اسرار البنات

شاب بيهددني انه يفضحني امام خطيبي

ارجوا منكم ان تساعدوني انا وقعه في مشكله كبيره انا حبيت واحد ووثقت فيه وكنا بنخرج احنا واصحابنا وكنا كويسين مع بعض والمهم ان احنا اتصورنا انا وهو و تركنا بعض ودلوقتي انا مخطوبه وبحب خطيبي لانه انسان محترم وبيحب الاحترام وخايفه اقله علي موضوع الصور ليتركني وانا والله ندمت اني عرفت الشخص ده وتوبت واستغفرت ربي اني اتعرفت بيه وانا غيرت رقمي لما اتخطبت وهو دلوقتي بيطاردني في الجامعه وبيمشي ورايا هو واصحابه وعاوز يوصل لخطيبي ويوريه الصور ومسجل ليا مكالمات علي التليفون وانا مش عارفه اعمل ايه وقال انه هيبعت الصور لخطيبي وينشرها في الجامعه ويبعتها لاهلي في البيت وانا مش عارفه اتصرف ازاي اقول لخطيبي واصارحه ولالا ولو قلتله هيسبني ومش هيسامحني وحتي لو قلتله وقدر يسامحني هيزلني بيها طول عمره ارجوا منكم المساعده انا خايفه ليقول لخطيبي ساعتها مش عارفه اقوله ايه انكر ولا اقوله علي اللي حصل وانا توبت وندمت علي انا عملته ده وربنا يقبل توبتي ويسامحني ومش عارفه اعمل ايه ارجو منكم المساعده وجزاكم الله كل خير

مشاكل وحلول ذات صلة

اضيف بتاريخ: Thursday, May 12th, 2011 في 18:36

كلمات مشاكل وحلول: , , ,

42 رد to “شاب بيهددني انه يفضحني امام خطيبي”

  1. ابوالبتول
    07/09/2018 at 20:00

    شوفي ياحبيبي زيما قال لك الاخ -فاعل خير- اتفق معه في كل ماقاله لك لحل دي المشكلة اللي انت واقعه فيها وكمان برضو عليك عدم الاهتمام بالكلب ده وتهديده القذر لك اوعي تخافي منه او تضعف امام تهديده لك كوني قوية وشجاعة امامه وقوليله انك اعطيت الشرطة اسمه ورقمه وكل تفاصيل عنه وان لك قريب في الشرطة برتبة كبيرة واخبرتيه بالحقيقة كلها وسوف يجبوك ياكلب لوكنت في اخر الدنيا وخليك تلعن اليوم اللي جيت فيه لهذة الدنيا واقفل الخط ولاتعبريه خالص وصدقني انه بعد دي المكالمة سوف يخاف ويعمل لك الف حساب وعمرو ماهيتصل فيك ثاني النوع ده من الناس جبان وخايف جدا ولايجرو على عمل شئ لك ابدا وربنا يسترعليك ويؤفقك ويسعدك مع خطيبك وتفرحوا ببعضكم عما قريب ان شاء الله ياست العرائيس

  2. ايمى
    11/06/2015 at 15:36

    بصى انتى هتقولى للولد ده انك انتى مش عايزه تعرفيه وكمان صارحى خطيبك بس قويله انى عمرى فى حياتى مكذبت عليك وانا ندمانه على اللى حصل وقولى هعمل ايه وهعمله وبعدين ده خلطك يا اختى استغفرى الله وادعيلوا ان يبعد عنك هذا الشاب

  3. فاعل خير
    05/06/2015 at 18:46

    بصي يا بنت الناس
    الصح يتلخص في كلمتين
    انك تقولي لخطيبك وتصارحيه بكل حاجة لانه لما يعرف منك احسسن من انه يعرف من غيرك
    وانتي تقوليله ان الكلام دا حصل قبل ماتعرفيه وانك فعلا ندمتي علي كدا وتقوليله ان من يوم ماخطبك وانتي نسيتي الموضوع القديم دا وانك كنتي مستنية الوقت المناسب الي تقوليله وتصارحيه ب الي حصل وانك فعلا بتحبيه ولو انك مش بتحبيه ماكنتيش صارحتيه بالموضوع دا وقوليله انا حكيتلك علي كل حاجة والقرار يرجع ليك

