مشاكل عائلية

خناقات كتير فالبيت وانا نفسيتي تعبت

انا بنت عندي 20 سنه البيت دايما فخناقات بابا وماما دايما يتخانقو لاتفه الاسباب وانا تعبت ومعرفش ليه بقيت حساسه اوي انا الاول كنت بعدي كل حاجه ولا كانهم بيتخنقو بس دلوقتي بقيت بتاسر باللي بيعملو بابا وماما اتخنقو اول يوم العيد ومعرفش ليه انا كنت نايمه وصحيت لقيتهم مبيتكلموش وكانو قابلها متخنقين ولسه متصلحين مفيش يومين واتخانقو تاني وبابا ساب البيت ومشي وانا مش عارفه اعمل ايه حاسه اني مش طايقه امي لانها دايما بتبقي هي السبب لحد ما بابا سابلها البيت وانا مش عايزه اكرهها اعمل ايه ازاي انفض واكبر دماغي انا بسببهم حاسه اني بقيت مريضه نفسيا وبنام كتير عشان عشان اتهرب من مشكلتي

مشاكل وحلول ذات صلة

اضيف بتاريخ: Saturday, September 3rd, 2011 في 05:38

كلمات مشاكل وحلول: , ,

21 رد to “خناقات كتير فالبيت وانا نفسيتي تعبت”

  1. Malak
    21/06/2022 at 21:03

    انا بابا و ماما ديمن في خناقات وانت تعبت انا مش عرفه اعمل ايه بيتخانكو علي اتفه الاسباب و كل فترة خناقة و ساعات بابا بيهدد ماما بالطلاق وانا ولاهى العظيم تعبت نفسيا والمشكلة ان مفيش حد من عيلة بابا بيحل حاجة و عيلة ماما مش عرفة ان هما بيتخانكو كتير بس و هي دي حكيتي

  2. ام احمد مغربيه
    05/11/2014 at 15:56

    انا عشت هاده التجربه من زمان قبل ما اتزوج وكرهت بابا وماما من كثر الخناقات والسب ولجات للنت واتعرفت ع راجل وحبيتو ونساني كل المشاكل ونزوجت وعندي ولدين وكل ما اروح بيت اهلي في خناقات يعني ما خلصو ولي تعود على شي بضل فيه عاده خلاص مافي اي حد ممكن يصلحهم الله يهديهم ويصبرنا بس لانو مشاكلهم بتاثر على نفسياتنا احنا والحل اتعرفي على صديقات او اتزوجي مشان ضلي بعيده عنهم وعن مشاكلهم واحسن ما تتدخلي ابدا بينهم وادخلي غرفتك وسكري عايكب

  3. عماد
    17/12/2012 at 14:55

    لما تلاقي والدك ووالدتك بيتخانقو حاولي تاخدي مامتك وتبعديها عن والدك وتهديها لانهم لما بيكون قدام بعض حيفضلو يتخانقو وكمان شغلي القران في البيت في مواقع بتحتوي على رقيه صوتيه شرعيه لبعض المشايخ وافي الاخر ادعيليهم انه ربنا يهدي سرهم

  4. ابواميرة
    15/12/2012 at 23:13

    الحل ذاشفتي ابوك وامك يتخانقوا كل مرة تعالي قولي لهم ياالله روحو نامو ومارسوالجنس احسن حاجة وليلة سعيدة ياحلوين هم حيستغربو جراتك وقلة ادبك شوي معهم لكنهم حيعملو كدا وتنتهي المشكلة

  5. فتاة القلب الجريح
    25/08/2012 at 03:31

    ادعي الله ودموعك في خدك انه يهديهم ودايم لوتشوفيهم متصالحين قولي ايوه كذا خليكم احباب الله يجمعنا بالجنه ويارب يصبرك

  6. ديدى
    25/04/2012 at 16:56

    انا كمان عندى نفس مشكلتك بس بابا هو الى بيباء وماما صابرة بس ساعات هو بيتعصب من غير سبب وانا قربت اكره بس مش عايزة اكره لانه ابويا
    وحل مشكلتك انك تتقربى لله عز وجل وتحاولى تصلى وتقرائى قراءن

  7. HanyMoh
    22/10/2011 at 04:24

    هذه أمور تحدث في كل البيوت فلا تنزعجي منها..

    ولكن المهم أن الخلافات لا تصل إلى حد الضرب والسب الفاحش..

