انا عندى مشكله كبيرة جدا انا كنت مخطوبة خطوبة تقليديه واحد شافنى وجه اتقدملى وبعدين فى فترة قراية الفاتحه كنت بشوفه وبخرج معاه فى الاول كانت صحبتى بتبقى معايا لكن بعد كده كنت بقابله لوحدى المهم اتعلقت بيه وحبيته كنت بحاول اراضيه باى شكل المهم فى يوم قالى تعالى نقعد عند اختى هى مسافرة ومتخافيش منى خالص انا خطيبك الاول مانعت وبعد الحاح وافقت المهم قابلته 4 مرات فى اول مرة حاول ان هو يحضنى وكده بس انا عملتها زعله وبعد كده اقنعنى ان ده هيقرب مابينى وبينه خصوصا ان فرحنا كان هيبقى بعد شهر من لبس الشبكة المهم امنتله وقابلته فى شقة فى تالت مرة حصل اللى مكنتش عامله حسابه بس صدقونى والله المرة دى انا كنت رافضه تماما المهم انهارت وبعد كده هدانى وقالى احنا كده او كده كنا هنتجوز ماتخافيش من حاجه المهم خلى واحده من اللى ماشىلا معاهم تقولى ان هى بنت عمته وان هى عارفه الموضوع واستنى لحد يوم الاحد وهييجى يكتب الكتاب المهم قلتلها بس لازم ييجى بكرة ع الاقل يتكلم مع ماما ويتفق معاها وفعلا جه اتكلم مع ماما يوم الخميس على كل تفاصيل الزواج المهم لقيته يوم الاحد بيكلمنى من السعودية وبيقولى ان كل شئ نصيب وانا هبعتلك فلوس تعملى عملية ترقيع البكارة وتتجوزى حد تانى المهم انا انهارت وفقدت اعصابى ورحت لاهله الاول تعاطفوا معايا بعد كده قالولى هنعملك ايه مش بايدنا حاجه اعمل ايه انا مش مستحمله اخدع حد ومعنديش النيه لبداية حياه جديده انا عندى 25 سنه استناه يمكن ربنا يهديه ويرجع يحس بغلطه ولا اعمل ايه؟ارجوكوا ردوا على ضرورى
مشاكل البنات
فقدت العذرية واحنا مخطوبين ولكن
اضيف بتاريخ: Wednesday, December 15th, 2010 في 07:09
كلمات مشاكل وحلول: الزواج, السعودية, الشبكة, العذرية, بنت, خطوبة, شقة, عملية ترقيع البكارة, كتب الكتاب, مخطوبة, مشاكل البنات, مشاكل البنات قبل الزواج
عندما يلتهم الذئب فريسة .. ويترك بقايا .. أيرجع لها …!!… بالطبع ..لا … الذنب ذنبك بالاول والاخر … فأنتي كنتي فريسة سهله ورخصتي نفسك … فماذا كنتي تنتظري من هالذئب الذي لا يحترم ذاته.. ولا يخشي الله .. وأعلم أيها الذئب ” كما تدين تدان “… ومشكلتك تستدعي فتوي ولست مؤهلا لذلك … لو عملتي عملية فسوف تخدعي شخصا آخر .. واتذكر انك قد ابلغتي اهله بما حدث … وهذه كارثة .. أمامك حل وحيد ..” الدعاء والتوسل لله عما بادر من ذنب .. وصل بخشوع لعل دموعك يغفر الله بها ذنبك …!!!