  4. محمد نبيل السيد
    25/07/2014 at 21:59

    لو خطيبك ده بيحبك اوي وبيموت فيكي صارحييه بس واحدة واحدة ومتعرفهوش اني في حد بيهددك قوليله كنت بحس بتانيب الضمير وانا مش كنت بحبه والكلام من ده ودي كانت نزوة شيطان ومعرفشي ايه اللي حصل وندمت بس كانت عقليتي صغيرة ومش فاهمة وهو لو بيحبك هيسامحك بس ممكن يتقل شوية وفي الاخر هيرجعلك تاني ان شاء الله ولما الزفت التاني ده ييجي يواجهه خطيبك مش هيقبل منه اي كلام خالص بس دلوقتي ملكييش دعوة بالزفت التاني ده والل فيه الخير يقدمه ربنا ده كده ابن كلب هيخرب بيتك كل عريس هييجي هيطفشهولك

  5. نونا حسن
    26/05/2014 at 15:55

    استغفرى ربك وصرحى ولدتك واحمدى ربنا انك بعتى عن هذا الولد قبل ما تغلطى غلط كبير

  6. ملاك
    04/01/2014 at 14:28

    نصيحتي احكي لخطيبك بطرقة لبتشوفبها مناسبه حسب شخصيته وصلي وادعي لله يساعدك مادامك ندمانه واستغفرت الله بيصير خير احكيله من شان ماتعيشي بالعداب طول عمرك ولو تركك يبق مفيش نصيب معاه ومبيحبكيش لأنو هاذي اشياء قديمه ولو تركك الله يبعتلك احسن منو وفيه الخير الك ويحبك اكثر

  7. نـوني
    02/12/2013 at 19:23

    أذا كان عنده دليل قوي لا تروحين ول تسوين شي ووحتى اذا رحتي راح يفضجك انك رحتتي لمه 🙂

  8. اختكم في الله
    08/11/2013 at 20:17

    انا راي تقولي لحد انت بوثقي فيه و كتري من الصلاه والاستغفار و دعي ربنا بعد صلاة الفجر و اعلمي ان الله غفور رحيم و بقدرته راح يوريلك الصواب انصحك تقولي لخطيبك لكن بعد مقديمات مطوله وبادن الله راح يسامحك وحتى لو ماسامحك انت تكوني اعتقتي رقبتك و ما يبنى على الكدب توقعي ان ينهار في اي لحضه

  9. Yuri Boyka
    31/03/2013 at 16:02

    لالالا ماتقوليش لخيبك حاجه وتجاهلى كل الكلام ده وهوا مش هيقدر يعمل كده علشان هوا كمان موجود معاكى فى الصوره وطبعا هوا عارف انو لو ورها لحد والموضوع اتعرف هوا كمان هيتأذى من اهلك وهيجيب لنفسو المشاكل صدقينى ما تديهوش اى اهتمام وهوا بس بيخوفك مش اكتر انما هوا مايقدرش يعمل حاجه زاى ما قولتلك

  10. ريما الدوسري
    01/09/2012 at 02:47

    لا لا انتبهي تقولي لخطيبك حتى لو قلللللتي له راااااا يشكككك فييييكي بعد الزواج نصيحه لا تقولي لخطيبك نصيحه منني

  11. منة
    30/08/2012 at 03:55

    استغفرى ربنا و توبى الية اكيد كل بنت غلطت نفس الغلطة و كل بنت لازم تصاحب و تسيبة بسبب المشاكل و اكيد خطيبك هيعزرك ان اللة غفور رحيم

  12. الحل
    11/08/2012 at 17:12

    اسهل حاجه تتكلمي معاه وتقوليله انا دلوقتي مخطوبه اعتبرني زي اختك وانتا مترضاش علي اختك كده

  13. عمر باشا_كفر الشيخ
    08/04/2012 at 15:16

    اختى لا تقلقى
    الشب ده لو هيعمل حاجه كان عملها من غير مايهددك اللى بيفكر يعمل حاجه ذى دى
    مش بيقول عليها وطالما هو هددك يبقى هو انسان ضعيف جدا ولا يستطيع ان يفعل اى شئ
    واتمنى من الله ان يتقبل منك وان لا تقعى فى هذا الخطا مره اخرى

  14. حلاوتهم وجريئه
    09/02/2012 at 16:30

    متخفيش يا سنيوره انتي قمر انتي بتقولي انا مش بغض ربنا ومخلصه اكيد لخطيبك خالص قولي يارب وكل حاجه هددعدل ربنا هو الحكم وهيحكم عليه يحصلو كده في مراتو او اختو او مراتو وعيال في المستقبل لو ده ليه مستقبل اوعي تقوالي للخطيبك لانو هيسيبك ولو مش سابك هيعيرك فيم بعد

