اسرار البنات

هربت من اهلي واتعرضت للاغتصاب وبفكر انتحر

بصراحة انا مش عاوزة اعيش خالص وبفكر فى الانتحار بس كدة حرام انا هقول لكم حكايتى انا بنت من الصعيد وطبعا انتم عارفبن ان معظم الصعايدة بيفضلوا الولد على البنت ودى كانت مشكلة نفسية كبيرة عندى المهم انا فى مرة كنت بصبف عند خالتى قابلت ولد وحبيته ونشات بيننا علاقة حب كان عمرى ساعتها 15 سنة وبعدين رجعت وكانت العلاقة بيننا عن طريق الشات ومحدش من اهلى كان يعرف حتى انى ليا ايميل لانهم كلهم مش بيفهموا فى النت خالص وبعدين جبوا ليا عريس اكبر منى بكتير وقعدونى من المدرسة عشا ن اتجوز انا انهرت لاتى كنت متفوقة دراسيا وكان املى اطلع مهندسة ومع ان خواتى الولاد اقل منى دراسيا سابوهم بكملوا وقلت لحبيبى فهربت معاه قبل الفرح باسبوع وروحت معاه محافظته وهو قال لى انى هاقعد مع اخته بس للاسف طلع كان بيخدعنى واغتصبنى وقاللى انه ممكن يقعدنى معاه بشرط يمارس معايا الجنس ومش هبتجوزنى وكنت مضطرة اوافق وبعديها بسنة طردنى من البيت لانه زهق منى وعاوز يمارس الجنس مع حد غيرى. فاضطريت اشتغل شغالة فى البيوت اشتغلت فى فلة بس صاحب البيت كان بيعاكسنى كتير اوى وفى مرة اغتصبنى فعرف انى مش عذراء وهددنى انه هيطردنى ويفضحنى لو قلت لحد .انا دلوقتى ابنهم كمان بدا يتحرش بيا لانى انا جميلة ويمكن دة الى مطمعهم فيا انا مش عارفة اعمل ايه ولو سبتهم اروح فين اسفة انى طولت عليكم بس انا ما صدقت ان كلهم برة البيت دلوقتى فبقول لكم على مشاكلى ارجوكم ساعدونى انا دلوقتى عمرى 18 سنة وخايفة كمان ليكون اهلى فى الصعيد بيدورواعليا وكمان امى وحشتنى اوى انا منهارة
ساعدونى.

مشاكل وحلول ذات صلة

اضيف بتاريخ: Sunday, July 10th, 2011 في 05:58

كلمات مشاكل وحلول: , , , , ,

163 رد to “هربت من اهلي واتعرضت للاغتصاب وبفكر انتحر”

  1. مريم يسطس
    16/09/2012 at 16:36

    الصلاة هى السلاح الوحيد لكل مشكلة ثانيا ارضاء الوالدين هو سر السعادة انصحك بأن ترجعى لبيتك لأنك لن تتوقعى فرحتهم بيكى عند رجوعك.

  2. فاعل خير
    16/09/2012 at 14:16

    انا عندى ل ان شاء الله يكون مناسب انتى غلطى غلط كبير ولكن ربنا اكبر فيه انسان يهمه فعل الخير وانا كلمته وقبل انو يجوزك ويقف معاكى لاخر المشكله وهوى يريد الاجر من الله

  3. nada
    16/09/2012 at 12:28

    ياجماعه العيب مش منها بس من اهلها كمان اهلها الزاي يوفقوا انهم يجوزوها غصب عنها وكمان راجل كبير ف السن اي بنت ف سنها نفسها تعيش حياتها مع حد بتحبه مش راجل كبير اهلها فكرو ف نفسهم ولو حل لمشكلتك ادعي لربنا انو يوقف جمبك اوعي تسمحي لاي حد يقرب منك تاني مهما يكن غير ف حلالك انتي لسه صغيره وقدامك الحياه طويله واكيد هتلاقي ابن الحلال اللي يحبك ويتجوزك

  4. نور عيني
    15/09/2012 at 15:09

    حبيبتي انا هربت مع حبيبي برده واتجوزته شرعي معملناش شئ غلط بس هو في الصل كان خطيبي واهلي رفضه نهائي فتجوزته وحبيته ورجعت لاهلي واتجوزنا وعملنا فرح وهو سافر دلوئت وانا قاعده عند اهلي وخلفت واد ذي القمر بس اقولك حاجه انا ندمت اني هربت وكسرت فرحه اهلي

    بس حكايتك صعبتي عليا

  5. aaa
    13/09/2012 at 01:34

    مشكلتك صعبه كتيرلازم حد يجوزك

  6. Nana
    02/09/2012 at 01:03

    الحقيقه مش عارفه اقولك ايه المشكله ان اهلك صعايده وكلنا عارفين ان الصعايده صعبين شويه حاولي تشوفي شغلانه تانيه وصاحب الشغل اللي بيقولك هيهددك ده هيهددك بآيه اصلا هو يعرف اهلك او حاجه ..؟ > شوفي شغلانه تانيه وان شاء الله الدنيا تتظبط معاكي وربنا يغفرلنا كلنا وانتي اللي غلطانه نمن الاول عشان عملتي كل ده بس انتي بردو سنك صغير وكلنا بنغلط ربنا يوفقك ويساعدك وتشوفي والدتك قريب اكيد انتي كمان وحشتيها واكيد هي اللي اتظلمت في الموضوع ده كله عشان هي ام وحلم حياتها انها تشوف بنتها بالفستان الابيض 🙂

  7. nader
    25/08/2012 at 00:24

    اولا انتي غلطانه من ساسك لراسك لكن انا هحاول اساعدك من غير ما انهرك اهم شئ تدعي ربنا باستمرار تصلي وتسيبك من الجنس والاغتصاب والبلاوي دي (لان ربنا بيقول ومن يتقي الله يجعل له مخرجا )ثانياحاولي تشوفي اي حد من طرف اهلك يساعدك انك ترجعي تاني بس بطريقه جس النبض يعني روحي لخالتك مثلا وقوليلها اسالي اهلي لو عايزني ارجع وخدي رقم تليفونها وحاولي متتاخريش عندها عشان هيا هتحاول تتصل بحد من اهلك ضروري وسيبيها وامشي وبعدين ابقي كلميها في وقت تاني وشوفي راي اهلك ايه اكيد هما هيبقوا ملهوفين عليكي المهم لما ترجعي هيسالوكي قوليلهم انا كنت شغاله وقاعده عند ناس كويسين وطمنيهم عالاخر لحد ما يهدوا وبعدين ابقي فكري مع نفسك بقي في البلاوي التانيه دي بس اهم شئ ترجعي لاهلك مهما كان التمن لانك متنفعيش تعيشي في الشارع تبقي لقمه رخيصه لاي حد كدا ولو حتي وصلت انهم موتوكي تبقي مش انتي اللي موتي نفسك كدا كدا انتي عايزة تنتحري لكن ان شاء الله مش هيموتوكي لكن تعاملي بحكمه وطمنيهم بشكل كبير وتوبي الي الله وتقربي الي الله ونفذي كلامي بالحرف الواحد وان شاء الله فيه الخير

  8. حراااااام
    11/08/2012 at 16:56

    حراااااااااااام عليكي ازاي تعملي كده مفكرتيش في امك هتعمل ازاي مفكرتيش في اهلك مش هيقدرو يرفعو راسهم بين الناس بعد البلوه اللي انتي عملتيها فيهم بعد مسبتيهم قبل الفرح حراام عليكي كده انا برضه من الصعيد وفاهم كل اللي ممكن يحصل معا اهلك زمانهم مزلولين من كل الناس انتي مفكرتيش غير في نفسك بس ولو كنتي رضيتي باللي كنتي هتتجوزيه كان زمانك دلوقتي عايشه فل ومعاكي طفل خسااااااااااره

  9. smsm boody
    08/08/2012 at 08:32

    قومى انتحري اللي تتجرا وتهرب من بيت اهلها وتبقي انانيه ومتفكرش الا في نفسها يبقي تنتحر احسن اتكلي علي الله وولعى في نفسك حرام عليكى مامتك ياشيخه دى تلاقيها ماتت من القلق عليكى وانتى مقضياها اغتصاب وتحرش ربنا يستر علينا وعلي ولايانا

