السلام عليكم
ارجو الاهتمام بمشكلتي فقدت ترددت كثيرا قبل ان اكتبها و لكني فعلا محتااره في حل مشكلتي
انا اكتبها و انا ابكي لأن كل حرف كتبته يعيدني لذكريات أليمه ارجوكم انصحوني و أتأسف للأطاله
انا فتاه عندي 16 سنه عندي اخ 12 سنه و اخت 6 سنين يعني انا الكبيره و كانت ظروفي العائليه كويسه و مكنش فيه مشاكل كتير و كنت عايشه بدوله من دول الخليج و انا اصلا من مصر
و تحديدا مدينه الرياض في السعودية
كان في دايمن مشاكل بسيطه بين بابا و ماما دا علي حسب مع اعتقدت و كانت تدور حول ان بابا كان بيحب ممته اوي حب مبالغ فيه و كانت ممته ال هي جدتي بتكره ماما اوي طول حياتنااا كنا في الرياض و لما كنا بنيجي ننزل علي مصر كنا بننزل في شقه مفروشه و دا طبعاا عشان بابا مجبلناش شقه ماما استحملت الوضع دا كتير لحد ما بابا جاب شقه بعد ما ماما ساعدته في فلوسها بابا صيدلي
و كانت سعتها ماما حامل في اختي الصغيره و قبل نزولها مصر ب أسبوعين لأنها كانت عايزا تولد في مصر تتفاجأ ان بابا بيقولها انه باااع الشقه و قالها خلي اخوكي يشوفلك شقه مفروشه
طبعاا ماما اتجرحت جدا جدا و المفجأه بقا انو مبعش الشقه خلي مامته تقعد فيها و علي عفش ماما و مرضاش ماما تنزل علي الشقه
طبعا اتبهدلناا جداا جداا و فضلنا قاعدين عند خاله ماما اسبوعين لحد ما لقينا شقه و لما ماما اتكلمت في موضوع الشقه مع بابا قالها انسي ان جبت شقه و حتي عفشها مرضاش يدهولها ساعتها ماما كانت عايزا تطلق و هي حامل في اختي الصغيره بس مامت ماما ال هي جدتي هدت الوضع بينهم و رجعنا تاني علي الرياض بعد الولاده 🙂 و طبعاا كل مشاكل بابا و ماما او معظمها كانت بسبب تيتا
و أتفاجأنا ان بابا اترقي و كان هيسافر و ماما فرحتله جدا مع انها كانت زعلانه منه بس كانت بتحبه و وقفت جمبه و صاحبتها اقرب واحده ليها اول واحده كلمتها و حكتلها ان بابا اترقي و اذ تتفاجأ انها تقعد تعيط و لما قالتلها مالك قالتلها مفيش بعيط من الفرحه مع العلم انها عيطت بحرقه لدرجه انها مش عارفه تتكلم و كل دا عشان جوزها مترقاش زي بابا و قالت لماما انها بتعيط عشان خايفا ان احنا نسافر
بعدها حصلت مشاكل لبابا في الشغل كبيره جدا و اضطرينا ننزل مصر و كنا هنستقر و قدر الله ال خلانا نرجع تاني علي بيت جديد
و من بعدهاا مشفناش يوم عدل كترت المشاكل بين بابا و ماما لأتفه الاسباب و كنا عايشين في بيت كله صراعات و نكد ادت ان بابا من نرفزته يزق ماما زقها جامد و انا اقعدت اعيط و أواسي فيها راح اتعصب عليا انا كمان و قالي ملكيش دعوه و ذقني جامد مع العلم ان بابا عمره ما مد ايده علي ماما
ماما كانت نفسها تشتغل من زمان هي كليت تجاره انجلش و جالها اكتر من شغل في اماكن كلها نساء و لكن بابا كان رافض فكره الشغل تماما
فماما شغلت نفسها في البيت و تربيتنا و كانت بتذاكرلي انا و اخواتي من غير ما نروح مدارس و كنا بس بنمتحن في السفاره المصريه و كنا بنجيب اعلي الدرجات الحمد لله 🙂
