مشاكل الحب والزواج

اتسرعت وافقت على الخطوبة وندمت وهو مش عايز يسيبني

السلام عليكم و رحمة الله و بركاته ..أنا عندي 26 سنة كنت بشتغل ف مكان و تعلق بيا رجل متزوج و عنده ولدين وعنده مشاكل مع زوجته وكان يكبرني ب 20 سنة فضل يلفت انتباهي له و عرض علي خطبتي بطريقة غير مباشرة وأنا كنت ابتسم و أكمل حديثي معه على إنه بيهزر لحد ما أنا كمان مع الوقت ابتديت اتعلق بيه عرفته بأهلي و حبهم و اتفقنا على الخطبة بناءا على رغبتي ف الزواج منه تمت الخطبة بالرغم من إن كان فيه رفض شديد عليه لسبب ظروفه أكبر مني و متزوج لحد أنا مع الوقت ندمت على خطبتي مع إنه كان طيب و محترم و يحتويني يمكن أنا حسيت ب ده معاه عشان كنت محرومة من الأب كان ف مشاكل كتير من بابا و ماما و حصل الانفصال بينهم و كان كل اللي يشوفنا مع بعض يحسبني بنته و اللي كان يشوفنا ميصدقش إن أنا خطيبته لحد ما اكتشفت إن أنا اتعلقت بيه عشان كان عندي حرمان من عاطفة الأب اعترفت ل ماما بالكلام ده ماما طبعاً عايزة سعادتي و ف نفس الوقت كنت خايفة أقوله إن أنا مش هقدر أكمل عشان ميزعلش مكنتش عايزة أوجع قلبه و كنت ناوية اتمم الزواج لمجرد مش أجرحه..  ماما طبعاً قالتلي يعني إيه هتتجوزي حد عشان مش تجرحيه المهم حاولت كتير بعد كده أقنعه إن أنا غلطت لما ارتبطت بيه على إنه يبقى خطيب و زوج فيما بعد ما ماما ادخلت بعد كلامي بشتى الطرق إنها تفهمه إن خلاص مش هينفع نكمل كان عايز يعمل مشاكل مع ماما كان بيحسب إن هي اللي بتبعدني عنه و مكنش يعرف إن أنا اللي كنت قولت ل ماما كده فضل يهددني يعمل مشاكل عشان ياخدني بأي شكل على إن أنا بحبه و ماما مش موافقة حاولت أقنعه كتير مش عارف يقتنع إن أنا مش عايزة أتجوزه مني لنفسي و إن مافيش حد ادخل ف الموضوع غير بعد ما أنا قولت إن أنا اتسرعت لما أصريت على إني اتخطبله و مش عارفة الوقتي أقنعه إزاي بحاجة زي دي من غير ما أخليه يعمل مشاكل أو اجرحه أنا والله مش قاصدة اجرحه بس هو ينفع أكمل معاه و أشاركه حياتي لمجرد إن صعبان عليا أجرح مشاعره وحتى لو قررت أأكدله إن أنا مش هقدر أكمل معاه هو مش عايز يبعد خالص مش عايز يقتنع وأنا تعبت و انهرت بسبب الموضوع ده و مش لاقيه له حل أنا الحمدلله بصلي و بدعي إن ربنا يهديله الحال مع زوجته و يرجعوا لبعض و يقتنع يسيبني بس لو مش بعد و أقتنع أعمل إيه أنا مش عايزة الموضوع يوصل بينا للعداء ياريت تساعدوني بالله عليكم و بعتذر إن أنا طولت عليكم

مشاكل وحلول ذات صلة

اضيف بتاريخ: Sunday, October 27th, 2019 في 03:48

كلمات مشاكل وحلول: , , , , ,

4 رد to “اتسرعت وافقت على الخطوبة وندمت وهو مش عايز يسيبني”

  1. ابواميرة
    05/06/2020 at 00:23

    أولا انت اللس شرعت الباب قدامه وكنت عاوزه الشئ دا في البداية والحاجات دي مافيها هزار اولعب الراجل عرض عليك الجواز وانت وافقت وتمت الخطوبة برضاك وماحدش غصبك عليه ثانيا- امك معها كل الحق لما تشوف تصرفاتك الغير متزنة دي وايه خايفة على جرح مشاعره انت عبيطة ولاايه مايغور في داهية هو الزواج بالعافية دام انت مش عاوز تكمل معاه خلاص انتهى الموضوع وارمي دبلة في وشه ولاتخافي من تهديده بل انت اللي مفروض تخوفيه لو ماتركك في حالك تهديده باخبار زوجته وأهلها بكل شيء وكل حاجة قسمة ونصيب

