انا حد قلوق دايما مترددة ودايما خايفة يمكن من كتر ثقتى فنفسى بتقلب معايا انى خايفة حد يضحك عليا مش عارفة انا كنت مخطوبة وانا عندى 18 سنة لحد عمرى مفكرت انى حتى ابصلة ودة لمجرد ان كنت بموت فى ولاد خالتو قلت نقرب اكتر وطبعا كنت حد صغير فرحت باحساس انى اقول انى مخطوبة وطبعا لانى عمرى ماكان من اهدافى متفهمتيش معاة لحظة وحاولت بكل الطرق انى ابعد لاكن فى البيت مكنش سهل لانها خطوبة وكدة المهم بعد سنة من احساسى بان الدنيا انتهت قدرت اسيبة كنت كمان قبلية كنت بحب حد قريبى قوى بس لظروفة بعدنا عن بعد قبل حتى منبتدى ولما اتقدملى دة وافقت عشان اديقة بس للاسف دايقت نفسى المهم سبتو رجعلى حبيبى دة هو كان حلو اوى ودايما كانت كل البنات بتحسدنى علية المهم هو قالى انو كان مخنوق اوى انى انا اتخطبت وسبتوا المهم رجعت معان هو الى كان بيقولى لما سبنا بعض انو مش عايز يظلمنى معاة لاكن لما رجع كان هو اخر سنة وهيشتغل بعد الجيش انا كنت حاسة انى بموت فية فرجعت وبعد شهرين اتقدملى حد مرتاح مديا جدا فقلتلة ساعتها حتى كلم ماما عشان هى عيزانى اوافق على العريس المهم وافق وبعد ساعة سال مامتوا مرديتش فسبتوة علطول وبردوا موفقتيش بالعريس عشان معملش زى اول مرة وبعد 3شهور اتقدملى واحد كان صاحب اخويا وافقت بية خطبنى وسافر كان بتمنالى الرضا ارضى لاكن مامتوا عمرها محبتنى عشان كان ابنها بيحبنى اوى انا مكنتش بحبوا بس كنت بعزوا اوى المهم مامتوا وهو مسافر جاتلنا البيت وغلطت فيا وفمامتى وماما فركشت الجوازة انا بصراحة مزعلتش عشان انا اصلا محبتوش انا كنت بعزوا اوى بس ومازلت المشكلة انو هو بيحبنى اوى انا سيباة بقالى خمس شهور وهو لسة بيتحايل عليا انى ارجع المشكلة انو اهلة مش بيحبونى وهو بردة بيسمع كلامهم وبيصدقهم انا بعد ماسبتوة اتعرفت على حد زميللى فى الشغل اتعلقت بية اوى وحاسة انى بحبوا اوى وبحس بدة منو اوى كلمنى فانوا عايز يخطبنى بس هو ظروفة لسة على قدها بس هو حد طوح اوى يعنى فى اربع شهور اترقى فشغلوا يعنى دماغوا حلوة فالشغل وبعدين راجل اوى بيخاف عليا موت كلم ماما انو يخطبنى بس بعد كام شهر لحد ميظبط نفسوا وماما وافقت المشكلة دلوقتى اننا ساعات لاكتير بصدقة وساعات بخاف انو يكون حد مش كويس هو واصلوا الاحساس دة وبيقولى عازريك هو عارف ان خطيبى عايز يرجعلى وقالى انتى عايزة اية قلتلوا انا بحبك ودى حقيقة هو الوحيد الى نسانى الى كنت بحبوا كل الى يعرفونا بيقولولى هتتعبى عشان هو لسة بيبدا حياتو وبيقولولى ارجعى لخطيبيك الفلوس دلوقتى هى فى الزمن دة الى بتنفع مش الحب والكلام دة بس انا حاسة انى بحبوا اوى بس كلام صحابى صح بيقولولى بلاش كلام الافلام دة لما تتجوزوا وتلاقى الفلوس مش كتير هتنسى الحب دة خالص وتقولى يارتنى كنت رجعت لخطيبى والى حبنى علفكرة انا بردة حبيبى دة عندوا شقة تمليك هى مش كبيرة بس فى شقة يعنى وبعدين خطيبى دة بردوا مكنش معاة حاجة لما خطبنى كان بردوا بيبدا حياتو بس لما سافر عمل فلوس اعمل اية الصح فين وبعدين ممكن ربنا يعاقبنى عشان سبت خطيبى دة وهو بيحبنى اوى ارجوكوا ساعدونى الصح فين ازاي اختار شريك حياتي يارب محتارة اوى وخايفة اخسر كل حاجة بس انا بقولوا كتير انا خايفة منك يقسملى انو بيحبنى وهيعمل المستحيل عشانى وبيقولى انا راجل وليا اخت يارب اعمل اية ساعدونى
مشاكل البنات قبل الزواج
قلوقة اوى ومش عارفة ازاي اختار شريك حياتي
اضيف بتاريخ: Thursday, January 13th, 2011 في 01:17
كلمات مشاكل وحلول: الافلام, البنات, البيت, الجيش, الحب, الشغل, العريس, خطوبة, مخطوبة, مسافر, مشاكل البنات, مشاكل البنات قبل الزواج