كترت المشاكل و مبقتش عارفالها حل و بقيت بحاول اهرب من النكد مره بالنوم و مره بالخروج و كان عندي جاري اعرفه قبل المشاكل بسنتين و كان بيحبني و قالي و انا كنت بحبه و لكن مقلتلوش لأني متربتش علي كدا طبعا بعد المشاكل بدأنا ان احنا نتكلم و كدا مع انه كان نقل بعيد عني شويه و لكن قدر يوصلي عن طريق النت خلا بنت خالته و ال كنا نعرفها تكلمني و تاخد الايميل مني و ضافني هو بدأت اتكلم معاه و احكيله علي مشاكلي في البيت و كان بيواسيني اتعلقت بيه و وصل الامر اني كنت بخرج معاه في المولات و كدا و كنا بنتقابل كل خميس
و في يوم بابا و ماما كانه بيتخانقه و انا لسه راجعه من بره فأنا كنت بدافع عن ماما لأن ماما اكتشفت ان بابا كاتب انه عايز يتجوز علي النت طبعا دي كانت اخر حاجه ماما تتوقعها بعد احتمالها لكل مساوءه و عيوبه و كره ممته و اهله ليها بدوون اي سبب ماما حنونه جدا و مفيش اطيب منها و لما واجهت بابا اتنرفز و قالها انتي بتراقبيني و كلام من دا و قفلو الحوار كالعاده و ماما بتعيط و انا أواسي فيها و لما قلتله يا بابا كفايا بقا حرام عليك احنا تعبنا من المشاكل ماسكني اتنرفز عليا و زقني و قالي و انتي و شتمني شتايم كتير اوي اتكسف اقولها هنا قالي بتكلمي شاب علي النت عرف موضوع محمد جاري مع ان كلامنا مكنش فيه اي حاجه تخدش الحياء تستاهل ال بابا عمله فيا شتمني شتايم متتقلش الا لو واحده استغفر الله عملت الحررام و الله قعدت اعيط و جسمي ارتعش و كنت خايفا دخلت عشان انام اخد مني الموبايل و الكمبيوتر و كل حاجه و ضربني ضرب جامد اوي خلا جسمي يورم و ماما مكنتش عارفه تعمل ايه
بدأ البيت كله يبعد عن بعض بابا يرجع من الشغل ماما تقوله نخرج كعيله زي بقيت الناس و نجمع شملنا تاني كان يطنشها و يدخل ينام
سعتها ماما كانت بتقعد مع نفسها و اوقات اسمعها بتعيط و لما كان بابا بيشوفها تعيط كان بيطلع ينام بره ال اوضه و يقعد علي النت و كان بيدخل علي الشات و الفيس لأن بابا عمره ما اقتنع انه غلط في حق ماما و دايمن كان ناكر جميلها علينا كلنا
فضلت الخناقات تكتر لحد ما ماما طلبت الطلاق و احنا في الرياض
بأختصاار نزلنا مصر قعدنا 6 شهور و كانت مهله ماما فيها تفكر و وصلت لحل انها تحاول تاني مع بابا لأنه وعدها انه يتغير
رجعنا تاني الرياض في نفس البيت علما ان البيت كان بيحصل فيه حجات غريبه اوي و عرفنا ان في ناس قبلنا كانو قاعدين بيحضرو فيه سحر خفنا يكون دا السبب في كل حاجه حصلتلنا قلنا لبابا مرضاش ينقل من البيت … البيت كان وحش اوي بجد مع انننا ماديا كويسين و بابا صيدلي و مرتبه كبير و لكن رفض انه ينقل استحملنا و رجع الوضع تاني ان كل واحد فيهم يقعد علي النت بابا قعد مره يكلم واحده ع النت اسمها مني و قعد يقولها كلام عن ماما و اهلها قالها و لا مراتي ال كذا و كذا و الله ماما مشاء الله عليها في منتهي الجمال و الطيبه و الاخلاق و جاب في سيره اختها اخت ماما خاتمه للقرءان قعد يتريق عليها عشان بيجيلها حساسيه تمنعها انها تاكل حجات كتير و اتريق علي العيله كلها مرحمش حتي جدي ابو ماما المتوفي ماما سمعت من هنا انفجرت في العياط و لكن المرادي من غير ما تواجهه