  2. وائل
    28/10/2019 at 22:45

    المهم متكمليش معاه تحت اي سبب هوه يومين وهينساكي لاكن لو تزوجتو هيكون عندك 50 سنة وهوه 70 سنة يعني جسة وانتي في عز شبابك

  3. AVG50
    28/10/2019 at 15:38

    ارجو ان تجدي ردود تساعدك في حلا مشكلتك ،خاصة من الذين مرو بتجارب مشاكل مشابهة له ااو كانت في اقاربهم ، انا دائما مشاركاتي في المشاكل الزوجية فيها اخطاء لاني غير متزوج ، ومن يمر بمشاكل عائلية وزواجات واسر متعددة دائما ارائهم تقنعني واجدها افضل من رأيي ، لكن سوف اعلق على مشكلتك برأيي من تجربة ورؤية مختلفة ، انتي عمرك ٢٦ وهذا الرجل ٤٦ وعنده ولدين يعني لا يوجد لديه مشكلة في الأنجاب واكيد ولداه ليس عندهما اي اعاقة ،وهو يحبك تعلقه بك يدل على ذلك ، تعرفي الان البيوت مليئة بالنساء العوانس بلا ازواج ولا اطفال ولا حتى باقي فيهم جمال لينظر لهم احد كل واحدة تتمنى طفل من زينة الدنيا واجمل ما فيها تقر به عينها ولو كان والده انجبه ومات ، نساء متزوجات مصابين بالعقم لا يشعرو باي شيء جميل في حياتهم ،وبعد عام واحد من الزواج جميع المتزوجين يبدأو يراجعو الاطباء لاجل الانجاب ، الرجل الذي يقدم لك طفل او طفلين رأيي انك لم تخسري شيء بزواجك منه ولو كان يبين عمره معك كأنك حفيدته ، الحياة كلها ليس فيها ا يشيء له اي قيمة الا الاخلاق الجميلة وبراءة الاطفال وجمالهم ، اذا كنتي واثقة انك قد تتزوجي من غيره وفيك مواصفات تساعدك بالتأكيد زوج عمره قريب من عمرك افظل وربما ينجب عشرة اطفال ، لكن اذا كان غير مظمون ولن تشعري الا وانتي قد تجاوزتي الثلاثين ربما بعدها لن تجدي احد وتكملي بلا زوج ولا اولاد ، اذا قررتي تعملي اي شيء مهم في حياتك صلي قبله صلاة استخارة ،لا تعلمي الخير ان يكون

  4. الانسان الطيب
    28/10/2019 at 08:48

    أختنا الحبيبة ….
    ولا يهمك أى تطويل معاكي للصبح …..
    بصي انا مش بهاجمك صدقيني ولا حاجة لكن هكلمك كأخت ليا
    قراراك من الأول لازم يكون مدروس وتاخدي وقتك بما فيه الكفاية ،، التسرع خطوة غلط ما شاء الله عليها بتجيب تلاتة مليون خطوة غلط وراها وده اللي انتي فيه دلوقتي ،، درس طبعاً لأى حد موضوع التسرع ده !!
    عموماً واضح أوي انه معملش حاجة غلط وده قرارك وانتي بتحاولي تقنعيه بيه ، لكن طبعاً الكلام ده كان معاده أول العلاقة خالص مش دلوقتي !! ،،
    حاولي توصليلوه الموضوع بطريقة أو التانية وطبعاً لما هتسيبيه تبقي عملتي الصح عالأقل بيته أولى بيه طبعاً ،، ده درس ليكي في الموضوع ده بالذات فيما بعد انك متتسرعيش ، وان قرارك لازم يبقا مدروس ،، طبعاً مش منطقي زى ما قالت ماما يعني ايه تفضلي ماسكة في واحد عشان متزعليهوش طب ما انتي كدة هتظلميه بردوه بطريقة غير مباشرة لأن عمرك أبداً ما هتتعاملي معاه زى ما هتكوني عايزة الانسان ده ومش متنازلة عنه !!
    بصي ربنا يقدملك اللي فيه الخير خدي قرار ومترجعيش عنه وبلغيه بيه وبكل أدب واحترام ومفيش أى حد في الدنيا هيقدر يعملك حاجة انتي مش عايزاها
    وفقكي الله لما فيه الخير يارب
    وشكراً

اترك رداً أو حلاً لهذه المشكلة