السلام عليكم و رحمة الله و بركاته : انا اريد ان اطرح مشكلتي لكي ابحث لها عن حل ، و بحثت حتى وجدت موقعكم من افضل المواقع في طرح مشاكل الشباب و المراهقين ، عمري 18 عام و انا من الاردن … خذوا مشكلتي عل محمل الجد و اجيبوني كاخوتي بالله عليكم يا اعضاء الموقع .. انا طالب بالتوجيهي بالفصل الاول معدلي كان 97 و هلا انا بالفصل الثاني و الامتحانات الوزارية اتى موعدها و راح أأجل 3 مواد لانه نفسيتي تعبانه من المشكلة اللي عندي و اهلي و قرايبي مستغربين مني لاني ما بدرس و لاني اجلت و بحكو انت معدلك بدخلك طب لو بتحافظ عليه لانه هاي السنة الاسئلة كانت صعبة و معدلات القبول في الجامعات نزلت .. يعني مستغربين طالب ممكن يصير طبيب شو مشكلته لانه من ناحية مادية ماشي حالنا و ما في مشاكل بالعائلة .. و بسألوني شو هي مشكلتي عشان افضفضلهم و يساعدوني بس انا ما قدرت احكيلهم لانه المشاكل شخصية و بستحي احكي لحدا و تعبت و انا مخبيها من فترة طويلة من بداية الفصل الثاني لهلا يعني 3 شهور .. والله ما حدا بعرف كيف عم بتعذب غير الله وحده .. عشان هيك انا مضطر احكيلكم و بتمنى جوابكم باسرع وقت .. يمكن تحسوني سخيف او تافه اذا عرفتو المشكلة .. بس بالنسبة الي هي اهم اشي بالحياة بالنسبة الي .. بالله عليكم اعتبروني اخوكم و انصحوني مشكلتي هي اني بتمنى يصير شكلي حلو و جذاب لانه وجهي انا بشوفه مو حلو .. اهلي احيانا بحسو في المشكلة و بصيرو يمدحو في شكلي .. عشان هيك انا بحسهم بسايرو فيي لاني تعرضت بحياتي لكثير اهانات على شكلي من صحابي بالمدرسة و من اهلي .. و انا لما اطلع بالمراية او اشوف صوري بصير بدي اقتل حالي و انتحر و ارتاح .. انا بدي يصير شكلي حلو و جذاب ما بدي يكون جمالي عادي زي اي حدا .. بدي اكون حلو كتير و مميز بدي لما حدا يطلع علي يحب شكلي انسان عاطفي و رومانسي ما بقدر يحب بنت و يعيش معها مواقف حلوة لاني عاطفيا بحس اني من اكثر الناس بالعالم رومانسية .. استغفر الله العظيم !! يمكن من كتر الاهانات اللي تعرضتلها بحياتي عشان شكلي و ضعف شخصيتي صرت اتمنى اشياء زي هيك .. ولا تحكولي الشخصية بتخليك جميل .. لان الجمال اكثر اشي بقوي الشخصية .. و بخليني اعرف اضحك و اعبر عن مشاعري لبنت بيوم من الايام .. لو الجمال جمال الروح كان كل العالم اللي بعرفني بحبني .. بس الجمال جمال الملامح و الوجه .. و بلشت احس اني فاشل بعد ما صرت احضر المسلسل (سحر الأسمر) .. هذا المسلسل الهندي فعلا عملي سحر .. بنصح اي واحد رومانسي ما يحضرو لانه راح يصير بدو يفجر مشاعره .. هذا المسلسل دمرني و دمرلي حياتي .. و خاصة البطل اللي فيه اسمه (ساراس) اجمل انسان شفته بحياتي .. صرت اتمنى اصير زيه .. صرت افكر اعمل عمليات تجميل عشان يصير وجهي زي وجهه و بطل يهمني اذا اللي بعمله حرام او لا .. بس عرفت اني ما بقدر اخلي شكلي زي شكله .. و اذا صار راح اكون مجرد تقليد و نسخة فاشلة لاله .. هو جماله لا يقاوم و المسلسل رومانسي و انا مشكلتي رومانسي و بشع عشان هيك عمللي عقدة .. قعدت 4 ايام ما آكل .. و فقدت الامل بكل الحياة .. وانا ما بدي اخفي عنكم ناوي بعد ما اصير حلو اصير مشهور عالميا و هذا الحلم حتى لو اضطريت انتحر عشانه ما راح اوقف غير لما احققه .. بس المشكلة اني بدي اصير ممثل اجنبي او مشهور اجنبي .. طيب كيف و انا عربي .. يعني حابب اعرف حتى لو اني عربي بقدر اصير ممثل اجنبي و امثل بمسلسل هندي او تركي او بفيلم امريكي .. في امل !! رجعت اكل بعد ما شفت على الانترنت انه عمليات التجميل بتغير الشكل و بتخلي حلو حتى لو انها حرام و تغيير الخلق انا مضطر اعملها لاني بدي اصير مشهور و هذا الاشي بعتمد على الجمال و بدي الناس يحبوني .. بس شفت على الانترنت كلام انه العمليات ممكن تفشل و حسيت انه حتى لو عملت عمليات تجميل شكلي راح يتغير تغيير بسيط و راح يضل مو حلو .. يعني انا بفائل حالي ساعة و برجع اتشاءم 