هموم البنات

فقدت كل احترامى لنفسى وبقيت مش بريئه

السلام عليكم
انا بنت عندى 19 سنه تقريبا بعانى من اكتئاب ويأس ومش حاسه انى فى يوم ممكن اكون افضل هحكى من الاول عشان تفهموا
انا من وانا عندى 11 سنه خدت اول صدمة فى حياتى شفت ابويا بيتفرج على افلام اباحيه ولما فتحت الافلام بعد ما قام كانت اول مره اعمل شئ غلط فى حياتى وكنت بريئة لدرجة انى مفهمتش حاجة وقفلت وانا برتعش وبعيط
وانا بقى فى الاعداديه كده كانت الصدمة التانيه مع اختى اللى تكبرى ب 11 سنه اختى دى من بابا وكانت عايشه معانا وعشان تعرف تمشى من وسطنا اتبلت علينا وقالت اننا شواز ومشيت بالفعل وكلامها لغايه اليوم سايب اثر وحش فى اذهان اللى حوالينا وكلهم مش ناسين وبصاتهم لينا غريبه مفهمتش نظراتهم دى الا وانا فى 3 ثانوى
المهم بسبب اللى شفته على ابويا ومن كتر ما كنت بروح امسح الافلام اللى بيتفرج عليها بقيت زيه وبقيت مدمنه للعادة السريه من غير ما اعرف ايه دة ولا انا بعمل ايه كنت مش فاهمه اى حاجة فى اى حاجة كنت بريئة رغم اللى بشوفه
لما دخلت اولى جامعه قررت اتغير واترك كل المعاصى اسامح اختى وابويا وكل حد زعلنى وتدينت بالفعل وغيرت من حياتى وبقيت افضل فى علاقتى مع ربنا كنت بحس انى طايرة وكل حاجة حلوة فى عينى
مكملتش 5 شهور على الحال دة الا ودخل اول حب فى حياتى ودة اللى رجعنى 100 خطوة لورا بدأت اتنازل واكلمه وانا كنت حتى مش بسلم على قرايبى الولاد وبدأت اخرج ويمسك ايدى ويلمس جسمى ويولع فيا كل احساس دفنته ورجعت للعادة وبقيت بكلمه فى الجنس بعد ما علمنى ازاى اكلم فيه
وبعد مرور 7 شهور الباشا خانى وحسيت واتأكدت ومن بعدها اتغيرت من الطيبه والحنان والعطاء والخير والصدق بقيت اخونه انا كمان زى ما يكون بنتقم منه بس فى الواقع كنت بنتقم من روحى عرفت شباب كتير عن طريق النت وكنت بكلمهم بنيه انى افضفض والاقى حد يشيل همى معايا وكانوا معظمهم استغلاليين واستغلوا جرحى وطلبوا نتقابل وقابلت منهم اتنين فى سنما وافترسونى وانا والله ما كنت اعرف نوياهم وبعد كده قررت مقابلش حد وبقى كلامى كله جنس على الفون والنت وبعد كده عرفت من حبيبى انه خانى وكان هيخلف منها طفل ودى كانت الصدمة الاكبر وسيبته بعدها وانا لسه بحبه
المهم كل يومين واحد على النت افضفض معاه بكل حكايتى يقوم اصعب عليه ويقرر يرتبط بيا اقوم اعمل لسه محترمه واطلب يتقدملى لو كان جادى وانا خلاص فعلا فقدت كل احترامى لنفسى وبقيت مش بريئه وزباله اوى
مبقتش عارفه ارجع زى ما كنت لمسه ايد تكهربنى ولا كلمه بحبه تطيرنى ولا حلم برئ يرضينى انا بطلت اكلم حد تانى على النت
بس رجعت لحبيبى وهو اتغير عن الاول بس انا مش مدياله الثقه مبقتش زى الاول كل حاجة فيا اتغيرت
هو الغلط فيا ولا فى المغريات اللى حوليا والزمن اللى فيه كل شئ غلط والناس قلوبهم حجر ولا ايه بالظبط انا فعلا تعبانه وعاوزة اتعالج نفسيا وامى مش راضيه خايفه حد يقول عنى مجنونة بس نفسى حد يساعدنى ويسمعنى بقلبه ويرد عليا ويقولى اعمل ايه انا خلاص بجد مش لقيا طريق ولا عارفه ارجع كويسه ولا عارفه ابقى وحشه لو سمحتوا ساعدونى وقولولى اعمل ايه والغلط فمين فيا ولا فى الزمن؟

مشاكل وحلول ذات صلة

اضيف بتاريخ: Thursday, May 24th, 2018 في 18:00

كلمات مشاكل وحلول: , , ,

3 رد to “فقدت كل احترامى لنفسى وبقيت مش بريئه”

  1. ابوالبتول
    16/09/2018 at 20:32

    لاحول ولاقوة الابالله ليه يابنتي تعمل في روحك كلدا حرام عليك هل دي تصرفات وحدة محترمة ومتربية وتخاف الله عزوجل لاشك ان الشيطان اغواكي وخلاك تعمل كلهذا من العلاقات المحرمة مع الولاد الساقطين المنحطين والكلام معهم عبر النت لاترمي الاخطاء على والدك واختك فكل انسان له عقل وبصيرة على نفسه وربنا كرمه بالعقل والتمييز عن سائر المخلوقات توبي لربك واستغفريه واندمي على مافات مع عدم الرجوع اليه تماما وحافظي على دينك وخلاقك وسمعتك وسمعة اهلك وابتعدي عن النت فكل البلاوي والمصايب تاتي منه واكثري من المحافظة على صلاتك في وقتها والصوم وقراءة القران ومصاحبة البنات المحترمات الصالحات والله هو الغفورالرحيم يقبل التوبة من عباده الخطائيين المذنبيين وهو التواب الرحيم اسال الله ان يقبل توبتك ويسترعليك ويصلحك ويهديك ويكفيك شر ولاد الحرام وشر نفسك الامارة بالسوء

  2. كريم نور
    24/05/2018 at 20:50

    لا حول ولا قوة الا بالله طب ليه تفرطي ف شرفك انا راي داومي ع الصلاة ف مسجد النساء ومتحكيش لحد مشاكلك وابعدي عن النت كله هترتاحي وبعدين انتي 19 سنة لسه صغيرة ف حد يعمل ف نفسه كدا نصيبك ف الحلال هيجيلك بس اصبري ولاش النت لانك ضعيفة وف اي لحظة هترجعي كالسابق واكتر

  3. Dr-aaa
    24/05/2018 at 18:55

    بداخلك فطرة نقية بدليل احساسك بخطأك،،أمامك فرصة لن تعوض إنه شهر رمضان أقبل على الله إذهب إلى المسجد صل جماعة تعرف على الصالحات ،،إدع الله كثيرا في هذاالشهر بأن يصلح حالك ويغفر لك ويرده إليه ردا جميلل،،إنس الماضي ولا ترم بأخطائك على الآخرين فأنت راشدة تعرفين الخطأ من الصح،،أكثر من الاستغفار والدعاء،،شهر عظيم،،واقطع علاقتك بكل الشباب بمافيهم من احببته واخبريه انه ان ارادك طرق بابك،،تأكد أن الله لن يخيبك فقط أقبل عليه بقلب سليم

اترك رداً أو حلاً لهذه المشكلة