مشاكل الازواج

معاملة زوجتي ليا خليتني اخونها

بسم الله الرحمن الرحيم

في اول الامر انا كنت متردد قبل ما انشر مشكلتي لاني كنت عارف الردود الي هتيجي وبردو كنت عارف اني مش هعمل بيها بس قلت يمكن حد يستفيد من الي حصلي

اولا انا كنت شاب زي شباب كتير كل تفكيري في الدنيا اني اتعرف علي بنات اصاحب دي انهارده واكلم دي بكره واعمل علاقه مع واحده واسبها تاني يوم لحد ماقبلت مراتي حبتها حب ميتوصفش بجد خلتني مبصش لاي واحده تانيه كنت شايفها احسن ست في الدنيا والحمد لله بعدت عن الطريق الي كنت ماشي فيه وربنا هداني وكنت بصلي ومش هاممني في الدنيا غير اني اسعد زوجتي عشنا في مشاكل كتير زي اي اتنين بيبتدو حياتهم افكارهم مختلفه شويه بس بيحبو بعض ملحوظه مراتي بتحبني جدا جدا وعملت عشاني كتير جدا جدا جدا ووقعت في مشاكل كتير ووقفت جمبي وساعدتني بكل حب

المهم لحد ما في يوم من الايام حصل بينها وبين اهلي مشكله طبعا انتهت بان لا اهلي بيكلموها ولا هي بتكلمهم بدات احس ان لما بكون مع اهلي هي بتدايق المشاكل بنا بتكتر كل يوم خناق ومشاكل وكلها بتبتدي تافها وتنتهي بخناقه كبيره بصراحه تعبت من الحياه دي بعد 3 سنين من جوازي اقسم بالله عمري ما بصيت لوحده غير مراتي بدات ارجع زي زمان واحده واحده اتعرفت علي واحده كنت بضيع معاها وقت فراغي ونتسلي مع بعض  وشويه ومعتش بكلمها بعدها اتعرفت علي واحده تانيه كنت عايز اضيع وقت بردو معاها وغيرها وبدات الستات تلفت نظري من اول وجديد وحاول اتعرف علي دي او دي لغايه ما قبلت واحده حسيت اني بميل ليها هي كانت ارملة علما بان سني 33 سنه وهي 30 سنه عشان محدش يسمع ارملة يفتكرنا عواجيز المهم واحد واحده بدات العلاقه تزيد يوم بعد يوم لحد ما خنت مراتي لاول مره الصراحه زعلت من نفسي جدا لكن انا بقيت بين نارين بين العشيقه الي مبقتش تقدر تعيش منغيري بعد ما مليت عليها حياتها ومراتي الي بحبها ومقدرش اعيش منغيرها رغم الي عملته ده كله

علي فكره انا مش بكتب المشكله عشان عايزلها حل لان انا متاكد ان مفيش حل لمشكلتي لان اي حل مش هيخليني اسامح نفسي عن الي عملته ولا هقدر ابعد عن الست الي حبتني وحست اني بقيت كل حاجه في حياتها انا بنصح اي زوجه لو بتحبي زوجك مهما كانت المشاكل بنكم اوعي بزعلك او غضبك تبعدي عنك منغير ما تقصدي لان في حجات ممكن تحصل مينفعش تتصلح وادعولي ربنا يسامحني  ويهديني ويهدي زوجتي

التوقيع اتعس انسان في الدنيا

مشاكل وحلول ذات صلة

اضيف بتاريخ: Friday, September 24th, 2010 في 02:06

كلمات مشاكل وحلول: , , , , , , , ,

12 رد to “معاملة زوجتي ليا خليتني اخونها”

  1. البرنس
    12/08/2019 at 02:35

    نعم انت اتعس انسان في هذة الدنيا لانك لم تصن النعمة اللي اعطاك الله اياها من الزوجة المخلصة والمحترمةواللي وقفت معاك وقت الشدائد وام لاولادك وحافظت على شرفك وبيتك واولادك ولكن بكل وقاحة تكافيها بهذة الخيانة مع هذة الارملة الخبيثة التي اغوتك وهتكون السبب في خراب بيتك ودمار اسرتك اذاكنت فعلا تحب تلك الارملة فتزوج بها وابعد عن الحرام الغلط مايعالج بغلط اكبرمنه عندي شك انك ماتعرفش الحلال من الحرام وعمرك ماهتتوب من المحرمات حتى ينزل بك عذاب من الله عزوجل اوتحل بك كارثة مدوية ساعتها هتعرف ان الله حق وتندم وعندها مايفيدك الندم ارجع لمراتك وام عيالك واطرد تلك الارملة من حياتك نهاية وللابد وتوب لربك التوبة الصادقة عشان ربنا يتوب عليك ويصلح حالك ويبارك لك في زوجتك واولادك ويؤفقكم ويسعدكم طوال العمر

