انا مشكلتى طويلة ياريت متزهقوش بس ارجوك محتاجة مساعدة ارجوكم انا عندى 19 سنة فى اولى كلية حبيت ولد معايا فى نفس فرقتى فى الكلية حبيتة من شهر 11 اللى فات حب من طرف واحد طبعااا وانا لى زميل خليتة يعنى يتعرف علية وكدا وبعدين بقوا اصحاب الولد وحبيبى دة وبعدين صديقى صور حبيبى صور وبعتلى الصور دية على الفيس انا فرحت جدا بيها وبعدين قولت ااجل موضوع الحب دة للترم التانى عشان امتحاناتى كانت قربت وبعدين الترم التانى لقيت صديقى بيقلى ان الولد دا بيقول على صحبتى انها سورى يعنى مزة وانة عايز يصاحبها وكدا انا زعلت اوى وبعدين انا كنت عاملة جروب وصديقى خلاه الولد دا يشترك فية وبعديها اتكلمنا على شات الجروب واخد ميلى وضفنا بعض واتكلمنا وفى اول مرة اتكلمنا فيها سالتة ان كان بيحب او لا قالى لا فانا فرحت اوى اوى واليوم اللى بعدة على طول قالى على فكرة انا بحب بنت قربتى وانا مرضتش اقولك اول مرة عشان مكنتش اعرفك وكدا وبعدين سالنى ان كنت بحب او كدا طبعا انا اضايقت وقولت لا مش بحب وبعدين كنت بلاحظ انة بيبص للشلة بتاعتى كتير اوى فقلتلة انتا لية بتعمل كدا وللاسف الاسالة اللى كنت بسالهالة كان صديقى دا بيسالهالة بردة وبعدين سالتة على اسم حببتة مرديش يقولى وقالى هقولك المرة الجاية وبعدين من سذاجتى قولتلة على فكرة انا دلخت على البروفيل بتاعك وشفت ميل حببتك وكانت البنت حاطة صورة بتقول قول اول حرف من اسم حبيبك فهى كتبت ……وهو كتب …. انا مش عايزة اكتب اول حرف اوك…فانا قولتلة على الحكاية دية فقالى انتى وصلتى لدية كمان قلتلة عادى يعنى وبعدين اخر مرة كلمنى فيها بقى قالى انتى بتنقلى الكلام وانا حر ابص للشلة او ابص برحتى انتى مالك هتعملى اية يعنى وبعدين بعدها لقيتة عملى بلوك من الفيس بتاعه وطلع من الجروب بتاعى وانا والله كنت بقول لصديقى على حكاية ان حبيبى بيحب انى بشتكى مش بنقل كلام والله وبعدين الموضوع دة فضل شهر وبعدين انا مش حذفتة من الياهو لكن هو حذفنى وبعدين من كام يوم خليت صيقى يكلمة تانى ويقلة لية مش بيكلمي فقالة انها بتنقل الكلام وانة حذفها وانة مش هيعرف يكلمها فصديقى قالة انها مش حذفتك وبعدين كلمت حبيبى تانى بعدها بدقايق وكلمنى اذيك واذيك واخبار المذاكرة وكدا وبعدين حسيت بانى جرحت كرامتى انى كلمتة تانى وبعدين قمت حذفاة انا وبعديها بكام يوم حاولت انى ارجع ميلة بس معرفتش انا ممكن اخد ميلة من صديقى بس انا مش راضية والله والمشكلة انى بشوفة كل يوم فى المدرج والكلية ومش قادرة انساة انا بحبة جدا جدا جدا جدا انا كنت بفتح النت اربعه وعشرين ساعه عشان لما يفتح اكملة انا دلوقتى مبزاكرش خااالص خالص والامتحانات قربت اوى اوى وانا لسة بحبة ومش عارفة اعمل اية ولما بشوفة بزعل اوى وبفتكر كل حاجة وبعدين بقوم مرزكة معاه طول اليوم لحد مايمشى وساعات بحس انة عارف انى بحبة سااااااعدونى ارجوكم
الحب من طرف واحد
استمرار الحب لزميلي رغم جرحه ليا
اضيف بتاريخ: Sunday, January 8th, 2012 في 23:17
كلمات مشاكل وحلول: الحب, الحب من طرف واحد, مشاكل الحب
ازايك ياقمرالبنات عيب كل اللي تعمليه دافي حق نفسك واهلك اقطع علاقتك بالولد السافل ده واياكي ان تنخدعي بكلامه الشيطاني الخبيث واهتمي بمذاكرتك الاختبارات على الابواب ركزي في دروسك بلاش جنان مراهقات وربي ينجحك ويوفقك ويصلح حالك
بصي الحب مش حرام وملهوش سن معين ممكن تحبي في اي وقت ولكن المشكله في حكايتك انك بتقولي انه حب من طرف واحد وكمان جرحك والبنت كرمتها بالدنيا صدقيني والله حسه بيكي ولكن صدقيني كرمتك اهم حاجه وسيبك منه هيحبك وهيتمني انه يكلمك لان الولدبيحب البنت التقيله انا نصحتك وانتي حره
ازيك الاول انا شايفة انك متفكريش فية تانى لانكلسة في اولى جامعة ولسة قدامك ان شاء الله العمر واكيد هتقابلى الشخص اللى يستهلك بجد دلوقتى اهتمي بدرستك الاهم
انت غلطانه انسي الولد دا و عيشي حياتك وركزي في الامتحانات وربنا يوفقك وماتنسي كرامتك الاهم
يا بنتى وين احترامك لنفسك وين شخصيتك وين كبريائك
اولا ازيك عارفه انا بشوف مشاكل كتير بس عمرى مابرد علي مشاكل اى حد بس هرد عليكي لاني في جامعه زيك ومريت بتجربه زى دى واسخن ومازلت بعاني منها كلمت واحد من الجامعه برضو ولمه سيبته بقي يغيزني مع بنات المهم خلينا فيكي انتي بصي انا حسيت من كلامك كدا انا صديقك دا اللي حاكي للولد حبيبك دا كل حاجا من وراكي والله واعلم بس احساسي كدا تاني حاجا شكلك حبيبك دا اول مره بنت تعجب بيه عشان كدا ممروع عليكي بصي انا مش هقولك انسي عشان دا صعب وغير كدا انتي لسه في اولي يعني قدامك تلات سنين تاني هتشوفيه مش عارفه اقولك ايه لاني في موقف اصعب منك
هاي انا بنصحك انك بتكرهي الحب لانو عداب فحسب
انا مريت يتقريبا بنفس تجربتك ده والحمد لله دلوقتى ربنا كرمنى
بس عايزه اعرف منك الاول قبل ما اقولك انا عملت ايه
انتى دلوقتى فى امتحناتات ولا دخلتى الاجازه وبتشوفيه دلوقتى لو انتى فى الامتحانات
تانى سوال انتى مفيش حد بيحاول يتقربلك مفيش واحد بيحبك وايه احواله ده
منتظره منك الاجابه على السووالين دول وبالذات السوال التانى وهقولك تعملى ايه