  10. princess dodo
    12/07/2012 at 20:50

    يا حبيبتى اهم حاجه انك تهدى خاااالص
    ومتشيليش هم حاجه
    روحى ل شيخ وخليه هوا اللى يجبلك شغلانه كويسه
    وبعد ما حالتك النفسيه تستقر اتصلى بأي حد عندك فى البيت
    بس اهم حاجه فكرى فى نفسك ومتلوميش نفسك على حاجه
    اللى راح راح خلاص

  11. لولو
    28/06/2012 at 14:22

    ان من رايي ان تروحى لاهلك ولوتقبلواالامر كان بها حتى لوهايقتلوكى لان حرام عليكى اهلك ظلمتيهم معاكى بطيشك

  12. لولو
    29/05/2012 at 08:11

    بصى يابنتى انتى اللى غلطانة الاول ماسمعتيش الكلام الاهل وعشان كدة انتى كنت لسة صغيرة مش عارفة اللى انتى بتعملى صح او غلط كان لو انتى مش عايزة العريس قالى لى اهلك انى لسة صغيرة وحولى نعاهم وهما هيوافق بس انتى غلطانة اللى عملتى يعنى هتعملى اى دلوقتى مش هينفع ترجعى لى اهلك دة يموتكى دة صعيدة وانتى عارفة يعنى اى صعيدة مش بيفهمو الموت على طول بس بقولك لزم تصلى وتقربى من ربنا واستغفرى من ربنا وربنا معاكى انا بجد زعلانة اوى عليكى عشان مفيش حل ليكى حترهى فين مفيش حد كويس فى الزمن دة كلهم وحوش وربنا معاكى ويشوف حل ليكى

  13. AYA
    17/05/2012 at 23:48

    بصييييييييييييييييييييييييي عليه اسمعي
    فينكم طمنينا عليكي
    اخبارك ..؟؟
    اليكي جوابي
    الخطا من اهلك ولله كيف يجبروك ع الزواج مع احترامي مخبولين
    دا ابوك خبللل ولله
    كيف يجبر بنت 15 سنة
    تجوز صغيرة ليه مستعجل
    ال سويتها تمام مو بيدك انهم اغتصبوكي
    لان الشباب اغلبهم ذئاب يبحثوا عن المتعة
    استغل صغرك و ضروفك التي دفعتك لهرب
    حقك انا لو مكانك اذبح نفسي و لا اعيش بذل
    وانتي ضننتيا نه الحبيب ال رح يدفيك بلحنان هربتي معاه مكنتي عارة لذا اللوم من الاول ع اهلك لو مجبروك كان محصل كدا و ماشاء الله كان ليكي حلم تكون مهندسة و تحبي الدراسة يعني وهم دمروا احلامك يستاهلوا عشان يكون درس ليهم اعرف حلك مشتاقة لامك لكن اتركيهم ما يستاهلوا ولله يا حبيبتي روحي لجمعية المراة او اي مكان و احكي قصتك و خل يتعاملوا مع الامر بسرية ويعملوا لك عملية اعادة الغشاءوويرعوك لمدة كم يوم الى ان تصيري جاهزة بعدها لو ودك روحي رجعي لاهلك و قولي ال حصل بدو ن ما تقولي اغتصبوكي لكي لا يفقدوا ثقتهم فيكي قولي هربت لانكم جبرتوني ع الزواج و دمرتوا احلامي ومستقبل الدراسي
    ولسه ف امل تكملي دراستك ياح ياتي وكدا الامر يكون عدا ع خير
    وعيشي عمرك و حبي الشخص بس احذري من النت وحبي الشخص المناسب و تزوجيه ع سنة الله و رسوله
    وتشوفين خير يا ررررررب ىااااااااااااااااااااااااااامين بالي معاكي طمنينا علكي خير

  14. نور
    17/05/2012 at 14:35

    ياجماعة لا تظلموها في البداية كانت صغيرة

  15. نور
    17/05/2012 at 14:34

    اذا في حد حاول يغتصبك هددية بسكين او اي شي…. ما في اماكن تلجا لها الاخت في حد يعرف الي يعرف يرد … جزاكم الله خير ( لا حول ولا قوة الا بالله)

  16. سوسو
    19/04/2012 at 09:00

    لاحول ولاقوة الابالله

    الله المستعان يااختي والله ماعرفش دي قصه صدق او حد قاعد بيشتغلنا

    المهم ان كانت حقيقيه
    حرام الي عملتيه في نفسك اكيد امك بتموت وتشوفك حتى لو كنتي سفاحه
    الأم تحن على بنتها مهما عملت وتحبها وتفقدها كثير وتتعب نفسيتيها عليها
    انا من رأيي تكلمي والدتك وتقولي لها على الي عملتي وتروحي تعيشي في دار ايتام او حضانه وتشتغلي في مكان محترم مش بيت واحد قليل الادب وتقوليلها ليه سبتي البيت وانك ندمانه على كدا
    هي اكيد حتحميك من اخواتك الشباب وتحميك ومن ابوكي وحيقدرو موقفك اكيد
    بس توبي لله وادعي ان ربنا يساعدك ويفرج همومك

  17. يويو الدلوعة
    04/04/2012 at 08:46

    انا بنت زى زيك ب انا عمرى ما اخلى مامتى او بابا يكون ماشين مكسوفين ده انا اموت نفس مش هقولك غير انتى الا غلطانة تعمل كده كنت تجوزى بدل كل ده وغير كده انتى بنت اى حد هيكلم عليكى البنت ملهش غير حاجتين كرامتها وشرفها فى ناس كتير اوى طيبين ب ده مش بنى ادم الا انت بتحبى ده حيوان وانتى ازاى توافقى عقلك ملفش بابا وماما وناس هيقول عليه ايه ربنا معاكى ويسترك واحسن انك لى تجوزى او تعيش من نااس طيبين مش هقولك غير انتى الا عملتى كده

  18. العراق الجريح
    07/03/2012 at 21:45

    الانتحار مو حل ولو انتحرتي شنو صار صح؟الانتحار مو حل الحل هو تنتكلين انتكال خالص من القلب على الله انه يسهل عليكي ويوصلك للصواب مع طلب المغفره والتوبه وانا افضل ترجعي لاهلك وتشرحي الصار لانكي مغتصبه وليس بارادتك ومن الله التوفيق لكن اطلبي من الله الحل اولا
    الله يسترك بحق محمد وال محمد

  19. احمد
    28/02/2012 at 07:37

    بصراحه القصه فيها نوع من عدم المصداقيه ولكن على افتراض صحتها
    انتى سيبتى البيت من سن 15 ودلوقتى 18 كانت فيهم سنه كامله مع شاب وبعدين الشغل حصل فيه اغتصاب تقدرى تقوليلى ازاى محصلش حمل خالص الفتره دى وازاى محصلش لما انتى لسا بسنك ده يعنى المفروش فى حمل وازاى عرفتى تمنعى الحمل انا واثق على افتراض القصه انك اكبر من كده سنا ومعرفه ويمكن هربتى من البيت مش عشان الحبيب لكن عشان غلطه انتى غلطتيها مع حد قبل كده
    على العموم على افتراض المصداقيه فى القصه مفيش احسن من دار ايتام تحفظى فيها نفسك وكرامتك وعفتك
    وتوبى لربنا ايا كان سنك او قصتك الحقيقيه بس اعرفى ان ربنا لغفر لزانيه من بنى اسرائيل سقت كلب فعليكى بالطاعه والصدقه لو استطعتى والحقى نفسك العمر لسا معاكى فى بدايته متخصريش كل عمرك على الاقل لو اهلك عرفو مكانك بعد كده يشرفهم يشوفوكى مثلا فى دار ايتام يعنى يعرفو انهم ربوا صح وبعدين ممكن تقوليلهم ولا حرام طلعو عليا وانا كنت مثلا فى الشارع واغتصبونى
    لانى انا من الصعيد واعرف الناس هنا كويس وعشان كده على افتراض القصه بس برد لو اختى مثلا ممكن امتى اسامحها وانا من الصعيد لو لقيتها فى دار ايتام اكيد هاحترمها لكن لو في بيت شغاله اكيد حل اكثر وحشيه معلش ده واقع لازم نكون عايشينه

