مشاكل الخطوبة

خطيبي أصبح أنسان غامض ودمرني نفسيا

السلام عليكم أنا بنت عمري 22 سنة ذات مؤهل عالي والحمد الله جميلة الخلق والشكل أنا كنت عرضت مشكلة متعلقة بخطيبي والان أستجدت مشكلة أخري بخطيبي سوف أحكيها لكم انا مخطوبة من 7سنوات من شخص قريبي بس درجة قرابه بعيدة مكنتش عارفاه خالص وشفني عن طريق أحدي الافراح وأنا كنت في الثانويه العامه وبعدين أعجب بيه وتقدملي وبدأت العلاقة بين العائلتين تكون قويه با با كان متفق مع أبوه الجواز في ثالته كلية علي أما يكون مستقبله ويسافر أي دولة وأنا أكمل تعليمي الجامعي وفعلا سافر أحدي الدول الاوربيه فرنسا بابا وقف جمبه وساعده ومدله المده وأعطي له فرصه يكون مستقبله لأنه كان انسان كويس وعلي خلق وكان قريبنا وعلي الرغم أني مكنتش عارفاه بس حبيته لخلقه ورجاحة عقلة وذكائه كان مش بيغلط في حد أبدا وكان مهتم بأهله وبيساعدهم وكان بيحبني جدا وعمره ماخرج عن الحدود معايه في الكلام وكان كل يوم بيتصل بيه وبيكلمني ولما يحس أني صوتي متغير وأنا بكلمه يفضل يسألني أنتي زعلانه من ايه وبعد ماقفل يتصل تاني المهم أنه كان أنسان ملاك في أخلاقه وتصرفاته معايه ومع الناس كلها وال بيكلمه بيشهد بكده المهم بدأت مشكلة الاقامه في فرنسا وعمل ورق للأقامه علشان يسافر بعد كده ويكون مصدر رزق له في المستقبل وحدث أخطاء في الورق وترفض ورقه رفع دعوي للحصول علي الاقامه لأن الاخطاء من الموظفين مش من الورق وبدأت المشاكل تظهر من ناحيته ال أثبتتتلي أنه ضعيف الشخصيه ومش راضي بقضاء ربنا وال قسمه ليه وبدأ يتعصب عليه في الكلام ويقولي أنه كان حاطت أمله كله في الورق قولتله أنزل مش مهم محدش بيموت من الجوع ورب هنا رب هناك مع العلم أنه فقد فلوسه في الورق كلها طول الاربع سنوات وقال لي أن المحكمه هتحكمله في شهر 12 وأول ماشهر 12 جيه قال لي أخر كلام علي أخر شهر واحد ولو معملتش الاقامه هبعتلك فيزا ونقعد هنا لغايه مانعمل ال اقامه ووافقته انا وأهلي رغم أن ده صعب عليهم المشكله عندي مش في الورق ولا في المستقبل لأن كل ده بتاع ربنا المشكله فيه هوه أصبح منذ 3 أشهر أنسان غامض جدا ومعتش عارفه ايه ال في دماغه وحاسه انه أصبح أنسان معرفهوش وأصبح يزعلني كتير ولا عاد بيكلمني ولا حتي مجرد رنه لأنه كان معودني لو متصلش يرن عليه فقط وأرن عليه علشان أطمنه علي نفسي بحس لما بكلمه أنه مش عاوز يكلمني وعاوز ينهي معايه الكلام غلط في حقي كتير وجات علي كرمتي وعزة نفسي وبرن عليه وهوه معتش بيسأل فيه ولا بيكلمني حتي أيام الاجازات ال بيكون قاعد فيها مش بيكلمني وبيفضل يقعد مع صحابه وكل ماقوله أنتي مكلمتنيش ليه يقولي كنت قاعد مع صحابي وبيتهرب مني كتير وعاد بيتلككلي علي أي حاجه وكل أما أكلمه أحس أنه مش مركز وعاوز ينهي المكالمه وبيوطي صوته وهوه بيكلمني وكل لما أقوله بتوطي صوتك ليه يقول أصل في ناس كتير وبقول لنفسي يمكن ده ناتج من الضغط ال عليه في الاقامه وظروف العمل أرجعأقول لنفسي مشكلة الورق دي من أول ماسفر وكان كويس معايه ومتغيرش ال من 3أشهر خايفه لا يكون أرتبط عاطفيا بحد أوبيتعاطي مخدرات وأنحرف عن الشخصيه ال أنا حباها انا أدمرت نفسيا أنا أستنيته 7سنين ويعاملني بالأسلوب ده في النهايه دي جزاتي أتحملت كلام الناس بسبب طول فترة الخطوبة وكنت بعينه وبصبره في الغربة وبذكره بربنا وكنت بحسسه أن هوه عندي أهم من الفلوس وأني مقتنعه بالعيشه اليسيره معاه وهوه أهم شئ في حياتي هوة دلوقتي بقاله شهر مرنش عليه ولا فتح الايميل بتاعه علشان أكلمه جيت علي نفسي كتير وبعتله رسائل علشان يكلمني أو أرن عليه مرتين وري بعض علشان يكلمني ولما يكلمني أحس أنه صوت أنسان مش عنده مشاكل ولا مهموم وعنده برود في كلامه وديما بيضحك وبتريق عليه وفاجئه يقولي أنه مش عمره هيستغني عني ولا يسبني مش عارفه لأني جيت علي كرمتي ورنيت عليه علشان يكلمني ولا أنا صعبت عليه هوه من شهر مرنش عليه أرن عليه وأجي علي كرمتي؟لأني قلقانه عليه ولاأرن عليه ويتعب أعصابي بغموضه نفسي يريحني ويقولي عاوزني ولا لا أنا تعبانه أوي أنا أسفه للأطاله بس بجد أنا مرتاحه وأنابفضفض عن نفسي لأني مش حابه أني أكلم حد في مواضيع شكل دي وأنصحوني أرن عليه ولا لا ولكم جزيل الشكر