  15. خايفة عليكى
    19/01/2012 at 20:48

    انصحك يا اختى انك تقولى لحد من اهلك ولتكن والدتك مثلا الورطة دى مش انتى بس اللى فيها بنات كتير بس دى غلطتك
    بس لازم والدتك تعرف هى هتعرف تتصرف ممكن تقول لعمك او خالك وهما يتصرفوا مع الحيوان ده المستبد
    واوعى تسيبى نفسك ليه ده ممكن يقولط اعملى كذا وكذا والا اقول لاهلك وخطيبك
    ولو صادف وانكوا اتكلمتوا متخليهوش يحس انك خايفة منه وان دى نقطة ضعف قوليله انا بنفسى اللى هقولهم ويعرفوا يتصرفوا معاك

    ومهما كانت النتايج بينك وبين اهلك كله احسن من ان خطيبك يسيبك
    او ان اهلك يعرفوا منه هو دى هتكون صدمة كبيرة ليهم

    لازم تشجعى وتقوليلهم على كل حاجة واقوليلهم انك عرفتى غلطك خلاص وتوبتى واستغفرى ربنا كتييييييييييييييييييير
    يارب يا اختى ربنا يفرج همك ويزيل كربك
    اما قصص الحب دى قبل الزواج فدى حرااااااااااااام بس مش انتى لوحدك كده بنات كتير والناس دلوقتى مش بيعتبروها عيب فمتخافيش ابدا

    وادعى ربنا كتير ان يحفظك ويعبد عنك اللعين ده الفاسق ويهديك لرجل ذا دين واخلاقك يستحقك

    حافظى على نفسك يا اختى

    اهلك يعرفوا او متتجوزيش حتى ولا خطيبك يسيبك احسن كتير من انه يستبدك
    وانا واثقة ان ده مش هيحصل ابدا لو سمعتى كلامى واستغفرتى كتير وقربتى من ربنا وترتقى فى الايمان
    ايه المانع انك تلبسى نقاب مثلا بس مش دلوقتى لما علاقتك مع ربنا تتحسن صدقنى هتحسى بجماله ولا حد يعرفك وتحسى كده انك درة مصونة وسعتها هو هيندم عليكى وهيبكى بدل الدموع دم صدقينى

  16. الطفله البريئه
    12/01/2012 at 06:12

    سيبيها على الله مادمتى خلاص تبتى وندمتى فالاقدر الله لووصل لخطيبك قولى لخطيبك الحقيقه وانشالله مادام بيحبك هيسامحك لان ربنا بيسامح ولو مش سامح او حسيتى انو هيفضل يعايرك زى مابتقولى يبقا مافيش نصيب وصدقينى يبقا ربنا عمل كدا عشان خطيبك الحالى مالكيش ولا نصيب ولا خير معاه
    بصراحه لو كنت مكانك كنت عملت كدا وانتى مش عملتى جريمه يعنى

  17. ديدو
    06/01/2012 at 23:54

    انا راي توصلى الموضوع لعميد الكلية او اى حد مسؤل فى الكلية يوقفة عند حدة لان دا مش عاوز الادب دا عاوز الواحد يتعامل معاه بطرق الحرب انتى كمان هددية انك هتروحى لاهلة وتعرفيهم بسفالتة وبينيلة انك مش مهتمة بخطيبك

  18. lola
    02/01/2012 at 00:50

    ان الله يغفر الذنوب جميعا–حطي دايما ده في تفكيرك — من رايي تقعدي مع خطيبك وتقوليله اد ايه انت بتحبيه وبتحمدي ربنا انك ارتبطي بانسان محترم زيه وتفهميه كده كويس وان اي حاجه قبله مش تعتبر حب وتصارحيه ان انت كنت بتكلمي شخص قبله وكنت حاسه انه مجرد صديق وكانت علاقتكم لا يوجد بها شيئ محرم وانكي تركتي هذا الشخص من تلقاء نفسك وبعدما ارتبطتي بخطيبك ظهر وهددك انه يقوله ان انتي كنتي بتقابليه وهيوريه الصور اللي بينكو وكده وتاكدي اوي علي مدي حبك لخطيبك وهو طالما بيحبك هيسامحك هو بس هياخدله فتره صغيره علي ما يستوعب الامر وهيحترم فيكي بعد كده شجاعتك وانه بقي قريب ليكي جدا لدرجة انك تحكيله علي حاجه محدش يعرفها غيره

