انا **** بنت عندى 19 سنه ونص فى تانيه كليه مشكلتى انى مبعرفش اقول اللى جوايا ولو قولت حاجه حاسه بيها بقولها وبلخبط فى الكلام وممكن كمان اقول حاجه تانيه خالص غير الحاجه اللى انا عايزه اقولها ونطق الحروف بيطلع سعات غلط لما بتكلم سريع وصحابى بطلو يقربوا منى وبعدوا عنى عشان عارفين انى مبعرفش اتكلم ومش واثقه فى نفسى وانا ماشيه واى حد بيتكلم معايا بحس مش مدينى اى اهتمام ولما بشوف كده بتعب اوى وبفضل بليل قبل النوم اعيط والوم نفسى وبشكى اللى تعبنى ل ربنا وكل ما احاول اغير من نفسى مش بعرف ودخلت على اليوتيوب عشان اشوف محاضرات ل دكتور ابراهيم الفقى بس فى حاجات كتير مببقاش فهماها وانا نفسى اخد رقم دكتور نفسى واكلموا موب او ياهو وياريت ياهو او سكايبى لانى بجد تعبت نفسيتى كل يوم فى النازل واللهى انا بصلى بس صلاه الفجر بصراحه مش دايمه بصليها فى وقتها بصليها الصبح وبدعى ربنا كتير انى اتغير والمشكله دى بدأت معايا وانا فى اولى كليه ده حتى من كتر الحزن ملامح وشى اتغيرت من حلوه ل وحشه ياريت حد يفهمنى من غير مايقولى اقرءى قصص شوفى د / ابراهيم الفقى
لانى حاولت كتير بس بردوا زى ما انا انا محتاجه حد اتكلم معاه ويقولى ايه الصح من الغلط ويفضل ورايا لحد ما اتغير من جوا نفسى بجد
هموم البنات
انطوائية ولا استطيع التعبير عن نفسى
اضيف بتاريخ: Monday, November 20th, 2017 في 16:19
كلمات مشاكل وحلول: الكلية, بنت, مشاكل, يوتيوب
يابنتي انت فاقدة الثقة في نفسك وهذا هوالسبب الحقيقي للحالة التي تعاني منها لازم تكون واثقة من نفسك اولا ومش عيب ان الواحد يخطي في الكلام اوالنقاش مع الاخرين فلاحدمنا لايخطي المصيبة ان الواحد مايتعلم من اخطاءه ويحاول تصحيحها تكلمي مع اصدقاءك وزميلاتك ومع كل الناس المحطيين بك دون خجل اوكسوف وكوني جرئية ولاتكسفي ابدا من الحديث او الحوار معاهم حتى لو كنت تغلطي في البداية المهم انك تبعدي عن الانطواء والعزلة لانها تودي الى الاكتئاب والقلق والتوتر واستفيدي من المحاضرات او الدروس التي يلقيها الاستاذة مثل دكتور ابراهيم الفقي اوغيره وارجعي لها مرات كثيرة لاجل تستفيدي منها اكثر في حياتك وربنا يؤفقك ويحلل العقدة من لسانك ويحبب فيك خلقه وتلاقي الخير ولرضا والسعادة طوال حياتكي