مشاكل المطلقات

مطلقة وابني يرفض زواجي الثاني هل استمر

انا سيدة 44 سنة عانيت كتير من زواجى الاول وعندي ولدين 2 كلية و2 ثانوي وانفصلت عن ابوهم وربنا كرمنى برجل تتنماه اي سيدة وله اولاد وزوجته توفت وانا عندي القدرة الكافية ان اربي هذه الاولاد ومشكلتي في ابني الكبير انه نمرود واناني وطماع ولا يفكر غير في نفسه وتقريبا غير متقبل هذا الوضع ولا له علاقة بأبوه نهائي محتارة بالله عليكم اكمل مشوار زواجي الثاني ولا اعيش لاابني الاناني رغم ان هذا الزوج الجديد يتعامل معه بمنتهى الاحترام ولا يؤجر عنهم اي شئ ومحتوايهم تماما ومعاملته لهم احسن من أبوهم افيديوني بالله عليكم

مشاكل وحلول ذات صلة

اضيف بتاريخ: Thursday, January 20th, 2011 في 07:33

كلمات مشاكل وحلول: , , , , , ,

16 رد to “مطلقة وابني يرفض زواجي الثاني هل استمر”

  1. ابوالبتول
    30/08/2017 at 21:27

    عزيزتي انت شفت فيلم -الليلة الموعودة- لاحمدزكي وكريمة مختار وفريد شوقي كانت الام -كريمة مختار- وضعها زيك تماما تقدم لها راجل عاوز يتزوجها -فريد شوقي – وهي مخدوعة فيه تماما وتظن انه راجل يخاف الله وابن حلال كويس وهو عكس هذا رجل متزوج بااخرى ونصاب وبتاع خمرة ونسوان وله سوابق في النصب والاحتيال على عددمن النساءو هي وافقت عل الزواج منه ولاتعرفش حقيقته ابنها- احمدزكي – عارف الراجل حقيقة المعرفة ولما عرف ان امه هتتزوج الراجل النصاب الحرامي ده جاء ومنعها من الزواج منه وعرفها بحقيقته لكن بعدما تزوجت منه في السر واستولى على اموالها وذهبها ولا صدقت ابنها في الاخير بعدما خسرت كل شي هل تريدي ان تكون نهايتك مثلها وتخسرين اولادك واموالك وسمعة اولادك فاحذري قبل ان تتاكدي من هذا الراجل وتعرفي عنه كل شي عن دينه واخلاقه وتعامله مع الناس ومقدرته على تحمل اعباء حياة زوجية ومسوولياتها فان كان اهلا لذلك فلامانع من الزواج منه وابنك سوف يقتنع به طالما انك مقتنعة به ويرى انك هتكوني سعيدة معه في حياتكي