  2. الفهدالاسود
    17/03/2016 at 10:18

    استمع لهذي القصة فقد حصلت مع انسان اعرفه حق المعرفة كان شاب في 25سنة وطايش ومتهور وله علاقة نسائية مع الكثير من النساءوالبنات في الحرام حتى تاب الله عليه واقلع عنها للابد وتزوج من فتاة صالحة ومحترمة وعلى دين وخلق وتربية هي واهلها والكل يشهد لهم بذلك ومع مرور الزمن قلنا ان صاحبنا صلح حاله واستقر في حياته الزوجية مع تلك المراة الصالحة والله عزوجل وفقه واكرمه منها بالمال والبنون وزادت تجارته وكثر راس ماله وعند حدوث اول مشكلة وقعت بينه وبين ااخو الزوجة هجر ذلك الرجل اهل زوجته واصبح لايطيق ذكرهم اوسماع شي عنهم وايضا تمادى في اهانة زوجته وكان يضربها ويعنفها وهي صابرة ومحتسبة ولاتريد خراب بيتها وخسارة زوجهاواولادها وكل العقلاء من اهله واصحابه نصحوه ولكنه لم يبالي بهم ولم يهتم لنصائحهم حتى انه هجرها المسكينة هي واولادها ورجع لحياة الفجوروالفسق والضلال وخصوصا ان معه الاموال بكثرة وصار يسافر للخارج باستمرار حتى ان في مرة شاهده احد الاصدقاء في فندق في احدي الدول اوروبا وبرفقته فتيات ساقطات وعاهرات فاقترب منه وتكلم معه ياابا فلان ماذاتفعل هداك الله فلم اراه خجل من هذالمنظر وتلك الحالة اللي هوعليها فقال مجرد تسلية يااخي واعرض عنه واستمرت حالته على هذة المعاصي والمحرمات والفجور حتى انه اضاع دينه واخلاقه وخسر اعلب امواله وتجارته وكل الناس اللي كانوا يتعاملون معه تركوه وانصرفوا عنه واما زوجته المسكينة الصابرة اخذت نفسها هي واولادها وذهبت لتعيش مع اهلها رغم انهم يطلبون منها طلب الطلاق منه لكنها كانت ترفض بقوة كل هذي المطالب رحمة بحال اولادها الصغار وبعدمرور اكثرمن 7سنوات من حياة اللهو والضياع والانحراف رجع ذلك الرجل الى رشده واعلن توبته امام الله والناس وقطع علاقاته المحرمة بالنساء الساقطات وصار يلازم المسجدلايفارقه ابدا وحفظ القران كاملا عن ظهر قلب واكثرمن الحفاظ على الصوات في اوقاتها والصيام يوم بعديوم والحج والعمرة كل سنة والتصدق على الفقراء والمساكين ببعض ماتبقي معه من مال واخبره احد الشيوخ بانه لابدان يراجع زوجته وام اولاده وفعلا ذهب معه ذلك الشيخ الجليل الى اهل زوجته واستقبلوه بكل ترحاب وعرفوا منه ومن الشيخ حقيقة توبته وصلاح حاله وهدايته واستقامته وفرحوا به كثيرا وحمدوا الله على كلهذا وتصالح مع زوجته وام اولاده ورجعت اليه وعوضه الله بكل الخير والفلاح في حياته ورجعت ثقة التجارمعه وصاروا يقرضونه المال لكي يقف على رجليه من ثاني وعاد الى التجارةوالعمل الحر الشريف وزاد اضعاف امواله وتجارته اكثرمن السابق الف مرة وهواليوم على اعتاب ال58من العمر واولاده اصبحوا رجال يشاركونه في تحمل اعباء الحياة والمسوليات ومشهود له بالبروالاحسان والمعروف بين كل الناس اللي يعرفونه وله مساهمات كبيرة في بناءالمساجد والاوقاف الخيرية واغاثة الفقراءوالمساكين والايتام والارامل وذوي الحاجات وجزاءه الله كل الخير وجعلها في موازين حسناته يوم القيامة انك لاتهدي من احببت ولكن الله يهدي من يشاء وان الله لايغير مابقوم حتى يغيروا ماباانفسهم والله الهادي لسوالسبيل

