مشاكل عائلية

هل اخى مسحور؟ ولماذا تغيرت شخصيته بعد الزواج

اخى خطبنا له فتاة رشحتها لنه جارة قالت انها متدينه جدا ولم نكن نعرفها البنت ليست جميله وفرق الجمال بينها وبين اخى كبير لكن جارتنا قالت انها متدينه البنت وافق عليها اخى فى البدايه وانا اعترضت لفرق الجمال ولجرئتها الذائده من اول لقاء بيننا ولكن قلت الراى راى اخى وقلتا الدين اهم وبعد ثانى مرة شافها اخى فى بيتهم قال انها ليست جميله لا احبها قلنا له الدين وجدت اخى عين فى الجنه وعين فى النار يعنى يقول لا احبها ولكن ساذهب لها لاتعود عليه وفى مرة قلنا له اتركها ان لم تكن تحبها نجده يكشر ويخاف ولا يتكلم المشكله ان من طبيعه اخى انه مشهور بالجديه فى عيلتنا يعنى لو راى حد يتكلم بصوت عالى يغضب ويثور لو راى تصرف غير لائق صدر من زوجه اى رجل يستعجب وينكر عليها هذا التصرف فى بدايه خطوبته كان جاد مع خطيبته وكانت تخاف جدا منه وبعد شهر او شهرين من الخطوبه وجدت تصرفاته اتغيرت معها فقط يعنى يوميا فى الشارع لا يتكلم مع انه فى بدايه خطوبته كان يريد تركها بسبب خروجها وتصرفات كثيره كانت تفعلها اصبح لا يتكلم والبنت فيها عيوب ظاهرة لاى حد منها الكلام مع الرجال بجرئه شديده عدم الخجل الرقص الشديد فى الافراح اسلوب كلامها بيئه جدا وغير كده مش جميله خالص ومفتحه عنه كثير ولما تزوجها وجدته ذاد فى المعامله معها يعنى تخرج وقت ما هى عاوزة وترجع وقت ما هى عاوزة لها كامل الحريه قبل الدخله باسبوع تكلمت معه لانها علت صوتها عليا وانا بنصحها فى شىء عادى جدا وقلت لها خطيبتك بتعلى صوتها عليا وجدته بدون ما يعرف السبب بيقولى وفيها ايه لازم تستحمليها علشانى الغريبه انه ميعرفش ماذا قالت لى وفهمت من كلامه انها لو شتمتنى او حتى ضربتى ميهمش لازم استحمل علشانه وطبعا اتنفخت البنت وانا شعرت ان اخى اصبح غريب عنى انا مستغربه من حاجه واحده شخصيته اتغيرت تماما حتى لو قلنا عيوبها من الصوت العالى وكلام الرجال لا يتاثر وينظر صامت ولا يعيب فيها ابدا مع انه كان يرفض التصرفا هذه مثلا من زوجه خالى وكان يعيب على خالى ان يتركها تفعل شىء غلط او تكلم احد بطريقه غلط والبنت مش مغريه ليحبها اى شاب ولو رايتها قبل اخى ما كنت رشحتها للزواج منه لان فرق الجمال فرق السما والارض وكل من يراها يقول كيف اخذها ايه اللى غير اخى تفتكروا ايه وهل لو رايت عيوبها لا اتكلم مع انى احرج من الناس اذا كنا فى حفله وكانت معنا طريقه كلامها بيئه وتتكلم مع رجال العائله من ابن عم او خال بجرئه شديده ونحن اخترناها للدين وتصرفاتها تدل على عدم التدين هل اخى مسحور وكيف اتصرف واخى اصبح غير غيور بالمره مع انه كان يغار على اخوته وامى من اى شىء يعنى لو امى كحلت عينيها يثور ويغضب مع ان امى تفعل ذلك للبيت فقط لانها ملتزمه ولكن كيف يترك زوجته بهذه الحريه ولما قلت له صوتها عالى جدا وهذا عيب وحاول تكلمها يقول حعملها ايه والله اتصلحت بعد الزواج خلاص ماتصلحتش يبقى خلاص حعمل ايه سلبى جدا معا انا خايفه تكون عملالوا سحر خصوصا انها تعتقد فى ذلك جدا وتخاف ان يزورها احد وتقول علشان ميرشوش حاجه فى البيت

