا بذور الكتان تنشرب مع الماء او تضاف للاكل وهي مفيدة جدا في تنظيم هرمون الجسم وتساعد على تخلص التكيس وخفض الكولسترول في الدم ولاتتنسى ممارسة الرياضة مهم جدا وتقليل من الوزن الزائد وربنا يكرمك ويؤفقك

  2. البرنس
    06/09/2019 at 16:34

    لو انت تعاني من السمنة فلازم تقلل من الوزن لانها مهمة في علاج تكيس المبايض ومثلما قال لك الاخ -ابوالبتول – القرفة – النعناع -بذور الكتان- دي مفيدة جدا في تخلص من تكيس المبايض وتساعد في انتظام الدورة الشهرية وان شاء الله ربنا بيرزقك بالذرية الصالحة في هذة الحياة

  3. يمكن اساعد
    01/03/2018 at 13:35

    اولا لو فيه زياده وزن لازم تتعالج لانها مساعده لتكيس المبايض
    وع فكره زياده الوزن بتبقى نتيجه كمان للتكيس

    طيب تعملي ايه

    لازم الدكتور هيمشيكي ع ادويه منشطه لفتره ومعاها كلوجوفاج او سيدوفاج جرعه 1000 مرتين في اليوم وده بيقلل حساسيه الخلايا لانسولين وبيعالج التكيس

    من تجارب ناس حوليا بالادويه دي بعد سنه تم الحمل عند اكتر من قريبه او زوجه صديق

    بالنسبه لمشاعرك دي انتي غلطانه

    الاول : الانجاب دي هديه من ربنا ورزق ليكي في ميعاده وهيجي في انسب وقت ليكي ولزوجك وللبيت …ادعي ربنا انه يقرب يوم نعمته عليكي

    ثانيا : الي حواليكي من حبهم فيكي فبيشجعوكي انك متيأسيش ليه نشوفها انها شفقه مش يمكن ده حب واهتمام بيكي ؟ دي حاجه تفرحك وتديكي دفعه لقدام انك ع بال الناس ومهتمين بفرحتك كده ولا ايه؟

    وثالثا : شوفي دكتور نجح معاه حد بنفس حالتك وركزي معاه في الدوا والتعليمات واصبري …نعمه ربنا كبيره وقريبه لانه حواليكي وبيحبك …انتي مش عارفه ميعاد وصولها لبيتك …لو رئيس البلد هيزوركم مش هتستعجلي زيارته..فما بالك بنعمه ملك الملوك المولى عز وجل؟

    انتي اقوى من كل ده

  4. ابوالبتول
    07/11/2017 at 08:47

    الاخت العزيزة السلام عليكم ورحمة الله وبركاته قرات مشكلة التي عندك وتالمت جدا لماحصل معك وعايز اخبرك ان علاج تكيس المبايض الذي تعاني منه علاجه بالاعشاب وهو مجرب وقد كانت اختي مثلك تماما تعاني من تكيس في المبايض ولم ينفع معه اي علاج طبي قد وصف لها علاج بالاعشاب واستخدمته والحمدلله وشفيت من مرضها وحملت وصارت اليوم ام ل4اولاد ومكونات الاعشاب 1-مشروب القرفة تاخدي ملعقة من القرفة وتضيفها في كوب ماء ساخن وتشربيها يوميا فانه يساعدك في انتظام الدورة الشهرية والحد من نكيس المبايض 2- مشروب النعناع يساعد كثيرا في تخلص من نكيس المبايض وخفض هرمونات الذكورة عند المراة ويزيد من هرمون IH3ايضا 3-بذور الكتان لها فوائد كثيرة يمكن شربها مع الماء الدافئ او اضافتها للطعام وهي تساعد كثيرا في تنظيم هرمونات الجسم والتخلص من مشاكل تكيس وخفض الكولسترول في الدم وعليك بممارسة الرياضة بانتظام والتقليل من الوزن الزائد وتمنى لك دوام الصحة والعافية وبان يرزقك الله بالخلفة الصالحة في حياتك في القريب العاجل ان شاء الله

اترك رداً أو حلاً لهذه المشكلة