  20. امير الظلام
    22/02/2012 at 14:18

    اشك ان كلامك خطا

  21. معلش متزعليش منى فى الى هقوله
    11/02/2012 at 22:49

    انا حاسه ان كل كلامك تاليف ومتاخد من افلام قديمه ولو حتىحقيقى انتى بتقولى انه شرط عليكى عشان تقعدى معاه يمارس معاكى الجنس وبتقولى كنت مضطره اوافق كان المفروض انك اول مايقولك كده تعرفى انه بيضحك عليكى وانسان بيحبك لغرض نفسه وبس وترجعى لاهلك وتحكلهم واكيد كانو هيسمحوكى مش هيقتلوكى كان اشرفلك تتجوزى الى اكبر منك ولا انكتفرطىفى شرفك ومنالواضح انه مغصبكيش على حاجه وكدهميعتبرش اغتصاب انتى الى سلمتيلوا نفسك ام الحل بقى انك ترجعى لشيخ فى الجامعوتحكيلو حكايتك وتتطلبى منه انه يروح لاهلك لوحده ويحكلهم حكايتك واكيد هما هيسمحوكى وقربى منربنا وتوبى واطلبيهمنه يسامحك

  22. حلاوتهم وجريئه
    09/02/2012 at 15:35

    يا بنت الحلال انت كان ليك اهل ومن كلامك ومن درستك انكم ناس مبسوطه ياريتك كنت اتجوزتي الاي جيبو ابوكي كانت استرتي في بيتو وكانت جبتي عيال وبدل ماانتي بتشتغلي شغاله هم الاي كان يشتغالو عندك ليه كده علي العموم قول يارب وحرام ربنا بيعامل فيكي كده عشان امك الاي اكيد دموعه مش بطنشف من علي خده وبتموت كل يوم من الفضيحه ليه كده خلاص لازم تسيب البيت الاي انتي بتشتغلي فيه وروحي لاامك وقالله اني في ناس كانو خطفني وهم اغتصبوني وانا حوالت اجي وقعد مع اهلك بقي وارتحي يا بنت الحلال حراااااااااااااااااام بجد تعبت اوي ارتحي وشوفي امك خليه تخدك في حضنه بدل قسوه الدنيا عليكي

  23. لؤلؤة
    03/02/2012 at 14:51

    أختي صاحبة المشكلة : والي خلق الخلق هي نصيحتي بقدمها إلك وهي طالعة من جوات قلبي إذا كان بدك الحل الصحيح توبي لألله وتقربي منو وكتري التسبيح والذكر وبعدها إرجعي لأهلك حتى لو كان بدن يقتلوكي على الاقل بتكون متي بين أهلك وناسك وبتموتي وإنت قريبة من الله وهاد كلو بيجيبلك الراحة لقلبك حتى لو كنت بالقبر تحت لتراب اسمعي مني والله أنا ما بريدلك الشر .

  24. semsem
    31/01/2012 at 20:02

    لو عايزة الصح من غير الخوض فى تفصيل انتى اتصلى بحد من عيلتك قريب منك بس من غير متحكى كل اللى حصلك دا وحاولى معاه ينسق بينك وبين اهلك ويقرب موضوع رجوعك بس بطريقه لطيفه شويه واستحملى شويه اول ما ترجعى وكل الحلول اللى هتكون بعيد عن رجوعك بيت اهلك فيه غلط وهترجعك لورا ميت سنه

  25. insana
    27/01/2012 at 22:43

    قبل مانرمى اللوم عليها اللوم كمان على الاهل اللى بيجبرو اولادهم على اشياء غير راضيين بيها بس طبعا دة مش معناه انى مش مغلطاكى لا انتى غلطانة من ساسك لراسك بس خلاص الحصل حصل انتى  فى امر واقع دلوقتى الحل الوحيد ليكى انك تحاولى تكلمى حد له علاقة بأهلك يقف جنبك  لمواجهتهم دة مبدئيا وفى الاخر ياجماعة ربنة غفور رحيم احنا مش ملايكة ولعل وعسى يمكن اهلك يحتضنوكى ويسامحوكى انشاء الله

  26. saed
    23/01/2012 at 07:11

    اولا اهلك الغلط كان عندهم من الاول لانهم كانوا عايزين يفرضوا عليكي جوازة
    غصب عنك مش معنى كده انك مش غلطانة
    بس الحل انك تسيبي البيت ده و تدوري على بيت تاني في الوسيط
    او على النت ويكون ناس كويسة الشغل كتير على النت من النوع ده
    بس المهم انك تتوبي لربنا وتترجيه انه يسامحك عشان يوقفلك ولاد الحلال
    وانشاء الله يبعتلك شاب كويس يحافظ عليكي بسنة الله ورسوله ربنا معاكي
    واطلب من كل اللى بيقروا انهم يدعولها بالخير وميدعوش عليها
    لان كلنا بنغلط واحنا مش ملائكة

  27. مصرى
    16/01/2012 at 15:38

    ربنا يوفقك للحل الاصوب ولو ان دة فيلم عربى قديم لكن بنفترض حسن النية لانة وارد ومش شرط الحلول دى ليكى انتى بالعكس الاهم فى الحلول دى توعية لغيرك الا يقع فى نفس المشكلة واهم قاعدة
    بيت اهلك مهما كان قاسى هيكون ارحم من الشارع ….
    الحلول من وجهة نظرى لكى ولغيرك
    اولا انتى ادرى باهلك بس معلومة مهمة الغياب بيلين القلوب الا لو كان مافيش قلوب
    ثانيا: كونى احرص فى قبول اى دعوة لحل مشكلتك بصفة شخصية لانة ممكن يعقد مشكلتك
    ثالثا ابعدى عن اى حل رسمى كدور رعاية الشرطة هيبلغ اهلك وهيعمل لك فضيحة وهتقيمى مع نماذج اخطر
    رابعا: جدى مكان ملائم للاقامة ولا تحكى قصتك لاى مخلوق ودائما احكى عن ظروف مختلفة اظهرى فيها سبب جاد لتواجدك وان اهلك يتابعونك باستمرار واكثرى من سيرتهم

    خامسا: جدى وظيفة مناسبة لا يختلى فيها بكى اى رجل كبائعة فى محل مثلا ومهما كانت ثقتك فى زملائك لاتحكى قصتك

    سادسا: حاولى الاتصال بوالدتك بعد استقرارك فى وظيفة واقامة امنة ولا تذكرى لها اى تفاصيل
    غير ان سبب هروبك كان للهرب من شخص لا تريدينة وانك فى مكان امن ومحترم واعتذرى لها ولاهلك عما فعلتى غصب عنك

    سابعا داومى الاتصال بهم مع دوام الاسف وانك كنت عايزة ترجعى بس مش عايزة تتسبى لهم فى فضية وغيابك افضل لهم

    سابعا: ربنا يوفقك فى العثور على رجل دين حقيقى يرعى مشكلتك وينتقى لكى انسان يخاف الله
    يساعد فى حل مشكلتك بزواج رسمى وروتينى كحل لمشكلة اغتصابك ان اراد تفعيل الزواج ولمستى فية الخير فعلا هيكون ان شاء الله حل من عند ربنا وان لم يرد فلة تطليقك بعد مدة

    اعلمى اهلك انك تزوجتى على سنة الله ورسولة واحسبى ردة فعلهم تجيز لكى الرجوع ام الانتظار

    ثامنا: اعلمى قبل اى شىء ان اخلصتى التوبة كما يجب قبل بدأ التفكير فى الحل والله
    والله والله هتتحل دون ان تبذلى عناء فى التفكير او التدبير
    والتوبة ليس عن الفعل الاثم سواء برضاءك او غصب عنك لكن التوبة الحقيقية ان تجسنى فى علاقتك مع الله وثقى فى جزاءة لقاء فعلك للخير
    حاولى تعملى خير والله حاجات كتير هتتغير وكما قرأت من الحلول العمل فى دار ايتام بنية فعل الخير ومساعدة هولاء الاطفال مرضاة الله

    والله هتبقى انسانة تانية خالص

    والى كل اخواتنا الهروب من البيت يعنى الضياع ……..

