مشاكل العقم

جوزي هيتجوز عليا بسبب مشاكل الحمل

انا متزوجه من 4 س وحصلي اجهاض 3 مرات ولم يكمل وبعدها حملت وولدت طفل لكنه توفي بعد4 اسابيع وقالت الدكتوره لابد من اخذ منع حمل لمده سنه عشان الولاده قيصريه وبعد سنه ونصف حملت لم يكمل ونزل بعمليه تفريغ وبقالي سنتين ونصف لم يحدث حمل وطول هذه الفتره كان زوجي يقول لي لو محصلش حمل خلال السنه دي انا هتجوز وكنت دائما عايشه في توتر واقول ان شاء الله هيرضيني لكن من شهرين عملت عمليه منظارواكتشفت الصدمه الكبري ان دكتوره الولاده سددت ليا قناه فالوب يعني نسبه الحمل الطبيعي بقت قليله ولكن لي حقن مجهري طبعا اول ما زوجي عرف قرر الزواج وانا مصدومه وقال انه يدفع فلوس الزواج اضمن من انه يساعدني في عمل حقن لانه مش مضمون وراح اتقدم لوحده ورفضته عشان انا معاه انصدمت اكتر لكن امي قررت ان تعملها ليا وعملتها ولم تنجح ولكن لي اجنه مجمده تسمح لي بترجيع لمده3 محاولات كل شهرين اعمل محاوله لان لي اجنه كثيره لكني مش عارفه اقرر اعمل ايه انا بحب زوجي جدا وبغير عليه ومش قادره اقتنع بوجود واحده تانيه وهو لا يريدني انا انفصل ويقولي اقعدي في شقتك احسن انا بحبك وبخاف عليك ومش هسمح لاي حد يهينك بكلمه هو بيصلي وبيراعي ربنا لكني متردده وزعلت منه انه محاولش يساعدني واستخسر يدفعلي جزء من الفلوس وانه راح اتقدم لوحده بسرعه وكل ما اقرر امشي اري الحزن في عنيه ويدمع ويقولي انا بحبك خليك معايا ويقولي انا سني كبر34س نفسي اخلف عشان الحق اربيهم واجي اقوله اصبر يقولي انت انانيه واهله يقولوا ان كل هذا بسبب نيتي الوحشه وبلاخص بعد موت بنتي وكمان مش عندي دم لاني لسه قعده وعارفه انه هيتجوز واني بلاء لهم طول العمر لانه وحيد وبيغيروا عليه رغم انه بيحبني انه كان بيعيرني كثيرا بسبب موضوع الحمل انا مش قادره اسيبه ومش مستحمله انه يتجوز وخايفه اسيبه احس اني غضبت ربنا ويعاقبني بزوج اسوا او مطلق ويرجع زوجته تاني وخايفه افضل معاه اندم لما احس انه اتغير وبداءت كرامتي تروح رغم اننا متفاهمين جداان الموضوع ده هو سبب بعدنا عن بعض والله انا زوجه كويسه ومش بزعله خالص وهو بيشهد بكدا قدام اهله كلمهم عشان كدا مامته متضايقه انه باقي عليا وبيحبني انا واهله مش بنتكلم رغم انه له اخوات كتير طب لما تيجي واحده تانيه هنتعامل ازاي في وجود اهله اكيد انا مش هستحمل الوضع ده انا تعبت كتير ونفسيتي تعبت واتبهدلت كتير وفي النهايه محدش حاسس بيا اهلي بيقولولي ده قرارك عشان متندميش عليه وبحس انهم عاوزني اسيبه لان اهله وحشين انا وحيده لابعد الحدود وبقيت اتمني الموت عشان حاسه ان ربنا ارحم بيا ولا حول ولا قوه الا بالله والله انا مقتنعه انه هيرضيني من عنده بس سبب زعلي زوجي ومش عارفه اخد قرار رجاء تساعدوني

مشاكل وحلول ذات صلة

اضيف بتاريخ: Wednesday, September 13th, 2017 في 06:22

كلمات مشاكل وحلول: , , , ,

3 رد to “جوزي هيتجوز عليا بسبب مشاكل الحمل”