3 ساعات .. يمكن صار التشاؤم جزء من حياتي .. يمكن مشكلتي صار بدها دكتور نفسي .. و انا صرت متاكد انه في معي خيارين الاول اني اصير حلو و مشهور عالميا و كل الناس بحبوني الثاني اني انتحر و مستحيل اقدر اكمل حياتي اهلي بحكولي انه معدلي بخليني ادخل طب و المصاري بتعمل اي اشي بالحياة .. عشان هيك بضلو يحكولي ادرس و هذا اللي مهتمين فيه و مبديينه على اللي بفكر فيه مع انهم دايما بسالوني شو مشكلتي و ما بقبل احكيلهم و هم بحكولي انه اللي بدي شو ما يكون بعتمد على هاي السنة .. بس انا بحكيلهم انه انا ما بدي اعيش حياة عادية زيهم لانه اللي بتمناه اعيش حلو و مشهور و محبوب بين كل الناس و كل اللي بشوفوني .. يعني لما اطلع على ممثل او مغني او لاعب اجنبي بحكي شو معنى هو يكون ناجح و مشهور و محبوب و حلو و انا هيك !! بشع و صحابي ما بعترفو فيي و انا محط اهانة و مسخرة بينهم .. انا بطلت اتحمل هاي الحياة .. اما بحقق احلامي او ما بدي اياها !! بحس حالي فاشل و مو نافع غير للناس و ما بقدر اكون اشي كبير و بيوم من الايام اصير مشهور بالعالم !!! بدي اسافر على المانيا بعد التوجيهي و اعمل عمليات تجميل هناك .. بس يا ترى بعد العمليات راح اصير حلو متل الممثلين اللي بشوفهم على التلفزيون (بعض الممثلين) و راح اوصل لجمال (ساراس) اللي تمنيت لو الله خلقني هوه وهوه خلقه انا .. بدي اياكم تطلعو على صوره على الانترنت قبل ما تجاوبوني .. مشكلتي اني اذا تمنيت اشي ما بقدر استغني عنه و مشكلتي اني دايما بتمنى الاشياء الاصعب يعني لو اطلعت على لاعب كرة كان بتمني اصير مثل ميسي بس ما بحب الكرة .. انا بطلع على ممثل هندي و بتمنى اكون بجماله او اكثر .. بدي تساعدوني لاني غرقت بالتفكير بالموضوع و تعبت اهلي معي .. سؤالي هوه : ممكن لما اعمل عمليات تجميل اصير احلى و كيف الجمال اللي ممكن اوصله .. و ما تحكولي حرام لاني بطلت اهتم غير باحلامي او راح انتحر لاني فقدت الامل كليا من كل اشي .. لاني بحس حالي ناقص و الناس ما بهتمو فيي و ما بعتبروني شخص مميز و ما بحبوني .. انا بدي اياكم تعتبروني متل اخوكم و تجاوبوني بحنية و احساس .. لاني اذا بصير حلو متل ما بدي راح اكون اسعد انسان على وجه الارض .. لانه عملي ان شاء الله يكون طب و مادياتي كويسة و هذا الاشي بساعدني انشهر عالميا .. كل اشي بعتمد على جمالي .. هل المال يجلب الجمال ؟؟؟؟ هيك ارتحت لاني فضفضلتلكم شوي و بتمنى تجاوبوني باسرع وقت اني بقدر اكون حلو او لا .. لانه بعد اسبوع علي امتحان من اللي ما بدي ااجلهم و بدي نفسيتي تتحسن شوي عشان اعرف ادرس .. عشان احس انه الدراسة ممكن توصلني لهدفي .. اما اذا ما بتوصلني لهدفي معناته ما بدي ادرس و ما بدي الحياة كلها كمان .. يعني اذا صرت غني و عندي احلى بيت و سيارة و احلى ملابس و احلى حياة .. و انا مو حلو و مشهور و ما بقدر اعبر عن مشاعري اللي لازم تتناسب مع شكل غير شكلي (شكل حلو) لانه مشاعري حلوة و روحي طيبة انا ما راح اكون سعيد و راح انتحر لانه ببساطة ما بدي اكون شخص عادي و بدي اثبت لكل اللي بعرفوني بيوم من الايام اني انا ناجح و محبوب غصبن عن الكل .. و بدي اثبت للي بكرهوني و بكرهو شكلي اني احسن منهم و انجح منهم و بدل ما اطلع انا على المسلسلات و صحابي الحلوين المحبوبين بدي الناس تصير تطلع علي .. و لا تحكولي حرام او قوي شخصيتك او كل اشي ممكن .. لاني زهقت من هذا الكلام و ما راح يفيدني … و لازم تعرفو اني هلا محطم نفسيا و عم بتمنى و ما بعرف احكي مع حدا و دايما قاعد بالحمام لحالي .. والله وحده اعلم بحالي
اكيد راح تحسوني تافه بعد هذا الكلام بس هذا هو حلمي و مستعد احارب العالم عشانه بس بدي بالاول اعرف انه في امل مع المحاولات يتحقق و اكون انسان ناجح و مشهور .. بدي تساعدوني باقرب وقت لاني عم بفقد معنى الحياة والفرحة من دون هذا الاحلام و انا متاكد اني راح اموت اذا بضل عايش نفس الحياة ….
