مشاكل حب المراهقة

حاسة ان حبيبي اتغير معايا

انا بنت سني 14 سنة بحب واحد وهو المفروض انه بيحبني والأهل من الطرفين عارفين بس حسيت ف فترة انه اتغير معايا اوي بعد كدا عرفت انه كان مظبط مع واحده صحبتي بس هيا مش صحبتي اوي يعني وهو اللي قلي بنفسه عشان ادايق من اللي اعمله وندم وادني الحرية اني اختار اي عقاب هو يستحقه ادني تلت اختيارات اول واحد اسيبه خالص وتاني واحد اسامح واغفر وتالت واحد ابعد لفترة وارجع افكر تاني ومش تقولولي ده حب مراهقة انا عارفه بليز يا جماعه عايز حل للموضوع دا

مشاكل وحلول ذات صلة

اضيف بتاريخ: Saturday, March 5th, 2011 في 10:25

كلمات مشاكل وحلول: , , ,

36 رد to “حاسة ان حبيبي اتغير معايا”

  1. لولو
    19/07/2012 at 11:53

    انا راى انك توافقى ع القرار التالت انك تاخذى فتره وتفكرى فيها كويس ولو كنت بتحبيه بجد سامحيه لان اللى بيحب بيسامح بس لازم تفكرى كويس قبل ما تاخذى القرار دا علشان مترجعيش تندمى تانى

  2. عازفه الاحزان
    03/07/2011 at 22:45

    مش عارفه اقولك ايه غير انك تصلى صلاه استخاره وصدقينى انا كمان هعمل كده لانى تقريبا بواجه مشكله زى دى لانى بقيت احس ببروده فى مشاعره حتى كلمه بحبك اللى كنت بحب اسمعها بقت ملهاش اى تاثير بقيت احس ان انا بقيت بالنبه له كراسه بيفرغ فيها طاقته فى الحب ياترى اصارحه ولا لا انا خايفه لو رد فعله يزود الموضوع سوء ممكن تقفوا جمبى بحلولكم واكون شاكره جدا لكم

  3. نورهان
    25/04/2011 at 15:32

    اصلا انا دلوقتي اتكدت ان مفيش حاجه اصلا اسمها حب ده كله كلام فااااااضي
    انا مشكلتي بقي اني كنت بحب جاري من زمان اول ما سكن انا في 2 اعدادي وهو في 3 عملت كل حاجه عشانه وفجاه لقيته بيسجل مكلماتي وارقامي ومشكله كبيرررررررره جدا عمري ما هقدر احكيها
    انا نفسيتي تعبانه جدا جداوندمانه ونفسي امووووووووت وكرهت الناس كلها بسببه

  4. ليه ياقلبى
    21/04/2011 at 17:37

    اللى يحب عمرو مايخون قوليله لو انا خنتك هتسمحنى ؟اكتر حاجه توجع هى الخيانه ربنا معاكى

  5. ميرو
    26/03/2011 at 12:51

    انا عندي نفس المشكلة دي بس انا مجروحة لاني مكنتش متخيلة ان هو يسبني انا وهو كنا بنحب بعض من سنة اولي ابتدائي لحد دلوقتي 2اعدادي وياريتو حب واحدة معرفهاش لا دا حب اعز صديقة لية وهي وفقت ان هي تحبو الا مفروض ان هي صحبتي بس انا وهو اتوعدنا اننا هنفضل اخوات لا ماماتي ومامتوا يعرفو بعض والعيلة اصحاب انا وهو بقينا ذي الا اخوات بس صحبتي مش عارفة اعملها ازاي وهما بيتكلمو مع بعض وقدامي بسي يا ستي اعملي ذي ماانا وهو عملنا افضلوا اصحاب واخوات وانا اسفة لاني شرحت مشكلتي في التعليق بس انا فعلن مجروحة اوي ويارب تردو عليا بتعليقتقم وتلقولي حل يارب والسلام عليكي ورحمة الله وبركات