    الانتحار لو حل مناسب كان العالم كلة انتحر
    مافيش بنى ادم بدون مشاكل ولولا المشاكل والحزن ماكان للفرح قيمة

    للمرة الاخيرة ………. لا تحكى قصتك لاى حد واعطى لنفسك حماية وثقة لكل من حولك بانك فتاة
    قوية حتى لاطمع فيكى احد

    يارب استرها على كل بناتنا

  28. نادرة
    10/01/2012 at 21:52

    حبيبتى اسمعى كلام كل الناس دى و اشتغلى فى دار ايتام بالاقامة وربنا هيكرمك ويفتحها فى وشك واوعى تيأسى من رحمة ربنا ابدا وتوبى وربنا هيوفقك للحلال الطيب .

  29. انسان محطم نفسيا
    05/01/2012 at 17:40

    حقيقة قصتك تعتبر اقرب من الخيال لأنها واقع مرير وصعب تخيله ولكن لى نصيحة لكى يجب ان تفعليها اولا يجب عليكى التنحى عن فعل ما تقومى به وان تبتعدى عن هذا البيت المشؤم وتبدئى فى التفكير فى حياتك بشكل مختلف عن طريق التقرب الى الله ويجب ان تقومى بالاتصال بوالدتك فقط لتعلميها انك على قيد الحياة ولا يجب ان ترجعى لاهلك لان بما انك من الصعيد فانتى والكل يعلم ان اهدار دمك بالنسبة لهم هو افضل شئ فبذلك سوى تنهى على حياتك يجب عليك ان تتقى الله فى افعالك وتعيدى ترتيب حساباتك وان تتركى هذا البيت فور قراءة كلماتى وان تذهبى الى شيخ يكون جيد السمعة فى البلد اللى نتى فيها او تذهبى الى اى دار ايتام او الى اى مكان تشعرى ان سوف يكون لكى فيه خير واعتقد ان الله سيبدلك كل السئ التى مررتى به فى حياتك بخير اذا قررتى ان تتقربى الى الله وتبعدى عن هذه الأفعال حالا اذهبى الى شيخ جليل من الشيوخ الأفاضل وسوف يرعاكى او اذهب الى اى دار ايتام كبير وقومى بمقابلة المدير واقصى عليها انك لا تجدى لكى مأوى وسوف يبدلك الله بخير بازن الله اخوكى فى الله احمد

  30. قطار العمر
    31/12/2011 at 06:24

    انا ارى انك تختارى شيخ الجامع فى المنطقة اللى انتى عايشة فيهايكون امين عليكى لغاية الاخ الى عرض عليكى الزواج ( ان كان جادفى طلبه)يتواصل معك ويتم الزواج ان راى شيخ الجامع انه مناسب لكى والله يوفقك لما فيه الخير ومرضاته

  31. سمكه
    24/12/2011 at 22:26

    انا بنصحك اوعى تثقى فى اى راجل كلهم غدارين وفى لحظه بيبيعوا لو طالوا ينهشوا لحمك هينهشوه زى الكلاب بيبقوا اندال

  32. DarkMan
    18/12/2011 at 20:36

    السلام عليكم ورحمه الله وبركاته
    احب اقول شىء مهم جدا لكل التعليقات اللى اتكتبت واللى لسه هيكتبوا طبعا انتوا قرأتوا القصه كويس جدا واكيد كل واحد بنى فكرته اللى ايد فكره الانتحار واللى ايد فكره انها ترجع لاهلها واللى ايد فكره انها تبعد عن اهلها نهائى بس فى سؤال مهم جدا لازم الكل يسأله لنفسه تفتكروا انت او هى اللى كتب الحلول انه لو ف نفس المشكله هتعمل ايه او هتعملى ايه انا ليا رأى وعلى فكره انا مش شيخ انا شاب 27 سنه عملت كل حاجه حرام بس الحمد لله تبت اللى الله من اللى بعمله رأى هو انك تصلى ركعتين استخاره وتشوفى ربنا هيرشدك لايه بس نصيحتى ليكى ابعدى عن الناس ديه اللى انتى شغاله عندهم ولو على السكن او الشغل فى كتير مش شرط شغاله واعلمى ان التائب عن الذنب كمن لا ذنب له وشكرا

  33. نوونة
    13/12/2011 at 18:25

    براي البنت مهما وصل حياتها معا اهلها من العذاب والشقاء ماببتتركهم ابدا لان الاهل اكثر الناس فضلا عليك لانو ماحدا يستحق تتركي اهلك مشانو وخاصة الرجال مع تقديري للرجال الاقتياء اللذين يقدرون قيمة المراة انا براي ترجاعي لاهلك وتوبي واذا سوولك شي فانت غلطانة اولا واخرا بس احسن حل ترجعي لاهلك مشان تخلصي من هالعذاب الله يساعدك ويغفرلك يارببببب

  34. عاشقة فلسطين
    09/12/2011 at 20:20

    السلام عليكم ,,شوفي يا اختي انتي بصراحة غلطي غلط فاااادح ..كيف اتامني لشب وتهربي من البيت عشانو وهو من المعرفون ان الرجال دئاب بشرية يعني ما في الهم امان كل الي هاممهم كيف بدهم يشبعو رغباتهم الجنسية ..بعدين ازا انتي مفكرة ازا هربتي من البيت ونمتي معاه خلاص يعني راح يتزوجك غلطانة ازا كنتي تفكري هيك وهوا كمان بفكر ازا انتي نمتي معو بتنامي مع غيرو يعني ما في الك امان عشان هيك طردك بعد سنة لزهق منك… الله يستر على جميع بنات المسلمسن ويحفضهم ..المهم يا اختي اياكي تنتحري لانك راح اتزيدي الطين بله ..هلا لما تنتحري بقولو الناس هاي انتحرت لانها عاملة اشي مش منيح بعدين ما تنسي عقاب ربنا لانو الله حرم قتل النفس باي طريقة .. اما ازا رجعتي عند دار اهلك ممكن يعني يقتلوكي وممكن يسامحوكي والله كريم .. بس ازا اهلك قتلوكي بكون اهون من الانتحار لانو الانتحار في عداب برضو وما تنسي عقاب ربنا العظيم يعني هيك بضل اهون بكتير عشان هيك اتوكلي وتوبي وارجعي لاهلك لانو الدنيا غدارة ومليانة وحوووش والناس ما برحمو ابدااا .. وانا اسفة جدا لو طلع مني كلام قاسي …

  35. ام مصطفى
    28/11/2011 at 02:42

    والله مش عارفة اقولك ايه بس نصحيتى ليكى متثقيش فى حدوبالذات عصام اللى قال انه عايزيجوزك واضح انه قوادقديم بصى فى دارللايتام ممكن تروحى وربنامعاكى

  36. mima
    10/11/2011 at 22:58

    اتجوزى واحد منن اللي متقدمينلك استري نفسك بيه وبعدين كلمي اهلك وقوليلهم انك عايزة ترجعي بس خايفة وانك متجوزة ساعتها هما مش هيعملولك حاجة وعلي فكرة دي قصة حصلت فعلا في واحدة قريبتي عملت اللي انا بقولك عليه ده واهي عايشة دلوقتي ومعاها بنت وولد

  37. ريم
    30/10/2011 at 00:18

    السلام عليكم ورحمت الله وبركاته.نصيحتي هي ترجعي للاهلك حبيبتي هدا هو الحل الوحييد وصارحيهم بكل شيئ وانصحك بالعودة الى الطرييق الصحيح وتوبي الى الله.ان الله غفور رحييم.واتمنى من كل قلبي التوفيق لك