  19. الحمد لله
    01/01/2012 at 10:54

    يا حبيبه قلبي انا مش عارفة اقولك ايه بس يارب هما يقلولك الحل انا كان هيحصل معايا نفس الشي من واحداتعرفت علي من الشات واتكلمنا ومرة بعد مرة بنت عمي شجعتني اني اقبله قابلته اول مرة طلب انه يصورني بس انا رفضت قالي انه هيصورني انا وهوا مع بعض بسرعة رفضت لاني كنت فاهمة انوا هيحصل حاجة زي كده بس الحمد لله بجد الحمد لله يارب انا رفضت قالي خلاص هصورك علي الموبايل صورة سريعة بروا رفضت بس معرفتش هوا طلب مني كده ليه ومنعت نفسي اني اروحله وكنت انا الالي بوحله في الشغل علشان اضمن انه مش هيمشي ورايا وكنت برضوا حاسة انو بيسجلي وربنا ستر الحمد لله وبدات اقطع علقتي بيه فانتي ربنا معاكي وصلي ركعتين لله صلاة استخارة وشوفي ربنا هيرشدك لايه

  20. انور
    29/09/2011 at 23:08

    يبنتي احسن حل والله تصارحي مامتك الي هي والدتك وتروحواعلي بيت الشب وتتكلموا مع ابوة وامة وانا متاكدة انوا ابوة حيحطلة حدوهو حيخجل اما غير هيك لا لان لو روحتي للشرطة حينتقم اكتر روحي لاهلة احسنلك

  21. mody
    29/09/2011 at 16:38

    معظم الردود غير مفيده وبذات اول رد
    اولا هو لو عايز يفضحها هيفضحها واسهلها ينشر صورها ع الفيس واكيد مش هينشر صوره معايها او على الاقل هيقصها وكمان مش لازم تكون كل الصور محترمه . الله اعلم . المهم هى مش هتعرف تثبت قانونى ان هو اللى عمل كده . ده لو هو ناصح يعنى . واكيد هو ناصح لانه لو مش ناصح مكانش هددها اصلا . ثم انك لو دخلتى فى قصص نيابه والحاجات دى انتى مش بس خطيبك اللى هيعرف لا ده الدنيا كلها هتعرف وتتفرج كمان بالاضافه الى انك مش هتاخدى حق ولا باطل فانا شايف ان احسن حل لنك تلاعبيه بنفس طريقته ومدام كان صاحبك يبقى انتى اكيد عارفه عنه حاجات كتير لاااازم تمسكى عليه حاجه و من هنا مبدا العين بالعين وتهدديه انتى كمان لو هددك وهو ساعتها هيضطر ينسى الموضوع وده من واقع تجربه شبيهه بموضوعك انا مره عملت مع واحده زى صاحبك ماعمل معاكى وكنت بقولها كلام اوحش من كده بكتتتير بس بصراحه بينى وبين نفسى انا كان عمرررى ما حعمل كده لا مع البنت دى ولا مع غيرها حتى لو هى مش كويسه . انا مش متدين ويمكن مش بصلى اصلا بس فى ربنا برضه واحنا عندنا بنات . واحتمال كبير اوى يكون بيهدد كلام بس . اما لو معرفتيش تمسكى عليه حاجه فقوليله بعد فتره انك اكتب كتابك خلاص واعمل اللى انت عايزة ميهمنيش وحاولى توصلى لمامته وتقوليلها او باباه . ده رأيي وربنا معاكى

  22. HanyMoh
    23/09/2011 at 06:34

    كنت قد كتبت مقالة والشق القانوني بها سيفيدك جدا..

    وها هو…

    من الناحية القانونية

    قانون العقوبات
    الباب السابع
    القذف والسب وإفشاء الأسرار
    مادة 309 مكررا (138)
    يعاقب بالحبس مدة لا تزيد على سنة كل من اعتدى على حرمة الحياة الخاصة للمواطن ، وذلك بأن أرتكب أحد الأفعال الآتية فى غير الأحوال المصرح بها قانونا أو بغير رضاء المجنى عليه :

    (أ) استرق السمع أو سجل أو نقل عن طريق جهاز من الأجهزة أيا كان نوعه محادثات جرت فى مكان خاص أو عن طريق التليفون .

    (ب) التقط أو نقل بجهاز من الأجهزة أيا كان نوعه صورة شخص فى مكان خاص .

    فإذا صدرت الأفعال المشار إليها فى الفقرتين السابقتين اثناء اجتماع على مسمع أو مرأى من الحاضرين فى ذلك الاجتماع ، فإن رضاء هؤلاء يكون مفترضا .