قرات مصائب يشيب لها الراس في هذا الموقع وغيره مع الاسف البنت تكون الضحية المسكينة غالبا
بصي يا حببتى اعملى العمليه واستغفري لبنا وهو هيتوب عليكى واتجوزى وادعى ان ربنا يسترك ان شاء الله واعملى وعد مع ربنا انك مش هتعملى كده تانى وانك هتحافظى على الى هيكون جوزك بس واللى ستره ره ميفضحش نفسك لانك لو قولتى محدش هيسامحك ابدا ولو حتى واحد تجوزك هيزلك بعد كد
بصي انتى لازم تعترفي للزوج القادم لانك عرفتى ناس كتير فممكن يجوا بعد كده يهددوكى …لو اللى جاى بيحبك يبقي يوافق عليكى وانسي انك ترجعى للراجل ده لانه هيفضل يزلك طول عمرك ….اقري قرأن كتير وادعى ربنا واستغفري….ربنا ييسرلك أمرك
اختي الفاضل ادعو من الله عز وجل ان يسترك ويجعل لكي زوج صالح وارجو منك بان تاخذي الامور في سرية تامة محدش حيحافظ على سرك وانتي غلطي عشان حكيتي في الموضوع دة عند اهلة وعليكي بالترقيع واكثري من الاستغفار وادعوا من الله ان يغفر لكي ويسترك
مشكلة تقع فيها الكثيرات…
وسينايو يدور يوميا ولا نتعلم،،، لن أبكي على اللبن المسكوب فلن يفيد هذا البكاء…
ولكني يكفيك أن تعلمتي من التجربة القاسية…
لا تفضحي نفسك،،، حتى وإن تمت خطبتك على شخص آخر فلا تخبرينه بذلك…
لو سمحتي نسيت اقولك المفروض انك هتقولي له انك حامل يعني في موقف قوة والقانون هيجيب لكي حقك
اوعي تردي عليه ولا لاعلي حدمن اهله واختفي عنهم ولو حد عرف يوصلك قولي لهم لما اولد هنتكلم علشانماحدش يخليكي تعملي تحليل حمل ربنا يعينك ارجوكي لو محتاجه مني انا اي حاجه مساعده انا تحت امرك
السلام عليكم ورحمه الله وباركته
حببتي اولا انصحك بالاستغفار والتوبه الي الله والاتاكل علي الله في التالي
اولا تروحي لام الحيوان دا وتقولي لها انك عملتي تحليل وطلعتي حامل وان الحيوان دا ان ماكنش يرجع يكتب عليكي وبعد كده يطلقك هتروحي تعملي تحليل دي ان ايه وترفعي قضيه اثبات نسب والولد دا اللي في بطنك يبق ابنه ولازم يعترف بيه لان هو عارف اني كنت عذراء واثبتي علي موقفك وياسلام لو تقدري توفري صوره تحليل واحده حامل وتكتبي عليه اسمك انا عارفه ان دا مكر وغدر وما اخذ بالقوه لا يسترد الا بالقوه وربنا يعينك ويقويك بس نصيحتي ليكي ظبطي تواريخك كويس ورتيبي كلامك صح نوع الحيوان دا جبان هيخاف ويوم مايرجع يكتب عليكي اوعي يلمسك او يجي ناحيتك وشهربالكتير تكوني سيبه ورفع عليه قضيه خلعربنا معاكي يارب ويستر علينا جميعا
موضوعك ملهوش حل عند حد أي حد لا بنت ولا ولد .. الحل عندك لوحدك وفي سرية تامة .. ابحثي عن حل المشكلة بالترقيع وليس غيره واستغفري ربك وتوبي ولا تصرحي لأحد بالمصيبة اللي انتي فيها .. لأن التصريح بيها كارثة ، حتى للأم والأب وأقرب الصديقات .. فهمتي يا يابنتي .. الحل عندك لوحدك وبس
