انا طالبه بأحدى كليات القمة 19 سنة كنت بكلم شاب دكتور ايضا و طالب ايضا على النت من وانا 15 سنة لكن مش بشخصيتى اصلا بالعكس ده انا كنت بتكلم على انى اكبر منه بسنة وحسيت ساعتها انه لمس فيها حته اعجاب وبعدها متكلمتش تانى من بداية الثانوية العامة ولما دخلت الكلية ضيفته على الفيس بوك وعرفته انا مين وكان بقالنا تقريبا اهو بتاع 4 سنين مش بنتكلم وهو عنده 22 سنة دلوقتى ..انا كنت معجبة بيه بصراحة شوية ولما عرف انى كدبت عليه اضايق شوية وخلاص بس اتغير جدااا وبقى رخم اوووى وبحس ان انا اللى بجرى وراه وبقلل من شخصيتى وانا مش حاباه حاجة زى كده …وللأسف شاف صورتى انا حطيتها على الفيس وشلتها على طول عشان هو طلب منى انه عاوز يعرف شكلى عامل ازاااى وكنت بالحجاب والله فى الكلية مع اصحابى وانا الحمد لله محتشمة جدا …انا بعدها اضايقت لأنى اول مرة اعمل حاجة زى كده اول مرة مش عارفه اعمل ايه وهو بيتكلم برخامة كده مش زى زماان خالص ….خايفة ابطل كلام معاه بعد لما شاف صورتى انا مضايقه من نفسى جدا وعايزة اخليه يحس انى بحبه تانى ومش عارفه اعمل ايه؟؟…..
الحب على النت
احب شاب ولا استطيع مصارحته بذلك
اضيف بتاريخ: Monday, November 19th, 2012 في 21:48
كلمات مشاكل وحلول: الثانوية العامة, الفيس بوك, النت, شاب
اختى الفاضله نصيحتى انك مازلتى شابه وفى ماثل فى مصر بيقول(الجيات اكتر من الريحات)
لاامتجريش وراحد وتنزلي من كرامتك هو اللي هيتالم متزعليش علي حد كان عاوز يلعب بيكي ممكن يكون اعتزل التمثيل وربنااظهرهولك علي حقيقته ومتتديش لاي حد يكلمك بطريقه رخمه مهماكان ومتخليش حد يتجاهلك ابداابالعكس انتي اللي تجاهليه
انابقولك لوهو بيحبك مستحيل يعمل فيكى كده ولو بتحبية خلية يسبت هو كمان انة بيحبك يرب تكون نصحتى هتفيدك
انا من خبرتى فى الحياة وعن قصص ماريت بيها سيبك منة ولو هو بيحبك بجد زى مانتى بتحبية هيغير علاقتة معكى ولو معملش كدا الاحسن انكى تبعدى عنة لانة ميستهلش انكى تفكرى فية سنية واحدة وربنا يكرمك بالاحسن منة
عيب عليك ترخصي نفسك وتجري وراءالراجل خليه هواللي يجري وراك وبلاش تندفعي بعواطفك حكمي عقلك ولسه انت صغيرةوالمستقبل امامك ربي يهديك
مع احترامى لاى حد كل الكلام ده غلط
سيبك من تجرى وراه ويجرى وراكى ده كلام ملوش
اى معنه اللى بيحب انسان يصرحة بحبه
ناس تعرف الحب وتجهل معناه وناس تجرب ومتقدرش تنساه
وناس عايشة فية ومش حاساه وناس عاشت عمرها كله مش لاقياه
بصى يا اختى انا كنت زيك بس انا اعترفت وبعدين بعدنه عن بعض واليومين دول عايز يرجعلى وانا نفسى بس قولتلو سبنى استخير ربنا
انا بنصحك انك تسيبي وهو هيجرى وراكى واحب انصحك انك تنسا خالص وتلغية من حياتك بس عارفة انو من الصعب انك تنسا حد بيحبك بس حاولى على قد ماتقدري
