السلام عليكم يا جماعه انا فى مشكله كبيره جدا انا طالبه فى الثانويه العامة نفسى اجيب مجموع حلو يدخلنى صيدلة بس عندى مشاكل كتير فى بيتنا عندنا اعمامى وحشين رد سجون وكل يوم مشكله فى البيت اكتر من اليوم الى قبله ماما محافظه عليه انا واخويا من البيئه الى احنا فيها ى البيت فا ستى الى هى ام بابا بتكره امى جداا فعلطول مشاكل ومقالب فى امى بتقول عليها كلام وحش فى الشارع والناس طبعا بتصدق وبتشتم فيها وامى مش معبراها بس الناس المهم ماما وبابا فى الوقت الحالى على وشك طلاق بسبها المهم كل يوم مشكله من شكل وانا مش بعرف اذاكر فى الوش مش عارفه اذاكر حاجه خالص وكمان ان نفسى ادخل كلية الصيدلة حاسه انى مش هانجح يا جماعه اطفش من بيتنا ولا اعمل ايه
مشاكل عائلية
في الثانوية العامة وبفكر اطفش من بيتنا
اضيف بتاريخ: Tuesday, September 28th, 2010 في 17:07
كلمات مشاكل وحلول: الثانوية العامة, طلاق, كلية الصيدلة, ماما, مشاكل, مشاكل عائلية, مقالب
ياحبيبتي لا تفكرين ابدا بالهرب رغم كل ظروفك اهلك هم الامان الدنيا مافيها امان لبنت وحدهاالله يكون معاكي وتحصلين المعدل العالي وترفعين راس امك المسكينه كلنا عندنا مشاكل ونتمنى حلها واعرفي شى مافي سعاده بهلدنيا الا برضى الله والله يرضا عنك وعناوالدنيا كلها مشاكل
والله ياابني ربنا معاكي لانك بنت جدعه ونفسك تذكري وان شاء الله ربنا هيسعدك ويخرجك من البيئه ديه وهتاخدي امك واخوكي انشاء الله مش تزعلي بس لازم تعرفي ان النجاح مش بالظروف لو انتي عايزه تذكري ادخلي غرفتك واقفلي علي نفسك ومش تسئلي في حد وانس البيت ومشاكل البيت والله ياابنتي انا عندي البنت في ثانويه عامه موفره ليها كل سبل الراحه لغايه الاكل بجيبه لها في السرير ومع ذالك طول اليوم نايمه وساعات ماترحش الدرس علشان النوم برده ومهما اقول عمله ودن من طين وودن من عجين بس اعمل انا ايه يعني الي عاوز يذاكر بيذاكر دانا اعرف ناس بتعمل في الغيط طول النهار وبتذاكمر طول الليل وطلعو دكاتره مش تقولي اطفش ذاكري ومش ليكي دعوه باي حد
ابنتى الكريمه لوفعلتى ذلك ماهتنالى الا الفشل والضياع فانصحك ان تستعينى بالله وعليكى بال صلاه والتقرب الى الله والدعاء وتتقربى الى امك هى سوف تلاقى لك حل وربنا يوفقك وكل طلبه الثانويه العامه
انا ام لطالب فى الثانويه العامه وحاسه بالموقف اللى انتى فيه وفعلا الثانويه العامه بتيجى مره واحده فقه ولم تتعوض وتنصحك الا تتركى منزلك ابدا ولاتفكى مجرد التفكير فى ذلك لانك لو فعلتى ذلك هتضيعى نفسك ولاينولك صيدله ولا اى شىء غير انك هتندمى على ضياع مستقبلك وحاولى ان تذكرى اسرتك بانك محتاجه جو هادى لكى تذاكرى وانتى عن نفسك حاولى تنفردى فى اى مكان بمنزلك بعيد عن المشاكل والضوضاء والقلق وركزى مع نفسك فى المذاكره واستعيتى بالله وعليكى بالدعاء وكونى حكيمه وعاقله فى اى تصرف والله المستعان ان شاء الله وربنا يعينك ويفك كربك
اولا ربنا يوفقك ثانيا ودة الاهم حافظى على نفسك الشارع بهدلة ومامتك محتجالك هى مستحملة القرف دة علشانك انتى واخوكى انتى متعرفيش حرقت قلب الام لما ضناها يبعد عنها وشوفى حد من قرايبكم تقعدى عندة فترة الامتحنانات احنا لسة فى اول السنة استعينى بالصبر والصلاة ربنا يوفقك ونسمع منك اخبار حلوة يارب
جنة المشاكل في بيتك … ولا نااااااااااار مكتب التنسيق .. انصحك انك تعملي ودن من طين وودن من عجين وخليك في مذكرتك وملكييييييش اي دعوة باللي بيحصل حوليك وده نصيحتي لك وربنا يوفقك باذن الله …….