مشاكل وحلول ذات صلة

اضيف بتاريخ: Friday, December 31st, 2010 في 05:30

كلمات مشاكل وحلول: , , , , , , , , , , , , ,

21 رد to “خطيبي أصبح أنسان غامض ودمرني نفسيا”

  1. ابوالبتول
    20/12/2018 at 13:15

    اعجبني رد الاخ -فنان تشكيلي – واتفق معه في كل ماقال لصاحبة المشكلة ده هو الراي الصحيح والصايب والله الموفق

  2. nina rose
    31/01/2015 at 06:31

    نفس الشىء وقع معي قعدت مخطوبة 10 سنين راحت من عمري ربي وكيلوا منسمحلوش دمرني، خطبني و راح إلى لندن و ما عاد لحين أنا فسخت الخطوبة لازم الواحدة تكون حازمة مع نفسها و لازم ما تضعف الحياة بتعدي و العمر لا يرجع و ربنا يعوضك يا أختي على صبرك و يرزقك إبن الحلال إلى يسعدك أمين يا رب العالمين

  3. سما
    28/12/2014 at 04:04

    انا مريت بنفس المشكلة بس انا اتخطبت 3سنين ونص وبعد ما استنيته ووقفنا انا واهلى جنبه عشان يكون مستقبله ويرجع يوفى بوعده مع اهلى فى الاخر طلع انسان حقير ومبيحبش غير نفسه وكان عايز يتجوز ببلاش وميجبش ولاشقه ولا عفش ويقعد فى شقه اهله مع اخواته فى اوضه طبعا رفضت انا واهلى وفسخت الخطوبة بس انتى غلطانة 7سنين دى مدة طويلة جدا والاكيد انه شافله شوفه هناك وباعك

  4. ابواميرة
    21/12/2012 at 17:45

    يابنتي مافي فترةخطوبةتستمر7سنين اتاخذت من عمرك وانت مستنية الولد داه اللي مش راجل ولايستحق ان احديعبره اويسال فيه والجواب واضح من عنوانه الولدعايش في فرنسا متزوج عشان ياخدالاقامة ولاماكانوسمحواله بالبقاءبلااقامة افهمي القوانين والانظمة عشان ماتقعدي تحرقي في دمك لاجل واحد تافه وحقير مايستاهل كل اللي عملتيه انت واهلك معه لازم ابوك يتدخل في الموضوع دايفسخ الخطوبة منه فورا لاجل كرامتك وكرامةاهلك وانسيه خالص ولاتفكري فيه نهايا ورينا قادريعوضك بسيد سيده اللي يقدرك ويسعدك وخليه يغورفي 60 داهية واشتري دماغك