    ويعاقب بالحبس الموظف العام الذى يرتكب أحد الأفعال المبينة بهذه المادة اعتمادا على سلطة وظيفته .

    ويحكم فى جميع الأحوال بمصادرة الأجهزة غيرها مما يكون قد استخدم فى الجريمة ، كما يحكم بمحو التسجيلات المتحصلة عنها أو إعدامها .

    مادة 309 مكررا (أ) (138)

    يعاقب بالحبس كل من أذاع أو سهل اذاعة او استعمل ولو فى غير علانية تسجيلا أو مستندا متحصلا عليه بإحدى الطرق المبينة بالمادة السابقة أو كان ذلك بغير رضاء صاحب الشأن.

    ويعاقب بالسجن مدة لا تزيد على خمس سنوات كل من مدة بإفشاء أمر من الأمور التى تم التحصل عليها بإحدى الطرق المشار إليها لحمل شخص على القيام بعمل أو الامتناع عنه .

    ويعاقب بالسجن الموظف العام الذى يرتكب أحد الأفعال المبينة بهذه لا المادة اعتمادا على سلطة وظيفته.

    ويحكم فى جميع الأحوال بمصادرة الأجهزة وغيرها مما يكون قد واستخدم فى الجريمة أو تحصل عنها ، كما يحكم بمحو التسجيلات المتحصلة عن الجريمة أو إعدامها .

    مادة 310

    كل من كان من الأطباء أو الجراحين أو الصيادلة او القوابل أو غيرهم مودعا إليه بمقتضى صناعاته أو وظيفته سر خصوصى ائتمن عليه فأفشاه فى غير الأحوال التى يلزمه القانون فيها بتبليغ ذلك يعاقب بالحبس مدة لا تزيد على ستة اشهر أو بغرامة لا تتجاوز خمسمائة جنيه مصرى (139) .

    ولا تسرى أحكام هذه المادة الا فى الأحوال التى لم يرخص فيها قانون بإفشاء أمور معينة كالمقرر فى المواد 202 و203 و204 و 205 من قانون المرافعات فى المواد المدنية والتجارية (140) .

    وبناء على ما تقدم فإن الشخص إذا ما كان يمتلك صورا أو مقاطع مسجلة لكِ ويهددك بها،، ويطلب منك فعل أشياء لا ترغبينها وإلا فضح أمرك،، فإنه بهذه الطريقة قد ارتكب جريمتين وهما

    1- التصوير بغير علم ورضا.

    2- الابتزاز.

    وإذا أذاع ما تم تصويره فإنها جريمة أخرى..

    ويمكنك التقدم ببلاغ للنيابة بالتهم المنسوبة إذا لم يرتدع المجرم،، لأن الأمر سيكون قد خرج عن حد الحلول الودية بالتحاور معه وبعد التحريات سيتم رفع أمرك للمحكمة..

    وللعلم المجرمين أكثر خشية وخوفا من القانون لأنهم لا يخشون الله..

    وإذا علم أنك تعلمين كيف تردي على أفعاله وفضائحه فإنه سيرتدع ويترك الأمر ولن يتعرض لك أبدا،، لأنك ستخبرينه أنك ضائعة في كلتا الحالتين،، فلتضيعيه معك،، وبإذن الله لن يحدث شيئا…

    ولا تخبري خطيبك بشيء أبدا لأنه ليس رقيبا عليك في شيء..

  23. Boy
    12/09/2011 at 03:21

    انا افضل انك تقوليله انتى بنفسك بدل ما يجى اليوم والولد ده هو اللى يروح لخطيبك وقولى لخطيبك صدقنى انا اول ما اتعرفت عليك اتغيرت والله ونسيت كل اللى فى ماضيا ومفيش غيرك انت وده مش كذب ولا مسلسل انتى بتقولى انك بتحبيه يعنى فعلا حصل ده وفهميه انك اتغيرتى على ايده واشرحيله مدى حبك ليكى واعتذريله كتيير اوى وكمان فكريه ان ده كان حصل قبل ما تقبليه يعنى مكنتيش لسه تعرفيه وعلى فكره هو لما يقتنع بالموضوع صدقينى ممكن يحللك مشكلة اهلك لأنه ساعتها هخاف عليكى

  24. توتا
    30/08/2011 at 01:58

    فترة الخطوبه معموله عشان تتعرفوا على البعض ممكن يكون معرفكيش كويس قعدى معاه مره وقوليله ان كان فى شاب كان فى الجامعه اتعرف عليكى وصحابك قلولك هنطلع مثلا رحله وطلعنا وخت صوره معاه وهو دلوقتى بيهددنى وعايز يقولك عشان اخسرك وانا مش مستعده اخسرك وكده تكونى رضيتى زمتك عند ربنا