أنا مش عارف اقولك إيه الصراحة بعد لازم نعترف أن موقفك صعب وهتكلم معاكي بصراحة أنت لازم تعملي عملية ترقيع وتتوبي إلي الله عز وجل وتحاولي تبدأي حياتك من جديد لأن النوع ده من الناس عمره مهيرجع علشان يسترك لأن نية الغدر والخيانة واضحة جداً من اللي عملوا وياريت تحاولي تنقلي مكان سكنك وتقطعي علاقتك بالناس اللي يعرفوا عنك الحاجة دي علشان متحصلكيش مشاكل مستقبلية لو رجع هذا الشخص مرة تاني ” بس لازم تاخدي بالك أن ده علشان يتم لازم تعقدي العزم والنية علي التوبة وعدم الرجوع إلي المعصية مرة تانية ” وربنا إذا وجدك فعلاً مخلصة وتائبة عن الذنب أكيد هيغفر لك ويرزفك بأبن حلال يغير حياتك
السلام عليكم جميعا اولا نبدا بالصلاة على سيدنا محمد عليه افضل السلام ثانيا اختى الفاضلة فعلا هى مشكلة جامدة والحل فيها صعب بس انا حابة اقوللك انا مش مع الناس اللى بيقولوا انك متعمليش عملية وانك تصرحى العريس القادم بالحقيقة لان احنا فى مجتمع استحالة يتقبل المشكلة دى ومفيش راجل هيقبل بحاجة زى دى اولا انتى سلمتى نفسك لواحد حقير دى اول غلطة عماتيها تانى حاجة فضحتيى نفسك امام اهلة مع ان ربنا غفور رحيم وقولى لمامتك وهى هتتصرف بس اعملى العملية واستغفرى ربنا ليل ونهار وربنا ستار
بصي اتصلي بيه وقولي ليه انا بدعي ليل ونهاراني ربك يقعد اللي عملته فيا في اخواتك البنات وتلاقي اللي يعمل اكده في اهل بيتك وقولي ليه وفهميه بس العيب والاساء منك انتي وبعد وفهمي اهله بالراحه او بصي يرسل توكيل لابوه وهو يتم عقد القران قهمتي لو هو مشغول ومش فاضي ووالده يكلمه ويقول ظلم الوليه وحش ربك بياعده
العلاقة ده من الاول وهي خطأ ولكن المفروض تتحملي عواقب الخطأ بس لذم متفضحيش نفسك لحد
غير أهلك وبلاخص أبوكي وأمك بس وفي البداية صرحي أمك وأمك تقول للابوكي علشان ما تنجرحيش
أكثر وياريت ما يفضحكيش ويعلوا صوتهم للجيران وياريت ما تعمليش عملية ولا حاجة
ولما يجيلك واحد تاني كزوج لوحبك اوقوي أتزوجيه وأخبريه بما حدث ولو حبك حيتزوجكك
ولو رفض الزواج منك حلفيه أنه مايقولشي لحد الموضوع ده علشان سمعتك وأتقي الله في
أقولك وأفعالك ولاتخدعي بالمظاهر الكذابة ولا بكلامات الحب العذبة الخالية من الرحمة والانسانية
وتعلمي منها درس لغد وأذكري الله وكلاماته : أن اللذين جأوا بالافك منكم عصبة
فلا تحسبه شر لهم بل هوخير لكم …. صدق الله العظيم والتوفيق والعون بيد الله …
الأخت الكريمة
أول شئ يا أختي عليكي بإستغفار ربك علي فعلك .. وأن تلجئي إلي الله في مصائبك .
ثانيآ يا أختي لا تنتظري هذا الكلب الجبان فهو خائن وما فيه خير .. لو كان يريدك ما كان رماكي .. إنه ذئب محتال وبإذن الله تعالي سوف تري إنتقام ربك منه ..
ثالثآ .. عليكي بإبلاغ أهلك ..أو ممكن تقولي لأمك ..وهي تتصرف ( والله يستر عليها )….