تطور الموضوع مبقوش يتكلمو و ماما بقت تقعد ع النت زي بابا و تكلم ناس من ع النت متعرفهمش و كانت اول مره تقعد علي النت و بقت تدخل ع الشات ال بابا كان بيدخل عليه
ماما فجأه بقت نسخه من بابا ع طول ع النت و هو ع النت و انا كمان شغلت وقتي بالنت و مع محمد
لحد ما بابا اكتشف ان ماما بتقعد علي الشات و قالها انتي بتكلمي كذا و كذا انتي مش محترمه انتي انتي و شتايم
قولتله بابا انا ال دخلت مش ماما في اول الامر صدق و فضل يهزقني و يشتمني و يضربني استحملت عشان ماما
تعبت و كنت اشتكي لمحمد كان اكتر واحد حنين عليا
لكن ماما فضلت ع ال هي فيه و بقت ع طول ع النت لحد ما بابا أتأكد انها بتدخل ع الشات حصل خناقه كبيره و كان يزقها و هي تزقه و يضربها و تقع ع الارض تصوت و تنهار و تبكي بقيت مش عارفه اعمل ايه قعدت اعيط و قلتله سيبها في حالها انت السبب بقا يضربني انا كمان و اختي و اخويا يقعدو يعيطو و اختي كانت 4 سنين تقعد تعيط مش عارفه تعمل ايه راحت لبابا تبوس ايده كانت بتحبه اوي قالتله انا خايفا يا بابا و قعدت تعيط و هي يبصلها بقسوه و قال لماما خديها دي كمان عشان تدافع عنك زي بنتك و ابنك الكبار و كلنا كنا بنعيط و بابا مش بيرحم و ماااما بتنهار مسكت السكينه و قلتله اطلع بره يا بابا انا هموت نفسي و هموتكوو كلكو و اتجننت فعلا و كنت هموت نفسي لكن تعبت من الضغط وقتها ساب الشقه و قعدت اعيط كلنا نعيط و نواسي في بعض و بعد ما هدينا رجع بليل و محدش فيهم بيبص للتاني و دخل ع مااما كان عايز يكمل عليها اختي استعطفته قالتله بابا ماما تعبانه راح سابها و دخل ينام وقتها انا تعبت خلاص مسكت الدوااء و اخدت جرعه زايده محاوله للأنتحار اخويا شافني صبر 10 دقايق خاف يقول لحد و بدأت اتعب و احس بدوخه لأني اخدت يمكن 8 برشامات من ادويه مختلفه و دخلت انام لحد ما قرر يصحي بابا و ماما و يقولهم و بعد ما قالهم بابا صحاني بالضرب و قعد يشتم فيا وقتها ماما كمان مرحمتنيش ضربوني قالولي عايزه تموتي كافره و كنت خلاص بنهار ماما قالت لبابا يوديني المستشفي اعمل غسيل معده مرضاش ينزلني و قالهم خليها تموت ماما خلتني ارجع كل ال في بطني لكن من غير جدوي شربت مايا بملح و قعدت ارجع و بابا نزل علي اساس يفتح الصيدليه و أتأخر ماما خافت عليا كنت بين الحياه و الموت قامت اتصلت بمحمد جارنا الشخص ال حبيتو يجي يخدنا بالعربيه لأقرب مستشفي من غير ما بابا يعرف و فعلا جا و نزلت اعمل غسيل معده و لما بابا اتصل ب ماما قالتلته انها عند صاحبتها بتريح اعصابها و اني كويسه و موضوع الانتحار دا كانت فكره عشان يخافو عليا و يهتمو بيا بابا اتنرفز و قفل السكه في وشها بعدها كان موضوع الطلاق موضوع حتمي و لا بد منه و لكن بابا رفض
بعد الموقف دا اتعلقت بمحمد اوي اكتر و اكتر بقا كل ما يحصل مشاكل كان يجيلي تحت البيت و انزله في العربيه ياخدني في حضنه و انا بعيط زي الطفله بين اديه سعتها انا كنت 14 سنه و هو 17 يعني من سنتين انا ناو 16