  38. عصام
    05/10/2011 at 20:31

    هو حل واحد مافيش غيره منعا للفضيحة وكمان لحميتك من اهلك لانهم احتمال كبير لو شافوكى هيقتلوكى خصوصاانك غلطى مع هذا الشخص الحقير المهم انا طالب ايدك عايز اتجوزك وانا والله جاد جدا فعلا ناوى اتجوزك على سنة الله ورسوله وتعيشى معايه وفى حمايتى ونبتدى صفحة جديدة مع بعض وتنسى الماضى كله وتبتدى حياتك من جديد
    ردى على ضرورى وانا بنتظارك

  39. mh sa
    26/09/2011 at 02:42

    بصى يا اختى وبدون اى مقدمات انا مش هقولك انتى غلط واللا صح انا هقولك اللى حصل حصل المهم حياتك الجاية هى دى المهم انا نفسى تعيشى حياة طبيعية زى كل الناس دى وعشان كده انا بطلب منك انى اتجوزك واسترعليكى وطالما انا نيتى خير اكيد ربنا هيخلينا سعداء مع بعض

  40. فآعل خير
    23/09/2011 at 21:06

    آختي الكريمة السلاآمم عليكم ورحمة الله وبركآتة ..!
    قصتك محزنة كثير وآنآ كمآن زعلاآن عشآنك ومقهور كمآن لاني آنسآن زي زيك وعآرف الحزن الكبير الذي آنتي عيشآه ..!
    آنتي وقعتي نفسك في غلط كبير في البدآية ولازم تصلحية آنآ ممكن آعلمك الكذب بس آنآ مكذبش آبدآ .. بس الكذب منجآه بس في الدنيآ آمآ الاخرة هذآ بين العبد وربة طبعآ ..!

    آختي في حآلتك آنتي صعوبة كبيرة ومش حىب آعقدك الانتحآر آسوء شي بس العودة الاولة لرب العآلمين والعوذة الثآنية للآهل .. آول شي ضعي نفسكي بين يد الله وآستغفرية عن كل الذنوب والله توآب رحيم ..!

    والانتحآر مهلكة وطريقهآ النآر الله يعيذك ويعذني منهآ وجميع المسلمين ..!

    ضعي نفسكي مع الله وآدعي الله يفرج عليك وبعدين آخرجي من هذة الاسرة الحقيرة الذي آنتي عيشة فيهآ لانهآ آسرة فآسدة وملعونة كمآن لا حول ولا قوة الا بالله .. آهم شي آنتي حآولي تشوفي فتآة آنسىنية خلوقة تسآعدك في هذآ الموضوع وآنك ترجعي بيت آهلك وفهميهم آن نآس خطفوكي تمآم هذة في البدآية وآنآ بعطيك طريقت كذب ..! ورجعي لآهلك هم آعز ليك لانك ضيعتي نفسك وحآولي تصلحي كل خطآء وربك معين زي مآقلت ليكي توكلي علىا الله ..! وربي يفرجهآ عليك يآرب ..!

    والله كآن بودي آسعدك وخدمك لو آنآ عندك .. بس وين آنآ وين آنتي آنآ يمني ومن موليد مصر وبعرف عن الصعيد عنده الشرف والعآر كبير وعند الكل مش بس عند الصعيد بس هم مرة دمهم يثور بقوة ..!

    الرجوع للآهل هو الحل الوحيد مآفيش آمآن في الدنيآ عآلم قآسي مآعنده رحمة ولا شفقة ومآيخآف الله ..!

    آحمدي ربك آنة جآبك للدنيآ ولا تودي نفسك للتهلكة آكثر وتنتحري هذآ سبيل الضيآع من الحيآة والفوز بالجنة ..!

    آنشآء الله وربي يحفظك ويحميكي وينور ليكي الطريق وتشوفي الحيآة من جديد وتستمر حيآتك بآحسن حآل يآرب ..!
    ~> آسمعي كلمتي وآنشآء الله آكون آفدتك وسعآدتك ..!
    فكري في كلاآمي ..~> وزي مآقلت ليك شوفي بنت تسعدك وحكي ليهآ قصتك ورآح تسعدك آنشآء الله ..

  41. الملاك الحزين
    16/09/2011 at 17:39

    السلام عليكم يااختى العزيزة انا عيزة ال\قولك انك غلطى لما سبتى اهلك وهربتى وسلمتى نفسك بسهولة لواحد زى دة مبيخافش ربنا بصى انا من راييى انك تتقربى من ربنا وتصلى صللة استخارة وربنا بازن اللة يعطيكى الحل ويبعد عنلك كل مكروة امين يارب العالمين

  42. نانا
    14/09/2011 at 18:00

    انا صبية من الاردن نصيحتي ارجعي لاهلك ويلي بدو يصير يصير حتى لو قتلوكي؟؟؟؟؟؟؟؟؟؟؟؟؟؟؟

  43. Boy
    12/09/2011 at 03:13

    وارجوكى ردى علينا لو تقدرى وى قوليلنا انتى عملتى ايه واخذتى قرارات ايه طمنينا عليكى لو سمحتى

  44. Boy
    12/09/2011 at 03:11

    اختى اروجوكى ارجعى الى اهلك صدثينى لو فضلتيى بره هتلاقى مصاعب كتييراوى وفى واحده فى السن ده من الصعب تحمل مصاعب الدنيا ديه ارجوكى ابتعدى عن المنزل ده وابتعدى عن الشغلانه ديه ومتخفيش من الفضيحه اقسملك بالله ان مفيش حاجه هتنفعك اكتر من اللى ربنا كاتبهولك ومفيش حاجه هتقدر تضرك الا وربنا كاتبهلوك صدقينى يا اختى ان ترجعى الى البيت واتصلى بوالدك الاول وفهميها انك عشتى حياه صاعبه لأنهم حرموكى من الدرساه ومن حلمك وكانو عايزين يجوزوكى ونصيحه لا تتميلى لى الام فقط فقد لا يكون لها صوت كبير فى العائله فى الصعيد دورى على راجل فى العائله يكون يقدر يفهمك وانتى شايفاه انه عاقل جدا عشان تحكيله وتفهميه وترعفيه الفرق ما بين اى بنت وبنتك اه صح نصيت اقولك حاجه مهمه جدا لو انتى رجعتهلهم وخبيتى عليهم موضوع التحرش ده الله اعلم اصدك ايه بالظبط ولكن لو كان اسف فى اللفظ اغتصاب وحدث فض بكاره ارجوكى لا تخفى الموضوع عن اهلك لأنك اذارجعتلهم وعشتى معاهم حياة متغيرة بعض الشيء عن الاول للأحسن ستكونين فى يوم عروسه وعندها سيتم تعرضك للأهانات عشان انتى موضحتيش انك حصل فيكى حاجه قبل كده يعنى هيكوكو فيكى ده غيير نك لو وصفتلهم مكان الناس ديه اهلك هيعرفو يجوبولك حقك يعنى صدقينى لا مرجع لكى الا الى الله ثم الى اهلك فهم اطيب الناس اليك مهما صدر منهم ارجوكى فكرى فىالموضوع انتى لسه بنوته فى عمر الـ18 لا تضيعى بقيت حياتك فى الوباء ده غير انك ممكن ترجعى للدراسه تانى صدقينى صلى لربنا كتيير وصومى واقرى قران وادعيه دائما بان يوفقك ربك غفور رحيم وبجد انا اتعذبت اوى لما قرييت القصه ديه ومفيش حل غير كده فارجوكى اهتمى بالموضوع لأنه ياتك ومستأبلك ومتسبيش نفسك للحيوانات اللى بتتهجم عليكى ديه وتعمل فيكى ما تقولين ………بالتمنياتى لكى بكل التوفيك وفى رعاية الله اومنه واطلب الى الناس اللى مووجودين ان يدعو لها يارب العالمين

  45. الباشق
    10/09/2011 at 20:46

    tdلا اعتقد بان بنت الصعيد تعمل كده؟ هذه قصة مختلقة وغير صحيحة ؟ كيف تعرفتي عليه في الشات؟ وهل عندك انترنت في البيت؟ عيب عليكي كده