أنتي فضحتي نفسك عندما أخبرتي أهله بهذا الموضوع …ما كان يجب ذلك
اللهم إحفظ بنات المسلمين .. يااارب
من الاول لازم انت ماعملت هيك لانه موظةالشباب هادي الايام بيقول للبنت ان هيجي ويخطبها بس بعد ماالوحدةبتوقع بي اللي مش متوقعةتقول تعال مشان تخطبني بيقول الها انوهو هلأمش مكون نفسه وبيضحك عليها بس ماتضايقة من كلامي لانه هيك اللي صار معك بقولك انتك تعملي عمليةتسكير لغشاء البكارةلانه مار يجي يخطبك ولاحتى يفكرلانه رح يحكي انك اللي عملتي معي عملتي مع شباب غيري كتير يعني متعودةوالله عم بحكي الصححيح فخودي الفلوس منه وسوي العملية قبل مايفوت العمر فيك و\انت بتستني بي واحد ماراح يجي يطلبك لوبعد مية سنة
اها نسيت انا بوافق مصرى بالخارج فى رايه بجد لازم اهلك يعرفوا ويقفوا معاكى واول حاجه تقوليها ليهم ان ربنا يغفر الذنوب انتم بقا تغفروا وتقفوا مع بنتكم ولا لا
عسوله الخليج بجد ال comment بتاعك عسول اوى بس انا مش موافقك فى اخر كلامك علشان المفروض البنوته هى اللى تدافع عن شرفها مش اى حد غيرها سواء البودى جارد او حضرتك اما بقا بالنسبه للمصرى فبقوله اتقى الله يا ابنى توضيح امور ايه الموضوع منتهى
الترقيع حرام لانه غش ومن غشنا فليس منا اى ليس من المسلمين والحكايه مش ناقصه ذنوب ليس هنا فى هذه القصه غير حل واحد فقط وهو التوبه النصوح والتقرب الى الله هو الذى سيحل هذه المصيبه بالقيام وكثرة الدعاء فهو قادر ان يصلح ماافسده العباد ولما لا فانه هو الله فان كنت خائفه من الفضيحه او الاهل فالخوف من الله اولى قالى تعالى قل ياعبادى الذين اسرفوا على انفسهم لاتقنطوا من رحمة الله وفى الحديث القدسىمن تقرب اليا شبرا تقربت اليه باع ومن تقرب باع تقربت منه زراع ومن اتانى يمشى اتيته هرولا هذا هو الوقت المناسب للتوبه ولاتفكرى فى هذا الشخص ولن يستطيع احد ان يقنعه ان يتزوجك غير ان يهديه اللهوالاولى لكى ان تتركى الحل لله بعد ان تلجئى لله بصدق فاذا سالت فسال الله وان استعنت فستعن بالله
السلام عليكم اختي العزيزه اولا نعترف بغلطك والموضوع لا يحتاج الي معاتبه فانتي بضيقه ولابد ان تجدي المساعده من اخواتك لذلك لابد من اخبار اهلك لياخذو حقك لان اهله عرفو ولم يسكتو علي هذا المو
السلام عليكم
لم اكن انوى التعليق ولكن ردآ على الاخ تيمو يا اخى انت كاتب تعليقك بأى لغه لم افهم منك شئ سامحنى اما بخصوص المشكله وللاسف نحن بمجتمعات تكره الكذب ولا تحب الصدق نكره الكذب قولآ ونكذب نتشدق بالصراحه وتؤلمنا ولا نتفهمهااختى استشيرى عالم دين وارجو من الله ان يتجاوز عن خطائك هذا وييسر لكى امرك
تعملي ايه :
لـلـه :التوبة النصوح
لنفسك :الصبر والاكثار من قول ” حسبي الله ونعم الوكيل ”
اذا كان ذهابه للسعودية هروب منك فلن يفلت من الله
ثم :
ابحثي عن الستر :
اذا كان الستر في الزواج من قريب لك تزوجيه
اذا كان الستر في الترقيع اعملي العملية
اذا كان الستر في انتظاره وبموافقته وقول انكم تزوجتم عرفي افعلي ذلك
………………………
اسال الله ان يصلح غلطته وتماديك … دا بيعترف انك كنت عزراء يعني هو الاول …