نزلنا مصر و بابا نزل علي ممته ال قعده في شقتنا و ع عفش ماما و اخدنا معاه لأن ماما تعبت اوي و مكنتش قادره تتحمل مسئوليتنا
طبعا قعدنا 3 شهور عند بابا و مع ممته اتعذبت عندو انا و اخواتي بدأ يبخل علينا بسببها بابا عمره ما بخل علينا في الماديات مبقاش يهتم بينا حتي لما اختي سخنت انا ال نزلت اجيب الدواء و انا ال عملت كل حاجه و كانت جدتي ال هي مامت بابا كانت تقومه علينا و تقوله ان احنا بنعاملها بعدم احترام و كان يقسي علينا انا و اخويا و حتي ع اختي الصغيره ال بتحبه
تعبت اوي وقتها مكنتش بشوف ماما غير كل فين و فين حاولت تاخدنا من بابا لكن بابا قالها لو اخدتيهم تخديهم بشروطي و كانت من شروطه انه حدد مبلغ قليل في الشهر منقدرش نعيش بيه فماما ررفضت بعد كذا محاوله و كذا استعطاف معاه مفيش فايده
كلمت مره ماما في يوم قلتلها انو اساسا مش بيصرف علينا كويس و قولتلها انا تعبت و هموت نفسي من معاملته و كنت منهاره من العياط قررت ماما تاخدنا
و لما اخدتنا قالها هديكي المبلغ دا و كان 1000 جنيه في الشهر عليا انا و اخواتي بالمدارس و بكل حاجه طبعا مكنش ينفع ماما رفعت عليه قضيه خلع و رفعت نفقه و لما رفعت القضايا كانت ردت فعل بابا انه يسافر و ميسألش علينا تاني و لا بيكلمنا و لا اي حاجه و لا كأننا ولاده نسانا و نسي اختي نسانا كلنا اي انسان يعمل كل دا في عياله يحرمهم منه ماديا و معنويا
ماما معرفتش تلاقي شغل عشان زي مانتو شايفين اوضاع البلد و القضايا واقفه لكن الحمد لله عارفين نصرف لأن ماما بتصرف علينا من مشروع عاملاه في الارض ال ورثاها من باباها
ماما عندها سحر و انا ككمان من الشقه ال كنا فيها و دا اتثبت بالرقيه الشرعيه و بنتعالج عند الشيوخ
ماما السحر دمرها اوي و خلاها تقلع الحجاب و بعد كدا وصل الموضوع انها تعرف رجل عايز يتزوجها و اتقدم رسمي لجدتي و جوز جدتي بس طبعا ميقدروش يتجوزو قبل الخلع هو راجل طيب و لكنه متزوج و عنده عيال لكن هو كويس
بس ماما بتكلمه قبل االجواز في الموب و دا بيضايقني اوي بقيت عايشه في غيبوبه عدم وجود اب
مع ضغط المشاكل ع الام لدرجت انها مبقتش ماما ال اعرفها دايمن ابصلها و افتكر ماما بتعت زمان اعيط
محمد بدأ يبعد عني بعد ما جينا مصر كان الوحيد ال بيحس بيا لكن بعدنا لأنه في الشرقيه و انا في القاهره
اكتب لكم قصتي و اقسم بربي ادمع و ابكي بحرقه
ياريت تقولولي اعمل ايه
انسا بابا ازاي و اعتبرو مات ازاي دا اب ليه عمل فينا ككدا انا بنته ليه يحطني في موقف يخليني مش حاسه بأمان غير مع شخص غريب حضنو هو بس ال يحتويني
اعمل ايه مع ماما و موضوع الراجل ال هيتجوزها انا مش قادره اتحمل كل دا انا اتعبت انقذوني يا اخوتي في الله مش قادره اتحمل مكالمتها معاه مش قادره تعبت
اشعر بالضياع مش عارفه ابعد عن محمد او انساه مبحسش بأمان غير معاه اعمل ايه الظروف خلتني كداا
