هموم الشباب

حبيت بنت مش كويسة وسبتها ودلوقتي عندي فراغ عاطفي

السلام عليكم ورحمة الله وبركاته

اولا انا متابع للموقع واحيان كتير بكتب بعض الحلول بس انا دلوقتى مش لاقى حل لمشكلتى

كنت بحب بنت من 3 او 4 سنيت مش فاكر المهم طلعت البنت دى مش كويسة  بس انا كنت بحبها جدا لانها اول واحدة فى حياتى  طبعا سبتها مش بمزاجى لانى اتقدمتلها ومحصلش اتفاق المهم دلوقتى انا اعتبر نسيتها او خلاص مش بالى اساسا  انا كنت بعمل معاها حاجات مش كويسة بس فى حدود انها بنت بنوت من ساعة ما سيبتها وانا قررت انى معرفش  اى بنت غير بالارتباط الرسمى  عشان ندمت على اللى انا عملتوا مع البنت دى اولا لخوفى من ربنا وثانيا عندى اخوات بنات وانا من النوع اللى دمه حامى جدا  وبعدين انا عامل حساب انى معملش حاجة مع اى واحدة عشان ربنا لما يكرمنى واتجوز يكرمنى بواحدة بنت حلال   الياهو عندى و الهوتميل مش حاطط فيه ولا بنت غير اخواتى وقرايبى واصحابى شباب طبعا بس كمان الاكونت بتاعى على الفيس بوك مفهوش ولا بنت عمرى ما فكرت ابعت طلب صداقة لاى بنت على الفيس بوك عشان ميحصلش حاجة من اللى بسمعها واقراها كل يوم من علاقات الحب وعلاقات لا ترضى الله  نفسى ارتبط بواحدة بنت حلال بس ظروفى مش مساعدة حاليا مع انى بشتغل  برة مصر مش عشان الفلوس عشان الاجازات بتاعت المتغربين زى ما انتوا عارفين شهر واحد فى السنة بس انا ظروفى انى ادامى سنة ونص عشان اقدر انزل اجازة عندى فى الشغل اكتر الزباين طالبات جامعة من كل لون وكل جنسية  مبفكرش اعمل علاقة مع اى واحدة بس ساعات كنت بضعف وببقى عايز اكلم واحدة  بس برجع

وافتكر انه كما تدين تدان مع ان  اغلب زمايلى اللى لسه جايين الشغل مبقالهمش كام شهر اتعرفوا على بنات وبيتصلوا بيهم وبيخرجوا معاهم انا حاسس بفراغ عاطفى كبير   نفسى الاقى واحدة اخاف عليها وتخاف عليا احبها وتحبنى بس بالحلال طبعا خايف اضعف  بقيت مش عارف وانا وسط زمايلى هل انا صح ولا غلط  ولا هما اللى صح وانا اللى غلط وعقد  انا الحمد لله زمايلى كلهم بيحترمونى من كبيرهم لصغيرهم  وبيثقوا فيا  واحيان كتير بييجوا يقولولى على اسرارهم  وطبعا بعرف البلاوى دى منهم   ولما بيحكولى عن البنات بفكرهم بربنا وانه كما تدين تدان  وان ده ممكن يحصل مع اختك او مراتك او بنتك بس انا من جوايا ساعات نفسى بتحن لانى اعمل علاقة مع اى بنت  انا الحمد لله محافظ على الصلاة  ومحافظ على صلاة الفجر فى المسجد دايما بقول الاذكار  دايما بقرا فى المصحف  دايما بذكر الله عز وجل انا قولت اعرفكوا ان محافظ على الصلاة عشان انا عارف ان فيه ردود حتقولى ارجع لربنا وصلى وكدة يعنى

انا عايز ارتاح انا تعبت قولولى اعمل ايه هل انا صح ولا غلط وازاى اتغلب على الشعور اللى انا فيه انا مش عايز اضعف مش عايز اغضب ربنا

