مشاكل عائلية

امي كرهتني في حياتي

اناعندي19سنه كنت بحب واحد وعرف اخويا وامي وهي كانت رافضه علشان هي اي حاجه بتفكر فيها الماده وبس ورفضته تقولي ده طمعان فيكي وحصلتلي مشاكل كتير اوي بسببها وبابا عرف وانا اخر مازهقت وتعبت سبته علشان تستريح وبقالي سنتين سيباه هو جاري علي فكره المهم ان هي لغايه دلوقتي شاكه اني بكلمه وتدخل اوضتي باليل تصحيني من النوم تقولي انتي كنتي بتتكلمي في التليفون وعلي طول تيجي تتسنط من وره الباب لو انا قاعده في حته بعيد عنها تيجي ورايا تتسحب وتشوفني بعمل ايه ولما اكلم حد كن صحابي علي البيت تروح ترفع السماعه التانيه وبتفتش في حاجتي لو نازله وانا لوحدي تقفل عليا بالمفتاح وبتشك في كل حاجه ولو قلتلها اخدت ورقه من واحد معايا في الكليه تشك وكاني مشيت معاه انا بجد تعبت منها وحسا بضغط عصبي عليا اوي وانا والله ضحيت بحب عمري علشانها وعلشان ترتاح ومفيش فايده وبردوه لو انا وهي في البلكونه لازم تحرق دمي بكلمه علي اللي كنت بحبه ولازم تفكرني بيه وتتعبني وهو والله شاريني وبعد ماسبته هو مصمم انه يظبط نفسه ويروح تاني لبابا بس انا تعبت من امي جالي الضغط وقولون عصبي منها لو مره صحيت متاخر تقولي اه مانتي سهرانه طول اليل تتكلمي لو لقيتني مبسوطه تشك وتنكد عليا بجد انا تعبت كرهت نفسي وحياتي وخلتني اندم علي اليوم اللي عرفتها اني بحب فيه وعلي الرغم من كده هي مصاحبه اخواتي الولاد واهما اكبر مني بس انا لا وانا بنتها الوحيده وعايزني اقاطع كل صحباتي اعمل ايه حد يساعدني حسا اني هيجرالي حاجه بسببها .واسفه علي الاطاله

مشاكل وحلول ذات صلة

اضيف بتاريخ: Tuesday, January 22nd, 2019 في 14:30

كلمات مشاكل وحلول: , , ,

ردود to “امي كرهتني في حياتي”

  1. Peace
    24/01/2019 at 03:48

    والله الموضوع بتاعك ده مش عندك لوحدك ده عند ناس كتير في بيوتهم..المهم انتي حلك تشوفي الوقت اللي تعرفي تتكلمي معاها فيه لوحدكم وتعالي علي نفسك المره دي تعرفيها إن اللي هي بتفكر فيه ده خلص من زمان وخلصتيه عشان خاطرها وانك ما تقدريش تعملي حاجه الا بموافقتها وعلي فكره كل أم دلوقتي بتدور علي الراجل المبسوط ماديا عشان يعيش بنتها في احسن حال ومش بيدوروا علي حب ولا مشاعر اصبري وقربيلها اكتر وما تحاوليش تبعدي عنها وكل ما تقربي منها أي نعم ممكن شويه كلام حرق دم بس هيقل كل ما تقربي منها وتطمنيها من ناحيتك وربنا يهدي النفوس.

اترك رداً أو حلاً لهذه المشكلة