  6. LOLA
    24/03/2011 at 20:53

    انا من رايي انك تسامحيه عشان المفروض ان اللي بيحب بيسامح وهو لو مش بيحبك مكنش رجعلك

  7. طارق
    14/03/2011 at 20:56

    دي رساله من توصليهالو بس لو الحب اللي بينكم صادق
    ذا اردت شي بشده فاطلق صراحه فإن عاد اليك مره اخري فهو لك و اذا لم يعد فهو لم يكن لك من البدايه
    لا تندمي علي حبك و اخلاصك له

  8. amralshafee
    12/03/2011 at 13:08

    سيبك من الحب والكلام الفاضي وفكري بعقلك مش بقلبك لان الحب بعد الجواز بيكون الحب الحقيقي اما قبل الجواز مراهقه وفضي زايد والولد ده ندل واللي يسيبك مره يسيبك الف مره كبري دماغك ده عيل

  9. عاشقة المستحيل
    11/03/2011 at 17:24

    والله انا مريت بنفس مشكلتك لما كنت فى عمرك ولما كبرت عرفت اد ايه انا كنت عايله وده حب مراهقه وحاولى على اد متقدرى متشوهيش مرهقتك وبعد كده تندمى على حجات كتير ولو ده كبير فعلا مش هيرتبط بوحده عندها 14 سنه ده اكيد بيلعب بيكى وعايز منك حاجه معينه وبعد كده يسيبك ويدور على غيرك

  10. maro
    10/03/2011 at 19:51

    مادام صرحك يبقى سامحيه لو بتحبيه اوي كدة ولو مش متاكدة انك بتحبيه يبقى راجعي نفسك وفكري انا عندي 14 سنة وقدك يعني مريت بنفس المشكلة وسامحت لاني كنت بحبه ومازلت بحبه

  11. Momo
    10/03/2011 at 16:19

    السلام عليكم
    يا اختي الغالية الحب معناه التسامح معتاه التنازل الى اقصى الدرجات لكن ان كان هذا الانسان يستحق ففي حالتك اعطيه فرصة ثانية و شوفي تصرفاته.

  12. فتحي عواد من بنها
    10/03/2011 at 14:17

    يابنتي انتبهي لمزاكرتك واتركي الارتباط والزواج حتي تنتهي من تعليمك وبعدين سوف ياتيكي ان شااشاللة ابن الحلال الي يستهلك وتفرحي وتفرحي اهلك ولا هما ملهمش اعتبار عندك ولو دخلتي كلية محترمة سس سيتباهي بيكي اي شاب ويتمني الزواج منك ويتباهي بيكي اهلك ربنا يرزقك الزوج الصالح يارب واولادي امين

  13. ref_ref
    10/03/2011 at 08:46

    عندك 14 سنة وبتقولى مش حب مراهقة أكيد هو زهق من حب الاطفال وفكر يكبر شوية علشان كدا توقعى أنة ديما هايعرف عليكى أحسلك ترجعى الى ربنا وتسيبك من المراهقة اللى أنتى عايشة فيها دى لسة بدرى على الكلام دا أهتمى بمستقبلك أولى فى المرحلة دى من حياتك لانها دى المرحلة اللى بتحدد حياتك كلها بعد كدا أما تكونى شخصية ليها وضعها أو واحدة على ما قسم

  14. دودو الاهلوية
    10/03/2011 at 07:59

    بصى من حكم دراستى فى خدمه اجتماعيه فى حل المشاكل انك تسيبيه ومتعرفوش تانى لان ده مش بيحبك اصلا اشترى نفسك وابعدى عنه وعن صحبتك علشان باعتك وانتى لسه صغريه والحياه لسه قدامك

  15. warda
    10/03/2011 at 05:24

    اية الكلام الغريب دة مش هقولك انتى لسة طفلة لانك مش هتسمعى كلامى
    هتعامل كأنكو كبار هو غلط فيكر غلط كبير جدا وكمان بدل ميعتزرك يخيرك تلت خيارات
    اية دة
    دة لعب عيال مش حب لانكو لاسف لسة موصلتوش للمراهقة حتى