مشاكل وحلول ذات صلة

اضيف بتاريخ: Friday, January 7th, 2011 في 21:31

كلمات مشاكل وحلول: , , , , , , , , , , , , , ,

26 رد to “حبيت بنت مش كويسة وسبتها ودلوقتي عندي فراغ عاطفي”

  1. حلال المشاكل
    12/12/2014 at 15:54

    اولا الحمدالله انك سبت البنت دي وتوبت الى الله عزوجل وربنا يغفرويسامح عباده التائبين المذنبين واستمرعلى حياتك دي انت كده صح مليون مرة واهتم بصلاتك وقربك من الله عزوجل في كل شوون حياتك تلاقي الله راضي عنك وميسر لك كل امورك وفاتح عليك ابواب الخيروالفلاح والرزق واوع ترجع للمعاصي والمحرمات بعدان تاب الله عليك منها وماتصاحب الا الزملاءالصالحين المحترمين ابعدعن رفقةالسوءفلاخيرفيهم على الاطلاق وغض البصر عن النظر للنساء حتى لاتقع في المحرمات وتفتن بهن تجنب الاختلاط قدرالاستطاعة اوالتكلم معهن الا لحاجةالعمل فقط ومن غير اطالة في الكلام معهن اوالخلوة المحرمة وحافظ على كل قرش معك ماتصرف منه الا لقدرحاجتك عشان تحوش لك مبلغ محترم يساعدك على الزواج وتكاليف الحياة وربنامعاك وموفقك ويبارك فيك دام انت مراعي ربنافي نفسك وشرفك واخلاقك واتمنى لك الخيروالسعادةفي حياتك

  2. حلال المشاكل
    12/12/2014 at 15:42

    بص اقولك على اللي حصل معي زي ماحصلك مع اختلاف كبير وهواني لماكنت ايام الجامعة في القاهرة اواخرالسبعينات من القرن اللي فات يعنى 1978م تعرفت على بنت زميلتي في الكلية وكانت بنت جميلةجداوكل شي فيهايغري الواحد يصاحبها وكنت معطي كل وقتي في المحاضرات وماشاغل نفسي بشي كوني مغترب جاي من بلد عربية وتركيزي كله للتعليم فقط وهي كانت تحاول تقرب منى وترسم شباكها على حتى انهاقدرت في لحظات ضعف منى ان تخلينى اهمل دراستى واخرج معهادائما وكانت معها عربية جديدة وكل مرة طلعات وخرجات معها وفي بعض زميلاي المقربين منى نصحوني وحذروني منها وانها بنت صايعة ومع ذلك مااهتميت لكلامهم وكانت بتجي معي للغرفة اللي ساكن فيها في حي شعبي بالقاهرة ولاحظت انها بنت جرئية اوي كانت تبوسنى بشهوة وتغرينى عشان امارس الجنس معها مرة لقيتها حاطةيدها على قضيبي دون حياءاوخجل ونهرتها وقلت لهاايه اللي انت تعمليه ده وقالت انابحبك وموت فيك وبعدهاحصل خناقةجامدةبيننا وقررت اسيبهاللابد واقطع علاقتى بهانهايا واتفاجاباستدعاءمن قسم شرطة يخبرني الضابط انى متهم باغتصاب الانسة فلانة —واتضح انها كانت سهرانة مع اثنين شبان وقاموابالاعتداءعليها واخبرت الضابط اني كنت تلك الليلة موجود في حفلة عيد ميلاد زميل لنا وجاءواوشهدوا بذلك وبعدماتاكدالضابط من براءتي قررالافراج عنى واخلاءسبيلي وبعدماتخرجت من الجامعه رجعت لبلدي واخبروني الزملاء ان البنت دي فصلووهامن الجامعة لغيابهاالمستمر وسوءسيرتها ودي قصتى لمن اراد العبرةوالعظة في حياته