    وهي مجرد خلافات لا تلقِ لها بالا فأنت أفضل من غيرك..

    ولكن إن أردت أن تكوني إيجابية فيمكنك التقرب منهما ولكن بشكل منفرد..

    أي أن تجلسي مع والدك وحديكما وترفي سبب الخلافات الدائمة وتقولي له اصبر عليها فهي تحبك ولكنها تتعصب لأشياء تافهة وهكذا لتهوني عليه الموقف.. وكذلك مع والدتك..

  8. لولا
    11/10/2011 at 13:00

    الله يكون فى عونك النت مفيد جدا علشان تخرجى اللى جواكى وحد يرد عليكى بس انا نفسى اطرح مشكلتى وحد يرد هل فى حد؟

  9. ماندوو
    25/09/2011 at 19:37

    الله يكون فى عونك وعونى انا كمان انا مشكلتى نفس مشكلتك خناقات فى البيت حاسس انى بقيت عصبى وانا اصلا مش بحب العصبيه اخواتى فى البيت خناقات وبابا وامى بيتخانقو وبابا ساب البيت وبشوفه كل فين وفين انا بجد تعبت انا كمان وبفكر كتير انى اسيب البيت ليهم مش عارف اعمل ايه تعبت والله انا اياد 21 سنة

  10. سوما
    15/09/2011 at 19:19

    كل بيت فيه مشاكل كتييير علشان كده بقولك متضايقيش نفسك ابدا ومتفكريش كتير وحاولى تصبرى نفسك بالدعاء وتستعيذى بالله من الشيطان الرجيم وصدقينى مهما كان فيه عندكم فى البيت مشاكل هتلاقى بيوت تانى فيها مشاكل اكتر وساعتها مش هيبقى قدامك غير انك تقولى الحمد لله ومن قلبك،عارفة انا بقولك كده ليه علشان انا كنت فاكره ان المشاكل عندنا فى البيت كتيره وكنت حاسة انها بجد اوفر اوى ، بس لما كبرت شويه وقابلت ناس كتير وسمعت اللى عمرى ماكنت اتخيل انه يحصل حتى فى الافلام من جميع انواع المشاكل حسيت قد ايه انا فى نعمة وان المشكله اللى انا بعتبرها كبيرة جدا لو كانت عند ناس تانية تبقى بالنسبة ليهم ولا حاجة وربنا معاكى وهو قادر يلهمك الصبر والحكمة وتقدرى تصلحى الوضع شوية

  11. ايمان
    13/09/2011 at 18:13

    الله يكون فى عونك
    حاولى تتكلمى مع مامتك فى لحظة صفا وتساليها عن اللى بيضايقها من بابا
    حاولى تكونى وصلة خير ما بينهم
    وخليكى قوية ومفيش حاجة تاثر فيكى او فى نفسيتك على اد ما تقدرى

  12. الفقير الى ربه
    12/09/2011 at 15:04

    اى بيت فيه مشاكل حتى بيت الرسول صلى الله علية وسلم ولكن نصيحتى لك اختى الفاضلة شغلى اذاعة القرءان الكريم دائما وعليكى بسورة البقرة فالبيت الذى لا يقرا فيه القرءان كالبيت الخرب – ولو فيه اى صورة بها ادمين او بها روح ومعلقة على الحوائط عليكى ان تزيليها لان النبى صلى الله علية وسلم قال ” ان الملائكة لا يدخلون بيتا فيه كلب ولا صورة ” والعلماء استثنوا الصور للضرورة كالبطاقة الشخصيية والكارنيهات – واما الكلاب فكلب الصيد وكلب الحراسة وما عدا ذلك فيجب اخراجه من البيت – والبيت الذى لاتدخلة الملائكة تتدخلة الشياطين

  13. بحبك يا آحمد
    12/09/2011 at 02:54

    كان زمان في مدرسه علمتنى حاجه وقالتلى لما مامتك تتخانق مع باباكي بصوت عالى ده بيبقى شيطان مابينهم تقومي انتى تعملى ايه ؟؟
    تقفى وياهم وتقولي بصوت عالى اعوذ بالله من الشيطان الرجيم 3 مرات وهما هيتلهوا عن المشكله اللى بيتخانقوا فيها وهيبصولك وهما مستغربين ومش بعيد تلاقي فرده شبشب اتحدفت ناحيتك ههههههه مش مشكله بس المهم انك قطعتى اول الحدوته اللي هو الزعيق
    ثانيا حاولي تبيني لمامتك او باباكي شوفي انتى اقرب لمين فيهم انك بتضايقي نفسيا من خناقاتهم وعيطي وفضفضي عشان يحسوا بيكي ويخففوا شويه من الخناقات وربنا معاكي

