اسرار البنات

نفسي ابطل سجاير ومش عارفة

انا بنت عندي ٢٥ سنة مشكتي اني مدمنة سجاير بشراهة بشرب ٥ علب في اليوم والوضوع بدأ معايا من ساعة لما كان عندي ١٢ سنة كنت بشوف ناس قرايبي بيشربوا وكان نفسي اعمل زيها ومرا كان فيه تجمع عائلي وواحد قربيبي كان سايب علبته في البلكونة فارحت واخدت منها سجارة والموضوع عجبني فا اخدت منها تلاتة وخليتهم معايا ولما اهلي كانوا يناموا او يخرجوا كنت باخدهم واشرب على السطح وخلصوا الاسبوع الي بعده في التحمع العائلي خدت من عنده خمسة علشان يكفوني الاسبوع والفترة دي بقيت ازود واشرب ٣ في اليوم فا اخر مرا خدت من عنده ٧ فهو لاخظ فا بقيت انا احوش من مصروفي واجيب ومع مرور الوقت في اعدادية كنت ١٥ سنة كنت بشرب حوالي علبة ونص في اليوم وحاولت احافظ على الوضع دا بس لما وصلت ثانوية ١٨ سنة بقيت اغلب الوقت برا البيت فا كان المجال مفتوح ليا شوية اني اشرب براحتي فا بقيت اشرب حوالي علبتين وشوية وسعات تلاتة وزادت معايا في الجامعة اني مبقتش اعرف اعدي نص ساعة من غير ما اكون شابة سجارتين تلاتة الي هو حوالي ٤ علب ومشكلتي دلوقتي اني وصلت للخمس ست علب وحاولت ابطل قعدت نص كنت هتجنن كنت عصبية اوي شربت يوميها ٦ علب وشوية كتير والمشكلة اني عاوزة احافظ على مظهري قدام الناس علشان في ناس بتحكم من اقل حاجا يعني مثلاً لو شافوا معايا سجارة ممكن يقولو عليا بنت مش كويسة ومش اي شاب ممكن يرتبط بوحدة بتدخن بي شراهة زيي وفي حالة الجواز لازم ابطل ساعة الحمل والرضاعة ومينفعش اشرب بعد الولادة علشان الدخان ميعملش مشاكل للأطفال انا حاسك انها حاجا مستحيلة اني البطل ومحتاجة مساعدتكم ونصايحكم مع العلم محدش يعرف في البيت ومفيت اي حد عندي بيشرب غيري

مشاكل وحلول ذات صلة

اضيف بتاريخ: Wednesday, March 6th, 2019 في 17:44

كلمات مشاكل وحلول: , , , ,

3 رد to “نفسي ابطل سجاير ومش عارفة”

  1. Sara
    12/03/2019 at 03:22

    عندي صديقتي عمرها27سنة مش متزوجه جميلة بزااف بس ريحتها وحشة كثير والله لدرجه لما تعرفت على شخص عايش بفرنسا يعني فري مع هيك ماتحملها ولا تحمل ريحتها وسابها وهيا ضيعت نفسها بادمان… انصحك تعالجي نفسك كلشي مع الارادة أن شاء الله تقربي لربما وصومي بيومين بأسبوع واعملي رياضه

  2. عمر
    07/03/2019 at 03:25

    إذهبى لطبيب يساعدك

  3. س
    06/03/2019 at 20:43

    انا شاب وكنت بشرب كتير سجاير ولكن قلت الي متي هشرب السم ده وبسمع ان السجاير دي بتسد شرايين القلب واخدت عهد علي نفسي انو لازم يكون عندي عزيمه وبالفعل وقفت تدخين اكتر من سنه لم ادخن سيجاره ولكن عملت شي عشان اقدر اوقف تدخين وهو ثمن اللي بصرفه علي السجاير ده هدفعه صدقه كل شهر وسبحان الله ربنا وفقني ووقفت تدخين خالص ولا حتي بيجي علي بالي التدخين… اهم شي العزيمه والدعاء وبعدين انتي بنت يعني التدخين هيأثر علي اسنانك وشكلك وصحتك فنصحيه من اخ لاخته اعملي المستحيل ووقفي تدخين قبل فوات الاوان

اترك رداً أو حلاً لهذه المشكلة