مشاكل جنسية

اكره العلاقة الخاصة مع زوجى

مش من السهل عليا انى اكتب مشكلة زى دى .. بس انا فعلا تعبانه
محتاجة حد يقولى اعمل ايه
انا عندى 20 سنة ومتجوزة من شهرين .. جواز صالونات
جوزى كويس معايا بس شهوته عالية جدا .. يعشق الجنس و كان بيسمع افلام اباحية كتير
و انا من كتر ما هو عايز الموضوع ده على طول كرهته .. انا مش بحس باى حاجة حلوة فيه
بحس بالم و بس .. انا منكده عليه على طول لانى كتير بيطلب منى و برفض و يقعد يزعق و يتعصب عليا و فى النهاية اما ننام زعلانين و متنكدين او اجى على نفسى وارضى
دايما يقولى اللى يطلب الحاجة دى من مراته وترفض بتبات تلعنها الملائكة
بس انا غصب عنى مش قادرة .. حاجة مش عايزة اعملها مش قادرة مش طايقة ربنا هيحسابنى عليها ؟ هو المفروض انى مقولش لا حتى لو من جوايا بموت نفسيا
انا قبل الجواز كانت اقل حاجة بتحرك شهوتى .. مكنتش بسمع حاجة اباحية اعوذ بالله .. بس كان اقل مشهد رومانسى فاى فيلم عربى بيجننى
مش عارفه اعمل ايه . .. و بفكر فى الطلاق
و مش عارفه ده قرار صح ولا غلط ؟

مشاكل وحلول ذات صلة

اضيف بتاريخ: Monday, November 20th, 2017 في 16:33

كلمات مشاكل وحلول: , , , , ,

7 رد to “اكره العلاقة الخاصة مع زوجى”

  1. ابواميرة
    19/03/2020 at 23:29

    طيب ياقمر ليه ماتصارحي جوزك بالشئ اللي تعانين منه الحياة الزوجية أساسها المصارحة والشفافيه واحمدي الله انو جوزك كويس جدا ومايعاني من متاعب ولامشاكل جنسية في ستات كثير تشتكي من اهمال ازواجهن اما لضعف في الانتصاب او سرعة قذف او عجز كلي اثناء العلاقة الحميمة ودا غير موجود عند زوجك فلازم تحمدي ربنا على كدا وتسعي في اسعاد زوجك وتسعدي نفسك معاه في طرق كثيرة ممكن تعملوها اثناء العلاقة منها إطالة وقت المداعبات قبل الايلاج أيضا تغير الأوضاع مهم جدا في العلاقة التهئية النفسية قبل اللقاء وخلق أجواء رومانسية ودا مطلوب منك كزوجة وربنا يسعدكم وتحياتي لكم

  2. ابوالبتول
    12/02/2020 at 11:05

    طالما انه يشاهد تلك الافلام الاباحية فلاخير فيه ولاعمره يتصلح مافي حل الا انك تطلب الطلاق منه وتصوني كرامتك من ترك شئيا لله عزوجل عوضه الله بخير منه وانت لسه في عز شبابك 20 سنة والف من يتمناكي ياست البنات هتلاقي احسن منه الف مرة وربنا بيكرمك بابن الحلال اللي يستاهلك ويصونك ويسعدك طوال حياتك

  3. البرنس
    07/08/2019 at 21:22

    جوزك معه كل الحق في ماقاله لك نعم الملائكة تلعن الزوجة اذا دعاها زوجها للفراش وابت فالملائكة تلعنها حتى تصبح دا- حديث صحيح عن النبي عليه الصلاة والسلام فليه تحرم زوجك من حقه في المعاشرة لك هل في اسباب او موانع عندك فان كانت موجودة اخبري جوزك بها دون خجل او كسوف احيانا الزوجة تكون معها التهابات في المهبل وتحتاج لطبيبة نساء عشان تعطيها العلاج المفيد لحالتها وجوزك عنده طاقة جنسيةكبيرة احمدي الله على كدا غيرك من الزوجات محرومات من كدا وتعاني من زوجها وضعف انتصاب عنده او سرعة قذف و لايقدر على معاشرتها جنسيا انت بتصرفك ده تحرمي جوزك من حقوقه الزوجية في الجماع والمعاشرة وقد يذهب لغيرك ويخونك او يتزوج عليك بااخرى الطلاق ليس الحل ياعزيزتي اطلبي منه اطالة وقت المداعبات اثناء العلاقة وتغيرالاوضاع للجماع مش شرط يكون بالليل اوفي غرفة النوم وربنا يسعدكم ياقموره

