مشاكل العنوسة

محتارة استنى حبيبي رغم الوقت مش في صالحي

انا أبلغ من العمر 30 سنة تم خطبتي لواحد كنت بحبه كان زميلي في الشغل حصلت مشاكل بين الأهل وتركته وبعد سنة إتخطبت لإبن خالة مامتي بس في النسب كل الناس بتظهر على حقيقتها طلع أنه أي حاجة بيعرفها لمامته ورأي مامته هو اللي ماشي بالرغم من أني وافقت بيه عشان مني وحايصوني بس هو كان بيشتغل خارج مصر وميسور جدا وبالرغم من كدة بخيل جدا ومش بخيل ماديا بخيل عاطفيا كان يحكم عليا وانا لسة خطيبته اني أروح أخدم أمه وخدمة بمعنى الكلمة إتنازلت وكنت بروح وكل مرة طالباتها تزيد بالرغم من أنه عندها بنت ايوة هي متجوزة بس كانت معتمدة عليا إعتماد كلي وعندها زوجة أبن تانية مش كانت بتعملها حاجة عارفة انها غلطتي عشان اتنازلت بس كانت بتعصب عليا هي من النوع اللي اللي براها غير اللي جواها كانت تبكي عشان اساعدها وانا هبلة واتكتب كتابي وبعدها حصلت مشكلة بسبب اني جبت شبكة ب5000 الاف مع ان مرتبة في الشهر اكتر من المبلغ دة ودي الحاجة الوحيدة اللي جابها ولا هدايا ولا غيره ولا عمري طلبت لاني مش من النوع اللي يطلب مامته بعد الموضوع دة ابتديت تتلككلي وفي يوم مش روحتلها كنت تعبانة اشتكت لابنها وبهدلني في التليفون وليه اني اقول تعبت من الشغل اللي مامته بتشغلهولي قالي انا جوزك وتسمعي كلامي قولتلو انا لسة في بيت اهلي قالي خالي اهلك ينفعوكي سبني معلقة سنة ولا اتصالات ولا غيرة وفي نيته يتركني بس لما اشوف حلمة ودني زي ماقال رفعت قضية طلاق وعشان حاكسبها طلقني عشان يكون هو اللي سابني قدام الناس كان فيه حد في حياتي قبل خطوبتي بقريبي ماكنتش لسة بحبه لما ظهر قريبي قلت اللي اعرفه احسن وانا جربت الغريب اجرب القريب يمكن يصوني الحد دة ظهر في حياتي من تاني هو مش مصري فلسطيني بس والدته واهلها مصريين الجنسية دي من والده مع انه عمره ماشاف فلسطين بس كان بيدرس في الكويت لما نزل مصر عمل مشروع صغير على قده بس المشروع فشل وبسبب المشروع دة كان اخد اقامة اشتغل في شركة بس لما اقامته انتهت الشركة استغنت عنه وكان خلاص جاي يتقدم وقالي قولي لاهلك وحدد ميعاد لما حب يظبط اقامته من تاني عشان يستانف حياته في مصر اللي بقالها اكتر من 5 سنيين بس مشكلته انه تم رفض طلبه نهائي دلوقتي قدامه انه يسافر امريكا اخد التأشيرة ولسة في شوية اجراءات حتاخد وقت حايسافر ويرجع يتجوز وياخدني معاه هو انسان بمعنى الكلمة وراجل جدا وبحبه موووت وبيحبني جدا ومتمسك بيا حايتقدملي قبل سفره وحايسافر ويرجع ياخدني بس كل دة بياخد وقت طويل جداااا وفي خلال الوقت دة بيتقدم ناس يتجوزوا بسرعة أهلي بيقولو مش تستني حد أنا اصلا عرفت اهلي كل حاجة عنه بس رأيهم بلاش دة عشان مش مصري وعشان حاتستني هما بيقولوا بلاش نصيحة بس هما سايبين القرار النهائي ليا وخصوصا بعد موضوع كتب كتابي إللي هما كانوا السبب فيه وسبتهم يقرروا على اساس انهم كبار وفاهمين عني بس قررت ان الموضوع دة قراري انا وهما عليهم النصيحة ويكونوا جانبي عشان انا اللي حاعيش بس ساعات بتيجي عليا اوقات بخاف اني استنى وخصوصا ان سني مش صغير اه انا شكلي يدي اصغر من سني ب5 سنين ويمكن اكتر كمان بس موضوع الخلفة أختي خوفتني ان التأخير في الجواز ممكن يأثر على أني أجيب بيبي ومين الراجل اللي يقبل أنه مش يكون في اولاد محتارة بجد أنتم رأيكم ايه اسيب حب عمري عشان حاستنى وأشوف حياتي مع حد مش أعرفه ولا أستنى حبيبي بالرغم من أن الوقت مش في صالحي ؟