  3. ابوبتول
    17/08/2014 at 22:36

    كل ماذكرته عن نفسك من اخلاق ودين وتصرفات حميدةتدل على تقربك من الله وتربيةاهلك لك وندمك على مافات من عمرك في المعاصي والذنوب وده شي طيب ومرغوب استمرعلى المنوال ده في حياتك ومايضرك ماتشوفه من تصرفات وممارسات غيراخلاقيةمن زمايلك في العمل وصحابك الافضل انك تنصحهم وتعظهم فان الدين نصيحةولك الاجرمن الله وان يهدي بك رجلا خيرلك من حمرالنعم واذالم يستجيبواويتعظوا فاتركهم اكرم وامن لك ولنفسك من الوقوع في الشبهات والفتن ولاخيرفي رفقةالسوء على الاطلاق وسارع بالزواج واكمال نص دينك كي يساعدالزواج على التجنب في المحرمات والرذيلة ونشاءالله ربنابيكرمك بالزوجةالصالحةالتي تقربهاعيينك وتلاقي معهاالسعادةوالاستقرار وراحةالبال في حياتك ويرزقك الله بالذريةالصالحة ويزول عنك ماانت فيه من الشعور بالهم والغم وفيه الفرج والرزق والبركةمن الله وربي يوفقك

  4. طارق الياباني
    25/03/2013 at 00:55

    ان شاء الله خير اساحبي ربنا معاك

  5. وردة
    21/07/2012 at 00:46

    انا لما قريت المشكلة حسيت انها بتتكلم عني عشان انا كمان زيك كدة بس انا بنت يعني كمان لازم امشي صح ومغلطش ابدا والحمد لله انا بحب اوي اني امشي صح ومعملش اي حاجة غلط بس كتير اوي بحس اني غريبة ومش زي باقي البنات وباقي الناس
    اكتر الشباب والبنات دلوقتي بيعملو حجات غلط جدا ولما بشوفهم بتجنن ومببقاش عارفة فين الصح وبشك في نفسي اني انا اللي غلطانة عشان بشوف ناس كتير اوي بيغلطو وعادي كأن ده الطبيعي دلوقتي
    خليك زي ما انت امشي صح واهم حاجة ان الناس بتحترمك وان ضميرك مرتاح لانك مبتعملش اي حاجة غلط والاحساس ده حلو اوي
    وكل حاجة هتكون حلوة في وقتها واكيد الحب الحلال احلى بكتير من اي حاجة حرام هنفرح بيها شوية وبعد كدة نعرف اننا غلطنا ونندم
    وان شاء الله ربنا هيرزقك بزوجة صالحة وتكون محترمة زيك

  6. هبة
    21/03/2012 at 01:19

    انت شكلك حد كويس وعارف ربنا وكونك ندمت ع حاجة كنت غلط وعملتها دة فى حد زاتو صح بس دلوقتى تصبر ع انك تلاقى بنت الحلال اللى تستحقك ومتتسرعشى فى اى قرار تاخدو لمصلحتك ولازم تصبر ان الله مع الصابرين اولا وربنا يوفقك وتلاقى البنت اللى بتتمناها اللهم امين *
    اختك هبة*

  7. الام الحنونة
    26/02/2012 at 14:49

    السلام عليكم ورحمة الله وبركاتةاخى انت مش غلطت انت صح تاكد لانك مع ربنا ربنا هيوفقك فى ح ياتك انا بحترمك جدا لانك متمسك فى اخلاقك الطيبة دة بتخاف على بنات الناس ربنا راح يعوضك فى بنت تكون مع عائلة ك و يسة بتخاف ربنا الانسان لازم يختار البنت المتربية على الدين عشان تخافظ على بيتك اولادك فىغيابك ربنا يوفقك يارب تلاقى البنت الى على خلق

  8. SoHA
    23/02/2012 at 17:13

    استغفر ربنا وربنا غفور رحيم ……….. وشوف مستقبلك وربنا يوفقك……. انا عندي برده فراااااغ وعملت بحث عل النت لاقيتك موضوعك……. بس انا غيرك انا بدور علي الحب الحقيقي وعندي فراغ يقتل جداااااااا ……..