  3. الفهدالاسود
    17/03/2016 at 09:44

    انت بجد اتعس انسان في هذي الدنيا لانك ماتبت توبة صادقة لله عزوجل عن المحرمات والمعاصي ماعملت كدالاجل ارضا زوجتك وماخفت من الخالق عزوجل الذي يراك بالليل والنهار ويعلم ماتخفي الصدور للاسف انت شخص ماتعرف عن الدين الا اسمه فقط هي دي الحقيقة بلاش تضحك على روحك وعلى الاخرين وتتظاهر بانك على دين وخلق حميدوتربية فاضلة والى اخره الجواب واضح من العنوان مايحتاجش دليل عشان تبرر فيه فساداخلاقك وسوء التربية اللي عندك زوجتك مظلومة ومخدوعة فيك لانك قدرت تضحك عليها وتوهممها بالحب والمشاعر الكاذبةوالمخادعة وانك مالكش تجارب وعلاقات نسائية محرمة والمسكينة صدقتك وقبلت الزواج منك اتنها كانت صادقة معك بمشاعرها وعواطفها عكسك انت المخادع الكذاب واول مشكلة تواجهكم في حياتكم الزوجية تخليت عنهاورجعت لماضيك الاسود ولعلاقاتك المحرمة مع النساءالساقطات الفاجرات دون وعي منك ولاتفكير ولاخوف من الله ولارادع من دين لانك من الاساس فاقده اوماتعرفه اصلا ولاحتى تقدير للحياةالزوجية وللانسانة المخلصة والزوجةالوفية اللى وقفت معاك وتحدات العالم عشانك وكان جزاءها منك الخيانة ومع مين مع امراة ارملة فاسقة وفاجرة مثلك تماما لوكان فيها خير لتزوجت وصانة نفسها وعرضها بالحلال لكنها مثلك منغمسة في المحرمات والشهوات ولاترغب الافي الحرام وطريقه والطيور على اشكالها تقع مافي حل معاك الان الا ان تقطع علاقتك المحرمة بتلك المراة الساقطة الفاجرة نهايةوللابد وتتوب الى الله عزوجل توبة صادقة نصوح وتكثرمن الاستغفار اليه وتجدد ايمانك بخالقك عزوجل من ثاني وتحافظ على اداء الصلوات في اوقاتها وقراءةالقران باستمرار والمدوامة على حفظه والصيام والحج والعمرة وغسل الذنوب والمعاصي من قلبك وتطهيره بالكامل والرجوع الى زوجتك وطلب السماح منها ومعاملتها بكل مايرضي الله عزوجل والاحسان اليها وان لم تريدها اوصرت كارها للحياة والعيش معها فطلقها امساك بمعروف اوتسريح باحسانا وحرام عليك تهجرها اوتتركها كالمعلقة واتمنى لك التوبة الصادقة مع الله وصلاح حالك في دينك ودنياك والخيروالسعادةلك في حياتك الزوجية والله يهديك ويصلح احوالك وكل جميع المسلمين

  4. ابو محمود
    12/11/2012 at 14:15

    بدل ما تخون مراتك وتغضب ربك وانتا بتقول انك متقدرش تسيب الى انتا ماشى معاها —- اتجوزها

  5. نونى
    11/04/2011 at 22:53

    اتقى ربنا انا ست و جميله اوقات كتير بمر بمشاكل مع زوجى ببقى نفسى انسى مشاكلى باى شيى لكن بفكر كتير ولو نسيت عزاب ربنا بيفوقنى حورقتى لو ان زوجى فكر زيى

  6. نور
    07/10/2010 at 11:15

    اتحداك ان لم تقرء ردودنا فأنت محتاجلها فعلا واذاكنت تتبع هواك فانك تريد من يطاوعك ويقولك خليك ف اللى انت فيه او اتجوز التانيه ولو انت فيك شيء كويس بيخاف ربنا فأنت محتاج للى يفكرك بكلامه واخيرا حتى لو كنت بتحب التانيه فأنك لن ولم تتزوجها لأنها ببساطه سلمتك نفسها ومحافظتش علي نفسها وسلمت زمامها للشيطان والتوفيق من عند الله

  7. lolo
    28/09/2010 at 14:44

    و مترميش ذنبك علي مراتك يعني متعلقش أخطأك علي غيرك واتحمل نتيجة غلطك وخليك قد المسئولية وحافظ علي بيتك وانت اللي وصلت بنفسك لكدا ودة درس صغير عشان يفوقك بس ياريت تتعلم منة وتعمل الصح مفيش حد بيتعلم ببلاش وعلي فكرة انت مش اتتعس واحد في الدنيا انت بنأدم ربنا بيحبك وعايزك تمشي في الصح عشان كدا أدالك درس عشان تقرب منة وتمشي في الصح وتحافظ علي بيتك دة في ناس غيرك بيفضلوا ماشيين في الغلط ومش عارفين السكة فين ومش لاقيين اللي يساعدهم ولا حتي اللي ينصحهم فكر في الكلام اللي مكتوب وحاول تراجع نفسك وبدأ صفحة جديدة مع نفسك ومع مراتك عشان ربنا يسامحك ويرضي عنك