  4. said
    11/01/2018 at 17:19

    على كل حال كثرة الجماع يبقى بدون طعمة

  5. الشناوى
    21/11/2017 at 14:40

    طالما انك رومانسيه ،،فلابد. زوجى يبدء معاك من النقطه دى،،، كثره المداعبه والتلاطف والقبلات والحركات ،،،و،،،و،،،و. قبل الممارسه الفعليه،، جربى كده انك انت تطلبى منزوجك العلاقه دى قبل ما هو يطلبها.،،وبعدكده تقعدو فتره طويله مداعبات قبل الجماع ،،هتكونى تهيات نفسيا وجسديا للجماع،، لكن اظن ان زوجك ،،لا يبدء معك هكذا ،،وبكده مبيكنش عندك رغبه او استعداد وبالتالى تكرهى ،،العلاقه الجنسيه. بهذا تلشكل

  6. ابوالبتول
    21/11/2017 at 00:11

    شوفي يااختي لازم زوجك يتقي الله في نفسه وفيك ويبطل مشاهدة تلك الافلام القذرة والمحرمة نهايا وللابد ومن حقكي ان تنصحيه او تخوفيه بعذاب الله عزوجل عشان ربنا يبارك لكم في حياتكم الزوجية ويرزقكم الخلفة الصالحة ويسعدكم طوال حياتكم لعل الله يهديه ويتوب عليه منها فان لم يتستجب لكلهذا واستمر على مشاهدة تلك الافلام الاباحية فلاخير في التعايش معه وعليك اخبار اهلك واهله بكل مايفعل وتحرصي على مخافة الله عزوجل ورضاءه فلاطاعة لمخلوق في معصية الخالق حتى لو تطلب الامر طلب الطلاق منه فانت محقة في ذلك وربنا بيكرمك ويعوضك باحسن منه من ترك شي لله عوضه الله بخيري الدنيا والاخرة بورك فيك من زوجة تخاف الله عزوجل وتحرص على رضاءه في حياتها

  7. فكر
    20/11/2017 at 21:13

    اول شىء حديث ان الملاءكة تغضب عنك بسبب انك رفضة كدة دة غلط التفسير الصحيح انها تغضب عليكى لو قالك اتمكيجى البسى حلو تعطرى وانتى مهملة فى نفسك ومش بتعملى كدة فابتالى هو حيبص برة وعانو تزوخ وهنا الملاءكة تغضب عليكى بسبب الى عملتى لان احادثنا تحثنا على النظافة وخصوصا للزوجة تتجمل لزوجها و بالعقل ربنا مش حيغضب عليكى لو انتى تعبانة سواء نفسيا او جسديا او مش حبا وبخصوص انك مش حبا ده سواء وجع ممكن يبقى سبب الوجع ده التهاب وده بيهصل كتير مع ستات بتبقى مش عارفة ان عندها التهاب عشان كدة بيبقى شىء مؤلم الحل دكتور نسا لو عندك التهاب او اى مشاكل فى المهبل حيعالجها وده حيفرق كتير ولو حسة انك مش بتحبى العلاقة نفسها شوفى اه المشكلة وابدى حليها ممكن تستعينى بدكتور وده حل ممتاز والامثل وممكن تكلمى فى التليفون لانهم بيتلعو فى برامج دلوقت زى CBC الستات مبيعرفوش يكدبو بيجيبو دكتور نبيل القط مستشار علاقات زوجية تقدرى تروحيلو او تكلمى ولازم تعرفى ان زوجك ده نعمة ستات كتير تتمنا و حاولى تخلى يستخدم ملينات فى علاقته معاكى زى فازلين او زيت زتون دة حيخلى الموضوع اسهل بكتير ده بعد متزورى د.امراض نسا الاول وخلى يطول فترة المدعبة شوية ده هيفرق لو بداتى بده كله ولسة بردو مش حبا يبقى لازم تكلمى او يفضل ان تزورى د. علاقات زوجية لان الحل مش الطلاق انت لو اطلقتى وتزوجتى واحد تانى وطلع عندو برود مثلا مش حطيقى نفسك ولا هو لانك بردو حتبقى اتعودتى على جوزك وبرضو خلى جوزك يتعطرك ويلبسلك حلو واعملى جو رومانسى وكلام حب وممكن تغيرو الاوضاع عشان الملل وتتكلمى معا عن الى بتحبى ومش بتحبى وخليكى فاكرة على طول ان لاكل مشكلة فى حل احمدى ربنا على جوزك اتمنالكم حيا زوجية سعيدة

اترك رداً أو حلاً لهذه المشكلة