  9. AhmEd TiGer
    10/02/2012 at 00:14

    انت شب جميل جداً وافضل مستقيم ذى ما انت وبأذن الله هتلاقى بنت احلال تحبك و تحبها

  10. شوشو هيما
    25/01/2012 at 15:23

    بجد انت انسان كويس ياريت يكون كل الشباب زيك بيخافوا ربنا كدا انا بحترمك جدا ربنا يخليك لى مامتك انت موهزب كل بنت لما بتحب ترتبط بتحب الانسان المحترم الصالح لو فكرت تطلب ايد بنت هتحبك وهتحافظ عليك اهم حاجة حسن الاختيار اووووك اختك شيماء

  11. مهندس _ اسامه محمد
    12/10/2011 at 23:48

    دقه بدقه ولو زدت لزاد السقا …….. احييكم اخي الكريم ع التوبه واقولك اصبر لان الله سسبحانه وتعالي سيعوضك خير ع صبرك انا متاكد من ده اما بالنسبه للفراغ ف كلم اختك …. امك ….. دول اولي الناس اللي تخاف عليهم من الجنس الاخر ف حياتك

  12. sa3d
    24/07/2011 at 08:13

    احيانا تصادف مشاكل الناس تقريبا نفس مشاكلنا لكن بوجه مختلف قليلا
    المهم انا امر الان بتجربه ونفسي ارتاح نفسي اعيش متل ما كنت زمان قبل الحب
    نفسي ارجع الشب الي كانت الناس كلها تحترموا وتهابوا لافكاروا نفسي ارجع
    نفسي لو اعطوني فرصه ارجع فيه الزمن لارجعوا وانا مبسوط نفسي انسى يا رب صبرني
    انا اسف كتابتي مو بمكانها بس والله تعبان اكتير

  13. ميووووووش
    22/06/2011 at 05:59

    السلام عليكم الاول
    كلنا عدنا بتجارب واخطانا سواء خطا كبير او صغير بس غبط ف نهايه
    عيبك الانت مش مومن بالقدر ومكتوبلك هتشوفوه
    مدوريش ع الحب ولا تعمل علاقات محرمه
    ممكن يكون ليم صديقه محترمه تكلم معاها واكنها اختك
    خليك ف شغلك وحاول تشفل وقتك لطاعه ربنا
    وربنا مش بيخذل المومن الصبور

  14. رانا
    23/04/2011 at 17:43

    انا اسفة انى بدخل بس اعتبرنى اخت من اخواتك انت طبعا انسان محترم جدا واكيد ربنا بيحبك جدا عشان كده اكيد الشيطان بيحاول يوقعك فانت تعمل ايه اسبت واسر على موقفك مهما كان خليك انت اقوى مهما وسوسك وقال على طول قول لاانا مش هعمل حاجة تغضب ربنا لانى بحبه وعايز اكتسب حبه واكيد ربنا هيرزقك ببنت الحلال اللى طبعها زيك ان شاء الله

  15. احمد شعبان
    11/04/2011 at 23:18

    انا شايف انك انسان محترم زيي وحصل معايا نفس اللي حصل معاك وانا فضلت متمسك بيها بس هي اللي سبتني وانا استغفرت ربنا ومن ساعتها رفضت علاقة البنات وانت ربنا هيكرمك بإنسانة كويسة تستهلك وحاول المرة دي تحسن الاختيار وخليك ماشي علي الطريق المستقيم ومش تتضعف وربنا يجعلك ممن يظلهم بظله يوم لا ظل الا ظله

  16. لا معنى للحياه
    14/03/2011 at 00:50

    انا انسان ياس من الحياه انا حبيت بنت متستهلش الحياه حكمات على قلبى بالموت في ………….