  25. أبو عبد الرحمن
    20/07/2011 at 04:02

    لو انتى مخلصه بجد للتانى وكنتى مخلصه للأولانى تبقى بتاعت شباب ولو كان التانى خطيبك زى ما بتقولى اياكى تبطلى تقووووولى
    اللهم اكفينيه بما شئت واكفنى شر الشيطان وشركه واكفنى شر نفسى
    أنا فى البدايه كنت بهزر والله ماتزعليش

  26. محمد سليمان محمد الجوهري
    03/07/2011 at 13:11

    ده احلى حل فى الدنيا انتى تراقبى الواد اللى معاه الصور وتقتليه وكده تريحى نفسك من انه يقول لخطيبك او انتى تقولى لخطيبك
    .
    .
    .
    .
    .
    صلى على النبى
    انتى توكلى على الله واعملى اللى يرضى الموله علزوجل

  27. الملثم
    13/06/2011 at 10:23

    توكل على الله واعمل الصح وسيبك منه ربن اقوى منه وربن مش هايخسرك وصدقنى مش هايقدر يبعت الصور

  28. Osama Tawheed
    28/05/2011 at 11:37

    اختي صاحبة المشكله وايضا الاخت منه …اي شاب عموما لايتقبل فكره ان تكون خطيبته او حبيبته
    تعرف احد قبله …غالبا نحن هكذا الرجال لدينا بعض الانانيه .. رغم انه قد تكون هذه المعرفه بطريقه رسميه كما في حالة الاخت .. منه … وانا اري انه بالنسبه لصاحبة المشكله التي كانت تعرف شاب ويطاردها في الجامعه … فهناك الف طريقه وطريقه لانهاء ذلك ولكني ارعف انك تخافين من الفضيحه ومعرفة خطيبك … ولا اعرف هل لايوجد احد من زملائك في الجامعه تثقي فيه ليقوم بهذه المهمه … ويقابل هذا الشاب (الحيوان) ويتكلم معه علي انه اخوكي …واكيد سوف يجد الف طريقه للتصرف معه …. فهؤلاء الشخصيات لابد من التصرف معها يشده وحزم اذا لم ينفع معها الهدوء الذي اعتقد بأنه لن يفيد معها … فأبتعدي عنه نهائيا ولا تحتكي به ابدا … ولا توضحي له بأنك ضعيفه خائفه لانك لم تفعلي شئ ما يخيفك او يجعلك هكذا …. فهو اضعف من ان يفعل اي شئ … وابحثي عن زميل لكي محترم تثقي به او اخوكي او حتي امن الجامعه …. وان لم ينفع اي شئ معه … فهناك الشرطه فهي الذي سوف تردعه وتجعله مثل الصرصار لايسوي اي شئ غير الضرب بالحذاء …. وبالنسبه للاخت منه لابد ان تحكي لخطيبك كي تحمي نفسك لانه لابد انه سوف يعرف ذلك يوما ما … سواء منكي او من غيرك … وليس عيبا ان تكوني مخطوبه من قبل … فكل شئ قسمه ونصيب …. ربنا يوفقكم انتم الاتنين بس اعزموني علي الفرح

  29. Roho
    25/05/2011 at 13:48

    لا تغلطي وتصارحي خطيبك لانه عمره ما راح ينسى الفكره والوضع اللي كنتي فيه, عليكي تروحي وتشتكيه في قسم الشرطه وهما راح يوقعوه على تعهد انه ما يجرب عليكي ولا يعترض طريقك مره ثانيه وراح يرجعو الصور اللي معاه .. شكرا

  30. مهموم مصري
    23/05/2011 at 06:03

    هى دى نتيجة عدم التزامنا بتعاليم دينا الحنيف .. مين قال ان البنت المخطوبه لها ان تتصور ولا تخرج تتفسح مع خطيبها ..؟ طبعا انتى دلوقتى بتقولى ياريتنى عرفت تعاليم الدين دى وعملتها ، لكن ايام الخطوبة البنت والشاب بكل اسف بيعتبروا تعاليم الاسلام من التخلف والرجعية وأدى النتيجة ومش انتى لوحدك اللى بتعانى من المشكلة دى دا آلاف ويمكن مشكلتك اهون من بنات تانية مارسة الرذيلة مع خطيبها .. ربنا يصلح حالنا جميعا

