مشاكل جنسية

زوجتى تتمنع عنى

يا جماعه انا عمرى مفكرت فى موضوع انى اكتب مشكلتى على النت وكدا وهيا مش مشكله اوى لانى بحس انى انا الى مفترى … عمتا المشكله ان انا بجامع زوجتى مره كل يوم ممكن اقصى مده نبعد عن بعض 5 ايام ونعمل وبعد كدا نقعد يوم ونعمل تانى ممكن تانى يوم .. يعنى الموضوع مش مترتب حسب المزاج وحسب ان احنا مش متخنقين او متخنقين وكدا يعنى … عمتااا انا عن نفسى نفسى اعمل كل يوم صبح وليل مرتين كل شويه … يعنى انا بحب العلاقة جداااا … يعنى على سبيل المثال … رجعنا مره من خروجه … انا كنت عايز كدا مع العلم ان ربنا رزقنى بطفله .. قلتلى لما بنتنا تنام .. بليل وكداااا .. فا على منامت بنتى كان الوقت اتاخر لدرجه اول ما البنت نامت زوجتى نامت برضه .. قلتلها قومى نامى فى اوضتك وكدا وشدينا مع بعض فى الكلام انا زعلت طبعاا هيا عشان حاسه بالذنب دخلت وطلعت كذا مره تقول اى كلام وتهرتل ..
كل الى حابب اعرفه .. هل انا كدا مفترى عليها … ولا هيا مهمله .. ولا ايه …
مع العلم انى مبيفرقش معايا موضوع انها توضب نفسها وتلبس وتتمكيج كتير .. يعنى كل فين وفين لما بيفرق معايا الكلام ده لما بيبقى الواحد حابب تجديد بس الطبيعى ان ديما بتعامل عادى مبستناش مكياج وكدا يعنى
مع العلم برضه ان وقت الجماع احنا الاتنين مبسوطين جدا ومبنشتكيش من حاجه الحمد لله ..
ومع العلم برضه انينا احنا الاتنين سنينا صغير لا يتعدى 25 ..
وبرضه هيا تحمل على عاتقها الكثير من المسئوليه .. مسئوليه بيت وطفله واكل وشرب واهتمام .. ومبتحرمنيش من حاجه والله بس المشكله انها كتير بتعمل موضوع انها عايزه تنام وكل ماجى اقرب منها تقلى بليل يجى بليل عايزه تنام ولما بتحس ان الموضوع اتكرر تسمحلى انى اعمل عادى .. بس الموضوع كله انى زهقت من انى اقعد اتحايل .. عايزها تبقى عايزانى اكتر من كدا يعنى هيا قليل اوى لما بتيجى تطلبنى ..

مع العلم برضه لانى لازم اعترف بغلطى … انا سعات بعمل العاده السريه واتفرج على افلام اباحيه .. بس ده لما بتبقى هيا مقصره معايا ببقى عايز افضى طاقتى فى اى حاجه بس ده ميمنعش انو غلط وان انا مدمن عاده ونفسى ابطل خالص بس مبقدرش لما ببقى تعبان مببقاش قادر امسك نفسى قليل اوى لما بقدر امسك نفسى وبحمد ربنااااا .. بس الاغلب انى بقع فى الغلط .. ربنا يعافينى ان شاء الله

انصحونى ماذا افعل ؟ وهل انا مفترى ؟
ولو انا فعلا مفترى ؟ اعمل ايه ؟

وبالنسبه للعاده السريه ديه ابطلها ازاى فى ظل هيا بتعمل معايا كده مع انى صارحتها وقلتلها انا مريض بالموضوع ده ونفسى ابطله والحمد لله انى اتجوزت عشان ابعد عن القرف ده … وهيا حاول يوم والتانى وبعدين نسيت ورجعت طبيعيه تانى ولا كان فى حاجه وبقت تحسسنى بالزنب .. وكانى مريض بمزاجى ومش فاهمه ان ده غصب عنى … الحمد لله على كل شىء وربنا يبعدنى عن كل ما يغضبه …
وانا اسف بجد انى طولت عليكوا بس فعلا انا اول مره اكتب على النت مشاكل وكدااا … وكنت رافض الفكره ديه تماما … بس حابب اسمع رائيكم ..؟؟؟؟؟؟؟

مشاكل وحلول ذات صلة

اضيف بتاريخ: Friday, November 23rd, 2018 في 01:30

كلمات مشاكل وحلول: , , , , ,

7 رد to “زوجتى تتمنع عنى”

  1. البرنس
    24/07/2019 at 00:47

    شوف يااخي مش عاوز عايز على ماقالوه لك الاخوة والاخوات وخصوصا -نصيحة – وابوالبتول- فاتفق معهم في كل ماذكروه لك كن حليم ورؤف بمراتك وعاملها كويس جدا وقدر ظروفها فكل انسان منا عنده ظروفه وهمومه ومتاعبه والحياة مش كلها جنس في جنس الشئ اذا زاد عن حده انقلب ضده وكثر الممارسة يوميا يجلب الملل والنفور صدقني كلامي ده عن تجربة حقيقية اتمنى انك استفدت من كل ما قلته لك وتمنى لك موفر الخير والسعادة في حياتك الزوجية

  2. الهواري
    08/06/2019 at 11:07

    يعم انتا تاعب نفسك ليه اتجوز عليها دا حقك وسيبك من كل الكلام ده وان مكنتش تقدر علي الجواز ماديا حاول تسافر او تبعد شويه عنها هتشتقلك