  8. lolo
    28/09/2010 at 14:36

    انت اصلا متغيرتش وانت زي ما انت بتحب تقضيها وباين اوي في كلامك من اول سطر ان انت مش عايز نصايح انت بتتسلي ومقدرتش تتحمل مسئولية بيت وان في واحدة تكون شايلة اسمك وانت قولت ان مشاكلكوا تافهة من العقل والحكمة انك تحل المشاكل دي بس انت كنت بتسمح انها تكبر واللي يأكدلك ان انت لسة بتتسلي ان انت بتقول علي الارملة انها محتجالك وانت ازاي بقي بتروحلها وانت مش حاسس بحاجة من ناحيتها ابعد عنها وبعدين مراتك دي بنأدمة محترمة ارجعلها وسيبك من الارملة عشان مش كويسة انها تقبل علي نفسها ان واحد يعمل معاها كدا وانتوا مش متجوزيين بس نصيحتي ليك روح عند دوكتور نفسانني مش عشان انت مريض لاء بس عشان تخلص من التسلية واللي جواك دة ياريت تجرب مش هتخسر حاجة بالعكس انت هتكسب

  9. كلمة سيف
    25/09/2010 at 01:49

    بسم الله
    أقول لية تخيلت ان مفيش حل انت أخطأت مع العشيقة تب الى الله و بعدين اية اللى خلاك تخون كنت تزوجتها و انت بتقول انها ارملة لية رحت للحرام برجليك اتق الله و دايما حكم عقلك ان كنت خايف من مشاكل تانية معاها فالجواز اهون من الزنا

  10. no
    24/09/2010 at 14:04

    اتقي الله في نفسك وبيتك ومراتك وبلاش الحرام عندك الحلال اهه اتمتع بيه براحتك

  11. للقلوب السليمة
    24/09/2010 at 13:28

    ما أدراك أنك أتعس إنسان في العالم. حوار دار بين العين المريضة والذبابة فقالت العين المريضة للذبابة أنت أمرضتني فردت عليها الذبابة بل أنت كنت مستعدة للمرض. أفهمت. لا ياتصور أحد أن خطأن يعملان شئ صحيح فالخطأ خطأ ولكن لا تزيد وقف مع نفك وتب إلى الله القائل هل من مستغفر فأغفر له وأعزم على ترك باب المعصي ولزوم الطاعات ويا حبذا لو تعرف أسباب الخلاف بين أهلك وزوجك فإن أمكن الإصلاح وإلا ف شل ده عن ده يرتح ده وده فلا تدفع زوجك للتظاهر بحب أهلك ولكن قل كلاما طيبا ولو كان كذبا لكل في حق الآخر وأمدحه عسي أن يغير الله القلوب أما عن الأرملة!!! فأعجب هل تريد الحلال إن كان ولابد إذن فأنظر هل تريد الزواج منها والتعايش بين زوجتين فإن كانت الإجابة بلا فإقطع علاقتك الآثمة وأتركها وتوبا إلى الله جميعا عسى الله أن يفرج كرباتكم وأعلم أن الذنب لا ينسى وسف تدان يوما بما إقترفت يداك. ماذا تود أن تقول أنك ناصح كيف يسمع لك من يعلم أنك لم تصب صوابا ولم تحسن المسألة. خذ أنت النصيحة وأتق الله فيمن حولك حتى يبارك الله لك في حياتك وأكثر من الإستغفار والتوبة والعزم على ترك المنكرات وأحسن الصحبة ولا تعد للمحادثات الغير شرعية. هدانا الله وإياكم وسدد خطانا وخطاكم

  12. الفتى الذبيح
    24/09/2010 at 06:12

    لا لا توجد مبررات للخيانه اتقى الله فى نفسك وبعدين زى ما انت بتحاول تخرج من حالة النكد اللى انت فيها عن طريق نزواتك طيب ليه مستبعد انها هى كمان تفعل نفس الشى تقول حسيت انك مرتاح مع الارمله دا الشيطان اللى بيزنلك الحرام والا ايه المانع انك تتزوج الارمله لو كنت تحبها بجد اتقى الله متصلحش غلط بغلط اكبر وكمان بتقول انك مش عايز حل طيب ليه نشرت موضوعك اخى اتقى الله وعود لزوجتك او تنفصلو ولا تضيع نفسك اكتر من كده

اترك رداً أو حلاً لهذه المشكلة