  14. sozy
    11/09/2011 at 03:19

    حاولى تعرفى ايه السبب وصلحى ما بينهم وحاولى تبعدى عن البيت اخرجى مع صحابك او اشتغلى عشان متستسلميش للمشاكل وتتعبى نفسيا…لو لقيتى حل تانى قوليه عشان انا كمان عندى نفس المشكلة ومش عارفة اعمل ايه؟؟؟

  15. روجينا
    10/09/2011 at 12:31

    انا عندى نفس مشكلتك دى الحل الوحيد اللى بعمله انى بخبى حزنى جوايا وخلاص ولافى حد حاسس بيا ولما تتجوزى ان شاء الله مش هتكونى فى البيت يعنى مش هتشوفى المشاكل دى

  16. ايمن المصرى
    09/09/2011 at 21:35

    ايمن المصرى
    07/09/2011 at 14:31
    حل هذه المشاكل في الرجوع لله عز وجل من صلاه وعباده فالصلاة تحدث بالنفس راحه وتأهلها لتلقي أي أذمه بنفس هادئه فكان رسول الله محمد صلي الله عليه وسلم يقول (أرحنا بها يابلال) أي أرحنا بالصلاه كما أن من أولي خطوات حل أي مشكله معرفة السبب والوصول لحل مناسب
    كماأقول أن الهربوب من المشكله ليس حل لها بل هو ضعف في شخصيت الأنسان ولا يأتي بجديد
    قَـيّـم هذا الحل: 1 0

  17. rere
    09/09/2011 at 10:48

    انا عندي نفس مشكلتلك بالظبط بس بابا بيتحمل علشانا كل حاجة والسبب ماما هم دلؤتى منفصلين بس لسة هيجيبوا المأذون

  18. محمود الهواري
    07/09/2011 at 14:31

    حل هذه المشاكل في الرجوع لله عز وجل من صلاه وعباده فالصلاة تحدث بالنفس راحه وتأهلها لتلقي أي أذمه بنفس هادئه فكان رسول الله محمد صلي الله عليه وسلم يقول (أرحنا بها يابلال) أي أرحنا بالصلاه كما أن من أولي خطوات حل أي مشكله معرفة السبب والوصول لحل مناسب
    كماأقول أن الهربوب من المشكله ليس حل لها بل هو ضعف في شخصيت الأنسان ولا يأتي بجديد

  19. محمد
    07/09/2011 at 00:43

    عندي نفس المشكلة لما زهقت منهم و من الدنيا كلها فكنت في الكلية ما اروحش البيت الا كل 2 او 3 شهر علشان اخد فلوس و بعد يوم او 2 اسافر
    خلصت الكلية و اشتغلت في مدينة بعيدة و بعدين ماكنتش بروح غير كل فين وفين
    و بعدين سافرت برة و الان بقالي 5 سنوات لم انزل البلد مصر و تعبان خالص
    بس هي الحياة مدرسة علشان كدة نفسي اتجوز و يكون عندي عيال و اتعلمت ان و الله لو مراتي ضربتني باجذمة مش هتكلم و هستحمل علشا ن العيال لان لحظة الاكتئاب تساوي سنين من العمر
    من الاخر اصبري و تعلمي

  20. سلاف
    04/09/2011 at 14:17

    بصرة لان عندى نفس المشكلة بس الفرق ان ببايا هو السبب دايما مش ماما_عامة اناعكسك فان فالاول كنت بتاثر ودلوقت كبرت دماغى بقيت اول ما يبداو خناق ادخل اوضتى واقفل الباب والهى نفسى فاى حاجة_ده الحل فرايى_اكيد هيجى يوم وربنا يعوضك _ومتستسلميش لافكار المرض النفسى ده لان انا كمان كنت مستسلمة لنفس الفكرة

  21. فارسه الامل
    03/09/2011 at 07:28

    ربنا معاكى وانتى حاولى تتقربى من مامتك وحاولى تصلحى بنهم لو خايفه عليهم بجد

اترك رداً أو حلاً لهذه المشكلة