  2. الفهدالاسود
    15/03/2016 at 21:25

    حاب اذكرك بقصة حصلت لوحدة اعرفها حق المعرفة وهي كانت جارة لنا تبلغ من العمر 47سنة ومطلقة وعندها اولاد كبار الكبيرمنهم 26سنة والاصغر 16سنة وهي امراة ميسورة الحال معها عقارات ومحلات تجارية وتثدم لهارجل اكبر منها بقليل في 52سنة ومعه اولاد من زوجته المتوفيه والرجل كان يتظاهر بالصلاح والتقوي والدين امام كل الناس ولااحديعرف حقيقته وقررت الام الزواج منه رغم معارضة ابنها الاكبر وحصلت مشادة كلامية بينه وبينها بسبب هذالزواج وقررت ان تطرد ابنها من البيت رغم توسلات الناس والجيران لها الاانها خلته يترك البيت ويرحل من غيرمااحد يعرف عنه شي وتزوجت من هذالرجل وبعد مرور اكثر من سنة على هذالزواج جاءت الى والدي رحمه الله تشكي من هذالزوج وانها خدعت فيه وخدعها وصحك عليها وانه يسلبها اموالها ويصرفها عليه وعلى اهله واقاربه حتى انها تفاجت انه لايصلي ويتعاطي الحشيش ويتكلم مع النسوان وله علاقات غير شرعية معهن وانها اكتشفت انه يمارس الجنس مع امراة في الحي وشاهدته اكثر من مرة يتردد على بيت تلك المراة في اخرالليل وهي امراة زوجها مسافر عنها وسئية السمعة وعندما واجهته بالحقيقة قام يضربها ويسبها ويهين كرامتها امام اولادها وتريد منا ان نخلصها منه باي طريقة وتندمت اشدالندم على مافعلت في حق ابنها الذي كان صادق في كل ماقاله لها عن هذالرجل الخاين السافل الخبيث وتتمنى انه يرجع لها ويساعدها في محنتها ويخلصها من هذالرجل النصاب المخادع ووعدها ابي بانه لن يتخلا عنها وسوف يوقف هذالرجل عند حدوده ويخليه يطلقها غصبا عنه واح الاب يسال عن هذالرجل في القرية اللي هومنها وعرف حقيقته انه شخص مكروه من الجميع ومعروف عنه النصب والاحتيال على الاخرين واخذ اموال الناس بطرق غيرشرعية وانه يتستر باسم الدين وبالصلاح والتقوى والاستقامه وهوكاذب واخبرهم ابي بكل مافعله بتلك المراة المسكينة هي واولادها وانه استولى على اموالها ويعاملها بمنتهى القسوة والغيرانسانينة وطلب منهم مساعدته في فضح هذالرجل وكشف حقيقته للناس والخلاص منه للابد وقام رجلان منهما بتقديم كل المستندات التى معهم والتى تدينه وتدخله السجن لانه نصب على الكثيرمن اهل القرية واخذاموال منهم لاجل استثمارها واختفى منذسنوات طويلة وقدم ابي كل هذي المستندات الى المحكمة ومعه الشهود اضافة الى مافعله بتلك المراة زوجته واستيلائه على اموالها بغيروجه حق وامر القاضي باستدعاءه وسماع اقواله في كل مانسب اليه واعترف بكل شي وثبت للقاضي انه عليه قضايا سابقة ومحكوم عليه فيها غيابيا منها تجارة الحشيش والنصب والاحتيال وسرقة محلات وقضايا دعارة وامر بالحكم عليه بالحبس عشرة سنوات مع االحجرعلى كل امواله واملاكه واعادتها الى اصحابها الحقيقين وتطليقه للمراة جارتنا واسترادد كل مااخذه منها من اموال وعقارات وهوالان في السجن له قرابة 4سنوات وابن جارتنا عاد وتسامح مع امه وتصالحوا وقررت عدم الزواج اوالتفكير فيه نهاية والعيش مع اولادها تحت سقفا واحد اتمنى لكل امراة عندهااولاد وبنات وهي تريد الزواج ان تفكرجيدا في عواقب الزواج عليها وعلى ابناءها ولاتنخدع اوتتاثر بكل مايقوله لها الرجال حتى لايحصل لها مثلما حصل لتلك المراة المغلوبة على امرها وترضي بالعيشة مع اولادها والقيام بتربيتهم والاحسان اليهم وتحتسب الاجروالثواب عندالله عزوجل

  3. الفهدالاسود
    15/03/2016 at 20:49

    سيدتي الفاضلة من حقك شرعا الزواج اذاكان الرجل على دين وخلق وتربية وقادرعلى تحمل اعباءالحياة الزوجية ولايحق لابنك منعك من هذالحق الشرعي لك عليك التكلم معه ومعرفة سبب اعتراضه على الزواج ربما قديكون هناك امور لاتعرفيها عن الرجل وابنك عارفها اواحد اخبره بها ولاتنعتيه بالانانية فهو مهماكان ابنك ولايريد لك الاالخير تفهمي معارضته لزواجك من هذالرجل وان كان مافي اي سبب يمنعك من الزواج به فانتي صاحبة القرار ودي حياتك ولالحد التدخل فيها هم اصبحوا رجال وبامكانهم الاعتمادعلى انفسهم وسوف يتزوجون ويذهبون مع زوجاتهم ويتركونك ومن حقك ان تكوني سعيدة مثل بقية النساء الاخريات وان زعلوا اليوم منك سوف يرضون غدا مهماكان انت امهم ولن يتخلواعنك ابدا اتمنى لك السعادةوالتوفيق في حياتك القادمة

  4. نرمين
    02/06/2011 at 11:45

    تانية كلية وتانية ثانوى يعنى ما شاء الله عليكى أتممت لهم رسالتك أى أنهم فى سن الإعتماد على النفس و ليست أطفال فيصعب عليكى تركهم أو الزواج دون رضاهم فيؤثر بنفسيتهم
    هؤلاء فى القريب العاجل سوف يأتوا اليكى لتذهبى معهم لتخطبى لهم و كل منهم سوف ينشغل بحياته و الترتيب لها من مستلزمات للزواج و البحث عن العمل أو أو ….
    الشاب بعد سن 17 يكون قادر على مواجه الحياة.
    إذا فلماذا لا تتزوجى أنتى أيضا وتعيشى حياتك ولكن الخوف من أبناء الزوج الجديد وهل سيقبلونك عوضا عن الأم أم ستعانين معهم و يقلبوا حياتك جحيم مع أبيهم ؟؟؟؟
    أن كنت مطمئنة من هذه الناحية فستخيرى الله و ربنا يسعدك