  5. مليكه
    07/06/2012 at 21:08

    تحبيبتي بكل صراحة الانسان دا عندو علاقة او مبيحبكش لو كان بيحبك محيسبكش من غير ميتصل

  6. sandi
    24/03/2011 at 20:05

    حبيبتي رح ئلك شي مهم بما انو صبر كتير على وراقو وهي مابتزبط خطيبك شاف طريق تاني وهوي الاسلم انو ياخد بنت فرنسيه تحقق احلامو وهيه بنفس الوقت بتعطيه اقامه انا عايشه باروبا وبعرف شلون الشباب بفكرو اذا ما حصلو على الاقامه فلذلك اغسلي ايدك منو لانو فكر بنفسو بس انتي لازم تواجهيه وتحطي حدن لعلاقتكون حرام تنطريه على الفاضي والله يكون بعونك

  7. ميدو
    06/01/2011 at 11:09

    انا هاقول ليكي انا مقيم في المانيا و انا ارجع او انااوكد انه ارتبط بانسانه تانيه و عربيه ايضا و ممكن تكون من دول المغرب العربي لانهم في فرنسا كثير و موضوع التليفون و خفض صوته ده الاسلوب المتبع هنا و بشوفه علشان هيا ما تسمعش او هيا في غرفه جامبه انما موضوع في ناس جامبه دي مش حجه لانهم مش بيفهمو عربي او حتي ممكن يقول خطبتي ايه المشكله انما المشكله انه خايف ينفضح من هناك و خايف انك برضه تسمعي اي حاجه منها
    و ربنا يوفقك

  8. دموع
    03/01/2011 at 02:03

    السلام عليكم بصى يا قمر انتى جدعة انك وقفتى معاة كل المدة دى وربنا هيجزيكى بجد خير
    ان شاء الله المهم انتى فعلا لازم تحطى النقط على الحروف عشان تعرفى مصيرك اية وكلمية بصراحة انتى عاوزنى ولة لا ايوة يبقى يا ابن الناس تنزل وتحدد وقت للجواز مش عاوز يبقى خسر كتير وربنا هيدية على قد نيتة بسبب كل المدة الا سابك فيها وضيع عمرك كدةلازم تتكلمى وبشدة فى كلامك وخلية يحدد موقفة وان شاء الله خير ربنا يوفقك ان شاء الله

  9. لولا
    02/01/2011 at 21:04

    صديقتى انا مثلك تماما بس مخطوبة من سنتين وخطيبى كان فى البداية مفيش زيه ودلوقتى بقى على طول يتنرفز علية وبقول ده اكيد من الغربة بس هو زودها اوى يلا نصيبنا ربنا معانا ان شاء الله ويوفقنا لما يرضاه ابقى طمنينى عليكى ضرورىىى

  10. دينا ابوعلى
    02/01/2011 at 09:39

    نصيحتى ليكى انك تتكلمى معاه وتعرفى منه اذا كان عايزك ولا لا،،،، ولازم كمان تحطى قصادك جميع الاحتمالات ممكن يكون عرف حد غيرك وممكن يكون المشاكل والضغوط مخلياه كدة ولازم تعرفى كمان ان المشاكل والظروف بتعمل ف البنى ادم اكتر من كدة،،،،عايزة اقولك ان خطيبى كانت عنده ظرروف وبسبب الظروف دى كان كلامه معايا لايحتمل وخلته شخص غير الشخص اللى عرفته مش هكدب عليكى انا بطلت اكلمه ولا حتى ارد عليه عالموبايل ولا حتى عالميل وسبته اكتر من 15 يوم وطول الفترة دى وهو اللى كان بيتصل وانا اللى مكنتش برد عليه ولما أتأكدت انه فعلا بيحبنى وعايزنى واللى كان فيه دة بسبب مشاكل رديت عليهودلوقتى هو بقا معايا احسن من الاول كمان لانه خايف اضيع من ايده،،،،، يعنى لو هو عايزك بجد هو اللى هيحاول يكلمك او حتى ينزل عشان يشوفك،وربنا يصبرك يارب.