مشاكل وحلول ذات صلة

اضيف بتاريخ: Monday, January 3rd, 2011 في 03:24

كلمات مشاكل وحلول: , , , , ,

9 رد to “محتارة استنى حبيبي رغم الوقت مش في صالحي”

  1. اريج الحائرة
    24/09/2011 at 06:07

    hhاختي الفاضله والله انا مشكلتي قريبه منك جدا انا برضو حبيت شخص واتعلقت بيه وحسيت وقت قريت رسالتك اني انا اللي بحكي بس والله مافيش حل الا التقرب من الله سبحانه وتعالي ونسيبه للنصيب بس اوعه تدايقي نفسك او تزعلي فربنا قادر علي اي شئ ولو فيه النصيب حتونوا لبعض وربنا يوفقك ويجعللك من نصيبه ويجعله ليكي زوجا صالحا عاجلا وليس اجلا ويجعله لكي قرنه عين ويجعلك له قرنه عين ويرزقكم الابناء الصالجين امين يارب العالمين .

  2. شوشو
    28/08/2011 at 04:53

    والله انا مثلك بس سيبت الامور لله وصليت استخارة ومااحسيت اني بقدر اكمل فقلت ربي يعوضني خير وصدقيني يمكن ربي كاتبلك اشياء حلووة كثييرة انتي ماتعرفي عنها فاي شي يصير قولي خير ترا الحب في هذا الزمن ما ينفع ومحد يسلم قلبه لاحد انا مسكت قلبي ومستحيل اسلمه الا لزوجي اذا كان يستااهل بس

  3. HanyMoh
    17/02/2011 at 04:42

    قرأت قصتك واستنبط حلا قد يكون جيدا…..

    أختي الفاضلة…

    طالما أنك تثقين في الرجل الفلسطيني هذا وتمتدحينه بالكلمات فأنا أرشحه لك ولكن بشروط….

    1- أن تكتبا عقد الزواج قبل سفره وليس خطوبة فقط…

    2- أن يُحضر لك شبكة بمبلغ لا يقل عن عشرة آلاف جنيه…

    3- لو تمكن من عمل الزفاف وشراء شقة لك لكان أفضل…

    حتى لا تتعلقي به ويذهب بلا رجعة وتكوني أنت الخاسرة…

  4. منى
    17/01/2011 at 21:23

    اختى ما تستنيش حد مفيش حد يستاهل عن تجربه

  5. جبل هم و مشاكل
    09/01/2011 at 21:00

    اختى القاضله انا لست ضد الزواج بمسلم يخاف الله اى ان كانت جنسيته ولكن حسب كلامك ان الاخ لسه حيجيب فيزا ويسافر لامريكا وبعدين يرجع يتجوز وياخد صدقين انا اعيش فى اوربا واعلم جيدا ليس بالسهل زى ما انتى متصوره حيسافر وفى مسافه سنه حيرجع ياخد ابدا دى حبالها طويله جدا لحد ما هو الاول يعمل اوراق والله اعلم كم تستحق من الوقت معه وبعدها لازم يجد عمل ويتقن اللغه جيدا ودخله يكفيه ويكفى شخص اخر كى يصرحوا له بانكى تذهبى له هذا موال طويل جدا وانتى سنك ليس 18 سنه وانتى ليه تنتظرى وقت طويل والله اعلم ماذا يجرى بعده فحرام عليكى الانتظتر وكما قال الاخ eng/mohamed الحب ياتى بعد الزواج وليس قبل الزواج قبل الزواج يسمى اعجاب فقط انصحكى عندما يطرق بابكم ماترضون دينه فاقبلى فتزوجيه بارك الله فيكى