شوفى اختى الخطا الوحيد الى اقترفتيه هو ذهابك لاهلو ووقتها اتخلو عنك لاكن ابشرك بخير ان ربنا هينتقم منو وانتى هتشوفى بنفسك انتقام ربنا منو وهيفشل فى السفر ومع الايام انتى بنفسك هتتشفى فيه وهو عمرو مهينسى انو غدر بيكى لاكن نصيحتى دلوقتى انو انتى متستنيهوش ابدا ولا تفكرى فيه و انا شايف من اسلوبك انو هو شيطان اشر اوقعكى فى الخطيئه بحجه انو هو خطيبك وبعدها غدر بيكى ودى من افعال الشياطين انو بيوقع الانسان فى الخطيئه وبعدها يتخلى عنو انتى متعترفيش لاى حد نهائيا بالى حصل وعليكى الذهاب لدكتور وتعملى عمليه ترقيع لاكن قبل الفرح بيومين يعنى مش دلوقتى انتى ملكيش ذنب لانو كان خطيبك والفرح بعد شهر وانتى عملتى كده خوفا من ضياعو منك وانتى اتعملتى معاه على انو زوج المستقبل والساتر الوحيد عليكى لاكن بالاخير اياكى تنتظريه هتدمرى مستقبلك وهتدمرى حياتك وكمان بالاخص ان اهلو عرفو مش هويافقو عليكى مهما حصل ولو سؤلوكى قوليلهم لا انا بنت بس كنت بقولكم كده علشان بحب ابنكو علشان ميطلعوش عليكى اشاعه وان شاء الله ربنا هينتقم منو اعز انتقام وانتى هتشوفى بنفسك وشكرا
اختى العزيزه:
انا مع راى الاخ جريح القلب الى جانب انه من الواجب عليكى التوبه وفى هذا انصحك بسؤال شيخ مؤتمن وكل مااستطيع فعله لكى اختى العزيزه هو النصيحه ورقم الازهر المجانى هو (107) من الممكن ان تتصلى به لطلب الفتوى وسوف يساعوكى ان شاء الله فى سريه تامه
اختي الكريمه مادام الموضوع اتعرف من جهة بنت عمه واهله… فانتي على خطر عند جوازك من اي شاب ..الرجل بطبعه شكاك لانه ممكن.. وهذا وارد انه يوصل له هذا الموقف من اي جهة وساعتها هتبق حياته كلها عذاب وشك ودمار مابعده دمار وصراع شديد في نفسه ماهو الله به عليم لان اهل هذا الشاب الذي فعل معك هذا لا اعتقد انهم امناء عليك لدرجة انهم سوف يسترونك (ربنا يسترك دنيا واخره)اعتقد فكرة الترقيع لابد من استشاره احد العلماء في جوازه من عدمه في مثل حالتك لانك تهاونتي ايضا وساعتها هينصحك بالخير واللي هتعمليه مع زوج المستقبل ان شاء الله …
يوجدحل اخر ممكن يكون صعب جدا وهو انتقال الاسره باكملها من الحي او البلد ان امكن لكي تبتعدي عن كل من عرف هذا الموضوع ولكن علشان يحصل هذا لابد من مصارحة والدتك واعتقد ان الامر ممكن يكون في صعوبه بالغه عليكم جميعا..
حل اخر الضغط عليه بكل السبل المتاحة لكي يعقد قرانه عليكي وبعدين ابقي اطلقي منه لانه غير امين وغير متربي وانا اضم صوتي للاخ جريح القلب في تقديم المساعده لك حيث انني اعمل بالسعودية ايضاوانا على استعداد تام للمساعده بكل ماأوتيت من قوةفي هذاالامر وانا مستعد بالتواصل معك يا اخي جريح القلب لكي نساعد اختنا ونقوم بالضغط على هذ النذل من هنا عندنا في السعوديه وممكن لو ادارة الموقع تساعدنا في التواصل معك ياخي يبقى جزاهم الله خير كل اللي نحتاجه من هذا الشاب ورقه تثبت انه تزوجك فقط لكي تكون لك وجاءمن الفضيحه..فمطلقه افضل مئات المرات من الفضيحه سترك الله دنيا واخره وان شاء الله ربنا هيجعل لك مخرجالاتنسي التوبه ولزوم الاستغفار ((من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب ))حديث..وشكراا