  46. ارجوكم افهمو المشكلة اولا
    10/09/2011 at 07:44

    حرام عليكم تدعوها للانتحار ما تخافون الله مو حرام انو تدعوها للنتحا اصلا اذا شخص فكر بالانتحار لا يجب عليه نشر ما فكر فيه لنو ممكن يدعو ناس اخرين للانتحار جدااااا حرام عليكم دعوتها للانتحار اذا بدل ما تنتحر ويصير عليها ذنوب توصلها لنار جهنم تروح عند اهلها يقتلوها بلكي الله يرحمها ويخليها بجناتو عليكي يا فتاة ان تصلي وتصومي وتشكري الله واعملي عمل شريف ليس فيه تحرشات والله فضلنا على كل خلقه لذا علينا شكر الله على فضله وانتو تدعوها للانتحار تعلمون انو اهون على الله هدم الكعبة من ان يراق قطرة دم من البشر!!! تخيلو وانتو تدعوها للانتحار!! عليكم انو تراجعو كلامكم قبل لا ترسلو ترة حرام عليكم اتقوا الله والسلام عليكم ورحمت الله وبركاته.!!!!(وين صارت عقولكم يا بشر وين)

  47. ارجوكم افهمو المشكلة اولا
    10/09/2011 at 07:28

    اولا يا جماعة لا تعتبوا عليها مع انها غلطانة بس هذا يسما عدم معرفة لذا على الفتاة ان تستحمل فراق امها كمان حقها انو متتجوز الراجل الي جبهولهة اهلهة بس مش تعمل كدة وتهرب في مثل يقول (عند مواجهتك مشكلة لا تبحث عن اعذار بل عن حلول) لذا عليكي الاستمرار في العمل ولكن ليس في هذا المنزل يا اما تهديد اصحاب المنزل من يتحرشون بكي انكي سوف تخبرين الشرطة اذا لم يعطوكي مبلغا من المال وعليكي استغفار ربك والصلاة والصوم والتحمل على عملتك عملت طيشان المراهقة عافانا الله وعافاكم الى اللقاء وارجو ان تكونوا استفدتم والى اللقاء.

  48. ميدو
    05/09/2011 at 00:57

    انتى اللى عملتى كده فى نفسك وانتى تستهلى عشان هو قالك انه هيمارس معاكى الجنس وانتى وافقتى وده بيدل على عدم التربية والاحترام وانك انسانه مش كويسه مفيش امان لحد دلوقتى وهو ده الحل المناسب يا استاذه

  49. لالا
    03/09/2011 at 10:40

    ارجعى الى *الله* وادعوه وارفعى يدك الى السماء فان الله لا يرد دعوه داعى ادعو الله ان يفك كربك فان رحمته اوسع مما نتخيل جميعا….وسندعوا لك جميعا ان شاء الله

  50. توتا
    03/09/2011 at 04:10

    انتى فى الاول وفى الاخر غلطانه انك سلمتيه نفسك بسهوله ارجعى لاهلك هما يقدروا يساعدوكى بس اتصلى بامك الاول وفهميها كل حاجه

  51. زمااااان
    30/08/2011 at 21:47

    نصيحة يا اختي روحي للازهر يمكن يئدرو يساعدوكي وربنا يوئف معك ويغفرلك

  52. dimos
    18/08/2011 at 08:47

    اوعي ترجعي لاهلك انتي لو رجعتي لاهلك حتتقتلي و بعدين انتو صعيده وانتي طبعا عرفه الصعيده واوعي طبعا تفكري في الانتحار ده مينفعش لانه كفر و حرام الطبعا مش حينفع تعدي في الفيلا الانتي شغاله فيها عشان البيعملو معاكي وانتي طبعا مينفعش يحصل معاكي كل ده و سكته بصي انا حقولك علي رايي انتي تحولي تجمعي فلوس من الناس دي باي شكل و معلش استحملي الفتره دي و بعدين اهربي و حولي تروحي لحد انتي بتسقي في من صحباتك بس يكونو مثلا في القاهره و كده و ابعدي عن مند الصعيد خالص او لو معندكيش جمعي فلوس عشان تعدي بيها في حته و تعرفي تعيشي منها كام يوم لغايه متلاقي شغلانه شريفه و مفهاش خطر عليكي و ربنا معاكي بس ارجع واقول انتي غلطانه من الاول بس بلاش الندم عشان مش حيفيدك بحاجه فكري في الخطه دي و انشاء الله ربك واقف جنبك و حيسعدك و الله معاكي بعون الله

  53. نهى
    15/08/2011 at 03:44

    انا احترت مش لقيه حل لانك مش ينفع تقعودى فى البيت معاهم وتشتغلى ومش ينفع تتصلى باهلك انتوا صاعيده دول هايقتلوك والله احترت بجد

  54. نونا
    14/08/2011 at 02:01

    انا لو منك اكلم ماما ف التليفون الاول واحكيلها ان حصل ليا اغتصاب وان انتي خوفتي ترجعي البيت ومن كلامها هتعرفي اذا كنتي هترجعي ولا لاء وربنا معاكي

  55. HanyMoh
    10/08/2011 at 17:17

    أنا رأيي من رأي ديانا

    اللي قالت:

    18/07/2011 at 01:43

    بجد اهلك هما اللى يستاهلوا القتل عشان اللى عملوه فى بنتهم الغلبانة دى انتى يا حبيبتى تروحى لجمعية من جمعيات المرأة وهم هيشوفولك شغل وبـأقامة كمان وبعدين تعملى العملية ان شاءالله وربنا معاكى يا قمر وابقى طمنينا عليكى.

    أنا كنت سأقول لك أن تذهبي لقسم الشرطة أو النيابة..

    ولكن الجمعيات أفضل..

    أختاه لو حللنا الموضوع من عدة جوانب اجتماعية ودينية سنجد التالي

    – أهلك أخطأوا أشد الخطأ عندما أخرجوك من التعليم..
    – أنت أخطأت أكبر الأخطاء حين تعرفت على هذا الذئب الحقير الذي هربت معه..
    – أخطأ أهلك للمرة الثانية بإجبارك على الزواج..
    – أخطأت أكبر خطأ بهروبك وكان يجب عليك أن ترفضي الزواج مهما حدث لك وتستعيني بالشرطة إن خفت على نفسك من أهلك وقتها..

    شرعيا وقانونيا لا يجوز للأهل إجبار ابنتهم على الزواج من شخص

    ولا يجوز لهم منعها من الزواج بشخص تحبه على خلق ومتدين..

    ولا داع لذكر كلمة انتحار لأنك ستخسرين دنياك وأخراك أيضا..

    للأسف نحن نعيش في مجتمع جاهل لا يحكمه إلا الشهوات والعادات السيئة القذرة،، والشخص الضعيف إما أن يضيع أو ينحرف..

    والذين قالوا لك أن تذهبي لأي شيخ مسجد فهذا حل رائع أيضا

    فلا تتركي لنفسك التصرف وحدك في الأمر فأنت أضعف من هذه المشكلة بقليل

    ولو استطعتي أن تقابلي شيخا من شيوخنا المعروفين أمثال الشيخ حسان أو الحويني فإن هذا سيكون خيرا بإذن الله..

    وختاما أدعو الله أن يرضى عنك ويرضيك ويهديك إلى سواء السبيل

    وسأتابع هذه المشكلة بين الحين والآخر لأعرف ماذا حدث من خير بإذن الله..