  1. ابوالبتول
    13/09/2017 at 13:03

    اختي العزيزة السلام عليكم ورحمة الله وبركاته وكل عام وانت بخير هوني عليكي وماتزعليش من زوجكي ابدا وعاوزكي تسمعي كلامي للاخر واعتبرني زي اخوكي الكبير اللي عاوز مصلحتكي والخير لكي انت مؤمنة بالله عزوجل اكيد طبعا وعارفه انو ربنا بيعطي اناس الخلفة وبيحرم ناس منها وده لحكمة ارادها الله عزوجل ولانعترض على قضاءه وقدره علينا في هذة الدنيا لكم 4سنوات عمر زواجكما وكل مرة يحصل معاكي اجهاض وتفقد الحنين وروحت لدكتورة واغلقت لك قناة فالوب واصبح من غير الطبيعي حصول حمل معاكي كان المفروض ترفع شكوى على تلك الطبيبة وعلى المستشفى وتطالب بحقك من التعويض والاهمال اللي حصلكي من تلك الطبيبة والقانون في صفكي يللزم ادارة المستشفى والدكتورة بدفع كافة الاضرار التي لحقت بكي وتاخذي حقكي من التعويض وبامكانك الان البدءفي اجراء الدعوة على المستشفى وحقكي مايروحش ابدا طالما معكي مايثبت من التقارير والمستندات الطبية التى كنت تراجع بها المستشفى وموضوع زواج زوجكي من اخرى فالرجل معذور يااختي نفسه في اولاد يحملون اسمه ويفرح بهم مثل بقية الاباء وماحدش يلومه لو فكر واراد الزواج لانو ده حق من حقوقه الشرعية حتى لو كنت انت سليمة وتخلفي وعندك اولاد منه فده مايمنع انه يريد الزواج ويرغب فيه استهدي بالله وماتخربيش بيتكي وارضي بالامر الواقع وطالما ان زوجكي بيحبك ومتمسك بكي ولايريد الانفصال عنكي فهو ابن حلال كويس ويقدر العشرة ويخاف الله عزوجل وومالكش دعوى بااهله وحشين على نفسهم ولاتفكري في كلامهم او مايقولوه عنكي طالما انكي تحبي زوجكي وهو بيحبك ومتفاهمين على كل شي في حياتكم عاوزكي تفرح لفرح زوجكي وتتمنى له الخير والسعادة وان الله يكرمه بالخلف الصالح في حياته سوا منكي اومن غيركي وصدقينى دام هو بيخاف الله عزوجل ويحبكي فلن يظلمك ابدا اويقصرمعاكي في شي وبيحافظ عليكي ويصون كرامتكي ولن يتخلى عنكي ابدا والطب اليوم في تطور وتقدم وسوف تجدي حلا لمسالة الانجاب والخلفة ااكثري من الدعاءلله عزوجل والتقرب منه في صلاتك بان يرزقكي الله بالخلف الصالح في حياتكي وتاكدي ان ربنا فضله كبير وكريم وعظيم بيرزقكي من حيث لاتحتسب وبيفرج عنكي ماانت فيه فهو القادر على كل شي يقول للشي يكن فيكون سبحانه وتعالى واياكي وتمنى الموت او الدعاء على نفسكي فده حرام ولايرضي الله عزوجل عيش حياتكي وارضي بماقدره الله لكي واصبري فجزاء الصابرين جنات عرضها كعرض السماء والارض اعدها الله لعباده المتقين الصابرين حفظكي الله ويسراموركي ورزقكي الله بالخلفة الصالحة واسعدكي في حياتكي اللهم امين يارب وكل عبادك المسلمين

  2. كريم نور
    13/09/2017 at 10:59

    الخلفة دي بتاعة ربنا انتي حاولتي كتير قربي من ربنا ادعيلة واهم حاجة الصدقة الخفية اتبرعوا بملغ لمسجد محتاج سجاد او برادات او الفقراء … لو هو مصمم ع الجواز دا حقه ومينفعش تمنعيه عن دا لان ربنا محلل دا متخليش انانيتك تسيطر عليكي ممكن دا اختبار من ربنا ولنا ف سيدنا ابراهيم عبرة راجعي القصة لو مش متذكراها … متدخليش اهله ف مشاكلكم ان والدته مش بتحبك والكلام دا لان دا هبل انتي اكبر متن كدا خليكي هادية وصبورة وربنا يسعدك ويرزقك بالخلف الصالح

  3. ابراهيم
    13/09/2017 at 09:30

    السلام عليكم ورحمة الله وبركاته
    زوجك من حقه ان تزواج الثانيه
    ام انتي عليكي بصبر والبقاء معه اذ كان تعامله معاكي اكويس بعد زواج فكملي معاه
    وان كان تعامله مش كويس بعد زواجه بالتاني ولا تستطيع الصبر علي تعامله معاكي الطلقي بس كده

    الصبري وشوفي معاملته معاكي بعد الزوج
    اذ كان اكويس في المعامله معاكي كملي بس كده

اترك رداً أو حلاً لهذه المشكلة