بتعرف انا كمان بدي صير مشهورة مثلك و مشاكلك مثل مشاكلي غير مشكلة الجمال .من كلامك عرفت انك شخص حلو وجذاب وجمالك ما في مثلو اكثر من جمال سراس و سلمان خان حتى .انا بنصحك ما تعمل عمليات تجميل ابدا ابداابدا لانو جمالك ما في منو . عندي حل لو بنتحد رح نصير افضل نجمين بكل الهند مو بس الهند كل العالم .بعرفك على حالي انا وئام من الجزائر وعمري 16 سنة انا كمان كنت بحلم اني صير ممثلة هندية مشهورة وبفتكر انو صار الوقت لنحقق حلمنا بالنجومية . مع هيك مو لازم تنسى ربك و لازم تحمد على طول
انا من راي تعمل عمليه تجميل احسن عشان كلام الناس مش هيفيدك اعمل الي هيخليك تقدر تكمل حياتك سواء بقا صح غلط حلال حرام لان مقدمكش طريق غير كدا وعشان تعرف تركز في دراستك
والله انك صعبان على وفي حالةيرثى لهاوماتقوله وتعتقده افكارضالةليست من الدين في شي ابدا توب لله واستغفره وثق ان الله ماخلقك عبثاولاسدى انماخلقك وخلق البشر كلهم لعبادته وماخلقت الجن والانس الاليعبدون- والله يقول-ولقدخلقناالانسان في احسن تقويم- وتجي وتقول هذةالافكارالغيراخلاقيةوالتي لايقبلهاعقل ولادين واعلم ان الجمال شي مطلوب ومرغوب فيه لكل الناس لكن الجمال الحقيقي ليس بالجسداوالشكل وانماجمال الروح هوالاساس وغيره فاني وزائل وماتشاهده من صورواشكال الممثلين اوالمطربين واللاعبين والمشاهير ليست الحقيقية وانمايخضعون لعمليات المكياج والتزين لاظهارصورتهم بعيداعن اشكالهم من غيرمكياج تراهم بشعين كالقرودوالخنازير واحمدالله على ماانت فيه من النعمة وتاكدان للانسان باخلاقه واعماله الصالحةوليس بجماله وشهرته ونظرالناس اليه تسودهم بالاخلاق والتربيةوالادب وتتفوق عليهم بالنجاح في عملك واخلاصك فيه ابعدعن كل هذةالافكارالسودة وربي يسعدك ويهديك
وانا من احداث هذا المسلسل صرت احس انه هذا المسلسل بعيشو الممثلين احداثه في واقعهم يعني انه في ناس عايشة الحياة اللي بالمسلسل و يمكن احلى منها ممكن احساسي غلط بس صرت اتمنى انه حياتي العادية تكون مثل هذا المسلسل من ناحية الجمال و الحب !!! راح استنا ردكم لاني بدي اسالكم شوية اسئلة اذا في مجال عشان تجاوبوني عليهم و تريحولي بالي شوي و حتى احس بشوية امب مع المحاولات و بالطب !!!