  31. fefe
    21/05/2011 at 00:54

    لو خطيبك هيسيبك متقوليلوش وممكن تتكلمى معاه بالراحه وتفهميه وهو لو بيحبك هيسمحك

  32. دهـب المصــــرى - القـاهــــرة
    17/05/2011 at 17:11

    ابنتى الغالية
    دة انسان جبان ورخيص ومعندوش الجراءة يعمل اى حاجة من اللى بيقولة ليكى
    لانة لو كان انسان محترم بجد كان اعتبر هذة فترة مراهقة وانها ذكرى جميلة للصداقة
    ولكن دة حيــــوان وما يقدرش يعمل حاجة بالصور ولاتبلغى خطيبك او اهليك لان خطيبك هيسيبك ولو فضل معاكى مش هيسمحيك عليها ابدا ولو ابوكى او اخوكى عرف ممكن يضربة او يقتلة والموضوع يكبر عموما دية نصيحتى ليكى واكيد انتى تعرفى حد من اصحابكم يعرفكم انتم الاثنين ممكن توسطية يجيب الصور منه ولا تسمحى لنفسيك بمقابلتة خارج الجامعه نهائى ولو اضريتى ان تبلغى اهلة مامتة او ابوة هيخلوة يديكى الصور واياكى ان تقابلية خارج الجامعه او فى مكان خاص وما تتصليش بة ابدا على تليفونة لانة اكيد هيسجل ليكى اى مكالمة
    واتمنى ان يكـــــــون هـذا درس ليكى ولكل بنت ماتأمنش لاى شاب تحت اى مسـمى من الصداقة او الحب او الكلام الفارغ دة
    وربنــــايقبـل توبتيك ويهديكى واهتمى بخطيبك ومذكرتيك وبلاش تفكرى فى الموضوع دة وســـيبيها للـة وهو هيقف جنبك لو كنتى توبتى بجـــد

    تحياتى لكى وربنا يحفظ بناتنا جميعا من شر الذئاب البشـرية

    عمـك الحـاج / دهــب المصـــــــرى

  33. دندونه
    16/05/2011 at 10:38

    انا بقول تقولى لبباكى او اخوكى شوفى مين الاقرب ليكى فيهم هما يتصرفوا وبلاش تقولى لخطيبك خالص لانه لو استمر معاكى هيزلك بيها طول عمرة وهيفضل الشك فى قلبه من نحيتك
    وبالنسبه للشاب النذل ده ربنا يردهاله فى اقرب الناس ليه علشان يعرف ان الله حق وافعل يا ابن ادم ماشئت فكما تدين تدان وخلكى قويه كده بلاش تبينى ضعفك قدامه وربنا يعديلك الازمه دى على خير

  34. شاهي ناز
    13/05/2011 at 22:26

    انا رائيي ان تقولي لاخوكي او اوالدك وهوا هيتصرف افضل منك ده اسلم حل

  35. حياتى كلها لله
    13/05/2011 at 21:53

    شوفنى يا اختى هو ممكن يكون بيقولك كدة عشان يفسد عليكى حياتك او عشان ترجعيله تانى وتسيبي خطيبك متخافيش ادام انتى توبتى الى الله صدقينى ربنا هيكون معاكى وهيقف جانبك وهو لو قادر يعمل حاجة بالصور كان عملها لكن هو ضعيف وميقدرش يعمل بيهم حاجة عشان كدة ميملكش غير التهديد وبس سبيها علي الله ومتشغليش بالك وادام خطيبك بيحبك يبقي مش هيستغنى عنك وربنا هيسترها معاكى متقلقيش

  36. ابن الحلال
    13/05/2011 at 02:28

    انتى المفروض تصرحى خطيبك …وتصارحى اهلك قبل ما يفضحك امام خطيبك واهلك …ولو خطيبك بيحبك هيسمحك ومش هيزعل… بس لو عرف من الى معاة الصورة ممكن يزعل واحتمال يسيبك فاحسلك قولى لخطيبك واتمنالك الاتوفيق

  37. mima
    12/05/2011 at 23:46

    يعني هي صور ازاي مش كنتي في اماكن عامة يعني ولا صور بتبوسوا فيها بعض مثلا حاجة زي كدا وسوري علي اللفظ بس انتي مش موضحة اي حاجة
    واحب اقولك ان الصراحة شئ مهم جداااااا يعني صارحية ولو بيحبك هيستر عليكي ومش هيذلك لكن لو جواز صالونات وانتي بالنسبالة الست الا هيجوزها وخلاص يبقا هيسيبك
    واعملي استخارة وفوتي امرك لله والا في الخير ربنا هيقدمهولك وربنا يستر عليكي وعلينا امين يارب