,وانا افضل راى جريح القلب لسبب اخشى ان تكونى حامل يا اختى وربنا معاكى والله
كل اللى هقدر اقوله لكى يا اختاه ربنا يخرجك من محنتك بس انا عجبانى فكرة جريح القلب ده حل كويس والله وربنا معاكى
احزر ثم احزر ثم احزر من بنات المدن” القاهرة والاسكندرية….الخ
كان عندى حق لما قلت بنات المدن مش كويسين. انا دلوكتى اقتنعت بان مفيش ثقة فى بنات المدن “القاهرة والاسكندرية” , اللى فقدت عذريتها واللى ضاع شرفها واللى عاملة عملية ترقيع واللى ماشية على حل شعرها واللى ماشية عريانة. واللى شغالة رقاصة واللى واللى واللى …..الخ انا خلاص عملت اضراب عن الزواج . انا كرهت نفسى وكرهت الدنيا وكرهت البنات بسبب فعل البنات…يارب ياحى يا قيوم بحق عرشك ان تنتقم لنا من كل بنات حواء. انا انصح كل شاب ان يصرف نظر عن فكرة الزواج , مين عارف امكن زوجتك وحدة من اللى عملوا عمليات ترقيع. خد بالك على نفسك من الوقوع فى العار. واذا قررت انك تتزوج ليس امامك سوى بنات صعيد مصر او بنات الفلاحين. هذه نصيحة لك
انا مش عارف هوه عمل كده ليه انو سافر ؟؟ لاكن هوه مقدرش اد ايه انتى ضحيتى عشانه عشان ترديه لاكن هتفضل الفكره عند الرجاله الى تسلملى نفسها متجوزهاش مع انو بيعمل البدع عشان يوصلها وان موصلش يقول برده او يسبها؟؟كل الى اقدر اقولو ليكى انك تصرحى اهلك واهلو ويكتب عليكى رسمى حتى لو بتوكيل لحد وهوا فى الغربه ويطلقق بعدها لان الخاين هيفضل طول عمره خاين
انا اعتقد انه من الاول كان يختبرك ويختبر اخلاقك لان ذا مستقبله.. ومن وجهة نظره انك فشلتي وراح يبحث الحين عن الافضل.. وانتي عمرك 25 وكبيره يعني التصرف غير لائق جدا بفتاه مشلمه مثلك..ع العموم انا مو جايه اعاتبك الي فات مات ..لاتنتظرينه لانه غير امين ومايصلح يشاركك بقية حياتك .. لو انا منك ارسل عليه حد يضربه ويعلمه الادب واذا تبين اساعدك ماعندي مانع هاتي عنوانه برسل عليه البودي قارد ~ تشاوو
أنا وجهة نظري من خلال حديثك انه في كل الاحوال لايؤتمن ولايوثق به ولايصلح لك زوجا .أما موضوع الترقيع للغشاء وانك تصارحي أي عريس متقدم لك او لا فأنا أنصحك بالذهاب لعالم دين موثوق به وأمين وعلي قدر الفتوي واستشيريه في هذا الامر وخذي بنصيحته أو فتواه.
بصى هو انتى من الاول غلطتى انك تخرجى معاه لوحدكو وغلطتى كمان اما رحتى شقة اخته اللى مسافرة 4 مرات وغلطتى اما مسيبتيهوش اما حضنك ف الشقة اول مرة كل اللى عملتيه انه انتى زعلتى الموقف دا يعلمك ويعلمنى ويعلم بنات جيلنا كلهم اننا منعملش زيك كدا عشان العواقب متكونش وخيمة وربنا يستر عليكى وعلى بناتنا اجمعين
السلام عليكم ورحمةالله وبركاتة
حمش حتكلم علي غلط بس عايز اوضح ان حضرتيك غلطي من ساعات ما سمحتي بكلام مش المفروض ان يتقال في فترة الخطوبة حاولي عرفي اهليك صحيح الموضع صعب وحيحصل مشاكل بس تتدخل الاهل ولما يحس هذا الشخص ان انتي مش لوحديك ممكن يصلح الغلط ولكن اذا عملتي العملي ممكن يرجع ويعاير حضرتيك طوال عمريك وهو شخص مش عندو اخلاق
