انا شاب عندى 23 سنه والدى منفصل عن والدتى من حوالى 22 سنه يعنى من وانا لسه فى اللفه المهم انه كان مش بيسئل عليا ولا حتى كان مهتم بيا مع انى ابنه الوحيد وهوه مخلفش غيرى حتى هوه اتجوز كذه مره بعد ماما ولكن هوه مخلفش غيرى ولا معاه ولاد ولا بنات حتى غيرى انا .
المهم ان من حوالى ست سنين كده بدأت حبال الود تتصل بينى وبينه وبقينا نتكلم بس برضه هوه انسان قلبه مليان جفاء مش بيكلمنى الا كل سنتين مره ولاحتى بيدينى كان بيدينى فلوس .
مش هطول عليكو بختصار انا لما اجيت اطلع المعافاة بتاعتى من الجيش بما انى وحيد طلبوا منى ان يكون من ضمن الاوراق اللى اقدمها مع الورق عشان اطلع القيد العائلى صورة بطاقة الاب ولما انا كلمته وطلبت منه صورة البطاقه دى ادهالى لكن اكتشفت انه عامل الحاله الاجتماعية فى البطاقة الشخصية (أعزب) ودى طبعا مشكله كبيره جداااااااا حتى الورق بتاعى منفعش يمشى فى السجل المدنى بالوضع ده والموظفه قالت ان والدك لازم يغير بطاقته لمتزوج او مطلق عشان ورقك يمشى ونطلعلك القيد العائلى ولما كلمته وقولته غير بطاقتك يابابا رفض وبقالى تلات سنين بتحايل عليه يغيرها وهوه مش راضى وانا كده ياجماعه هيضيع مستقبلى ولا عارف اطلع معافاة الجيش ولا حتى عارف اشتغل مع العلم انى معايا دراسات عليا فى المحاسبه كمان
رجاء القى عند حد حل للمشكله بتاعتى دى لان هى بجد مشكله عمرها ماحصلت فى تاريخ البشريه كلها
اخي الفاضل بارك الله فيك انت الان راجل تقدران تتصرف خذ بطاقةوالدك وقسيمةالزواج حق امك وقسيمةالطلاق وتقدمهالادارةالتجنيدبالجيش واكيد يقبلوهامنك ومافي شي داع لكل المشاكل دي ومهماكان ده ابوك ادي الواجب عليك نحوه من البروالطاعةوالاحسان قال تعالى -وقضى ربك الاتعبدو الااياه وبالوالدين احسانا امايبلغن عندك الكبر احدهمااوكلاهمافلاتقل لهما اف ولاتنهرهماوقل لهماقولاكريما- وتاكد ان الله راضي عنك باحسانك لوالديك وحيبارك لك في رزقك وصحتك ويوفقك طول عمرك برضاهم عليك
ياجماعه انا متشكر جدا لمحاولة المساعده
لكن انتوا برضه مش فاهمين الموضوع اوى انا معايا فعلا قسيمة طلاق ولكن المشكله برضه انها مش نافعه فى حل هذه المشكله هما عاوزين الاب يغير لازم الحاله الاجتماعيه بتاعته الى متزوج او مطلق وبعدين هوه متزوج اصلا دلوقتى من واحده من حوالى 6 سنين وبالرغم من ذالك برضه مش مغير البطاقه بتاعته عشان لو طلق اللى معاه دلوقتى يتجوز تانى غيرها
هوه بالرغم من انه ابويا لكن هوه انسان فاشل فى حياته وربنا انتقملى منه والحمد لله بانه مش مستريح فى حياته ولو اتجوز واحده مش بتعيش معاه وبيطلقها
اخى الكريم ممكن يكون انا عندى وجهه نظر غريبه شويه لم يتفق فيها كثر من الاخوه مع انى ان اب الى ثلاثه ابنا منهم من هو اكبر منك واصغر منك فى السن المهم انا اردت انا اقول ذلك حتى لايفهمنى احد اننى سنى لسه مراق او على شاكله ذلك ااما بالنسبه لك يا اخى انت كما ذكرت والدك ما هو الا سبب فى ولادتك فقط لاغير بمعنى اخر لايطلق عليه لفظ الابوه لانه فى هذه الحاله سوف نساويه بالابهات التى عانت على تربيه اولادهم وهذا ليس من العدل وهذا مايجرئنى ان اقول لك الاتى انت قلت انه لايريد ان يغير البطاقه الشحصيه الى عائليه وهذا من اجل ابنه الوحيد الذى لم يقدم له اى معروف منذ ولادته فاقول لكى والذنب امام الله فى رقبت ان كان هناك ذنب اصلا ان تحاول ان تستخرج قسمه طلاق وقسيمه زواج الى الست الوالده بارك الله لك فيها وتذهب الى محكمه الاسره وترفع دعوى على الوالد بمشكلتك بالضرر الواقع عليك وفى مثل حالتك سوف يحضره القاضى ويجبره على رفع الضر عنك وهذه هى افضل طريقه وليس عليك اثم فى ذلك لانك لك عليه مثل ماله عليك كاأب على سبيل المثال هو لو لم يكن يعمل ولديه مدخول شهرى مايقضيه وانت عندك مال فمن حقه ان يرفع عليك ايضا دعوى ويحصل منك على اعانه ماديه له وبذلك فانت لك مثل ماله عليك وفقك الله الى قضاء حاجتك واسف على الاطاله
انا اخويا الوحيد زيك كدا بالظبط وبابا مرضيش ابدا يروح معاة وحالتنا زيك كدا من جفاء وارف وخنقة بس ربنا سترها مع اخويا وخد اعفاء 3سنين واشتغل في بنك وبقي ميسور جدا خلال 3سنين دول واخد اعفاء خالص من الجيش سيبها ع ربنا والا مكتوبلك هتشوفوا عسي ان تكرهوا شيئا وهو خيرا لكو وعسي ان تحبوا شيئا وهو شرا لكم ربنا يترها معااااااااك ويوفقك يااااااااارب اختك في الله
انا كمان بيي متل بيك لاتعتل هم ربي بيفرجها وما ضاقت الا لتفرج
الاخ الفاضل اعتقد انك تقدر تثبت ان والدك كان متزوج من والدتك بقسيمة الزواج وكمان بقسيمة الطلاق تثبت انهم انفصلوا يعنى تاخد معاك صورة بطاقة والدك وقسيمة الطلاق من والدتك وتقدمهم وان شاء الله مشكلتك تتحل