مشاكل وحلول ذات صلة

اضيف بتاريخ: Friday, November 26th, 2010 في 03:42

كلمات مشاكل وحلول: , , , , , ,

4 رد to “هل اخى مسحور؟ ولماذا تغيرت شخصيته بعد الزواج”

  1. nass
    03/12/2010 at 02:23

    بسم الله الرحمن الرحيم
    اولا التغير ده مش طبيعى يعنى لازم انو فيهشىء قلب حياه اخوك راساعلى عقب وحتى تتاكدى من ان اخوك مسحور له او لا فالحل وحتى لو بالكذب تخترعى له اى شى مثلا تقوليله سمعتك بالليل اثناء النوم تحكى مع احد او كنت تبكى وانت نائم لانه من الصعب جدا انك تقنعيه انو شيخ يقرا له ده لوكان فعلا مسحور له اساليه اولا قوليله انا عايزاك تروح لشيخ يقرأ لك لو رفض وبانت على وجهه علامات القلق يبقى اكيد معمول له سحر اما يكون شاربه فى عصير او يكون اكله فى طعام والمهم بعد كل ده ان خطيبتوا لا تعلم ان فيه شيخ جاله بتاتا او هو راح لشيخ عشان لو كان فيه سحر ميتجددش تانى وربنايهدينا جميعا

  2. InSaAn
    02/12/2010 at 21:26

    لا سحر ولا شغوذة ولكن من الحب ماقتل …
    اخوكي حبها زيادة شوية …
    حاولي تفكريه بكلامو على على البنات التانية لما يعلو صوتهم وتفكريه انه راجل كل شوية وتقوي فيه احساس الرجولة والغيرة …

  3. مصرى بيعشق مصر
    29/11/2010 at 07:35

    والله ياختى كل شىء جايز لان السحر مذكور فى القران
    وكمان الغريب انه شخصيته اتغيرت للنقيض وده مش طبيعى
    شوفى اى حد بيعالج بالقران بالرقيه الشرعيه
    وانا اعتقد ان كلامك يكون صح
    وربنا يهدى الجميع

  4. المقاوم
    26/11/2010 at 14:16

    اعتقد ان البنت ذكية جدا و بدل ما يغيرها هيا اللي غيرته ممكن اخوكي شاف انها مثلا افتح منو على حاجات فــ اعتقد انه صار يسمع لها عشان يغير هو من نفسو ليس قله في قدراته ولكن ليتعلم المزيد و لكن بالطريقه الخطأ و ممكن التغيير يلحظ منك او من امه و كثير من الناس تعتقد التغيير هذا نتيجة سحر و شعوذه و لكن نحن نعرف انه ( ان الله لا يغير ما بقوم حتى يغيرو ما بأنفسهم ) يعني التغيير امر مسلم به و لكن اعتقد انه من الخطأ ان يستمع الرجل لامرأته في التغيير لان المرأه بطبيعتها الانانيه و حتى لو في نيه تغيره حتغيره لصالحها و ليس لصالح نفسه . و اعتقد الحل انك تكلميه بهذا الموضوع و تقوليله مثلا : اخي الاحظ عليك ماشاء الله انك بديت تتغير و هذا شيء جميل و لكن اخي انا اعرف البنات و كل بنت تحب مصلحتها و حتى لو بتغيرك حتغيرك لمصلحتها و لكن ارى ان تتكلم مع طبيب نفسي (ليس شرط ان يكون مريض نفسي ولكن يطلب منه النصح و التوجيه ) افضل لك و الافضل ان تتبع سنة الرسول صلى الله عليه و سلم او تتكلم مع صاحب عزيز عليك و لكن لا تسمع للمرأه .و الله يوفقكم

اترك رداً أو حلاً لهذه المشكلة