هموم الشباب

انا عاجز جنسيا وفي نظر المجتمع جاني

انا مريض بالعجز الجنسي عمري 30 سنة وأعزب مدخلتش دنيا مش معنى كدة اني كئيب بالعكس انا بقاوم الدنيا على قد ما اقدر أجدد النية اني هاعيش فيها غصب عن أي حد ، نفسي أكون مثال محترم للشاب المصاب بالمرض دة ، انا عندي شهوة شديدة جدا لكن جسمي مش بيستجيب للإثارة ، انا مش لازم اكئب نفسي بس المجتمع واقف ضدي لإن بيعتبروا ان المريض بالضعف والعجز الجنسي مش من حقه يحبب الناس فيه ، انا بحب وبكره ، انا على النت لاقيت انسانة بتسأل عليا وكنا في منتدى بنطرح مواضيع واسئلة ، حبيت اسلوبها وعملت حسابي على الفيسبوك عشانها ، بسأل عليها واطلب من ربنا في نهاية كلامي معاها انه يحميها ويرزقها براجل أمير وملتزم ، ساعات بتعذب لما اقرا كلام الناس وبتابع كل شئ عن نفسية الشباب المريضة زيي ، بقرا قصص وتجارب ، بتصدم بحس اني بحالي حيوان او اني مصاب بداء أخلاقي يمنعني من حب الناس ، بس في الحقيقة انا طفل عندي غريزة اعضائه مش مكتملة أو جاهزة للمعاشرة ابدا ، لو هي تلفانة بسبب مرض بردو كإني لسة صغير بستمتع بالدنيا ، بسمع كلام ان ليه الشاب اللي بيعامل أي بنت انه بيضحك في بنات الناس ودة مخليني أحس بالذنب خاصة من البنت اللي بتسأل عليا انا بحبها زي اختي زي بنتي ، انا دايما بكلمها كإني أب ، مش مصدق ان الصفات دي فيا ، حسيت انها اكتشفتني والدنيا بقت حلوة أوي وبسيطة أوي ، الحب أجمل حاجة بجد ، كنت ساعات بتخيل انها في حضني ابتسم ويبان عليا ، ولما بوصل لقمة التفكير دة بقول لها ربنا يحميكي ، بس انا للأسف مبتلى بالمواقع الاباحية لكن عرفت ان الصور المتعددة عيب وحرام لإني لو كنت زوج هابقى أناني وخاين وادور على واحدة تانية ، نحيلة ، مليانة ، سمرا ، ضكتها حلوة ، جسمها كذا .. لكن عشان الحياة الزوجية تكون مستمرة حتى بعد الكبر اننا بتبادل الأدوار يعني انا مش لازم ابادر بالجماع ابدا ووقت ما بكون زعلان ببقى عندي رغبة ان حبيبتي تداديني كإنها أمي ولما احس بثقة في نفسي تكون في دور البنت وانا اكون في دور باباها ، المواضيع دي في دماغي بس حاسس انها مش معترف بيها عند الناس يعني عشان اتجوز لازم اكون دكر عندي قوة جنسية ووقت انتهاء الجماع بردو اكون زوج حنين وطيب وبدي طول الوقت ، لكن واضح ان المجتمع مش بيعترف بتبادل الأدوار وبيعتبرها عيب وان المصاب بالعجز الجنسي لو هو متزوج يبقى مجرم يواجه مصيرة ومافيش رأفة معاه ، ولو عازب مايكلمش أي بنت عشان هو ذئب بشري بيعوض نقصه ، اه بعترف ان فيه شباب مصابين زيي وبيكابر ونظرته الجنسية ضيقة بس انا ممكن اعترف عادي وعندي حيلة اقولها لأي بنت اني عندي السكر والقلب ، عايز احس ان المجتمع يطلق له العنان لإن مشاعرالمريض بالنوع دة زي الطفل عايز ينسى المرض دة وبيتكلم زي الكبار وفي نفس الوقت أب كبير في السن الناس تحترمه وتوقره ، لكن واضح ان مجتمعنا بيطبق المثل دة (دخول الحمام مش زي خروجه) بمعنى ان الطفل بيتعلم أرقى تعليم ومحاط بالرعاية ، وبيتعاطف مع كل فئات المجتمع إلا الشباب لازم يكون سليم جنسيا عشان البنات والناس يحترموه وإلا هيسألوا هل هو متحرش جنسيا ؟ هل دة نصاب ؟ هل دة حرامي ؟ طب هو عاجز جنسيا ليه ؟ أكيد اخلاقه وحشة ، انت شاب بقى تحمل مسئولية أفعالك لان البنت عايزة واحد صاغ سليييييم وإلا انت كنت كدة ليه يا عاجز ؟؟ ، انا مش عايز الدنيا كدة انا مش عايز اعيش بالطريقة دي ، عايز أعيش مع المرض دة كإني مريض نفسيا في مستشفى بيضحكوا معاه أو كفيف بيقدروه أو قعيد بيرسموا له الأمل من جديد ، انا حاسس اني مريض فقط ، انا كشاب بعترف بالعجز الجنسي وآلام مستمرة في الأعضاء ، مش لازم اكون اخلاقي وحشة عشان نوع مرضي ، أكتب سؤالي الآن وانا في حالة بكاء ورجاء من الله انه يحبب فيا خلقه .. أتمنى متزعلوش من الكائن المخيف دة اللي عمال يجاهر بالسوء انه مبيعرفش وانه زي خيبتها والكلام اللي هاتقولوه عليا بإستهزاء .. انا اللي طلع مرضي أضحوكة للناس في الاعلام يجيبوا الراجل المريض على انه معندوش مشاعر وأناني .. أتمنى مكونش جاني وتخفف عليا العقوبة بحيث يصدر حكم ان ليا حق اعامل أي بنت طالما فيه احترام واني اعزها واقدرها ويصدر حكم منكم اني اقدر ابتسم للأطفال ابقى واحد منهم