  5. توتا
    21/01/2011 at 20:32

    اتكلمى معاة انتى حقك تتجوزى وتعيشى حياتك بس بردة متجيش على ابنك فهمية براحة ربنا ينور بصيرتك

  6. صلوا على نبيكم محمد(مسلمه
    21/01/2011 at 18:28

    طبعا الجواز من حقك طالما مبتعمليش حاجه تغضب ربنا وحاجه حلال بس بصراحه ابنك معذور والام بالنسبه لابنائها شىء كبير ومثالى وخصوصا انه عارف انك مش متجوزة علشان الماده او علشان تربيهم لانك عشتى سنين عمرك تنفقى عليهم يبقى الموضوع هياخد فكر ثانى انك متزوجه فقط علشان الجنس فكيف لشاب فى مثل عمر ابنك يتخيل امه بين احضان رجل ويتخيل جماعه معكى حقيقى شىء صعب الله يكون فى عونه ومتقوليش ان ابنك انانى لانه مش انانى هو مش متخيل امه فى حضن رجل حتى لو زوجها وبصراحه اكثر هيكون موقفه ايه قدام صحابه وقرايبه هو شايف جوز ماما داخل طالع البيت وكمان مامته لبسه ومتمكيجه علشان زوجها الجديد صلى صلاه استخارة

  7. الحب
    21/01/2011 at 02:29

    على فكرة انا مريت بنفس المشكلة وامى اتجوزت وانا فى سن صغير لكن كنت رافض ودلوقتى الى حصل انها سبته على شانى لانى تعبت ورحت لدكتور نفسى لانى تعبت جدا وتقريبا جالى اكتئاب بس دلوقتى مش قادر انسى وكنت باخد ادوية ابنك مش انانى هو يمكن يكون بيحبك زيادة عن الازوم حولى تفكرى كويس قبل ما يفوت الاوان خصوصا ان ابنك كبير والموضوع ده هيكون حساس بنسباله

  8. رشا السيد
    20/01/2011 at 16:53

    مافيش حد بيقول علي ابنه اناني حتي ولو قال ايه معرفش انت اجوزت التاني ولا ايه بس لو اتجوزتيه ربنا يسعدك ولو لسا احسن تعيش لعيالك مش حقولك انك كبيره بس احسن ماتربي في عيال غيرك الا عايز يجوزك وبيحترمك ويحترم عيالك ما هو لسبب انوا عايز حد يربيله عياله مافيش انسان بيقدم خدمه مقابل لاشيء بس انت حتقدمي اكبر خدمه له انك حتربي عياله وابنك مش اناني دا خايف عليكي انك حتنشغلي بيهم خايف تنشغلي بيهم وتسيبهاو تنسيهم فعلشان انت حتربيلوه عياله لازم يحترم عيالك بس علي فكره الا حترام مش حيدوم خلي بالك من نفسك وعيالك اهم من متعه الحياه نفسها وربنايخليلك ابنك ومتقوليش عليه اناني

  9. الصفورة
    20/01/2011 at 16:42

    متكمليش عشان هتيجى فى الاخر وهتندمى علشان ده ابنك هو ممكن ميكنش انانى هو بيحبك مش متخيل امه محد غير ابوه اول لما الواحد والوحدة بيخلفوا المفروض بتكون هيتهم لاولادهم ممكن تكملى لكن صدقينى هتتعبى لما تشوفى ابنك تعبان

  10. هاني-2
    20/01/2011 at 14:14

    السلام عليكم

    ابنك يوما ما سوف يتزوج ويكون نفسه ويكون بيته الخاص وأنت من حقك الزواج مرة ثانية لان زواجك ليس بحرام ولا بجريمة
    وما عليك سوى أن تستخيري الله في هدا الزواج فإن كان خيرا لك فإن الله سوف ييسره لك
    وأوصيك بالصبر ثم الصبر وكدالك مرة أخرى من حقك أن تتزوجي وتعيشي تحت ظل راجل لتحسي معه بلأمان والدفء والاطمئنان