انقذوني و انصحوني اشعر بالضياع و خايفا علي اخواتي حاسه ان ماما مش مسئئوله و حاسه انهم هيضيعو زيي
اعاني من السحر انا و امي و لكن امي لم تعد تهتم و السحر يأخذها لمطااف الله اعلم ايه نهايته
لا استطيع الألتزام بالصلاه و لا التقرب الي الله و بيجيلي حالات صرع و هتعالج منها ادعولي بالشفاء
انا حالي بقا صعب و حاسه بالخوف من الله و من الدنيا و من كل شئ و اقسم بربي اني ابكي الان دموع خشيه من الله ع ال امي و انا فيه اخاف عليها من الله و عقابه و اخاف من الدنيا علينا ارشدوني عسا الله ان يجعل كل كلمه تكتبوها في ميزان حسناتكم
لاحول ولاقوة الابالله العلي العظيم كان الله بعونك يابنتي انت وامك واخواتك لقد قرات قصتك الطويلة وتالمت اشد الالم والحسرة على كل ماحدث لك انت وامك واخواتك من ذلك الاب القاسي العديم الرحمة والمرؤة والانسانية لايستحق ان يكون ابا لكم ولايشرفكم ان تعرفوه شخص لايخاف الله عزوجل ولايتقيه ولايقدر الحياة الزوجية ولاعنده ذرة من الايمان او الرجولة اوالكرامة لاكثرالله من امثاله من اشباه الرجال حسابه على الله عسير ياابنتي تاكدي انه لن يفلت من عقاب رب العالمين مهما طال الزمن اوقصر وانتقام الله منه شديد يوم القيامة كل البلاوي والمصايب التي حصلت لكم هي بسببه لكنني مستغرب جدا من امكي نبع الحنان والقلب الرحيم كيف رضيت بالتعايش مع شخص كهذا لايقدر الحياة الزوجية ولايقيم لها وزنا ولااعتبار كان المفروض انها تبادر الى طلب الطلاق منه من زمان وتحرص على صون كرامتها وكرامتكم انت اولادها وتحافظ على حقوقكم وتلزمه بالنفقة والصرف عليكم لكنها تساهلت معه كثيرا وهذا جعله يتمادى في اهانته لها ولكم وضربه المتكرر لها واستحقاره لها وبكرامتها وكلهذا ظلم وافتراء منه لكم جميعا وربنا بينتقم منه ويفضحه على رؤس الخلايق الان وقد رجعتم الى بلدكم مصر واستقريتنم بها وامك حصلت على خلاصها منه وتطلقت فمن الافضل انكم تذهبو ا للعيش معها ولاتتركوها فقد صبرتم وتحملت علشانكم قساوة ابوكي هذا الظالم المفتري طوال تلك السنين وحرام انكم تتركوه وتتخلو عنها ان كانت فعلا مسحورة فيجب علاجها بالرقية الشرعية من القران عند احد الشيوخ الثقاة المشهود لهم بالخير والتقوى والصلاح وان شاء الله تشفى من ماهي فيه من السحر ولايمنع انها تشوف حياتها ونفسها وتتزوج من ذلك الرجل الذي تريده ان يكون زوجا لها وتفرحوا لفرحها يكفي ماشافته في حياتها من ابوكم االظالم القاسي المفتري طوال حياتها المشومة والتعيسة معه ولعله يكون زوج صالحا ويكون عوضا لكم عن ابوكم القاسي القلب ويساعد امكم في تربيتكم والاعتناء بكم ويعوضكم مافاتكم وماتحرمتم منه حنان وحب وعاطفة الابوة فاللله عزوجل قد يكون بعثه لكم ليعوضكم انتم وامكم عن حياة الذل والمهانات والعذاب اللي شوفتها على يد اب عديم الرحمة والشفقة والانسانية وانت واخواتك عيشوا حياتكم واهتموا بدراستكم والتفوق فيها ونسيان الماضي يكل الالمه ومتاعبه وطوي تلك الصفحة السوداءمن حياتكم السابقة واعتبروا ذلك الاب مات وخرج من حياتكم للابد وانكم ايتام مالكم الاامكم ربنا يخليها ليكم ويحفظها لكم ويطول بعمرها ويبارك فيكم ويسترعليكم ويصلح لكم الاحوال ويفرجها عنكم ويسعدكم طوال حياتكم ويرزقكم من اوسع ابواب رحمته وفضله العظيم ولايحرمكم من امكم ولامن اخواتك وتمنى اسمع عنكم اخبار سارة وسعيدة باذن الله تعالى