  3. نصيحة
    19/05/2019 at 17:16

    يمكنكم النوم باكرا و الاستيقاظ باكرا قبل استيقاظ الطفلة و هذا يعطيكم وقتا في الصباح للقيام بعلاقة (و الجنس في الصباح مفيد جدا للصحة). يمكنك أيضا أن تقترح عليها أن تأخذ قيلولة أثناء الظهيرة لكي تقلل من التعب. لا تلمها فحين تكون مرهقة مش راح تقدر تركز معاك و المرأة تحتاج للتركيز أثناء العلاقة لكي تصل للنشوة فالأمر ليس ميكانيكيا مثل ما هو علي الحال عند الرجال بل يحتاج إلى حالة معنوية معينة.
    تكلم معها بالحسنى و في جو هادئ و اشرح لها أن رغبتك خارجة عن سيطرتك و أنك تحبها و إلا ما كنت لترغب فيها و أنها هي دون نساء العالم لباسك الذي تتستر به من فتن الدنيا.
    ازاي عايزها تبادر و انت لا تترك لها فرصة لتشتاق إليك فأنت تنقض عليها كل يوم. إن كنت تريدها أن تبادر لطلبك فاصبر لبضعة أيام ولا تطلبها. حينها هي ستشتاق إليك و ستطلبك.
    كيف تقلل من الرغبة: ابتعد عن الأطعمة التي تثير الرغبة كالتوابل الحارة مثلا، ابتعد عن الأفلام و الأغاني المثيرة للرغبة، غض بصرك ثم غض بصرك و إياك مما تقع عليه عيناك. و كذلك تعلم كيف تشبع من زوجتك:
    القاعدة تقول: إذا أردت ألا تأكل كثيرا فكل ببطئ. حين تأكل ببطئ يترجم دماغك الأمر على أنك أكلت كمية كبيرة. نفس الأمر ينطبق على الجنس. حين تمارس الجنس بسرعة فأنت كمن يأكل فقط لكي يتخلص من الجوع (و هذا الانسان لا يستمتع بالطعام) و هنا أنت لا تعطي لدماغك الفرصة لاستيعاب المتعة التي تتلقاها و تحقيق الشبع. جرب و لن تخسر شيئا. حاول إطالة فترة الجماع و خاصة فترة الإيلاج (و على فكرة ليس هناك شيء اسمه سرعة قذف إنما هي مسألة تدريب لا أكثر) و خذ وقتك و فوق وقتك إلى أن تشعر بأنك اكتفيت و لا تريد المزيد.
    و ابتعد عن الأفلام فأنت تضر نفسك و علاقتك بزوجتك. إن غلبتك نفسك و أردت ممارسة العادة فمارسها بالتخيل و ليس بمشاهدة الأفلام و طبعا تخيل زوجتك و ليس امرأة أخرى.
    الأفلام الاباحية تسبب الادمان و تضر بالمخ فتجعل من الرجل بمرور الوقت باردا جنسيا تجاه العلاقة الطبيعية (مع الزوجة) و هذا مثبت علميا في طب الأعصاب.

  4. عراقيه انا وافتخر
    10/05/2019 at 23:58

    الرجل يختلف عن المرأة الرجل يحب ممارسة الجنس كثيرا اما المرأة يكفيها مره في الأسبوع

  5. حلال المشاكل
    22/01/2019 at 11:59

    الاخ العزيز الجنس فى حياة المرأة يختلف عن الرجل فالمرأة قد تكتفى بممارسة الجنس مره فى الاسبوع أو مرتين على الاكثر ليس مثل الرجل ، المراة لا تمارس الجنس بصدق إلا بوجود قدر من الرومانسيه بمعنى إذا كان بينك وبينها خلاف فلا تجبرها على الممارسه فى ذلك اليوم ، حاول على مدار اليوم أن تشعرها بالحب كقبله فى الصباح إظهار مشاعر الحب ، وردة أو هديه رومانسيه بسيطه هذه الامور سوف يجعل اللقاء ليلا مختلف ، حاول ان تساعدها ولو بقدر بسيط فى أعمال المنزل ، كل هذه الاشياء سوف تجعلها تنجذب لك أكثر ، وفى النهايه ممارسة الجنس بين الازواج هو مشاركه بين الطرفين وليس لك وحدك أن تقرر دونها

  6. عمر
    05/01/2019 at 03:15

    كل يوم جماع يامفترى دا كويس انها ما سبتش البيت وهربت منك

  7. ابوالبتول
    24/11/2018 at 15:53

    عايز الصراحة والحق انت مفتري على مراتك وماتفكرش الا في نفسك وناسي انها بني ادمه من حقها ترتاح وتنام وعليها مسووليات البيت والبنت وطبخ وترتيب وخلافه مش كل حاجة جنس في الحياة الزوجية اعرف ازاي تتعامل مع مراتك وتقدر ظروفها وتحس بمتاعبها بشئ من الثناء والاطراء لها والتودد اليها والمعاملة الحلوه الحسنة مش تزعلها وتتشاجر معها على انها مش عاوزه اللقاء وتفكرانت انها تتمنع منك لا انت غلطان احسن الاوقات للعلاقة الجنسية بين الزوجين تكون في الليل بعد الانتهاء من اعمال البيت والاولاد وصفاء الاجواء والخلود للراحة بجد انت اما مغفل كبير او ماتعرفش حاجة عن العلاقة بين الازواج خليك رومانسي ورقيق في تعاملك مع الزوجة ومهذب معها تكسب كل الرضا منها وتنال ماتريده منها وبرضو ادمانك للعادة السرية ومشاهدة الافلام الاباحية تفسد عليك دينك وحرام تعمل كده الخير والبركة يذهبوا من بيتك بسبب تلك البلاوي المحرمة اللي تفعلها توب لربك واستغفره وراعي الله في زوجتك وبنتك وربنا يصلح حالكم ويسترعليكم

اترك رداً أو حلاً لهذه المشكلة