السلام عليكم ورحمة الله وبركاته
انا *** بنت فى 3 اداب فلسفه وعندى 19 سنه ونص وارجوكم عايزة حل عملى لمشكلتى
او لما دخلت الكليه اتصحبت على بنات واخلاقهم كويسه جدا بس تانى سنه سابونى من غير اى سبب مع انى كنت بساعدهم فى المذاكرات والكتب وكدة
وكمان اصحابى اللى كانوا معايا من ثانوى دخلوا كليات تانيه وسابونى وبطلوا حتى يسالوا عليا دى اول مشكله بعد كدة عرفت واحدة واتصحبت عليها وكنا كويسين خالص بس فى سنه 3 يعتبر سابتنى وزهقت بسبب كدة وعلى طول اعيط وابكى ونفسي اعرف ليه البنات بيسبونى
المشكله الثانيه انى حبيت واحد حبيته اوى وكنا بنحب بعض اوى وبردوا سابنى من غير اى اسباب لان المكلمة الاخيرة كانت كلها مشاعر وعمر ما حصل ما بينا اى مشكله وسابنى فى نص امتحاناتى قاعت اسال عليه وهو ولا يرد ولا بيعبرنى وبعد كدة ماسالتش ولا هو سال
المشكله الثالثه انى مترردة دايما مع انى متفوقه جدا فى دراستى وناويه ان شاء الله اكمل دراسات عليا وبتردد على طول فى دة لانى محتاجة حد بجد يكون كويس معايا ونفسي اتخطب لانى مش عايزة احب من ورا اهلى تانى بس بردوا خايفه ومترردة علشان ممكن ياخد كل وقتى واول لما اتجوز يقعدنى فى البيت
انا خلاص زهقت من حياتى وحزينه طول الوقت ونفسي احل مشكل الخوف والتردد ارجوكم ساعونى واسفه ان كنت طولت عليكم
هموم البنات
الخوف والتردد من كل تفاصيل حياتي
اضيف بتاريخ: Monday, April 2nd, 2018 في 19:03
كلمات مشاكل وحلول: بنات, بنت, مشاكل
شوفي يااختي العزيزة قد يكون الخلل فيك انت وليس في اصحابك البنات زميلاتك يمكن يكون فيك غرور وتعالي عليهم وايضا الخوف والتردد فيك يجعلهم يتخلو عن صداقتهم لك لازم تتخلص من الحالة دي وتبعدي عن الغرور والتعالي والخوف اللي انت فيه وتحرصي على المحافظة على صداقتك لزميلاتك بحسن التعامل معهن والتواضع وسمو الاخلاق والاحترام والسؤال عنهن ومشاركتهن في هموم ومشاكل الحياة بكدا تكسب صداقتهن واحترامهن لك وعمرهم مايفكروا يتركوك اويتخلوا عنك واهتم كذلك بالتفوق في دراستك وتحقيق طموحك في الحياة بكل اجتهاد ومثابرة وعزيمة واصرار حتى تحقق كل ماتتمنيه في حياتك وربنا يؤفقكي ويسرامورك ويسعدك دوما في حياتك كلها