توب الي الله وربنا كريم
حبيبتى اولا لازم تتوبى الله تانيا اعملى العمليه لان انهارده الشاب بيشوك فى صوابع ايده ولم تقولى لواحد اللى هيجى يتقدملك الموضوع دا والله ليفضحك اعملى العمليه واكيد انك اتعلمتى ويمكن الموضوع دا يقربك من ربنا اوى ومتفكريش فيه ولا تستنى دا كلب (نهله طلعت)
يا بنت الكرام احمدي الله ان علاقتك به انتهت فهو لا يستحقك ولا يستحق العيش معه انتي اخطأتي ولا ادري عن عمليات ترقيع غشاء البكارة ولا تقلقي فهناك رجال متفهمين سيسترون عليكي اذا شرحتي لهم موقفك واحذرك من الكذب
السلام عليكم / أختي الفاضلة , لا أعرف ماذا اقول على هذا الشخص ولكن يا أختاه وأنا اقول اختاه وانا اقولها من كل قلبي لان انا عندي اخوات بنات فانا لازم اكون امين معاكي انتي عندك 25 سنة يعني عارفة كل حاجة وده مسلسل بيتكرر كل يوم مسلسل ان شاب يستددرج البنت وعلى فكرة عمرة ما كان هيعمل حاجة غصب عنك يا اختي ليه عملتي كده فى نفسك ارجوكي كلميه تاني وثالث ورابع وانا معاكي وانا موجود فى السعودية حاليا لو عاوزاني اكلمه او والدي هنا معايا يكلمه على اننا قرايبك انا جانيك يا اختي الغالية ادعى ربنا انه يكون جنيك ودي محنة شديدة فى رايي ربنا معاكي واستغفري ربنا وان شاء الله تتحل ارجوكي ردي علي لو محتاجة مساعدتي وبالنسبة لعملية الترقيع دي مش حل ده عذر وحل اقبح من الذنب .
السلام عليكم انا شياب عندى 27سنة وتزوج المهم مطوليش عليكم انا حبيت اقول لخوت ده اهلك قولو مليش دعواوالله الغلط علىاهلك يابنتى المعرفوش يربواربنا معاكى بس نصيحة بليش تخدعى راجل انتى هتكونتى على زماتؤ وربنا يسترعلى حالنة ربنا معاكى
الاخت الفاضلة،
عليكي اولا بالتوبة والرجوع الي الله عز وجل ، لأن ما حدث هو تقصير منك في امانة كانت لديكي ليست ملك لك فقط ولكن ملك لعائلتك وهم شركاء في هذه المعصبة فاتق الله ، فال تعالي ( ومن يتق الله يجعل له مخرجا) فعليك بالرجوع الي الله والتقوي اولا وعليكي ان تكلميه وتذكرية بتقوي الله عز وجل ، فإن تاب واصلح ما اخطأ كان بها وإذا لم يصلح ما افسده فاتركيه الي ربه هو القادر علي كل شئ وعليك ان تنظري الي الامام وليس الي الخلف لأن هذا الشخص اذا لم يتوب الي الله فلبس فيه الخير فلا تندمي علي شخص خان الامانة وضيع عرض فتاه ضعيفة قليلة الحيلة ولا تيأسي من رحمة الله وأذا امكن ان تجري جراحة تصلح ما افسده هذا الشخص فافعلي وامضي في حياتك ولا تخبري اي شخص يتقدم اليكي بما حدث، ويجب ان يكون هذا الشخص الذي سيرتبط بكي من مكان آخر غير من غير المحيط الذي تعيشين فيه حتي لا يسمع في يوم من الايام ما لايرضية عن ماضيك وعليكي ان تقطعي علاقتك تماما بهذا الشخص الذي غدر بكي وعليكي ان تتأكدي قبل ارتباطك بأي شخص أخر ان هذا الشخص الاول لن يبتزك ويطلب منك العوده اليه في الحرام بعد ارتباطك بشخص اخر ويفسد عليكي حياتك الجديدة وتظلمي الشخص الذي ترتبطين به
(اختي الفاضلة ارجو مناقشتي اذا كان هناك اي توضبح تريدين معرفتة تجاة هذا الموضوع)