انا المفروض انى فى سنة تالتة من الثانوية العامة السنادى وابويا بيعاملنى معامله كأنه اشترى عبد عنده وطبعا قعدنى من الدراسه عشان استكتر عليا ابقا انسان من بعده وفضلت شغال معاه لاحد منا دلوقتى مشلاقى البس اصلا والحمد لله على كل شى طبعا ومن فتره صغيره انا سبته واشتغلت بره هو طبعا بيدور عليا كاءنه بيدور على عدوه لانى عطلت شغله طبعا المهم هو اتخانق مع امى دلوقتى ومش بيصرف عليها وانا الحمل تقل عليا قوى قوى مطلوب منى اصرف على نفسى لبس واكل وكل حاجه وعلى امى انا الموت ليا احسن مستقبلى اسود ادامى مش عارف اعمل ايه انا تعبت من التفكير ارجوكو ساعدونى اعمل ايه
الله يكون بعونك يارب
مش ماهم التعليم اهم حاجة رضا الوداين
وياصديقى حاول تصاحب ابوك وتحل مشاكلك وترجع للشغل معه تانى او تتناقش معه بكل موضعية وتقوله يابابا انا كبرت وعاوز اشق طريقى ولو ان بابك من النوع الصعب اتكلم مع عمك او حد كبير فى العائلة وخليه يتكلم مع ابوك ويفهمه ولو متحلتش يابئة انت تصرف ع امك و تتحمل المصاريف بتعت البيت بص يااخى مش عاوز اطول عليك بس انا كنت بصرف ع البيت من ثانية كلية او ثالثة مع العلم انى كنت بصرف ع نفسى وبشتغل من ايام الثانوى وكنت باخد مصرف صغير اووى وكنت عايش عيشة زى الفل لكن بعد مادخلت الكلية حصلت ظروف جامدة فى البيت وانا بقيت اتحمل المسئولية كاملة بتعت البيت كنت بشتغل وبروح الجامعة اخلص شغل واروح الكلية ومكنتش بشوف النوم والحمدلله خلصت الجامعة بتفوق بتقدير جيد وع فكرة واقسم بالله كان فى ابواب ربنا بيفتحها عليا فجاءة وبتحلوا مش عشان خاطرى لا عشان خاطر الحمل اللى عليا وكان رزقى بيزيد وبلاقى فجاءة المسئولية بتزيد فبقول سبحان الله ربنا اعلم بحلى وعموما انا بدأت من تحت الصفر وربنا هو اللى بيرزق وفضلت مركز فى هدفى ولازم اوصل وحاليا انا دلوقتى فى نعمة وفضل من عند ربنا لان جتلى فرصة وسفرت بالخارج والله استلفت فلوس السفر من تخليص الورق بتاع السفر لحد تذكرة الطيران لكن دلوقتى سددت معظم الفلوس وفضل جزء وبلاقى حاجات كتير اتغيرت كل مدة وبحس ان دة من دعاء امى واخواتى اة والله مع العلم انى اصغر واحد في البيت وانا شايل البيت كله ونصيحة من اخواك ارضى امك واخواتك وابوك وعيش حياتك والمستقبل دة بايد ربنا والظروف هتغير فى يوم من الايام وارجع ادرس تانى مش عيب انك كبير او او او العيب انك تضيع نفسك تانى او تستمر كدة . قدم تعليم مفتوح او مدرسة وتروح ع الامتحانات وتذكر فى البيت او تاخد دروس انا زميلى فى الثانوى كان عنده29سنة ودخل كلية واجتهد وياريت متعرفش حاجة اسمها مستحيل توكل ع الله واعمل اللى عليك وحاول تصلح علاقتك باابوك وربنا يوفقك ويحقق كل احلامك وطمواحتك وتعيش سعيد فى حياتك وراضى بالمكتوب
بص انت مش هربت واشتغلت بره روح المدرسه وكلم الناظر عرفه بظروفك او اي استاذ كنت بتحبه
وكمل تعليمك وانت بتشتغل ومتسالش في ابوك خالص ومتخلهوش يعرف طريقك وخلص الثانوي وادخل كليه وبردوا افهم الشغل وطور نفسك فيه
الله يعينك فوض امر ك لله