  11. حياه
    01/01/2011 at 17:34

    احسن شئ ف المواقف دى انك تحطي النقط على الحروف انتى لازم تتكلمى معاه علشان تعرفى راسك من رجلك واسأليه اذا كان عايزك ولا لأ وقولي كل اللي جواكي ليه هو

  12. AHLAM
    31/12/2010 at 23:03

    كلميه او يكلمو شخص من عيلتك كبير مث البابا اولا الماما عشان تعرفي فين راح تحطي قدميك 7 سنين كلها خطوبة البابا يتاعك هو يعونو مغمضة وما بي شوف شيئ خالص

  13. llolyla
    31/12/2010 at 22:34

    الغلط يا بنت ناس مش منك من اهلك الى انتظروا علية سبع سنين وهو خطيبك دة اسمحيلى هو مش راجل عشان مش متحمل المسئولية عشان لو متحمل المسئولية هيعمل المستحيل هيشتغل ليل ونهار عشان يرجعلك بسرعة وعالاقل يبقى فى كتب كتاب بس الغريب ان ابوكى معترضش كل دة ازاى عالفكرة انا مشكلتى يمكن متشابهة منك ان خطيبى مكنتش اعرفة تماما واتخطبتلة وسافر بس فى فرق الانسان دة انتى ضعيفة معاة ومفيش احترام يعنى لازم يقدرك ويحترمك غير كدة انتى لازم تقولى لحد كبير على المشكلة دى مش يمكن يكون فعلا ارتبط بحد هناك انا مبخوفكيش بس لازم برضة تعملى احتياطاتك وانتى بتقولى انة فى فرنسا يعنى معندهومش دين اهم شئ انك تكلمية وتعرفى راسك من رجليكى وتقوليلو انى مش عشان اعدة سبع سنين مستنياك يعنى معنى كدة انى مفيش غيرك وقوليلو انا مش اعدالك وربنا يوفقك ويفك كربك يارب

  14. فنان تشكيلى خالد عبد الراضى
    31/12/2010 at 20:32

    انا يا ابنتى اندهش من تصرف والدك كيف يوافق على خطوبه تستمر سبع سنوات هذا اولا ثانيا لازم تتصلى بخطبك وتقولى له اذا لم ينزل فى ظرف كذا وتحددى انت ووالدك المده لنزوله فسوف تفسخى الخطوبه هذا هو الكلام لانه اذا كان جاد فى الزواج منك سينزل ويسبت لك حسن نواياه حتى تقطعى عرق وتسيحى دمه وتستريحى وقولى له هو الى خلقق لم يخلق غيرك ولازم كمان والدك هو الذى يكلمه مش انتى فقط لازم يعرف ان البيت كله زعلان منه وبعدين حتى لو لم يكن لك نصيب معه الشباب المحترم كثييييير وانت عارفه ورب ضر نافعه لو علمتم الغيب لاخترتم الواقع لا تعرفى الخير ليك مع من من بنى البشر حتى لو كنت صبرتى وانتظرتى كتير يمكن انت منتظره لشخص ربنا كتبهولك افضل منه يسعدك ويحبك ويقدر حبك له بل اخينا ده لا يعرف مقدار عاطفتك ناخيته وانا زعلان من والدك لازم يتدخل هو ويكلمه وبشده هى بنات الناس لعبه احنا عندنا فى الصعيد لو طالت الخطوبه يبق عيب ملهاش معنا ولا طعم وتاخذ من وقتك وعمرك ربنا يسعدك وابقى طمنينا وربنا يخلى لك بابا واسرتكجميعا يا ابنتى

  15. حزينة
    31/12/2010 at 17:54

    اختى خليكى جريئة واتصلى بة انتى وحددى اية موقفة بنسبالك ولازم يحدد ها يعمل اية حتا لو عاوز ينفصل عنكى خدى الامور بحكمة واتصلى بة واعرفى مستقبالك العمر بيعدى ولو مش عاوزك ربنا ها يرزقك بى افضل منكى الدونيا مش بتوقف على شخص