انا شايفه انك مش غلطانه ف حاجه ومفيش حاجه اسمها الفلوس كل حاجه لان الفلوس عمرها مابتفرح انسان المهم راحتك النفسيه وانتي مظلمتيش خطيبك لان في مشاكل وفتره الخطوبه اتعملت عشان تعرفي اذا كانت حياتك هتكون كويسه ولالا وبما انه بيسمع كلام مامته وفي مشاكل مع اهله يبقي ده مينفعش وانا شايفه بما ان حبيبك ده كويس وطموح وبيحبك يبقي هيحافظ عليكي وهتكبروا مع بعض وهتكونوا مبسوطين مع بعض وف الاول وف الاخر كل حاجه نصيب وربنا يوفقك وحياه سعيده ان شاء الله
على فكره انا نفس مشكلتك دى بس انا خطيبى بيحبنى اوووووى ومامته مش بتحبنى خالص لان ابنها بيموت في وبعدين هو ماديا كويس واجتمايا بردو ب انا مش بحبوا بس شبه اتعودت ليه.انا بفكر اسيبه بس الاول هصلى صلاه استخاره وربنا يختار لى الخير يارررررررررررررب .ادعوا لى بالله عاليكو
كلامهم صح خليه يتقدم واستخيري ربنا وبلاش ترجعى لخطيبك لانك هتعيشي فى مشاكل بعد كدا معاه بسبب اهله
إنتي لو رجعتي لخطيبك هيبقى علشان الفلوس .. وبتقولي ان مامته مش بتحبك يبقى مش هتعرفي تعيشي مرتاحه .. تفكيرك انك ترجعي لخطيبك علشان مادياته تفكير غلط ممكن بسبب مامته مش تعرفي تعيشي مرتاحه ومتفكريش إن لو اتجوزتوا هتبقى إنتي أهم عنده من مامته .. متاخديش بكلام صحباتك إللي بيقولولك الفلوس أهم ف الزمن دا – هي الفلوس مهمه أه بس مش أهم حاجه – الأهم منها إن إنتي تكوني في وسط ناس بيحبوكي ومع واحد بيحبك ويخاف عليكي وانتي كمان تحبيه وتحبي أهله علشان ف الجواز مش هيقاطع أهله مثلا لا دا انتوا هتعيشوا في وسطهم حتى لو كانت شقتكوا بعيد بس دي أمه …. لا فكرة إنك ترجعي لخطيبك في رأيي انها غلط علشان كمان اللي حصل -انها تغلط فيكوا -وانتوا لسه ف الخطوبه أمال بعد كدا هتعمل ايه ………………….. بالنسبه لزمييلك ف الشغل انتي مرتاحاله وهو كلم مامتك خلاص سيبي أهلك يشوفو الموضوع يسالوا عليه برضو وكدا وان شاء الله يلاقوهم ناس كويسين .. وطبعا إستخيري ربنا .. وربنا يكتبلك الخير
======== إنتي باين عليكي معجبينك كتير …
أنا مريت بموقف شبه موقفك بس كان موقفي اصعب .. أنا مخطوبه لواحد بيحبني وهو كويس وماديا كويس وهو كان بالنسبالي عادي مش بحبه بس بحترمه .. وواحد كان زميلي ف الشغل كان عاوز يتقدملي مش كان يعرف ان انا اتخطبت بس لو انا سبت خطيبي كان هيتقدملي وانا كنت معجبه بزميلي دا أصلا قبل كدا .. وفكرت كتيييييير أوي واحترت أسيب خطيبي إللي مش بحبه وأرتبط بزميلي دا ولا أرضى بنصيبي وخلاص .. فكرت كتييييييييييييير أوي وصليت استخاره بعدها فكرت كويس لقيت إن أهله بيحبوني وفرحانين بيا وهو كمان شاريني أوي ووأنا لسه بفكر لقيت زميلي دا اتقدم لواحده وخطبها ..وأنا استمريت مع خطيبي مع انه لسه بالنسبالي عادي بس قلت أدام هو انسان كويس وبيحبني خلاص ….كل دا حصل علشان دا نصيييييييب .. انتي سيبك من خطيبك اللي فات وفكري ف موضوع زميلك واستخيري ربنا وكدا كدا أثناء فترة الخطوبه هتعرفوا بعض أكتر ……. ربنا يكتبلك الخير يارب
الجواز مش انت وهو بس الجواز يعنى اسرة واسرة متفاهمين ومتقاربين خطيبك السابق لا ينفع موضوعه بسبب المشاكل من الاول اما زميلك فانت بتقولى انك بتحبيه وهذا شئ لصالحه وكمان عنده شقة تمليك ودى بداية معقولة مشاكل كتير من الشباب تكون بسبب عدم وجود شقة يتبقى المستوى المادى انت اللى تقدرى تحددى تقدرى تتحملى قد ايه وتصبرى قد ايه انت بتشتغلى مرتبك ان كان يكفى احتياجاتك ومرتب زميلك يكفى لفتح بيت ليه لا وخدوهم فقراء يغنيكم الله ناس كتير تبدأ صغيرة وتكبر بس يكون عندها طموح ورغبة فى الكفاح وانت يكون عندك صبر
بصى يا ست الكل
واضح انك طيبه اوى ومش بتقدرى تاخدى قرار
ومش بتعرفى الصح فين
صلى صلاه استخاره
ومتشتيتيش نفسك وقلبك كدا
من جاءكم من ترضون دينه وخلقه فزوجوه
الفلوس بتروح
اهم حاجه الدين والاخلاق
قربى من ربنا اوى
وعليكى بالاستغفار والدعاء
وادعى (اللهم اختر لى فانى لا احسن الاختيار )
وربنا يهديلك حالك
انا صاحبة المشكلة ارجو ان حد يرد عليا محتاجة حد يفكر معايا