  56. احم
    07/08/2011 at 08:12

    محدش هيكون حنين عليكى قد حنيه اهلك ارجعليهم وحاولى تقوليلهم انك كنتى مخطوفه واتعرضتى للاغتصاب والحمدلله رجعتى .. حرام عليكى ابوكى وامك زمانهم ماتوا من كتر الحزن عليكى ليه تعملى فيهم كدا ارجعيلهم بالله عليكى وسيبك من شغل البيوت والمرمطه اللى انتى فيها دى محدش هيحافظ عليكى زى اهلك

  57. هاجر
    02/08/2011 at 02:43

    بكتني انا الان ابكي اتمنى ان يحفض الله جميع المسلمين لو بقدر بجيبك تسكني معايا بس انا من المغرب ما بقدر جيبك لعندي اديش قصتك مالمة

  58. salah
    29/07/2011 at 03:54

    انا بنصحك انك ترجعى لاهلك وان كان ليكى عمر يبقى هتعيشى وربنا بيقول (قل يا عبادى الذين اسرفوا على انفسهم لا تقنطوا من رحمه الله ان الله يغفر الذنوب جميعا) بالله عليكى لا تقنطى من رحمه الله

  59. نوران
    27/07/2011 at 14:46

    ان من رأى تتكلى على اللة وتتقربى منو اكتر وصلى صلاة الاستخارة وشوفى ربنا هيحكملك بأية

  60. ده حلي الي اعرفه
    27/07/2011 at 02:15

    بصي هوا دلوقتي مافيش حل غير انك تقلفي قصه لانهم ممكن يقتلوكي دول صعايده قللهم وانتي ماشيه في الشارع ورايحه تشتري حجات ليكي عشان الفرح وكده واحد خطفني وهوا مش مصري واغتصبني ورماني في الشارع وهرب وسافر بلدوا واكيد هيبان على شكلك انك متبهدله وكده وممكن تصعبي عليهم بقى سعيتهم مش هايقدروا يعملوليك حاجه لانك كده في القصه دي مش غلطانه في حاجه ده حلي بجد ربنا معاكي يا بنتي انتي اظلمتي جامد ربنا معاكي

  61. حلاى جننهم
    24/07/2011 at 10:30

    ابو عصام
    10/07/2011 at 06:13

    (شوفى اى حد يتجوزك ويستر عليكى انتى ظلمتى نفسك وظلمتى اهلك معاكى) كيف تشوف احد يتجوزها يعنى اتبيع حالها واتقول مين يشترنى البنت فى ورطه وانت بتهزر احنا لازم انلاقى حال مناسب اللها ؟؟؟؟فعلا قصتك مدمرة وصعبة

  62. هازال كيا
    24/07/2011 at 06:37

    اه الي عملتيه ده مهما كان اهلك غلطنين مش زي علطك انتي تتقربي من ربنا وترجعي الاهلك احسن ميرجعوكي هم وربنا معاكي

  63. عاشق ميسي
    21/07/2011 at 21:13

    اختي الكريمة
    الاعضاء قدموا لك اكثر من حل وان شاء الله تكوني استفدتي منهم
    بس انا عندي ر أيي اولا سيبي البيت الي بتشتغلي بيه بس بس بس قبل ما تسيبي البيت يجب عليكي فعل هذا يجب عليكي الانتقام من هذا الشخص صاحب البيت هو ةابنه وانا رح قلك كيف قبل ما تتركي البيت اكتبي رسالة الى زوجة صاحب البيت وقوليها زوج اتحرش بيا ومارس معي اجنس اكتر من مرة غصب عني وقولها كمان ابنك مارس معايا الجنس غصب عني يجب عليكي ان تقلبي بيتهم الى جحيم وان لن تفعلي هذا انتحري افضل لكي لانهم لم يكونوا على قدر المسؤلية ورعاية طفلة بعمر الورد اعملي زي ما اقول لك وخليها تمطر بصل على ابن هال ***

  64. فاعل خير
    20/07/2011 at 19:37

    بسي ادام انتي بتفكري في الانتحار روحي لاهليك ولو نسيبك تموتي هتموتي حتي لو مشيا في الشارع
    ارمي تكالك علي الله

  65. ديانا
    18/07/2011 at 01:43

    بجد اهلك هما اللى يستاهلوا القتل عشان اللى عملوه فى بنتهم الغلبانة دى انتى يا حبيبتى تروحى لجمعية من جمعيات المرأة وهم هيشوفولك شغل وبـأقامة كمان وبعدين تعملى العملية ان شاءالله وربنا معاكى يا قمر وابقى طمنينا عليكى.

  66. صعبتى عليا
    17/07/2011 at 22:01

    انتى فعلا مسكينة وانا مش بلومك انا بلوم اهلك اللى تسببوا فى ضياع مستفبل بنتهم واوعى تنتحرى او تستسلمى وروحى لاى جمعية من جمعيات المرأة وهم اكيد هيجيبولك شغل محترم وباقامة كمان وتعملى العملية وتعيشى حياتك عادى يا حبيبتى وربنا معاكى وابقى طمنينا عملتى ايه.

  67. roro
    17/07/2011 at 16:57

    رجعي لعنداهلك لانو نار اهلك ولا جنه البشرواكيد اهلك ما رح يسخو فيك واستغفري ربك وقراي القران خير جليس وانيس والله لم يخلق مشكله بدون حل

  68. ساسو
    16/07/2011 at 23:49

    انا بجد مش عارفه اقولك ايه بس الي اقدر اقوله انك متحاوليش الانتحار كفايه الي جرالك في الدنيا هتخسري اخرتك كمان

  69. فاعل خير
    16/07/2011 at 14:20

    استغفر الله انتى حكايتك غريبه اوى ربنا معاكى هو اللى هيطلعك من الحكايه دى هو انتى غلطانه برضه بس شيلى فكره الانتحار دى ده عذاب الدنيا ارحم كتير من عذاب الاخره توبى الى ربك واستغفريه واهربى من البيت ده وروحى دار ايتام او اى رجل دين وربنا هيسهل باذن الله ربنا معاكى

  70. سترك يارب
    16/07/2011 at 14:18

    او حضرتك ممكن تروحى جامع وتطلبى مساعده من شيخ اكيد هايوقف جمبك وتسكنى مؤقتا فأى مكان وتشتغلى اى شغل تانى يكون محترمده بعد ماترجعى لربنا وممكن كمان تعملى عمليه وترجعى بنت تانى وحياتك تستقر وسعتها ممكن ترجعى لاهلك او تتجوزى وتبدأى حياتك من اول وجديد وتنسى كل اللى فات

  71. ابو تريكة
    16/07/2011 at 00:53

    بصراحة انتى عايزة ضرب النار قى عز اظهر لان جالك الحلال ومرضتيش بية ورضيتى بلحرام معالحبيب الاولى دة لو بيحبك حقيقى مكانش رضى يخدك بجد موتك حلال

  72. NANO
    14/07/2011 at 22:20

    لا الانتحار يعني انك بتشككي في رحمة ربنا ولو بتتعذبي في الدنيا ده عذاب موئقت احسن من انك تتعذبي على طووووول

  73. عبد الله
    14/07/2011 at 16:07

    ان الله يغفر الذنوب جميعا بصي انتي لازم تسيبي الشغل ده وتخرجي من البيت ده وبلاش تشتغلي في المدت حولي تشوفي منطقه ارياف او قريه الناس هناك تعرف بعضها وهتحافظ عليكي اكتر من المدن وكمان فيها كناك جمعيات زي الجمعيه الشرعيه وغرها كتير افتكر مشكلك دي مش ليها حل غير عندهم ويا ريت بعد كده تعملي العمليه وتكلمي اهلك علي انك غلطي لانك مش عايزه العريس وافتكر مهما كانو هما مجرحين في امل كبير يسعدوكي بس افتكري انزلي القري ابعدي عن المدن اللظروف هناك صعبه جدا ربنا معاكي يا رب ويحفزك ويتوب عليكي يا رب يا ريت بايدي حاجه بس افتكر المسافه بعيده جاد ربنا معاكي

  74. قاعة زواج وعدد الحضور قليل جدا
    13/07/2011 at 18:30

    ابحثي عن شيخ كبير تقي

    عل وعسى يجعل الخير بيده

  75. قارئة الاعين
    13/07/2011 at 14:15

    انسى اهلك خالص واوعى تصدقيهم لو قالوليك انهم مش هيأزوكى ممكن يخلوكى ترجعى وبعدين يقتلوكى انا من الصعيد وعارفة وسيبى البيت اللى بتشتغلى فيةفى اقرب وقت وبعدين روحى لشيخ جامع اودار ايتام اومنظمة حقوق المراة وهما هيساعدوكى ويدورولك على شغل وسكن واستغفرى ربنا اول حاجة