  11. واحد من الناس
    20/01/2011 at 13:51

    عزيزتى لكى من الابناء اربعه اى حد يحسدك عليهم انا اعرف ستات كتير كان عمرهم لا يتجاوز ال 25 سنة وتوفى زوجهم ورفضو الزواج وهم فى ريعان شبابهم وابقو على تربية ابنائهم وربنا اكرمهم

    انا عارف الاحساس صعب ولكن عندك اتنين فى اخطر مرحلة تعليمية واثنين فى تحديد مصيرهم التعليمي ودول رجالة مش بنات مين اللى هيكون معاهم ويتابعهم ويقضى لهم حوائجهم ويهتم بيهم عايزين قربك ليهم علشان ربنا يكرمهم لاتفكرى فى مصلحتك الخاصة فقط لازم تضحى علشان غيرك يعيش ودول اقرب الناس ليكم ابنك مش انانى انانى علشان انه بيحبك قوى ولكن وافق كان هيبقى ولد كويس وبيحب مامته

    ربنا يرحمنا جميعى افيقى من غفلتك سيدتى
    انا مابقلش اان الجواز حرام ولا عيب ولكن فية حجات اكبر من كده كتير لاتعيشى لنفس فقط
    وربنا بيقول كلكم راع وكلكم مسئول عن رعيته والدهم توفى اصبحتى انتى مسئولة عنهم فنصيحة راعيهم وتقربى اليهم واكسبى قربهم اليكى وتقربى الى الله اكثر يهيء لكى كل خير

  12. حبيبة الرحمن
    20/01/2011 at 13:36

    لا تزوجي من حقك اي ست محتاجه رجل وانتي فهميه انك ليكي حق تعيشي حياتك بس احتويه امي خليكي قريبه منه

  13. جبل هم ومشاكل
    20/01/2011 at 13:25

    اختى الفاضل بعد سلام الله عليكى انا عمرى من عمرك بالظبط ومشكلتى مثلك بالظبط ولكن الفارق هنا انا عندى ولدين وبنت وانا رجل ومطلق وقمت بتربيتهم حتى كبروا وخرجوا من البيت وسكنوا لوحدهم وانا الان اعيش فى شقه كبيره عريضه مع قطى هو الانيث الوحيد لى وللاسف انا مقيم فى بلد اوربى واخاف الله ولا اريد ان اتزوج من اوربيات وهنا لاتوجد اخوات بدون زواج من بلدى حتى اتزوج منها الا القليل وغير ملتزمين وعندى مايمنعنى ما انزل بلدى بسبب سلطان جائر وحسبى الله ونعم الوكيل ولكن انصحكى لله تعالى ان لا تترددى فى موضوع زواجك من هالرجل لانكى وصفتيه بوصف جيد وحتى لايدخل بكى العمر اكتر من كده واولادك سوف ياتى اليوم ويتزوجوا ويتركوكى وحيده الزواج ليس عيب ولا حرام ولا تضيعى الفرصه ورجاء الدعاء لى وربنا يوفقى يارب ويسترك دنيا واخره

  14. هوان الحب
    20/01/2011 at 12:31

    طبيعى الاولاد فى السن ده يبقى مش متقبل ان امه اللى شايفها مثال الحنان والاحترام تكون زوجة وتمارس الحياة الطبيعية زى اى امرأة عادية انا مش برفض زواجك دا حقك انا اوضح لك ما يدور فى ذهن ابنك هو مش انانى ولا نمرود هو يغير عليك وده اكيد هايقل تدريجيا اصبرى عليه شوية وخديه بالراحة وفهميه بانه مسيرة هايتجوز ويبقى له بيته وبدل ما تكونى وحدك يبقى معك ونيس بس ياريت تراعى مشاعرهم بلاش ملابس مفتوحة او هزار امامهم لان ده بيتعب اعصابهم حاولى تحسسيهم ان اهتمامك بهم زى الاول واكتر ومع الوقت مشكلتك هاتتحل

  15. etqan54
    20/01/2011 at 10:58

    عليكى بالموافقة على الزواج من هذا الرجل وحاولى تقنعى ابنك وان لم يقتنع لا تسمعى كلامه ففى الزواج سترة لك ولاولادك وربنا يوفقك ويرعاك

  16. basha
    20/01/2011 at 09:58

    توكلي علي الله و تزوجي هذا حقك و ابنك مش من حقة يزعل هل لازم نحكم عليكي بالاعدام؟ حرام و الله انتي انسانة و ليكي متطلبات نفسية و جسدية ابنك يزعل شوية و بعدين تتصالحوا و عمره ما يستغني عن امه

اترك رداً أو حلاً لهذه المشكلة