شكرا على الرد مع انه متاخر بس انا بشكركم ريحتوني شوي .. الصراحة انا من زمان بفكر بشكلي و بتضايق منه بس ولا مرة وصلت لهيك حالة .. بس هذا المسلسل (سحر الاسمر) و الرومانسية اللي فيه عمل معي مرض نفسي .. لانه في مواقف رومانسية كتيير فيه و شكل الممثل مع رومانسيته خلتني اصير اسال حالي : ليش هو احلى مني و ممثل و مشهور و بقدر يعبر عن عواطفه لانه شكله كتيير حلو .. و انا كل ما بتذكر حالي كتيير بسمع تعليقات على وجهي و شكلي اني بشع حتى سمعتهم من امي و اخوي و ما في عندي صحاب بحبوني لانه شخصيتي ضعيفة و ما بعرف اكون صداقات و هي ضعيفة لاني الصراحة بستحي من شكلي لما اكون بحكي مع حدا .. فصرت افكر انه لو صرت حلو راح تقوى شخصيتي و راح يحبوني صحابي و راح اكون صداقات و اصير اطلع معاهم بدل ما اقعد بالبيت لحالي و تيجيني هاي الافكار يعني بلهي حالي .. اما هلا من دون اشي يشعرني بمحبة او اهتمام حدا غير لمصلحة بحس اني فاشل و اني راح اضلني على طول فاشل و بصير اسال حالي : لايمتا بدي اضلني ضعيف شخصية و بشع و كيف بدي احب بنت و انا هيك و كيف بدي انشهر على مستوى العالم و انا صحابي ما بهتمو فيي ؟؟؟؟؟ يعني صرت احس حالي عديم الفائدة و مش ضروري بحياة حدا ز ما في حدا بهتم فيي و في مشاعري !! بس انا متاكد اني اذا بكون غني و بحقق احلامي اذا حبيت بنت راح تكون اسعد بنت بالعالم لانه انا راح اقدر اعبر عن عواطفي الها و هيك راح تقوى شخصيتي و راح اعيشها بسعادة ما حدا عاشها ان شاء الله و راح ابني معاها احلى عيلة .. بس انا حتى بستكثر على حالي الحب و انا بشع و بستكتر يحبني حدا او يكون عندي صديق و انا بشع و اكييد بستكتر اصير مشهور و انل بشع .. انا لهلا ما قدمت الا امتحان واحد و راح ااجل الباقي كله !! و سجلت بنادي لياقة و بدي اشوق جسمي بلكي صار عندي شوية امل اذا بحس حالي صرت احلى شوي ( جسمي او وجهي )
بص انا مش هقولك انك تفكيرك علط لانه كل الناس بتحب تكون حلوة ومشهورة لكن يمكن عندك التفكير في الامور دي واخدة اكبر من حجمها عموما اقدر اقولك اه ازا مشيت في طريق الدراسة وبقيت دكتور ان شاء الله وغني تقدر تعمل اي حاجة حتى ولو كانت عمليات تجميل الفلوس بتعمل اكتر من كدة انتا بس اسعى في انك تذاكر وتجيب معدل حلو يدخلك طب وخلي ده هدفك الي قدامك المرحلة دي على الاقل وربنا يصلح حالك
ملحوظة (مش كل الممثلين والي بيظهروا على التلفزيون طبيعين والله لو شفت شكلهم على الطبيعة هتلاقيهم وحشين ويمكن بشعين كمان بس قبل مايطلعوا على الشاشة بيتعملهم 1000 حاجة عشان يطلعوا بالحلاوة دي )
أنت مش تافه و لا حاجة انت بني ادم رقيق و حساس بس مشكلتك انك بتفكر غلط و دي هي مأساتك , لازم تفتكر ان ربنا خلقنا في احسن تقويم , يعني دي اجمل صورة ممكن نتخلق عليها و الجمال مش بس جمال الجسد لأن الجسد فاني و بيتغير و مش بس جمال الروح برضه هو خليط ما بين الاتنين و انت شايف نفسك وحش لأنك عاوز تبقي اجمل حاجة في الكون فساعتها عمرك ما هتحس انك جميل و مفيش عملية تجميل هتخليك كدة و مش بقولك كدة عشان اضايقك انا بقولك كدة عشان عاوزك تفكر صح و تراجع نفسك و تستعمل كل حاجة خلقها ربنا فيك من ضمنها انك تبقي دكتور و تعالج الناس و تخلي حياتهم سعيدة ده فوق كدة و كدة انت ممكن تبقي دكتور تجميل و تحب المجال ده و تبقي اشهر واحد فيه و ساعتها لو قدرت تعمل كدة هتبقي حققت حلمك بس بطريقة مختلفة
و حاول تقرب اكتر من ربنا و تقرا قرآن و اعرف ان المسلسلات و الميديا دي للترفيه مش اكتر و مينفعش ناخدها بمحمل الجد او نديها اكتر من حقها حتي الناس اللي بيشتغلوا فيها بيبقوا عارفين كدة