  17. لا معنى للحياه
    14/03/2011 at 00:46

    ما اصعب الوحدة
    ما اصعب الفراق بين الاحباء
    او الاصدقاء
    يا رب صبرنى ع فراق اغلى الناس

  18. زملكاوى
    22/01/2011 at 23:52

    انت عادى جداً ومفيش اى حاجه غلط بتعملها
    اينعم انت غلطت فى البدايه مع حبيبتك بس خلاص انسى الحاجه دى وتوب لربنا وان شاء الله ربنا هيكرمك
    – حاول تدور فى نفسك اكيد هتلاقى حاجه سبب فى اللى انت فيه والحاجه دى انت اكيد عارفها
    – اصبر وكل واحد بياخد نصيبه
    – حاول تخلى السفر والشغل دا دافع ليك انك عايز تكون نفسك وتنزل تعيش ملك
    وان كل قرش عملته لازم يبقى لبنت تستاهل التعب دا
    – حاول تخرج بعد الشغل ولو كل يومين مره مع حد من صحابك اللى انت بتحبهم
    ولو مش ليك حد كويس اخرج مع نفسك اتفرج على اى حاجه خش مولات وقول ان شاء الله لما ارجع من سفرى هشترى الحاجه دى واتحلم بشقتك هتبقى شكلها ايه
    ياعم احلم هو الحلم بفلوس !؟
    – بلاش تخلى موضوع الغراغ العطافى دا يأثر عليك وتقتنع انه السبب فى اللى انت فيه
    قول لنفسك انا اجمد من كدا , انا لازم اصبر عشان ربنا يكرمنى
    – كلم اهلك على طول وصحابك وجيرانك اللى تعرفهم
    حاول تمشى حياتك بالطول والعرض لغاية اما ترجع عشان نفرح بيك بقى
    وان شاء الله كله هيبقى تمام بس الصبر

  19. reda
    14/01/2011 at 01:44

    انت طبعا صح100% ولذلك اصحابك بيحبوك ويحترموك واكيد ربنا حيكرمك وحديث الرسول(ص) القابض علي دينه كالقابض علي الجمر. الصبر يا بني

  20. صاحب المشكلة
    09/01/2011 at 21:29

    السلام عليكم
    على فكرة يا جماعة البنت اساسا مكنش حد من زمايلى فى الشغل راضى انى اتقدملها لانها كانت زميلتى فى الشغل وكلهم كانوا يعرفوها قبل منى بكتير وكلهم كانوا معارضين اللى بيحبى واللى مبيحبنيش وكلامهم ليا انها اخلاقها مش كويسة والبيئة اللى هى فيها مش كويسة بس انا طبعا عشان كنت بحبها مكنتش شايف حاجة من اللى كانوا بيقولوا عليها
    تانى حاجة انا اللى خايف منه انى فى الغربة والبلد اللى انا فيها كل حاجة فيها سهل ومفيش اسهل فيها من الحرام فأنا خايف انى اضعف لانى بجد مش عايز اعمل اى حاجة غير بالحلال

  21. توتا
    08/01/2011 at 20:24

    الحب جميل جدا بس لو صادق انت اكيد هتقابلة بس لما يجى وقتة ولو لقيت بنت الحلال اتقدملها بس البنت اللى مش كويسة دى مش كويسة عشان معاك عملت كدة ولا هى اصلا سمعتها وحشة لو انت بس يبقى انت ظلمت البنت دى وهى ملهاش زنب غير انها حبتك ووثقت فيك ولو هى كدة مع اى حد يبقى ربنا نجاك واستر علينا يارب وطبعا هى بردة غلطانة انا مش بحامى عنها بس انت صح مش غلط

