ياجماعة انا عرفت واحد من ع النت وكنا ف الاول صحاب جدا وانا اعرفه من اربع سنين، واول ماعرفته كان الحوار ده بالنسبة ليا مجرد وقت ومكنش قصدى اللى بقى بينا والحب اللى حصل.
ف الاول كان الحوار هزار واصحاب بس واصلا قبل ما انا اكلمه كانت صاحبتى هى اللى بتكلمه، وكانت قايلاله مواصفاتها هى، لكن بعد كده صاحبتى اعطتنى الميل بتاعها وانا اللى اتكلمت معاه ع اساس انها هى.
هو ساعتها اصلا مكنش شاف صورتها بس مع الايام وكده شافنى انا، بس مواصفتها المعنوية هى بتاعة صاحبتى سنها اسمها الحالة الاجتماعيه، وبقيت معاه صاحبه بردو ع نفس الظروف دى واتحولت الحكاية لحب.
وفكرت كتير اسيبه عشان اولا مكنتش راضيه اضحك عليه ولا ع نفسى، وكمان هو كان بتاع بنات وكان حتى بعد ما حبنى كان شايفنى مجرد وقت وخلاص، وحصل فعلا وسبته، بس رجعنا لبعض تانى، اول مكنتش قادره ابعد عنه، وهو كمان ووعدنى انه هيتغير واتغير وفعلا بقى انسان كويس، وطلب انه يتقدملى رسمى.
وانا مش عارفه اعمل ايه كل اللى حصل ده كان غصب عنى ومن غير ما اقصد خالص اللى حصل ولا ان انا اضحك عليه ولا اغشه، بس هى فعلا جت كده وبقالنا اربع سنين مع بعض وبنحب بعض جدا جدا، ف خايفه اقوله لا انزل من نظره وخايفه لا يسبنى وميفتكرش اى حاجه كويسه ليا.
وانا دلوقتى بحاول اسيبه وقولت هكرهه فيا عشان يسيبنى ارحم من ان انا اقوله الحقيقة ويشوفنى اوحش من ان انا اكرهه فيا. وساعات بفكر اقوله.
بجد مش عارفه اعمل ايه؟ انا بين نارين وتعبت اوى وهو اصلا ميعرفش عنى اى حاجه غير ان انا بحبه وبس.
حبيبتى انتكنت ف نفس المشكلة بس المختلف انى انا كدبت من الاول علية بس لما لقيت انى بحبو اوى وهو كمان بيحبنى اعترفتلو بكل حاجة بس كان بعد 7شهور من علاقتنا واحنا دلوقتى هنكمل سنتين ان شاء اللة ف اجمل قصة الحب دى صارحية بكل صدق بس اوعى تخبى عنو حاجة وصدقينى اختيارو هيريحك اوى لانو لو سابك يبقى مش يستاهلك انا حبيبى فرح اوى بشجاعتى لما صارحتو بكل حاجة
بصى انتى قوليلو ع الصراحه علشان لو حته صاحبتك عرفت ان الا اتقدملك دة هى الا كانت بتكلمو فى الاول يبقه هو عارف وكمان لو هى كلمته يعرف يرد عليها ومش هتخسرى حاجة يعنى اهم حاجة الصراحه وربنا يوفئك
لا يا قمر لازم تصارحيه بكل حاجة وهو لو كان بيحبك اكيد مش هيسيبك كده هتراضي ربنا ونفسك وتراضيه هو ولو سابك يبقى هوماكانش بيحبك .اوعي تفكري انك تكرهيه في نفسك ده اكبر غلط صارحيه وسيبيها على ربنا اكيد هو حاسس وشايف كل حاجة …. ربنا يوفقك حبيبتي
انتي ليه تاعبه نفسك
انتي بتقولي انه بيحبك يبقي خلاص الموضوع منتهي
لو هو فعلا بيحبك عمره ما هيهتم بشكلك او مواصفاتك او اسمك اوسنك او اي حاجه في الدنيا
لو فعلا بيحبك مش هيسيبك لو في سيف علي رقبته وهيفضل معاكي لاخر عمره
واذا سابك علشان كده يبقي انتي خساره فيه
وبخصوص ازاي تعرفيه كل ده الحل بسيط جداااااااااااااااااااا
في يوم قوليله انك لقيتي موقع حلو علي النت
واديه رابط مشكلتك دي
وهو بعدها حر يتمسك بيكي ولا يسيبك علشان حاجه تافهه
وفي كل الاحوال انتي الكسبانه
بصى انتى ممكن تسبيه تانى يعنى اقصد تبعدى شوية وبعدين هو لما يلاحظ انك بقيتى تبعدى تتهربى وبعدين ممكن تقوليلو لانه كدة لو جه يتقدملك مثلا هيقول ايه وانتى بتقولى ان حتى الاسم الى عارفه اسم صاحبتك بصراحة موقفك صعببببببببببببببببببببببببب
معروف ان انكتر البنات بتكدب فى الاول بس لم بتستريح لشخص بتقلو الحقبقه وبعدين الموصفات ملهاش لزمه لانك انتى اللى اتكلمتى معا مش صحبتك انتم فهمتو بعض وحسيتو بى بعض انصحك بلاش تضيعى من ايدك لو هوا متحرم وكوايس ويقدر يسعدك غير كدا مش اقدر اقلك حاجه تانى
ملهوش داعي تقوليلو مدام حبيتو بعض
على فكره انا اتعرفت على واحده بنفس الطريقة دى وسبتها فى الآخر علشان بدايه التعارف بدأ بكذبه 🙁
لو انتى بتحبيه بجد وهو كمان بيحبك واتغير عشانك يبقى ملهاش لزمه انك تقوليله عشان طول الاربع سنين كان بيكلمك انتى مش بيكلم صحبتك حتى لو كانت هى الى كلمته ف الاول هو حب فيكى شخصيتك وفكرك واسلوبك وكلامك مش حب صحبتك من من مجرد وصفها لشخصيتها وصفاتها المعنويه