انا فى المرحلة الثانية من الثانوية العامة عندى 18 سنة عمرى ماكلمت حد او حبيت حد كانت عندى صحبتى بتكلم واحد بتحبوا على الموبايل وتعرفوا على بعض فى درس الانجليزى وانا كنت معاها وهوه كان معاة صحبوا كنت انا وهية ماشين وراح صحبوا قال لصحبتى هاتى نمرة صحبتك وقلها دى هديتى صح راحت ضحكت وقلتلو انتا لو عايز كدة انا موافقة رحت شتمتها المهم خد نمرتى وكلمنا بعض وانا حبيتة وطلب يشوفنى زى ما صاحبه عمر بيشوف صاحبتي رحت رفضت بس صاحبتي ضغطت عليا ورحنا انا وهيةى لنشوفهم المهم هوه قال انو بيحبنى بس احنا الاربعة لما بنتقابل بلاحظ انة بيبص على صحبتى مش عارفة بس انا حاسة انو بيحبها لانو اما بتتخانق مع حبيبها هوة بيدخل فى الموضوع ويبقى عايز يعقد المشكلة علشان يسيبو بعض ويقلها دة عيل ومش راجل وطفل وقلها انة حاسس انو بيلعب بيكي المهم رجعوا لبعض فى نفس اليوم الى انا بحبة سخن وتعب قوى مش عارفة هوة تعب علشان رجعوا لبعض ولا اية وهوة بيتكلم معايا علطول على الجواز وبيقلى اول لما يدخل تانية كلية هنتخطب وهيتقدم مش عارفة كلامة دة صح ولا اية كمان مثلا لما بيلقينى ماشية مع واحدة صحبتى بيقلى دى بتتسلى بلاولاد ابعدى عنها يعنى خايف عليا ازاى اعرف انو بيحبنى ولو بيحبنى اعمل اية علشان يحبنى اكتر على فكرة انا وهوة فضلنا شهر ونخلص الثانوية وندخل كلية يعنى احنا مش بنعمل حاجة غلط يعنى هوة وانا ناو ين على الجواز ان شاء الله
الحب قبل الزواج
ازاى اعرف اذا كان حبيبى بيحبنى
اضيف بتاريخ: Monday, April 23rd, 2012 في 13:18
كلمات مشاكل وحلول: الثانوية العامة, الحب, مشاكل الحب
من وجهت نظري انه بيتسلي بيكي حاولي تعملي موقفيضيقه وشوفي رد فعلهايه
ولو بيحبك خليكي متمسكه بيه بس من اللي انتي بتقوليهده هو مش بيحبك بس بيحب صحبتك
نسيت اقولك ان الحب فاتح شهيه للمذاكرة واسال مجرب ومتسالش طبيب
علي فكرة انا في ثانية ثانوي عام اسكندرانية من مدرسة لوران اقولك علي سر اللي يقولك الحب بيجي بعد الجواز ومع العشرة ده معندوش فكرة انتي لازم تحبي وتتحبي علشان يكون لحياتك طعم لوانتي حبتيه بجد كملي معاه حتي لو كنت حاسه انه بيحب غيرك انت ممكن تغيريه الحب ده اسمي شي في الوجود واللي قالك ان الحب حرام او عيب يبقي غلطان الرسول كان بيحب السيدة خديجة قبل ما يتجوزها وهي كمان بتحبه ولو قالو عيب قولي انك طالما خرجتي معاه وانتي واثقة ان اللي بيحصل صح وانك جديرة انك تحمي نفسك لو حصل اي حاجة يبقي انت كده صح بس حقولك علي حاجة لو انت بتحبي واحد ولقيتي نفسك دخله قصة حب اوعي تدخلي بمشاعرك كلها علشان لو سبتيه ما تزعليش
انا اعتقد ان مفيش ولد مخلص لبنت هتا لو قالها بحبك مليون مرة اهم حاجة دلوقتى ان تهتمى بدراستك