بصى يا أنسة من واقع خبرتى لما تلاقى الولد تقيل اوى عليكى وبيرخم وانتى بتجرى وراه يبقى حاجة من اتنين يا معتش بيحبك يا اما بيحبك بس مستحلى انك تجرى وراه عجباه اوى الحركة دى … والحل انك تكبرى دماغك منه هتلاقيه يرجع يجرى وراكى عن تجربة وحياة ربنا…
شوفي حبيبتي هو الان متاكد انك بتحبي و رح يلعب فيك على كيفه ما تعطيه هالفرصه و صوني نفسك و انشاءالله يبعتلك اللي يستاهلك و لو كان بيحبك خليه يتأدملك والا ما تضعفي امامه اللي خلقوا خلق غيره مش اخر الرجال و ربنا يوفقك
نصيحة لوجه الله..ما كان يجدر بك ابدا ان تتحدثى الى شباب او رجال بل والى نساء الا اذا كنتى تعرفيهم تمام المعرفة ..اختى لا تضعى سمعتك ابدا فى تسقط فى الهاويه ..فكم من باب يتعرفون على شابات سواء نت او حقيقى ..وعند الزواج لا يتزوجون منهم لانهم لا يثقوا فيهم ..اربئى بنفسك من تلك المهزلة الرخيصة واحتفظى بنفسك وسمعتك ..ارى الا تكلميه ثانية ولا تجعلى من موضوع صورتك عقبة فى الحفاظ على سمعتك الان انت على البر وموضوع الصورة دا بسيط لا تتركى الخطأ البسيط يجرك الى الخطأ الاعظم وقتها لن يجدى ..ولتعلمى ان من يحدثك فهو يحادث غيرك بنفس الاسلوب بل يهملك حين يجد اكثر منك جمالا او او ..الفتاة هى الدرة الكنونة هى اللؤلؤة فى محار التى يستحقها فقط الشريف ..قال احد الاجانب لشيخ نحن عندنا السيدات متحضرات ويسلمون على الرجال فلماذا نساؤكم هكذا فرد الشيخ هل تستطيع انت ان تسلم على ملكة انجلترا قال لا هى اعلى منى مقاما فرد الشيخ كذلك نساء المسلمين كلهم ملكات وقال له الشيخ لو معى قطعتى حلوى ونزعت ورقة واحدة منهم ورميتهم الاثنين على الارض وقلت لك تناول واحدة تراك اى واحدة تأخذ قال له المغلفة طبعا قال له كذلك كذلك نساؤنا مغلفون بدينهم وحجابهم ..وفى حديث ما ترك العبد شيا من اجل الله الا وعوضة خير منه فاتركى هذا ليعوضك الاصلح والانفع
انا من رايى ان لسة ادامك العمر طويل واكيد مشاعرك هتتغير
صارحية يمكن هو كمان عندة نفس المشكلة ومش مبين
يمكن تعيشوا فى سعادة مع بعض بعد كدة بس متكدبيش تانى
ازيك يا اختى…الحياه لسه قدامك وياما هتقابلي ناس كتير…اولا حاجه تبتدى بكدب يبقي مش هتستمر وبعدين مدام هو بيرخم عليكى وبيكلمك وحش يبقي سيبيه ع طول وحاولى انسيه ومتعبرهوش تانى خالص …مدايقيش نفسك انتى بنت كويسه والف من يتمناكى ….ربنا يوفقك
انتى لسه ادامك العمر وهتقابلي ناس تانيه وهتتغير مشاعرك من وقت للاخر متستعجليش علي الارتباط كل شيئ باوانة
أختي العزيزة….نصيحتي انك مازال امامك وقت طويل للتفكير بالارتباط باي شخص و ستتعرفي علي ناس كتيرة من الكلية و بره…. فلا اجد سبب انك مصممة علي انه يعرف انك بتحبيه تاني؟؟؟؟ بصفتي رجل بلاش توضحيله انك عاوزاه اوي كده…. و طالما انه يرخم عليكي…مالوش لازمه تكلموا اصلا