  22. اختك فى الله
    08/01/2011 at 15:52

    من ترك شى لله خلفة باحسن منه لما الحب ياجى حياتك هتحس بيه مش تفكر فيه قبل ما ياجى انت صح وحياتك صح وصحابك هما اللى غلط الحياة هدف ولازم كله يسعى لهدفة لو صدفتك بنت الحلال اتقدم ليها من اول الحوار واسئل الله الزوجة الصالحة

  23. sun
    08/01/2011 at 03:09

    الحب مش حرام الحب احساس رائع بس لو كان حب بجد واللي بيحب بجد بيخاف علي اللي بيحبها وبيدخل من بابه وبيتقدملها رسمي انت اعطي لنفسك فرصه تحب مش تتدخل في علاقات وتسليه وتغضب ربنا وان شاء الله ربنا يبعتلك بنت الحلال بالتوفيق

  24. ahlam
    08/01/2011 at 02:03

    البنت الي بتعرفها ليش بتقول عنها مش كويسة ؟ ممكن عشان هي عملت معاك علاقة غاطفية وممكن وصلتو شيئ مش لازمكم تعملوه بس انا بدي ادكرك انك سقطت في حب هالبنت وعملت معاها حاجات مش كويسة كما دكرت تعرف ليه ؟ عشان الفطرة يا اخ وهي كمان لها فطرة وغريزة خلتها تعمل هايك زيك وخصوصا ان البنت لطيفة فمشعرها واحساسها وتحب الكلام الحلو انا بنصحك اخي ان انت حبيت هالبنت فجعلها مثل اختك سقطت في يد شاب .فان كنت احببتها وهي احبتك وانك تعرف اصلها وتعرف انك اول واحد بترتبط بيه في حياتها فتب الى الله وصلح الوضع معها
    اه ممكن تكون غلطت لما مارست الحب معك كيف اي بنت غلطت وسقطت في شباك الحب والرغبة ولكن الله يغفر الدنوبة جميعا وان اخطات معها فلا تخطا مع غيريها
    كلم اهلك وخبرهم انك بدك تتزوج والله يكمل عليك بالخير وهم اكيد راح يساعدوك

  25. حبيبة الرحمن
    08/01/2011 at 00:39

    انتا توبة الله سبحان وتعالي وخير الخطائين التوابين فانتا متخاف وادع ربك في كل سجده انه يستر عرضك ووعرض اخواتك البنات واحمد ربك اني البنت اللي بتحبها غارة بعيد عنك وانتا ممكن تنزل اجازه شهر تخطب بنت وتسافر وبعد شويه ترسل توكيل لوالدك يعقد قران عليها وتسافر ليك البلد اللي انتا فيها عروسه بالفستان الابيض وتتزوجه وتجلس معاك 6 شهور وانتا تنزل شهر وهي تسافر 5 شهور وكده انا اصحابي متزوجين في الكويت والله عملة اكده سافره بالفستان الفرح وحمله وبعد 6 شهور نزله للولده وسافره تاني بس اهم شي تختار واحده متدينه ومحترمه وبنت ناس اهم شي الدين واحترامالبنت لنفسها ربي يسعدك ويتم ليك علي خير

  26. غروب الشمس
    07/01/2011 at 23:57

    السلام عليكم ورحمة الله وبركاته\\\\\ اولا انا بقولك انك راجل محترم اوي من كلامكوان شاء الله ربنا يصبرك وتكمل على كدا انا حقولك بما انك مبتحبش العلاقات ولا بتحب تتعرف على حدعلشان بتخاف ربنا وطبعا زي ما قولت حضرتك مفيش عندك وقت علشان طبيعة شغلك بس في حل وهوا انك تكلم والدتك وهيا تشوفلك البنت المناسبه ليك واكيد طبعا الام حتحسن الاختيار لابنها وطبعا هيا حتعرف كل حاجه عنها وتقولك ولو عجبتك المواصفات والاخلاق فربنا يتمم على خير مظنش في حل غير كدا ليك وربنا يثبتك على موقفك ويصبرك واتمنالك كل خير

اترك رداً أو حلاً لهذه المشكلة