السلام عليكم شباب،
انا شاب عمري ٢٢ سنة انا قبل كم فترة اختي اتصلت علي تبكي تقول زوجها ضربها، وانا رحت ابي اتفاهم معاهم، وكنت مقرر اني اذا شفت مافي تفاهم باخذ اختي معي لبيتنا.
المهم رحت لهم ولا النسيب اشوفه معصب، ولما تكلمت معاه كان اسلوبه زفت وما كان محترم ورديت عليه باسلوب زفت زيه، وبعدها تضاربت معاه لكن الرجال ضخم وعضلات وطويل وانا قصير ونحيف شوي ومسكني وفقع وجهي، والله اضربه على وجهه وعلى راسه ابد ما يحس ولا شفت فيه علامة عليه.
المهم اني تمردغت منه حتى ثوبه امتلأ احمر من دمي، خشمي كان ينزف وفمي ما وقف الا لما اختي راحت للجيران تناديهم دخلوا اثنين من الجيران وفكوني منه يلعن بليسه.
انا والله ماني راعي مشاكل بس هو الي بدأ كنت جاي اتفاهم ولا الحبيب ما عنده تفاهم، اليوم اللي بعده كنت حاقد عليه وحبيت انتقم وهو في البيت لحاله، لان اختي جت معي للبيت.
وبعدها اشوفه كان راجع من البقالة وشايل اغراض وانا امسك عجره واروح وراه، ويوم وصل لباب البيت واخبطه على راسه، لكن ابن الذين ما يتعور ولا اثرت فيه، ونتضارب في الحوش ومن سوء حظي كان اخوه توه جاي للبيت وشافني اتضارب مع اخوه وفزع لأخوه ودبغوني لين تفلت العافيه.
الحين انا مقهور وابي اضربه لين يعض الارض لكن ما قدرت عليه، هل تشوفون اني اجمع كم واحد من اخوياي ونروح وندبغه.
انا حتى اختي رجعت لزوجها عقب الضرب الي اكلته، اقولها الحين انا جيتك افزعلك اخرتها تسفهيني وتروحين له، قالت لي لو انك ما جيت احسن اندبغت وتسميها فزعة 😤😤 اخ يالقهر.
قلت الموضوع لواحد من اعز اخوياي قال لي ثاني مرة لا تتدخل اذا ضربها لأنها ما تستاهل، بس انا ما اقدر هذي اختي كيف اشوفها تنضرب واسكت.
شوروا علي اروح اضربه لين يعض الارض ولا اطنش؟
انا اقول هد عنك المشاكل اصبر عليه لانه زوج اختك حاسة فيك بس اذا صارت اي مشكلة بعد روح حط كل غضبك فيه وكسروه هههههههههههه