مشاكل وحلول ذات صلة

اضيف بتاريخ: Wednesday, December 20th, 2017 في 00:10

كلمات مشاكل وحلول: , , , , ,

2 رد to “انا عاجز جنسيا وفي نظر المجتمع جاني”

  1. ابوالبتول
    19/06/2019 at 14:49

    لست معك في كل ماقلت يااخي الكريم حرام عليك تعمل في روحك كلدا انت انسان مومن اليس كذلك فلازم تومن بقضاء الله وقدره عليك ولاتقنط من رحمة الله عزوجل الطب اليوم في تطور متقدم وقادر على ايجاد حل للحالة اللي تعاني منها ولازم تعلم ان الله عزوجل ماجعل من داء الا اوجد له الدواء علمه من علمه وجهله من جهله استعن بخالقك وتقرب اليه واقلع عن مشاهدة افلام الاباحية وتوب لربك منها واكثر من الاستغفار والدعاء للخالق عند صلاتك وفي جوف الليل والناس نيام واكثر من الصدقة وقراءة القران بنية ان يفرج الله عنك ماانت فيه ويسر امرك وهتلاقي فرج الله قريب قصتك دي مرت على احد الاصدقاء اللي اعرفهم لكنه لم يقنط او ياس مثلك بل توكل على الله وتزوج بابنة الحلال وقصد الاطباء لاجل علاج حالته وربنا شفاه منها تماما وهو اليوم عنده اولاد من زوجته ويعيش حياة سعيدة اتمنى تكون مثله لاتهول الامر يااخي فلست الوحيد في هذا العالم تعاني من هذة المشكلة بل غيرك الكثير تدراك نفسك وتعالج من الحالة اللي انت بها واستعن بالله عزوجل واقلع عن المعاصي والمحرمات وتقرب اليه بالاعمال الصالحة والطاعات وتلاقي الخير والسعادة طوال عمرك فرحمة الله وسعت كل شي وفضله كبير وعظيم

  2. Dr-aaa
    07/01/2018 at 20:41

    اخي الفاضل لماذا هذا اليأس،،لا تقنط من رحمة الله فإن الله قدجعل لكل داء دواء،،واذا كنت طرقت باب الأطباء ولم تجد علاحا،،فاطرق باب الذي بيده كل شئ،،إستغل أوقات الإجابه وادعو الله كثيرا واكثر من الاستغفار ولا حول ولا قوة الا بالله ولا إله إلا أنت سبحانك إني كنت من الظالمين،،وثق بالله ولا تيأس،،وابحث عن علاج لخالتك فلكل داء دواء،،أنت لست كائن مخيف أنت بشر فاسعد بنعم الله عليك ولا تقنط من رحمته،،وتصدق بنية الفرج،،واترك الحزن ،،وابتسم وكن على يقين أن بعدالعسر يسرا

اترك رداً أو حلاً لهذه المشكلة