  16. أبو البنات
    31/12/2010 at 17:25

    بصى الغربه كربه وانتى مش تقدرى تحكمى على ظروفه او حالته النفسيه لكن من حقك تعرفى مصيرك والدك يتصل على والدة ويقوله ان مهلتنا على اتفاقنا خلصت واحنا محلولين من وعدنا وكل شىء نصيب لو الانسان دة كان شاريكى هيعمل المستحيل عشانك لو مصدق يبقى مش ينفعك ويكون مش من نصيبك وابداءى حياتك فما زلتى صغيرة والف شاب يتمناكى وثقى فى الله انه دايما كاتبلنا الخير ((وعسى ان تحبو شيئا وهو شر لكم وعسى ان تكرهو شيئا وهو خير لكم

  17. احمد
    31/12/2010 at 14:53

    اتوقع انه لقى غيرك ومرتاح خاصه وان هناك الوضع مغري ومفتوح

    وتهربه منك وانه يكلم بصوت واطي يمكن يقول لزوجته بكلم اهلي عشان كدا خايف تسمعو

    انصحك تقرأي كتاب وهم الحب في نصائح وحلول
    وبيريحك

  18. اختك بالله
    31/12/2010 at 12:46

    يااختي كوني حازمه معه واعرفي ايه الي عاوزو خلي احد كبير يتكلم معاه ابوكي مثلا لا تسمحي له ان يعاملك هكذا انتي ضحيتي كثير له ولا تضحي اكثر اعرفي شنو نيته معك ولا تسمحي له ان يهينك سيهينك اكثر بعد الزواج لانه بالخطوبه رضيتي ان يهينك كافي انتي تعبتي الله يعينك يايرجع مثل ماكان ياتتركيه للعلم الغربه تظهر معدن الانسان والظاهر هو هذا معدنه هو بعيد لا تعرفين ايش يعمل هناك والله معك

  19. إسلام
    31/12/2010 at 12:45

    أختى الغاليه الكلام يتلخص فى بعض الكلمات القليلا الموجزات
    اتركيه وعيشى حياتك ولو انتظرتى او كلمتيه وأسلوبه زعلك ما تلوميش الا نفسك.
    خدى قرار واحد فى حياتك ولو لمرة واحده.
    أخوكى إسلام

  20. قلب ابيض
    31/12/2010 at 08:16

    لدي مشكلة تشبه هذه المشكله .. ولكنه حبيبي فقط .. اصبحت حالته كهذه الحاله منذ ان طلب ان ياتي لمنزلنا وكلمته والدتي !!!

  21. ندى عبد الرحمن
    31/12/2010 at 07:47

    فيه انسانة عاقلة تنتظر فى فترة الخطوبة لمدة “7” سنين.
    يعنى من ايام الثانوى لحد لحد سن خمسة وعشرين سنة
    وانت مربوطة له ورابطه نفسك جنبه يبدو انك طيبة زيادة.
    يعنى ايه مخطوبة ليكى سبع سنين وخطيبك مش عايز يرد عليكى.؟
    فيه حد بيحب وحدة يتهرب منها ويرفض انه يرد عليها ؟؟
    دا الواحد بيصدق ما يسمع صوت حبيبته
    وما دام رافض يرد عليكى احتمال يكون عايز يتهرب منك
    وعايز ينفصل بس مش عايز ياخد قرار, عايز يخليكى انت
    اللى تقوليها عشان الناس تلومك انت مش هو
    الراجل ده عايز يدمرك.
    بصى انا هقولك على حاجة: انت اتصلى بيه وهاتى معاه من الاخر
    لانك مش هينفع انك تنتظرى تانى اكتر من كده لان العمر بيعدى
    ونفسيتك بتتحطم كل يوم.
    وهى اساسا غلطتك انت وابوكى من البداية انكم وافقتم
    على راجل ضعيف الشخصية من البداية
    انا شايفة انك لازم تعرضى الامر على ابوكى
    و تفسخى الخطوبة بشكل فورى
    حتى لا يضيع العمر فى الانتــــــــــظار

اترك رداً أو حلاً لهذه المشكلة