تقدمت لخطبة فتاه عمرها ١٧ سنه وانا عمري ٢٦ سنه بالطريقه التقليديه ودخلت اتقدمت وأهلها وفقوا ويوم الخطوبه سئلت خطيبتي انها مقتنعة بالخطوبه ولا لأ قالت انها مكنتش عاوز تتخطب دلوقتي بس دلوقتي هي مقتنعه وبعد الخطوبه بخمس أيام سافرت لأن بشتغل في دولة خليجية وبعد ما سافرت كلمتها في الموبايل وكنت بطمن عليها بالكلام العادي مفيش حوار بيتفتح يعني.. مع العلم إن انا اول ما شوفتها اتعلقت بيها ودخلت قلبي.. وبعد ما سافرت ب ٣ اسابيع حسيت ان انا مش مستريح بالذات بعد ما شوفت مشاركتا علي الفيس حسيت انها مش مقتنعه بالخطوبه.، وطلبتها وسئلتها قالتلي بصراحه انا مش مقتنعة بالخطوبه بس انا اتخطبت عشان خاطر ماما وبابا ، صارحتها وقلتلها ان دي فتره بنشوف فيها بعض وبنتعرف علي بعض وصارحتها ان انا اتعلقت بيها وكده.. بعدها بأسبوعين كنت بكلمها فبقول ان انا حبيتها وانها غاليه عندي قالتلي انا مش عاوزه اظلمك وانتا ملحقتش تخطب عشان تقول الكلام ده.
بصراحه مش عارف اتعامل معها ازاي او اتصرف ازاي مع إن انا بضغط علي نفسي وانا بتكلم معها وبضغظ علي كرامتي بعد الكلام ده… ممكن حد يفيدني اتصرف ازاي. مع العلم ان عندها امتحانات الثانويه العامه سنه ثالثة السنة دي.. فمش عاوز اتهور واعمل فعل يكون ليه تأثير علي مستقبلها ونفسيتها.
مشاكل الشباب قبل الزواج
ازاي اتعامل مع خطيبتي وهي مش مقتنعة بيا
اضيف بتاريخ: Sunday, April 14th, 2019 في 13:18
كلمات مشاكل وحلول: ازاي, الحب, الخطبة, الخطوبة, حب, شاب, فتاة, موبايل
عايز احكي لك قصة مشابهة لقصتك دي حدثت مع ابن خالي شاب محترم وعلى دين وخلاق تقدم لخطبة فتاة بعمر 18سنة وهي واهلها وافقوا على الخطبة وكل شي عال العال وفجاة البنت قالت له انها وافقت عشان ترضي اهلها ولاتفكر في الزواج في الوقت دا فالشاب اتصدم من ردة فعلها بعد ماتعلق فيها وحبها من كل قلبه وحاول يقرب منها بالمشاعر ودائم الاتصال عليها ورسائل الحب والغرام وهي مش معبرته خالص فجاء ياخذ راي في دي المشكلة فقلت طالما انها تعمل معك كلدا فلا تنزل كرامتك عشانها وخليها تغور افسخ خطوبتك لها وكل حي يروح لحاله وفعلا سمع كلامي وسابها وفسخ خطوبته منها وربنا عوضها بفتاة احسن منها وفيها كل الصفات اللي الراجل يبغاها في شريكة حياته
الظاهر والله العالم ان البنت وافقت عشان ترضي اهلها ولا تحبك ولاهم يحزنون وهي صارحتك بالحقيقة فلاتضيع وقتك معها بلاطائل ولاتجي على كرامتك عشانها كل شي قسمة ونصيب يابن الناس اتركها بهدوء وربنا بيكرمك بحسن منها بنات الحلال كثر وهتلاقي نصيبك مع اللي تستاهلك وتقدرمشاعرك وتسعدك العمركله
فعلا انت ملحقتش تحب علشان تقولها بحبك
احساسك ده لمجرد تفكيرك وتخيلاتك فقط
يا اخي اتعامل معاها بهدوء وتسلل لحياتها واحدة واحدة
واسمعها اكتر ما تتكلم
حسسها وجودها بدأ يفرق معاك
افعال مش كلام
مثلا
قولها وانا في المول الفلاني افتكرتك جدا وقولها اي حوار
اصبر على قلبها
عودها عليك وعلى وجودك
انت لسه جديد في حياتها
ومن الوقت التاني شوية دلع ليها في حدود المعقول
لغاية ما تكسب قلبها
الكلام كتير يتقال
بس الاهم اصبر عليها كتير
وراعي ان كان ليها طموحات شاركها ده وحسسها انك تحبها تكبر في حياتكوا
ربي يوفقك
حافظ عليها