    سورى على كلامى لو كان ضايقك بس سيبك منو وركزى فى المذاكرة وبكرة تقابلى حب عمرك
    وهتقولى ياريتنى مقابلتو ههههههه
    ربنا يوفقك يارب ويريح قلبك

  16. samar
    10/03/2011 at 02:51

    انا بقول انتى تشوفى انت حاسة باية وتعملية
    بس وجهة نظرى انك تبعدى شويةوتقررى انتى عايزة اية وبعدين بما انة قالك يبقى بيحبك ومش هاين علية يكون مخبى عليكى حاجة
    بس انت ارجعيلة وانتى واخدة موقف منة يعنى اعملى زعلانة عشان متتكررش تانى
    عارفة ساعتها هو هيتكسف من نفسة انة عمل معاكى كدا خصوصا لما يكون غلط ف حقك وانت متسامحة هيخاف يكررها
    يارب كلامى ينفعك بحاجة

  17. توتا
    09/03/2011 at 22:50

    انا عندى سؤال يعنى اهلك عارفين انك ماشية مع واحد ازاى يعنى لا هقولك انة حب مراهقة ولا بلاش عشان متزعليش هقولك دة حب عيال صغيرة انا مش فاهمكة يعنى ابوكى وامك عارفين انك ماشية مع واحد وساكتين لا الة الا اللة بدال هما عارفين روحى اساليهم تختارى اى اختيار

  18. sama
    08/03/2011 at 22:02

    انتى بتحولى تهربى من الحقيقه يا حببتي وهو انك فعلا فى سن مراهقه وعمرك 14 سنه يعنى فى 2 اعدادى يعنى لازم تعرفى انك لسه صغيره ولازم تبصى لمستقبلك ومترطيش نفسك بحب وجواز علشان ده لسنك يبقى كلام فاضى وكلامك ده يدل على انك لسه انسانه برئيه وتجهلى اى شئ عن معنى الحب الحقيقى ما بين اثنين

  19. ليالي
    08/03/2011 at 18:04

    اكيد لازم تسامحيه لان الي بيحب بيسامح ولا ايه ؟؟؟؟؟؟؟؟؟؟؟؟؟؟؟؟؟

  20. اسيرة العذاب
    08/03/2011 at 10:21

    بصى انتى لو بتحبيه بجد اكيد هقلك اديلوو فرصة بس الافضل خدى وقت فكرى فيه كويس وحاولى تتاكدى انوو مش هيعمل كداااا تانى وانووو صادق فى حبوو ليكى وربنااا يوفقك ي جميل ويسعدك

  21. محمد علي
    08/03/2011 at 01:21

    انا رايي انك تسيبه خالص لان هو مش مقدرحبك لان الانسان اللي زي دة مينفهش نديله الامان

  22. زائر
    07/03/2011 at 23:52

    اذا انتى مسلمه مفيش حاجه اسم حب بين ولد وبنت والأهل كمان عارفين دى تبقى مصيبه أكبر. لكن لو كنتى مش مسلمه وعندكم عادى البنت تحب وأهلها عارفين وعادى وتقابل حبيبها وتخرج معاه برده عادى. فهذا يا بنتى مش أخلاق المسلمين ودى حاجات ربنا بيكره اللى بيعملها وكمان الرسول سيدنا محمد صلى الله عليه وسلم مش بيحب اللى بيعملوا كده. أنا بكلمك على أد سنك ببساطه عشان تفهمى ممكن الولد ده يمشى معاكى ويعمل حاجات معاكى مش كويسه تخليكى فى نظر الناس بنت مش مؤدبه . لازم تبطلى تعرفى ولاد وتشوفى مذاكرتك ولما تكبرى لو حد عايزك يتقدم ويخطبك رسمى من أهلك يا ريت تكونى فهمتى وتعملى اللى قلتلك عليه علشان تحافظى على نفسك عشان انتى بنت؟؟؟

  23. Leader X
    07/03/2011 at 22:38

    لو فعلا بتحبيه. سامحيه. بس كوني حازمة معو شوي. ولو ما كنت مقصرة معو ما كان لجأ لبنت ثاني. فحاولي انك تكوني كل شي بحياتو. واهتمي بأدق تفاصيل حياتو. كوني بيت الحنان بالنسبة الو. وما رح يرجع يشوف غيرك.

