البنات المراهقات

مش عارفة استمتع بالدنيا

انا طالبة عندى 15 سنة ونصف وداخلة اولى ثانوى ان شاء الله اانا ترتيبى ف الاسرة اصغر وحدة لى اخ واخت انا اصغرهم واصغر وحدة فى العائلة كمان انا عايشة حياتى عادى ايام بعشها وبتمشى عادى مش حاسة بحلاوتها ولا حاسة بحلاوة الدنيا اصلا انا قرات ان سن ال15 احلى سن واسعد ايام الحياة بس انا مش حاسة بدة مش مستمتعة خالص بحياتى مع ان احنا اسرة متدينة وعارفين ربنا كويس بس انا ممكن دة عشان سعات ببعد فيها عن ربنا ممكن يكون من دة بس لو سمحتم ساعدونى قولولى اعمل اية عشان اعرف احس بدنيتى واستمتع بيها ارجوكم وعلى فكرة انا طيبة وهادية خالص بس بدنى افكر كتير وبلوم واعاتب نفسى على طول على اى حاجة بعملها غلط وانا بردة الناس بيستريحولى وبيفضفضولى على اسرارهم وانا كتومة ومش بقول لحد بجد . انا على فكرة مرة كلمت ولد على الفيس بس والله فى الاول كان عادى نيتى فى اللاول انىة زى اخى وهو والله كلمنى على كدة بردة وحلفلى واقسملى بالله انه مش هيقول لحد وبعدين قلت لاخى فقالى ماتكلمهوش تانى عشان كدة غلط ومنعنى من كلامة وماعمنتش بكلمة فعلا وانا ساعتها حبيتة بجد وكنت لما بكلمة بكون عايشة اسعد ايام حياتى بجد كان بينسينى همومى وكدة ورغم دة كلة والله عمرة ماتعدى معى الحدود اله من الحتة وهو قدى وعارفين بعض بس والله لحد دلوقتى ماقلش لحد وهو اقسملى ماهيقول لحد . زمن ساعتها ماشفتش ايام حلوة زى ايامة فدلونى اعمل اية.

مشاكل وحلول ذات صلة

اضيف بتاريخ: Sunday, August 18th, 2019 في 21:47

كلمات مشاكل وحلول: , , ,

3 رد to “مش عارفة استمتع بالدنيا”

  1. محمد / محاسب
    23/08/2019 at 14:48

    احلي ايام حياتك قربي فيها لربنا علشان ربنا يكون جنبك ويسعدك انتي بنت هتبقي ام وتربي اولادك علي الدين يبقي لازم انت الاول تعرفي الدين – مفيش علاقة بين ولد وبنت – الولد لما بيعرف بنت بيستدرجها لغاية لما ينفرد بيها ويسلبها اعز ماتملك ويضيع سمعتها وشرفها وبعدين مش هينفع الندم – انتي لسة علي البر يعني خلي بالك من نفسك – الولد اللي تعرفيه اكيد لسة اماه سنين الدراسة ولما يخلص يدور علي شغل ولما يلاقي شغل يبدأ يكون نفسه ويحوش ويشتري شقة وعفش وشبكة ومهر – يعني باختصار – الولد الي بتعرفيه عنده ايه من احتياجات الزواج – يمكن يكون معندوش ولا حاجة -يعني هتضيعي وقتك ومستقبلك في الاوهامى – باختصار بصي لمستقبلك وقربي لربنا – ربنا يوفقك وكل عام وانتم بخير .

  2. البرنس
    19/08/2019 at 21:34

    انت في مرحلة المراهقة ودي من اصعب المراحل للفتاة في مثل هذا السن لازم تبعدي عن التهور والطيش والاندفاع وتحرصي على المحافظة على دينك وخلاقك وتربية اهلك لك وعلى السمعة والشرف ولاتنخدعي بالتصرفات والسلوكيات الطائشة اللي تعملها البنات من الكلام مع الشباب والتعرف عليهم تحت مبدا الاخوة والصداقة مافي صداقة ولااخوة بين البنت والشاب اهتمي بدراستك ومستقبلك والتقرب من ربك عزوجل والالتزام بالاخلاق والمبادي وتعاليم الدين وهتكوني بحسن حال ان شاء الله

  3. LM200
    19/08/2019 at 18:12

    لا تكوني متهورة في علاقاتك وتعارفك بالاخرين، لازم يكون لديك حدود لا تتجاوزيها ولا تسمحي لاحد يصل اليها ، البنت تختلف عن الولد بكل شيء ، ولازم اتجرأ واقل ادبي قليلا بس عشان تفهمي ، الولد او اغلب الشباب اذا توفرت لهم صيدة او فريسة سهلة يستمتعو بها لمرة واحدة زي اي شيء يستعملوه ويرموه لان الولد ليس لديه اي مشكلة لن تفتح له البنت غشاء بكارة ولن تچعله حامل ولن تضره بشيء يكتشف عند زواجه، لذلك لا يوجد مشكلة في ان يتعرف اي شاب عليك بهدف قضاء شهوة لمرة واحدة، ولن يتحمل اي رجل مسئولية الا بالزواج ، لا تفكري او تتوهمي ان اي شاب يتكلم معك معجب بك اعجاب يجعله يختارك من بين الاف البنات اللي يعرفهم ولديه نية مستقبلا يتزوجك الا اذا اثبت صدقه واتى بشروط تثبت هدفه، هذا يحصل نادرا اذا وجد خاصة على مواقع النت ،، انا لو بنت التقي بها وتعجبني تلاحظ اعجابي بها لاي شيء جميل فيهأ لكن الحب لاي واحدة هذا غير موجود الا اذ ااكتملت فيها الشروط التي تجعلني افظلها ،ولو كل واحدة تلاحظ اعجابي بها تفكر اني خلاص حبيتها او اخترتها من بين الباقين هذه تكون سفيهة وطائشة وجاهلة باخلاق الشباب وسوف تقع ضحية اول ابن حرام تتعرف عليه ، اتركي الحب لمن يأتي يتزوجك ،

اترك رداً أو حلاً لهذه المشكلة