حبيبتي دة بيتسلي فيكي… كيف ينظر لصحبتك… لا تفكري بالزواج والحين فكري بالدراسة وان شاء الله تجيبي مجموع كويس ولا تستمعي لافكار صحبتك جالسة تتسلي.. فديتك.. (*-*)
انا من راي الشخصى انةلو هو بيحبك بجد ممكن يجيلك بس تاكدى انة مش هيكون مديكى الثقة ودة عن تجربه شخصيه وهتتعبى كتير فى حياتك
يا بت الحلال متعلقيش نفسك باى حد لحد ميجلك نصيبك ولو هو نصيبك هدخدية غصب عن الدنيا كلها صلى استخارة وصلى عشان نفسك وعشان ربنا يرضا عند والصلاة عماد الدين فية حب يستلهل التضحية وفية ميستهلش فى الاول ولاخر انتى بنت لازم تشوفى ابوكى وامك وهما ادرا بمصلحتك اكتر منك
انا بردوا في الثانويه العامه عايزه اقولك ان الولاد غالبا بيتسلوا بلبنات في المرحله دى لان البنت بتقع في الحب عند اول كلمه حلوه .كمان في رايي ان البنت المحترمه ماتكلمش ولد علي موبايل ولا نت ولا تقابله و تحافظ علي نفسها لان هيبقى رايه فيكى انك زى اى بنت صايعه زى ما بتكلميه ممكن تكلمى اى ولد تانى اوعى تقبيله انتى مش خايفه علي سمعتك الاحسن انك تركزى في المزاكره ما فيش وقت للحاجات دى علي الاقل دلوقتى
علي فكري انتي غلطانا لو كان بيحبك يتكدملك الي يحب شخص يضحي بعمرو علاشانك يخاف علي سمعتك
الي يحبك يعمل المستحيل علاشانك
اولا هو شكلة بتسلى بيكى ثانيا اننى تفوقى لمذكرتك علشان تنجحى ومتخيبيش امل امك وابوكى فيكى ثالثاانتى فى ثانوى عام يابنتى
اكير بيتسلي بيكى لانة لسه طالب يعنى مش بتاع مسئوليه وهو عايز يقضي يومين لحد لما الدراسه تخلص وبعد كدة هيدور علي واحدة مش خرجت مع شاب عشان يتجوزها هى دى اللي هيثق فيها بعد كدة متخليش نفسك تسليه ليه ولا لغيروا خليكى غاليه مترخصيش نفسك مفيش شاب بيجري ورا بنت خرجت معاااه وقابلتوا
في الاول وفي الاخر ده نصيب بيجمع وبيفرق
يعنى احنا مش بنعمل حاجة غلط يعنى هوة وانا ناو ين على الجواز ان شاء الله
ياااااااااااااااااااااااسلام طيب سوال ؟؟
اما حضرتك مش بتعملي حاجه غلط دخلتي تحكي حكايتك هنا ليه ؟؟
واما عارفا انو مش بيتسلا وراجل اوي بتحكي ليه ؟
يا اختي بالله عليكي ترجعي زي مكنتي وتلغي علاقتك بالشاب ده
وصحبتك كمان علشان ببساطه اوي المرء علي دين خليله
مترخصيش نفسك اولا
ثانيا اللي كتبهولك ربنا هييجي البيت مش معا صحبو وياخد النمره ويعمل عليكي نمره
خليكي غاليه صعب تشترا ومترخصيش نفسك
انا مش هكتر وااللي اعرفو ان لو ليه نيا يتقدم مش هيبهدلك وياه ولا هيرضا يخرج معاكي من ورا اهلك
عايذ يتقدم اكيد ليكي بيت واهل
عايذ يتسلا شوفي انتي اهلك ربوكي ازاي والرد ليكي
واخيرا وليس اخيرا
ما كان لك سياتيك علي ضعفك وما ليس لك لن تنله بقوتك …
خافي الله .. كما تدين تدان
ابقي دوري في حكايات البنات هنا هتشوفي مصايب سببها واولها اللي انتي بتحكيه ده خدي عبره من هنا والباقي عليكي وربنا يهديكي