  24. حياتى كلها لله
    07/03/2011 at 12:10

    حبيبتى انتى سنك 14 سنة يعنى لسه صغيرة وهو مقولتيش اد ايه لكن واضح انه من سنك ودة سن فيه مشاعر متقلبه ومتغيرة المهم عايزة اقولك انه لو بيحبك مش هيعرف غيرك مهما يكون وكمان هو قالك اختيارات منهم انه تسيبوا بعض خالص طب هو اللي بيحبك يخلي الاحتمال دة ادامة ولا يحاول يصلح اللي عملة بطرق تانية من غير فراق وبعدين انا هسالك سؤال انتى سامحتية علي انه عرف صاحبتك وعديتى الموضوع ولا ايه بس هقولك حاجة خدى بالك انتى قولتي اتغير معاكى دة لو بيحبك استحاله شعورة من ناحيتك تتغير لاي سبب احسن حاجة انك تستخيري ربنا وتصلي صلاة استخارة وربنا يوفقك للي فيه خير لكي

  25. مرمر
    07/03/2011 at 03:16

    ممكن تبعدى وتعيدى التفكير تانى بس تفكرى بجد هو ممكن يعمل كده ولا لا واشرطى عليه لو عمل كده هتسيبيه

  26. سلمي
    06/03/2011 at 22:47

    ana shaifa enk tb3dy le fatra we elfatra di tkon tweeeeeela awyyyyyyyyy 3la mtkony ndgty btfkeerk we 3deety mr7lt elmorhka weza bt7beh bgd mesh 7ob morahka y3ny yb2a mesh hattghayary mn n7ito we hwa lw bi7bk haistnaky we hait2dmlk we haifdl y7bk mahma talet fatrt bo3dko

  27. الحل
    06/03/2011 at 22:02

    العفو لو كان بعده اصلاح احسن

  28. muslim
    06/03/2011 at 21:53

    مش هقول حب مراهقه لان مهما كان ف الدليل الوحيد على ان واحد بيحب واحده بجد هو انه يتقدملها اول ما يكون قادر لكن قبل كده فكلامك معاه حرام لانه غريب عنك وهو ميرضاش لاخته انها تيجى تقوله انها بتحب واحد نصيبك مكتوبلك وهيجيلك لكن علاقتك معاه دلوقتى كده حرام (وقل للمومنات يغضضن ابصارهن) يعنى حتى النظره حرام انتى عمرك سمعتى ان كان فى قصه حب قبل الزواج بين حد من الصحابه مثلا ايام الرسول وبين واحده لا طبعا الكلام ده حرام

  29. عب
    06/03/2011 at 19:43

    الصراحه انا شايف انك تسامحيه وتكملى معاه علشان هو لو مش بيحبك او مبيخفش على مشاعرك مكنش جه واعترفلك

  30. لولات
    06/03/2011 at 12:15

    ياحببتي أنت لازم تعرفي الأول أنك صغيرة أوي علي بتعملو ده،أنت لازم تفكري في دراستك وتسيبك من هالمواضيع خالص لحدي ما ربنا يسر أمورك ..وهو راح يأدرلك مشوارك بنفسو،ولو أن ربنا سبحانوا وتعالى شاف في هاذ الولد خير مكانش حصل ألي حصل بردوا….أنا من رأيي أنك أتسبيه وتسيبي كل ده لأنوا حرام علشان ربنا يكرمك يا أختي،ودي لوأتي توبي لربنا وتأربي منوا بالصلاة والدعاء وهو حيوفأك أكيد والسلام عليكم.