أختي الصغيرة ،، إذا أحب الله عبدا ابتلاه ،، فمن رضي فله الرضا ومن سخط فله السخط،،ربنا بيحبك بس بيبتليك عشان يشوف صبرك وتحملك،،أبوك مش سئ صدقيني ربما يكون وجودكم في بيت فيه سخر أثر عليه،،حاول تقرب منه حاول تشعريه انك بتحبيه ماتخسسيهوش انك في صف امك اشعريه انك بتحبيهم الاثنين وكذلك بالنسبة لأمك انصحيها وحسسيهابخوفك عليها ،،اقترب من ربنا استغفر كثير كثير وحتشوف الفرح في أبهى صوره ،إدع ربنا في أوقات الإجابة وفي الثلث الأخير من الليل،،وابعد عن محمد لأنه علاقتك بيه ماترضيش ربنا،، كيف تسمح له يخضنك وهو مش زوجك ولا ابوك ،،حتقول الاحتياج ابدا مش مبرر،،خاقظ على نفسك طاهرة وتأكد إن ربنا حيفرجها عليك،،داوم على الرقية الشرعية وسورة البقرة وماتوقفيش الاستغفار،،وتأكد إنك لو سقطت حيسقط اخواتك من بعدك وهم حاليا مالهمش بعدالله غيرك،،حافظ على صلاتك وادع ربنا كثير وانت ساحدة وتصدق ولو بجنيه بنية الفرج
اولا كان الله في عونك
ثانيا بالنسبة لابوك انسيه مثل ما نسيك ولكان لا تدعي عليه فهو يبقى ابوك ، احسبي نفسك مثل اي بنت يتيمة قد حالها وكوني عون لامك
بالنسبة لموضوع السحر فعليكم بالرقية وقراءة سورة البقرة فهي تطرد الشيطان من البيت (مرة كل 3 ايام ) والقيام في اخر الليل والدعاء بهذا الدعاء لفضيلة الشيخ الشعراوي (اللهم انك اقدرت بعض من خلقك على السحر والشر والأذى واحتفظت لذاتك بإذن الضر ، فأعوذ بما احتفظت به عندك مما اقدرت عليه لبعض من خلقك بحق قولك الكريم وما هم بضارين به من احد الا بإذن الله )
اما جدتك فهي بما وصفتها لي فإني اراها شيطانة بالإضافة انها عديمة الرحمة وبها مرض نفسي وما دام امك قد تطلقت من ابوك فالعفش من حق امك ان ترجعه
امك ما دام وجدت رجلا يهتم بها و جيد فاتركيها تتزوج فهذا شأنها ولكن خليها تعمل استخارة قبل زواجها
اما موضوع تعلقك بهذا الشاب فهذا حرام فهو ليس زوجك فاقطعي علاقتك به واذا كان هو يحبك فسوف يأتي ويطلب يدك فاتفقا على عدم التحث مع بعض حتى ولو كتابة فهذا حرام على الابتعاد عن بعض حتى يطلبك
اما ما الحل لوضعك انا اعرف انه صعب ولكن الصبر مفتاح الفرج وان بعد العسر يسرأ هذا كلام الله فاصبري وكوني قوية واجعلي ما مررت به درسأ لك ولاختك الصغيرة فانتي الان ما زلت طالبة فادرسي واحصلي على وظيفة لا تجعلك تحتاجين لأحد فالحياة صعبة وادعي لابيك بالهداية ولا تتركي امك تخلع الحجاب مرة اخرى فلا تعااج الخطأ ب خطأ اخر .اما ابوك وجدتك فالله يرى كل شيء وهو مدبر الامور والدنيا ميزان فلا يمر شيء دون عقاب فلا تخافي فحقك انت وامك واخوتك لن يضيع أبداً
كوني قوية اهم شيء ولا تضعفي امام اي شاب