  38. منه
    12/05/2011 at 23:11

    نفس مشكلتى بس الفرق اللى بينى وبينك انا كنت مخطوبه وسبت خطيبى واتخطبت لواحد بيموت فى التراب اللى بمشى عليه وبيموت فيا بس مشكلته انه شكاك وغيار واترددت اقولوا على خطوبتى الاولنيه وقولتلوا قالى عارف وكان مستنينى اقولوا انا وحسيت كمان انه بيشك فيا انى بكلم خطيبى الاول وكل شويه يقولى خليكى صريحه معايا رغم ان مافيش اى سبب يخليه يقول كده مش عارفه اعمل ايه محتاره معاه عايزه ارضيه زى مابيرضينى وخايفه كمان نبعد عن بعض بسبب غيرته وشكه على طول فى نكد بينى وبين نفسى محتاجه اى كلمه من اى حد منك من اى حد لانى بجد مخنوقه

  39. عمري ضاع
    12/05/2011 at 22:26

    انوي توبة نصوحة لربنا واوعي تكلمي الواد ده ابدا وابعدي عن كل سكة هو فيها وابعدي خطيبك عن الجامعة

  40. ندمانة جدااااااااا
    12/05/2011 at 22:12

    اولا لازم تعاهدى ربنا انك مترجعيش لذنبك تانى واسغفرى ربنا كتير وصلى كل يوم ركعتين حمد وشكر لله وادعيله واترجيه لأن ربنا عزوجل قادر انه يخلصك من مشكلتك وانصحك لو حد قالك انك تروحى تقابليه وتتفاهمى معاه بكل هدوء متسمعيش كلامه نهائى لأن انتى مش ضامنة انه يصورك وتبقى المشكلة اكبر بكتير لان فى وحدة قبل كده وقعت فى نفس مشكلتك وقالولها قابليه واتفاهمى معاه بكل هدوء وللأسف زادت المشكلة اكبر من الاول نشرلها صور مفبركة على الانترنت وفضحها الحمار ده ربنا ينتقم منه ومن اللى زيه واعتقد ان الاخوة هنا هيفدوكى اكتر ويريت متعملهوش اى اعتبار ومتبينيش انك خايفة منه ويريت تقولى الدعاء ده على طول…((اللهم اكفينه بما شئت))…*** ويرت تردى عليا

  41. لا اله الا الله
    12/05/2011 at 21:49

    اظن انك لازم تكلمي والدك او والدتك في الموضوع دا وهما المفروض الي يتصرفو مع الحيوان دا
    وبعدين لازم متظهريش خوفك ليه عشان طول مهوا شايفك ضعيفةهيتمادى فيها
    وفي الاول والاخر لو ليكي نصيب مع خطيبك مفيش حاجة هتفرق بينكو ان شاء الله

  42. زائر
    12/05/2011 at 20:13

    الاخت العزيزه تأكدى أن الله يقبل توبة التائب ويساعده فلا تقلقى من هذا الشاب المستهتر فمن منا لا يخطىء ومن منا لا يخطىء كل يوم أنتى أخطأتى فى حق نفسك أكيد وفى حق أهلك ولابد أن تتحملى ولو جزء من الخطأ. المهم ألا تصلحى الخطأ بخطأ أخر وتستجيبى لهذا الشاب وتهديده وافتحى حوار هادىء مع خطيبك واشرحى له الموقف بصراحه لعله يتفهم الأمر وقولى له من منا بلا خطيئه وانتى الحمد لله رجعتى ولكن خطأك أنكى لم تحاولى أن تصارحى خطيبك أنكى كنتى على علاقه بزميل لكى وأن هذا كان طيش حتى تكونى واضحه من البدايه وكان لازم تضعى فى اعتبارك أن الذى يفعل مثل هذا مع بنات الناس ليس له أمان. صارحى خطيبك قبل أن يرسل هذا الشاب الصور حتى تخففى من الخبر فاذا كان خطيبك باقى عليكى وتجاوز الأمر سامحكى.لكن لابد أن تتعلمى بعد ذلك أنه اذا تقدم لكى أحد قبل أن تقبليه تقولى له خاصتاأن هذا الشاب الذى يهددك معه صور وهذا خطأك أكيد.ادعى الله أن يبعد عنكى شر هذا الشاب واستغفرى لذنبك فان الله غفور رحيم.

اترك رداً أو حلاً لهذه المشكلة