انا بنت عمري 19 سنه فى أولي جامعه متفوقه طول عمري بس دايما أحس اني ناقصني حاجه وهو حنان الأب
انا بقيت بكرهه اووي رغم أني كنت بحبه حب الدنيا دايما يهيني ويهزقني قدام الناس ومحسسني اني أقل واحده في الدنيا كلها وبيضحك في وش الناس كلها ويجي معايا ومع أخواتي ويزعق وميبقاش طايقنا..بقي يحسسني اني أخلاقي زباله بالرغم اني والله بصلي ومش بلبس بناطيل ولبسي كله واسع ولو حد جيه كلمني ومعجب وكده أقوله سوري انا أخلاقي متسمحش بكده واللي عايزني يجي يتقدملي ع طول شايف البنات كلها كويسه وانا اللي زباله لدرجة اني تعبت وبقيت أفكر اموت نفسي
مشاكل البنات النفسية
أبي دمر حياتي واكرهه جدا
اضيف بتاريخ: Friday, August 12th, 2016 في 15:46
كلمات مشاكل وحلول: الجامعة, بنات, بنت
ابوك كويس بدليل انك كنت بتحبيه قبل كده والمشكله غالبا هتلاقيها فى امك اللى معكننة عليه وبقى عصبى معك وايضا مع اخوتك … حل مشكلتك عند والدتك اللى بتحرضك على والدك
سبقتك بهذه التجربة , كأنك تصفي جزء من حياتي سابقا انا واهلي عشنا سنوات طويلة في عذاب او جحيم الدنيا من معاملة ابي لنا , نصيحتي لك اسكتي دائما عن اساءة والديك لا تردي الاساءة اليك الا باحسان , اكيد ان الامر صعب لكن خسران بر الوالدين واجره وخسران ثواب الصبر هو الخسران والندم الاكبر ,
مش عايز يكون كلامى كتير لكن ابويا كان نفس الشئ عندى اختين كانت عندهم نفس المشكلة معاه اما انا بحكم انى ولد مكنتش بلاقى نفس المعاملة لكن دا مكنش منعنى انى اشوف الحقيقة .. زمان فى عز قوته كان بيضربهم وبيعلى صوته عليهم من غير اسباب منطقية وحصل طلاق بين ابويا وامى ومشاكل كتير لسنين طويلة لكن هجيب القصة من الاخر .. ابويا دلوقتى عيان اوى بيغسل كلى مرتين فى الاسبوع وعنده مشاكل فى الضغط والسكر والكبد كمان بالرغم انه سببلنا كلنا مشاكل كتير لكن ربنا هداه ياما عن الاول يمكن بسبب مرضه لكن شاء هوا او لا هوا قادر يفهم ان فى الاخر ملوش غيرنا ومحدش شالو وقت اخر غيبوبة غيرنا احنا اللى كان بيضحك فى وش الكل ما عدا احنا .. مش عايز اكون عاطفى لكن عايز اقولك مهما الوقت طول هييجى يوم والدك هيعرف قيمتك دا والدك ومهما عافر لحد اخر لحظة فى حياته لازم تلتزمى بمكانتك وبايمانك مهما قال ومهما عمل انتى اللى هتشيليه فى الاخر مش الناس اللى بيضحكمهم .. ويريت تدعى لابويا بالشفى
يابنتي اصبري وتحمل مهما كان ده ابوكي ومالك غني عنه ابدا وصدقينى مافيش اب مايحب ولاده اويتمنى لهم الخيروالسعادة بس انت في سن المراهقة وتشعرين بكلهذا نحوابوك ودي مرحلة وتنتهي وترجعي احسن من الاول اوصيك بالوالدين والبروالاحسان لهما كما امرك الله عزوجل واوصى بهذا في كتابه الكريم وحثنا ورغبنا فيه رسولنا عليه الصلاة والسلام عشان تدخلي الجنة وتفوزي بها يوم القيامة مهماعملت من حسنات وصلوات وصيام وقراة للقران وانت عاقة لابوك اوامك ولاتبريهما اوتطيعهما فتاكدي ان الله لن يقبل منك شي من هالاعمال الصالحة مهما كانت ولن يوفقك في حياتك وكمان لماتتزوجي ويجيوك اولاد بيعاملونك نفس معاملتك دي لللوالدين وكماتدين تدان احذري من غضب الله وسخطه عليك وادعي لابوك بطولة العمر والهداية والصلاح وان يحنن قلبه عليكم واهتمي بدراستك وتفوقك فيها وبالحفاظ على الاخلاق والتربية الصالحة وارجع ثاني وثالث وعاشرمرة قولك الله الله الله في ابويك والبروالاحسان لهما وفقك الله وبارك فيك وجعلك من خيرة البنات الصالحات النافعات لاهلها ولهذا المجتمع ويسرامورك وسترعليك في الدنيا والاخرة اللهم امين يارب
حتعملى ايه إذا كان والدك كدة ؟ حافظى على تفوقك ونجاحك فى الحياة لغاية ماربنا يبعتلك ابن الحلال وحاولى تتجنبى التفكير فى الموضوع دة عشان نفسيتك واوعى تعملى حاجة فى نفسك وتغضبى ربنا.