اوعى ؟؟؟؟؟؟ ….. من اجل امك . حاولى وركزى ولما تكونى خريجة صيدلة هيبقى ليكى فرصة للخروج من البيئة دة ان شاء الله …
طبعا لا بس لو تم طلاق والدتك هل عندكم مكان اقامه
شوفى ازاى قدر اساعدكم بس مسيبيش بيت اهلك
ولو احتجتى شى لا تترددى فى عرض مشكلتك
اطفشى و باتى فى الشارع . و بدل ما تخشى كلية الصيدلة تخشى الاداب . مش كلية الاداب لا ممسوكة اداب .
اللى يخرج من داره يتقل مقداره
بسم الله الرحمن الرحيم اول شي اوعك تطلعي من البيت لو شو ماصار هاد بيتك وانت اذا طلعتي لبرا حتلاقي وحوش اكتر من يلي عندك وحتندمي ويصير شي لا سمح الله مو حاسبتيلو حساب بنت جيرانها هربت من البيت واخدها رجال كبير معو عأساس اساعدها راح اعتدى عليا وجاب رفيقو بعدو انا برأيي استعيني بمرشدة النفسية بالمدرسة او حاولي تحكي مع اهلك وتصارحيهن انك مش قادرة تدرسي بالجو هاد او تحاولي تروحي تدرسي عند صديقة واثقة منها واذا طلعتي من البيت روحي لعند حدا من قرايبينك ولا تستني الشفقة من حدا بالطريق لانو مافي هيك شي وحافظي على صلاتك وكتري من القرأن وادعيلي وراح ادعيلك بازن الله موفقة وانشالله من المتفوقين ياقمر
استعينى بالصبر والصلااااااه
ا طبعا انا علي فكرة في كلية صيدلة و كان عندي مشاكل و لكن قدرت بفضل ربنا اني اتخطاها الحمد لله بس في نهاية الكلام لازم اقولك كلمة واحدة لازم يكون عندك اصرار
لا طبعا دا انتى لو عملتى كده هتضيعى نفسك . انا شايفه انك لو جدتك مامه مامتك عايشه روحى اقعدى معاها طبعا بعد اذن مامتك وباباكى ومهما كانت المشاكل مسيرها هتتحل .
ربنا معاكي بجد و يوفقك كل الي اقدر اقولهولك انك تحولي تقفلي باب غرفتك و تركزي في مزكرتك و لو طحتي سماعات في ودانك عشان متسمعيش وش او في وقت المزاكرة روحي عند اي وحده من صحابك القريبين منك و ربنا معاكي ويوفقك
حاولى تتقربى من ستك وخليها تكون كويسة مع ماما قوليلها عشان تعرفى تزاكرى او روح عند حد كويس من قرايبك او اصحابك وزاكرى عندة وسيبك من المشاكل دى لان الثانوية بتيجى مرة واحدة اما المشاكل ممكن تتحل واعرفى ان كل شئ قسمة ونصيب ومحدش بياخد اكتر من اللى مكتوبلة
والله بصى
ان الله مع الصابرين
مفيش حد يطفش من البيت علشان خاطر المذاكره
لانك فى الوقت اللى هاتطفشى فيه
الناس مش بتسيب حد فى حاله وفى الاخر هاتندمى
اصبرى وجاهدى مع امك وابوكى والمذاكره وربنا يفرج كربك انتى وجميع المسلمين
بسم الله الرحمن الرحيم
الله يكون في عونك وينجحك ان شالله اللي ممكن اقولك عليه اصبري واستعيني بالصبر والصلاه اللي ممكن اخدمك فيه ان احتيجاتك ممكن اوفرهالك لا املك اللي هذا والدعاء لكي .
لا طبعا…. تتطفشي فين انتي فاضل سنوات قليلة وهتبقى فى بيت جوزك وهتمشي من البيئة دي
انما دلوقتي لازم تلاقى حد يساعدك ويخفف عنك وتكلاميه لما تكوني زهقانة صاحبة صاحب حبيب اي حد يحبك ويشجعك عن المذاكرة وتستريحي لما تكلميه وتنسي كل المشاكل دي انا كمان فى ثانية ثانوي ونفسي اجيب مجموع كبير ادخل هندسة بس الجو الى انا فيه غير بتاعك خلاص انا معنديش مشاكل خالص غير اني اذاكر
بجد ياحبيبة قلبي ربنا معاكى وحاولى بقدر الامكان تزاكرى انا بردو زيك طالبة فى الثانوية العامة بس حاولى تروحى عند حد من قرايبك تزاكرى هناك عشان تحاولى تركزى وربنا يوفقك ياحبيبة قلبي ويارب ربنا يمحى مشاكلك ومشاكل مامتك ومتكنش فى مشاكل خالص يارب وان شاء اللة هتجيبى صيدلة بس اهم حاجة تزاكرى ومالكيش دعوة بايلي حاوليكى عشان هتشغلي نفسك على الفاضى ومتركزيش الا فى مزاكرتك وقبل المزاكرة طبعا تصلي عشان ربنا يوفك واهم حاجة الصلاة