  6. mogtareb
    03/01/2011 at 14:37

    السلام عليكم
    اولا – اختي الفاضلة دعيني اقول لك وبما يرضي الله
    1- في ما يخص خطيبك انتي السبب في كل ما جري لانك كنتي انسانة سلبية في كل شيء وكيف تقبلي علي نفسك ان تكوني خادمة قبل الزواج – نعم المساعدة مطلوبة وصلة الرحم مطلوبة ولكن في حدود وانتي آسف تنازلتي عن الكثير بسبب ان خطيبك ثريا ومعه من المال فاغراء المال في السراب جعلك تقدمي تنازلات اصبحت بالنسبة لخطيبك ووالدته شيء مقدس
    2 – بالنسبة لزواجك من اجنبي ولا ادعو الي تفرقة عنصرية ولكن بناء علي تجارب الكثيرات وخاصة انني كنت اعيش بالكويت عمرا طويلا
    اليك نتيجة الزواج فيما بعد
    تخيلي معي انك انجبتي طفلا
    ماهي الجنسية التي سوف يحملها طفلك
    وسوف يلاقي ما لاقاه والده من تشتت وايضا لن تستطيعي ان تدخليه اي مدرسة وحتي لو كان اين يعمل بعد تخرجه واين ستكون اقامته
    اعتذر مسبقا للاخوة الفلسطنيين ولكن هذه الحقيقة لاننا لسنا في منبر سياسي ولا نناقش امرا يخص القومية العربية
    اعتقد انك تتجهي لله وتطلبي ان يوفقك في ابن بلدك ولكن دون تقديم اي تنازلات وان تكون شخصيتك هي في المقام الاول

  7. الماسة السمرا
    03/01/2011 at 12:46

    أولاً انتى محددتيش لو استنيتى حبيبك دة هتستنى أد ايه .. كمان بصى نصيحتى ليكى .. اقترحى عليه انه يكتب الكتاب ويسافر ويبعت ياخدك على طول وربنا يوفقك ولو وافق يبقى كويس ولو رفض .. سيبيه

  8. mada
    03/01/2011 at 11:20

    نصيحه بجد وربنا يعلم سبيه احسن وصلى لله وادعيلوه انه يبعتلك نصيبك مهما طال العمر ثم ربنا وحده كاتب على كل شخص مين نصيبه من قبل مايتولد فخليكى على يقين من الله كتير بنعشق ولا بنطول وبيبقه حلم اخرته خساره من عمرنا فى كتير شباب احسن منه نفسهم فى احترام بنت ليه وربنا يرزقك خير

  9. eng/mohamed
    03/01/2011 at 07:42

    سيدتى الجميله
    أرجو ان تتقبلى رئى على انه وجهه نظر فانا ما اراه بموضوعك انك حكمتى قلبك فى الموضوع ومحتاره فى تحكيم عقلك لكن الحمد لله الذى اعزنا بالاسلام ولم يترك لنا مجالا للحيره والحل بسيط جدا بان تتقربى الى الله وتصلى صلاه استخاره وسيجيبك ملاكى وخالقك بالرد الذى لن يستطع اى مخلوق بافادتك به مثله لانه هو العليم الخبير
    ملحوظه
    انا رجل متزوج ومسلم ولله الحمد ومن خلال زواجى فعلا تاكدت بانه لا حب الا بالزواج على سنه وشرع الله لانه يكون حب مشمول برعايه الله لا لشهوه و اى غرض دنئ حب عشره والعفه
    تقبلى تحياتى

اترك رداً أو حلاً لهذه المشكلة