مشاكل المطلقات

تزوجت اربع مرات لكن محرومة من الحب

لية كل ست تطلق مرة ولا اتنين تلاقى كلام الناس كتر عليها انا بجد تعبت انا عندى 28سنة من زواج وطلاق علشان اريح اهلى زوجونى 4 مرات دون راى ودلوقتى مش عايزنى اقعد وبيدور على عريس يجوزوزنى انا زهقت وبقيت اخاف من الفشل بس انا مخنوقة وحاس ان اهلى بيضغطو عليا فى الجواز علشان خايفين من المسؤلية رغم ان محدش بيصرف عليا ودايما بشتغل وشايلة مسؤليتى لكن هما عايزين اية منى عايزنى اتجوز لية انا تعبت من كتر الرجالة الى فى حياتى وعندى ولد من زوجى الاول ياترى بكرة الناس هتقولة اية وكمان انا عايزة اعيش لوحدى اة تعبانة من وحدتى لكن ارحم من واحد ابن امة وعايش حياتة كلها لامة وهما يبهدلو فيا وراجل ياخد شقايا ويصرفة على مزاجة او راجل خاين ويجبلى ستات فى بيتى او راجل متزوج غير اتنين وسايبنى ويجلى لما يكون بس عايز شىء انا تعبت من معاملة الناس ليا على انى جربة مبحسش انى انسانة غير فى حضن ابنى وانا وهو عايشين احسن حياه لكن من بعض قولولوى اتجوز لية انا ممكن اوافق لو واحد سنة مناسب ليا وكمان هيراعى ربنا فيا ويعاملنى كانسانة مش طالبة غير الستر لاعايزة مال ولا قصور لكن اهلى مش صابرين عليا فى 12 سنة 4 جوازت لحد ماكرهونى فى الرجالة

مشاكل وحلول ذات صلة

اضيف بتاريخ: Tuesday, December 4th, 2018 في 01:13

كلمات مشاكل وحلول: , , , , ,

3 رد to “تزوجت اربع مرات لكن محرومة من الحب”

  1. ابواميرة
    06/04/2020 at 10:21

    لاتلقي باللوم على اهلك في كل مايحدث لك فهم يريدوا الستر والعفاف لك لكنك غير متفهمة حقيقة الحياة الزوجية ولاتصبري فالحياة أساسها التفاهم بين الزوجين لكنك فاقدة هذا الشئ تماما ودا جعلك تكوني فاشلة في زيجاتك الأربع كلها وقد تستمري على هذا المنوال لو تزوجت مرة أخرى لابد ان تعرفي ان الحياة الزوجية تكون قائمة على الصبر والتضحية والإخلاص والالفة والمودة بين الزوج وزوجته وعليك ان تعرفي ازاي تسعدي نفسك وتسعدي جوزك وتحافظين على استمرار حياتكم الزوجية واستقرارها وربنا يستر عليك ويكرمك بابن الحلال اللي يسعدك ويستاهلك

  2. البرنس
    24/07/2019 at 16:55

    يعني كل 3 سنوات وانت متزوجة من رجل اخر 3في 4=12 سنة ربما كان اختيارك كان سئ للزوج في المرة الاولى ولكن لانعذرك في المرات الاخرى خليك صادقة مع نفسك ومع الناس وقولي لنا الحقيقة تماما عشان نقدر نساعدك في حلها لانو الكلام اللي تقوليه مش طبيعي خالص ومافيش اهل يعملوا كدا في بنتهم وكانها سلعة رخيصة يبيعوويشتروا فيها مع ان سنك صغير ولسه شابة 28سنة وبيحصل معك كدا لو كنت في سن 40 هيعملوا فيك ايه الزواج لابد منه لك وانت في السن دي ومعك ابن يحتاج للرعاية والتربية والاهتمام وقد لاتقدري على تحمل كلهذا لوحدك لوانت فعلا صادقة وجادة في موضوع الزواج فممكن اساعدك وابحث لك عن ابن الحلال اللي يستاهلك ويقدر ظروفك ويسعدك في هذة الحياة

  3. الشهيبى
    10/12/2018 at 02:11

    لو انت صادقه،،،خلاص اتجمزك واسترك. ،،،،،مستعد اعيشك احلى عيشه. ،،،بس انتى وافقى

اترك رداً أو حلاً لهذه المشكلة