من حوالي ست شهور فيه بنت اشتغلت معايا في نفس مكان شغلي ، في البدايه كان التعامل بيني عادي جدا وبشكل طبيعي وواضح ، شويه شويه حسيت منها باهتمام وتركيز وابتسامات كتير ، مع الوقت اخدت رقمها وبقينا نتكلم كل يوم وحتي علي الفيس بوك والواتس ، وبقت طول الوقت تقول انها مبسوطه بمعرفتي جدا واني مريح جدا وان مكان الشغل مش مناسب ليها اطلاقا بس هي وجودي مريح ومخليها تكمل في المكان .. كنت بشوف في عنيها نظرات الاعجاب والاهتمام بشكل رهيب بس .. دا غير سؤالها الدائم عليا ومجرد ما نروح من الشغل للبيت تبعتلي ع الواتس ( وصلت البيت ) الوضع دا استمر حوالي 4 شهور ، بس بدأت يظهر عدم تفاهم رهيب بيني وبينها وخناقات ومشاكل بشكل مستمر مبيخلصش يستحيل يعدي اليوم من غير ما نتخانق اكتر من مره ، لدرجه ان وصل بينا الحال ان كنا ممكن نقطع علاقتنا ببعض ، المهم من حوالي شهر .. بدأت تتغير بدأ يبقي في اهمال ليا ف كل حاجه .. تأخير في الردود ، مبتسألش ابدا ، افتح اي كلام اي موضوع ترد علي قد السؤال ، كل حاجه كانت بتعملها بأهتمام اتقلبت 360 درجه ، بدأت اشتكي كتير بسبب كدا وبدأت اقولها انتي بتبقي اون لاين ع الواتس ومبترديش غير متأخر بدأت تنكر وتقسم بالله ان دا مبيحصلش .. بدأت اشتكي كتير من الاهمال … كل مره ردها بيكون انه انا عندي وساوس وانها بتبذل مجهود عشان تثبتلي اني مهم عندها .. طول الوقت بقي تقول انا تعبت انا تعبت من تعاملنا والمشاكل دي .. ( تأخير في الرد ، برود جدا في التعامل ، تجاهل تام ، تهرب احيانا ، ) بدأت اعملها سكرين شوت للمحادثات بنا اول ما عرفتها وانها ازاي كانت بتهتم وردودها وتعاملها معايا كان ازاي .. مع كل موقف او مشكله بدأت اعمل سكرين شوت وابعتلها واقولها شوفي لسه مقتنعه انك متغيرتيش .. بدأت تقولي احنا صحاب واخوات ومينفعش الامور تكبر بنا كدا .. وان اللي هيا كانت بتعمله زمان دا كان غلط .. وانها بتحاول تصلحه وتعمل الصح واني مستناش منها اي حاجه وانا معملش عشانها اي حاجه لا استناها ولا مثلا اضغط ع نفس ومنامش عشان اتكلم معاها .. كمان بقي اي كلمه حلوه مني مدح اقولها انتي جميله انا بحب وجودك معايا بحب ابقي جمبك اي نوع من انواع المدح .. ترد بكل سخافه وتقولي متقوليش الكلام دا طلبت كتير منك كدا متقوليش الكلام دا .. بضايق من نفسي .. اعمل سكرين شوت واوريها لما كنت بقولها الاول كدا كان ردها بيبقي ازاي .. تقولي كان غلط وامسح الشات دا .. بضايق من نفسي متعملش كدا ومتقوليش الكلام دا ومينفعش يبقي بينا كدا احنا اخوات واصحاب .. بس انا عارف ومتأكد مليون في الميه اني مهم عندها وانها بتعزني جدا واني ممكن الامور بنا تتطور .. بس مش عارف هيا ليه بقت تعمل كدا .. مش عارف اتغيرت ليه .. بقت شخصية تانيه .. قطعت عليا كل حاجه ونفسيتي بقت زي الزفت بسببها .. مش عارف افهم هيا عايزه ايه .. ولما بحاول اقرب او اسألها او اقولها انتي محتاجه ايه نفسك في ايه .. بكل قوه ترد مش نفسي في حالي مش عايزه حاجه ومتعمليش اي حاجه ومتدنيش مساحه اكبر من اي حد في حياتك .. ومتخلينش من اولاوياتك .. بقيت هتجنن ومش عارف اعمل ايه .. نفسي الاقي حل
بص انا حصل نفس موضوعك ده مع واحدة صحبتي كنت بحبها اووي و هي كمان بس جاتلها فترة و اتغيرت تماما زي البنت زميلتك و كنت بعيط علطول عشانها و كل م تبعد اقرب بس لحد م ندمت و غصبت ع نفسي علشان اشيلها من دماغي و اتجاهلها و انساها و الحمدلله نسيتها و بقيت بتعامل معاها طبيعي خالص زيها زي اي واحدة زميلتي ف انت الي يبيعك بفلوس بيعه بالمجاني سيبك منها عارفه انك هتتعب و مش هتعرف بس ربنا يقدرك و تعرف تنساها ف انت انساها و شيلها من دماغك هتلاقيها هي الي هتندم و احتمال ترجعلك تاني بس هتكون انت خلاص مبقتش تفرق معاك و مش هتحتاجها تاني و خليك متأكد ان كما تدين تدان زي م انت كنت بتحبها بجد و هي باعتك و استهترت بمشاعرك هيجي اليوم و يحصل فيها كدة بس نصيحه من اخت لأخوها ابعد عن البنات و متحاولش تكلمهم علشان ده حرام و يمكن ربنا عمل كدة علشان متشيلش ذنوب اكتر من كدة خليك محترم و عارف ربنا لما تحس انك بتحب واحدة صارحها بحبك علشان تعرف مشاعرها بس و لو طلعت بتحبك افحت في الصخر علشان تكون نفسك و تتقدملها و اما تكون جاهز اتقدملها و خلي حبكم في النور و يكون حب يرضي ربنا مش الناس و يارب تاخد بنصيحتي و تتقبلها و ربنا يوفقك و يعوضك ببنت احسن منها تعرف قيمتك و تقدر مشاعرك