مشاكل عائلية

مش عارفه احب زوجة اخي

اخى تزوج من فتاة مش عارفه ليه مش قادرة احبها مع انى طيبه وقبى صغير وبحب كل الناس لكن هذه اشعر ان شخصيته لئيمه مثلا حصل موقف بينى وبينها وجدتها تغير الكلام امامى وامام اخى مثلا لو قلت لها كلمه تغيرها بكلمه شبيهه ولكن اسوء وتقول لاخى قدامى واقول لها احلفى انى قلت هذا تحلف وانا ايضا احلف القيها تقولى يعنى انا كدابه ؟ وفعلا قولت لها نعم انتى كدابه لانى فعلا لم اقل ذلك اجدها تثور امام اخى وتبكى وتقول انها تقول انى كدابه انت عارف يعنى ايه كدابه وعاوزة تدخل الموضوع فى حاجه تانيه اسوء مثلا لو كنا قاعدين بنتغدى مع بعض وهى لم تاكل الا قليل وانا اقول لها ليه ما اكلتيش معقوله دى اكلتك القيها تاخد الكلام بمعنى وحش انى بكدبها ومش مصدقاها مع العلم انى اريد مجاملتها فقط بصراحه انا بكرهها ولما قلت لاخى انها كدابه قالى لا هى فهمت كلامك غلط وقال لى البنت دى مبتعرفش تكدب اخر شىء حصل موقف عائلى خاص وحكيته لامى وامى اخذت رايها فيه وكنا لسه بنفكر فى هذا الشىء وجدنا قريبه لنا علمت به مع اننا لم نخبر احد الا زوجه اخى وزوجه اخى صديقه لقريبتنا هذه مع العلم انى متزوجة ولى بيتى واخى يسكن مع امى انا باعملها كويس علشان اخى ومتقولش حاجه عنى مش كويسه لاخى وتخلى اخى يكرهنى بس بتضايق من تصرفاتها انا مخنوقه منها اوقات بلين واحبها لما بتتعامل معى كويس واوقات بحس انها لئيمه وخبيثه فى تصرفاتها غير انهها من النوع اللى يحب يفرض رايه ومتحبش حد يناقشها فى شىء قالته حتى لو كان غلط والطريقه دى بتخنقنى انا كل اللى يهمنى اخى والمشكله ان اخى علاقته بيه سطحيه يعنى بيحبنى قوى لكن مبيحبش يتكلم مع حد من اهله حتى انا وكلامه كله مع زوجته وبس لدرجه انى باعرف اخبارة من زوجته وطبعا الاخبار اللى هى عاوزة تقولها وهى دى طبيعته قبل الزواج علشان كده بحاول انى مخصرهاش علشان لو خصرتها اخى يمكن ميعرفنيش

مشاكل وحلول ذات صلة

اضيف بتاريخ: Friday, December 3rd, 2010 في 12:06

كلمات مشاكل وحلول: , , ,

4 رد to “مش عارفه احب زوجة اخي”

  1. مجنون نسوان
    17/02/2016 at 15:34

    اتفق مع الاخوات -قلبناطيب – والمراةالقط – في كل ماقالتالصاحبةالمشكلة ده هي الطريقة الصحيحة والسليمة للتعامل مع زوجةاخيك وربنا يهدي ويصلح احوال الجميع

  2. قلبنا طيب بس هيك ناس بدهن عين حمرا
    27/07/2012 at 17:33

    لاحول ولا قوة إلا بالله
    كرمال الله شو قصة هالكناين بيجو بدهن العريس إلهن وبس وبدل ما نفرح لجيت أخت لعنا منقوم منندم لأن جبنا مصيبة عحياتنا.
    شوفي يأختي و الله حاسة فيكي لأن شفت بعيني ومعدي علي للي معدي عليكي تماما بس بنصحك تكوني قوية وما تضعفي أو تنذلي لإلها.
    أهم شي ما تسأليها وما تحاولي تعرفي شي عنها أو عن أهلها وعملي قيمة لحالك وما تاخذي وتعطي معها إلا الشي اللازم وبس. يعني خلي علاقتك معها رسمية جدا وباحترام ..
    عملي قيمة لحالك وخليكي قوية بذكاء وحكمةأخوك احترميه وعلميه شلون يحترمك بموقف بسيط أو حتى بنظرة بس بدون ما تجرحيه لأن إذا انجرح مستحيل ينسى.
    أهم شي تذكري (إدفع بالتي هي أحسن فإذا الذي بينك وبينه عداوة كأنه ولي حميم) هذا طبقيه مع أخوك دلليه واحترميه وحبيه هو وولاده
    بس زوجةأخوك (العين بالعين والسن بالسن )لا تاخذي وتعطي معها وعامليها كأنها مو موجودة أحسن بس بدون ما تحسسي لي حوليكي . أي لا تحكي معها إلا اللازم (وقت بيجي عبالك إنت تحكي)
    ولا تخافي خلي عينك بالحق قوية وبعدي عن الشر وغنيله

  3. المراة القط
    09/12/2010 at 04:16

    يا بنتى الانواع دى من الستات بتبقى عندها نقص وغيورين جدا ومتحبش تشوف حد مسيطر على جوزها ومهتم بحد غيرها هى وهى من النوع الخبيث والئيم وده واضح من كلامك عشان كدة الانواع دى مينفعش تحكيلها حاجة عن نفسك ولا تكونى طيبة معاها بمعنى انك لا تعملى معاها مشاكل ولا تديها اى اهتمام يعنى عامليها على اد الموقف وبس لا تزودى ولا تنقصى عشان متستغلش الثغرات اللى ممكن تعمليها وتكره اخوكى فيكى ولا تصحبيها ولا تكرهيها خليكى عادى خالص اما اخوكى فاهتمى بيه وحاولى توديه علطول ولو حتى بالتليفون او الزيارة وهى كدة هتخاف منك وتعملك الف حساب حسسيها انك ليكى شخصية والله الموفق لما يحبه ويرضاه

  4. الموهر
    03/12/2010 at 15:51

    أختي العزيزة بالله عليكي لا تكوني السبب في خراب بيت أخيكي لأن زوجته من النوع الغيور جدا حتى من أمه التي قامت بتربيته زوجة أخيكي من السيدات المستبدة بزوجها وحياته وهي ترفض رفضا قطعيا أن يكون لها شريك في زوجها واذا وجد هذا الشريك ستحاول بكل طاقتها أن تتخلص منه وان فشلت فلن تتردد ولو للحظة في هدم حياة أخيكي مثلها مثل الدبة الي أرادت حماية صاحبها فبالله عليكي لا تكوني متطفلة على حياة أخيكي حتى لا تفسديها أما زوجة أخيكي وعلاقتك بها فانك كلما ابتعدتي عنها ولم تلاحقيها فسوف تقوم هي بالتودد اليك أرجوكم كفايا الي الرجاله فيه ميبقاش أنتم والدنيا عليهم تحياتي أختي الغالية

اترك رداً أو حلاً لهذه المشكلة