  31. صحيحة
    06/03/2011 at 10:11

    مفيــــــــــش حاجـــــــــة اسمهــــــا مش تقولولــــــــي حب مراهقـــــة انا عارفـــــــة لا انتــــــــي مش عارفـــــــة لأن احنــــــا مريبنـــــــا بكل ده وانتـــــــــي بتقولـــــــي مع صاحبتـــــــــك دي مراهقـــــة فعلا انتي عارفـــــــة ده لو حصل بيــــــــن الكبار بتبقـــــــــي مصيبة ملهــــاش حل مش تاخدي الموضــــــوع ببساطـــــــــة الحيــــــــاة لسه قدامك سبيــــــــه وشوفي مستقبلك واتعلمـــــــي من الدنيا عشـــــــــان لما تختار قدام شويــــــــــة تختاري صح

  32. bedo almasry
    06/03/2011 at 00:45

    لا والله العظيم ده حب مراهقه وكمان 5 او 6سنين كده افكرك كلنا كنا بنقول كده واحنا فى سنك لكن بعد كده بنكتشف ان ده كله لعب عيال

  33. واحد من الناس
    05/03/2011 at 23:16

    14 سنةوبتقول مش مراهقة روح شربي كاس لبن ونامي يا اختي لس بدري عليك الحب ومشاكله حتتعب والله انت لس في المدرسة خليك مركزى مع الدراسة وتفوقي ولما تتخرجي حبي والله الموفق

  34. فرى مختصر فريدة
    05/03/2011 at 22:59

    لو عايزك من الاخر هيقولك اغفرلى وهيندم عشيى سنك لسة بدرى على الحب انتى لسة طفلة على الحب هو مش عايزك دة لعب عيال

  35. ارنولد
    05/03/2011 at 19:20

    لاتخافي هو يحبك

  36. لله الامر من قبل ومن بعد
    05/03/2011 at 12:16

    خلاص ياستى حبك مش حب مراهقه حبك حب واحده عندها اربعين سنه مرت بتجارب فى حياتها كتير وعارفه الصح من الغلط وخلصت دراستها وجهزت نفسها ومنتظره ابن الحلال اللى يخبط على الباب علشان يخطبها من اهلها وتتجوز ويتعملها فرح كبير وتفرح كل اللى بيحبوها نصيحتى لكى يا بنتى انك تسبيكى من الكلام ده خالص دلوقتى احسن حتوصلى نفسك لطريق مسدود اخرته ندم لان طريقه كلامك كده انك بتحبى تمشى رأيك حتى لو هو غلط بسى صدقينى حتندمى فى الاخر ركزى فى دراستك وانتى ياما حتقابلى شباب يحبوكى وتحبيهم او بمعنى اخر تعجبى بيهم ويعجبوا بيكى واهو تضيع وقت وخلاص لحدالوحده لما تتضعف قدام واحد وياخد منها اللى هو عايزه ويرميها او تفضل ملتزمه زمنتظمه فى دراستها وتركن الكلام اللى مش منه فايده ده على جنب لحد ماتنضج تماما وتقدر تركز هى عايزه ايه ونصيبها حيوصلها لفين يعنى على سبيل المثال انتى لسه سنك صغير لو مثلا ربنا اكرمك ودخلتى كليه طب او هندسه واتخرجتى طبيه او مهندسه قد الدنيا ربنا يوفقك يارب لكده والشخص اللى انتى بتحبيه ده فشل فى دراسته وماخدشى الاعداديه موقفك ايه فى الوقت ده هل هتتجوزيه طيب لو انتى مثلا وافقتى هل اهلك حيوافقوا طيب لو اهلك وانتى وافقتوا هيكون شكلك ايه قدام زمايلك واحده دكتوره ولا مهندسه قد الدنيا ومتجوزه واحد فاشل طيب هل ترضى ده يكون اب لاولادك يا بنتى صدقينى حبك ده حب مراهقه واوعى تزعلى منى انا اذا كنت قاسى عليكى بسى بنصحك لانى عندى بنت زيك ومش اتمنى لاى بنت ان تكون فريسه لاى حد وينضحك عليها وتقبلى منى تحياتى لكى يا عصفوره يا صغيره واوعى تزعلى منى وربنا يوفقك يابنتى

اترك رداً أو حلاً لهذه المشكلة