انا طالبه كلية الطب أولى بشري ولم احضر الي الان اي محاضرة لأن هذا المجال ليس رغبتي وقمت بعدة محاولات لأنقل لطب الاسنان لكنها فشلت بسبب الاختلاف في النسب المئوية ،،، وقلت ان لم ادرس الاسنان سأخرج من مجال الطب نهائيا والان ماذا سأفعل وماذا سأدرس في نظركم ،،، اريدكم ان تقترحوا عليا مجالات ادرسها غير الكمبيوتر والانجليزي ،، وشكــرا
وليه مفكرتيش في صيدلة صيدلة كويسة للبنات ومدتها اقل وجوازتها اسهل 😀
الطب مشواره طويل ومذاكرته مقرفة اسأليني قاعد اذاكر نسا بس أحسن مفيش كلام
وبعدين أهلك رايهم ايه هل موافقين تحولي خصوصا انه هيضيع عليكي سنة لاننا قربنا من نهاية الترم الاول ؟
بصراحة الحسبة صعبة بس استخيري وحاولي تكملي السنة وتحدي نفسك وشوفي هتقدري ولا ﻷ وعلي فكرة المحاضرات مش مهمة في كليتنا أهم حاجة الحفظ ولو متاح تاخدي درس يبقي كويس وفي زمايل ليكي كتير مبداوش لسة …ايوة انا شخصيا مبداتش اولي الا في الترم التاني وقشطة عادي
وخدي بالك الدراسة من سنة تالتة هتفرق جامد معاكي ممكن تصبري السنتين الاولنيين وبعد كده الطب غير
الخلاصة اشركي أهلك في مشكلتك ولو ليكي حد في طب ممكن يفيدك اشركيه وكملي السنة حاولي تركزي ومتستسلميش والسنة اللي جاية نتكلم
إزاي , اختلاف النسب المئوية , اللي اعرفه ان تنسيق الطب اعلي من تنسيق الاسنان و اللي يخش طب يقدر يحول لأسنان بس لو مش مستريحة في طب ممكن تحولي لبيطري او صيدلة , أنا مخلص كلية طب قريب و برضه مكنتش مستريح فيها أول ما دخلت و تقريبا محدش من الدفعة كان عاوز طب أساسا اول ما دخلها بس بعد كدة الواحد بيسيب نفسه للدراسة و بيمشي فيها بس طبعا الدراسة مش سهلة اوي فلو مش شايفة نفسك قابلاها فخلاص
بس في الاخر طب أحسن من غيرها هي كمان صعبة شوية بس في الاخر كله بيعدي