  76. etqan54
    13/07/2011 at 13:11

    انصحك بان تتوبى الى الى الله توبة نصوحاً وتعزمى على ان لا تعودى الى ما كنت تفعليه من حرام وان تتركى المكان الذى تعملى به الان وقبل اى وقت اخر والجأى الى اى شيخ بمسجد او جمعية وان يكون مشهود له بالورع واعرضى مشكلتك بصراحة وان شاء الله هو سوف يتولى حمايتك وتدبير مكان لك او السعى فى الاصلاح بينك وبين اهلك المهم ان تنقذى نفسك من الحرام لان عاقبته ستكون وخيمة ان جاءك مرض فسوف يلقى بك فى الشارع وساعتها ستكونى فريسة لاى ذئب بشرى وهم كثر وادعو الله سبحانه وتعالى ان يتوب عليك وان يحفظك وان يردك الى دينه مردا جميلا اللهم امين

  77. pepars
    13/07/2011 at 12:20

    انتى بصراحه تستاهلى القتل ولو لختى مش هتردد لحظه فى قتلك بس وهل لو متى هتمحى العار الى خلفتيه وراكى لاابوكى واخواتك وانتى عارفه المواضيع دى بتجيب راس العيله فى الارض انتى انسانه مستهترة ودا جزائك ممكن يتعدل الحال بس بمعجزة ربنا يستر بنات المسلمين جميعا

  78. ممكن يكون حل
    13/07/2011 at 03:03

    بسم الله الرحمن الرحيم
    موضوعك فعلا غايه فى الصعوبه بس اولا
    اخلص النيه لله نك مش هترجعى تانى للحاجات دى
    بعد كده اقولك تعملى ايه
    انتى المشكله فى حياتك نفسها بعد كده فى جواز وشغل وغيره وغيره
    بس كل شئ وليه حل
    انتى سيبى طبعا البيت اللى انتى فيه واوعى تفكرى فى موضوع شغل البيوت دا تانى لانه بجد قله قيمه وهيحصل فيكى كده كتير
    وموضوع البكاره دا بقى سهل جدا اى بنت ممكن تعمل عمليه بسيطه وبترجع بنت تانى
    بس الاهم
    انك توعدى نفسك وربنا انك تحكمى عقلك بعد كده
    بصى بقى
    انت تاخدى بعضك وتطلع على منظمه حقوق المرأه وتروحى تحكى مشكلتك وتقوللهم انك كل اللى انتى عيزاه مجرد شغل تنزليه تاكلى منه
    ودورى كتير ع اى شغل هتلاقى فى محالات وسنترالات وغيره وغيره
    طبعا هتبقى معاكى مشكله المسكن ودى محلوله باذن الله منظمه حقوق المراه مع منظمه التضامن الاجتماعى هيفرولك المسكن
    وبعد ما تشتغلى تعملى العمليه بس بعد ماتخلصى النيه
    وعيش حياتك كبنت عاديه
    واخر كلام هرد عليكى بيه
    قل لعبادى الذين اسرفوا على انفسهم لا تقنطوا من رحمه الله
    ويرزقكم من حيث لا تعلمون
    وبجد مشكلتى هتتحل بس بصبر ودعاء والاهم انك تحافظى ع نفسك بعد كده
    دا رأى وانا هحاول اشوفلك اى حل ولو قدرت الاقيلك حل هكتبلك تعملى ايه وان شاء الله خير
    انا عند حسن ظن عبدى بى فايظن عبدى ما يشاء

  79. دكتوره نفسيه
    13/07/2011 at 01:19

    الاول دا مش كان اغتصاب انتي بتقولي هيمارس معاكي الجنس و انتي و افقتي المهم و سيبك من اللي راح
    انتي عيشتي حياه صعبه عايزه كمان اخرتك تبقي عذاب و في النار شيلي من دماغك فكره الانتحار نهائي
    توبي ياحبيبتي و شوفي اي حد اشتغلي عنده بس تكون ست كبيره مثلا او كده
    و لازم تشي من الفيلا دي ضرووووري و بسرعه

  80. نجم الجيال
    12/07/2011 at 19:44

    بصى يا اختى انا راي انيك تروحى الى اى جامع وتقبلى الشيخ اللى فى وتحكيلو حكايتيك وهو ان شاء الله هيسعديك ويوفق جانبيك وربنا يحميكى ويسترها معكى

  81. شخص مسافر
    12/07/2011 at 11:53

    أختى …إقرئي كلامي للآخر الحل لمشكلتك في خطوات اتبعيها بالصبر والتوبة من قلبك: أولا : أتوضى وصلي … ثانيا أتركي الفيلا اللي انتي فيها وروحي دار أيتام إعرضي عليهم انك تشتغلي عندهم بالبيات والأكل ثالثا والأهم :تكملي تعليمك بالإنتساب الى مدرسة يعني مش لازم تحضري وممكن نذاكرى لوحدك كمان فيه هناك مجموعات في المساجد بتبقى لله مجانا ممكن تحضريها وتساعدك في فهم الدروس . يا بنتي حاولي تحصلي على شهادة دراسية ، دبلوم أي حاجة ومين عارف يمكن تكوني متفوقة وتدخلي الجامعة . ساعتها حايكون لك وظيفة محترمة وبيت انتي اللي تعمليه بس خليكي مع ربنا وواظبي على الصلاة أول ما تسمعي الأذان … لأنك زي مابتلبي نداء ربنا غلى طول هو سبحانه حيسمع دعاءك على طول .رابعا :اتصلي بأمك وبريها مش لازم تعرفيهم مكانك . ويمكن ربنا يكون له ترتيب آخر لما يشوف صدق توبتك ومشيك في الصح فيبعتلك ابن حلال تتجوزوا وتسعدي معاه وربنا معاكى

  82. بيييدو
    12/07/2011 at 05:32

    السلام عليكم بوصي يا ستي اول حاجه تشيلي فكره الانتحار ده من دماغك ماشي تاني حاجه تحولي تخدي بقيت حسابك و تسيبي البيت ماشي و لو مرضيش يديكي حاجه حاولي تمشي و انتي ماشيه تاخدي فلوس من اي مكان بس علي اد الفلوس الي ليكي علشان انتي هتحتاجي فلوس الحاجه راقم تالته تروحي علي اقرب جامع او دار ايتام او اي حاجه من نفس النوع و هناك هما اكتر ناس هيساعدوكي و انشاء الله هما الي هيكون عندهم الحل الامثل و ربنا معاكي انشاء الله

  83. mai
    12/07/2011 at 03:29

    يا جماعه انتوا بتهزروا ؟
    ترجع لاهلها ازاي؟
    اهلها هايقتلوها فعلا ؟
    ومحدش يقول هايكونوا احن عليها من اي حد والكلام ده لانهم فعلا هايقتلوها ؟
    اذا كان عندنا في المدن بيحصل كده ؟ مش هايقتلوها في الصغيد؟

    بصي يا بنتي
    كفايه اللي خسرتيه
    انتي تمشي من الفيلا دي وتروحي اي مسجد او دار ايتام او حضانه والمسؤليين هناك تسأليهم على وظيفة وخليكي في المكان ده لحد ما تلاقي مكان تسكني فيه ومتقوليش لحد على حاجه عشان متفضحيش نفسك
    واستغفري ربنا كتير وابعدي عن الحرام ده لان كده مصيبة في الاخرة
    توكلي على لله وهو هايفتح بابه ورحمته في وشك

    وبقولك تاني مترجعيش لاهلك خالص لانك غايبة بقالك سنة وهايقتلوكي
    الاحن عليكي من الدنيا كلها
    هو ربنا اللي انتي عصتيه في الاول لما هربتي مع شخص مش يحللك

    وربنا يجازي بقى اهلك للي ظلموا من الاول ووصلوكي لكده
    وانتي خدتي جزاءك في الدنيا وربنا يستر في اللي جاي

  84. ابراهيم الجارحى
    11/07/2011 at 20:27

    الحمد لله رب الذى لم يتخذ ولدا ولم يكن له شريك فى الملك ولم يكن له ولى من الذل وكبره تكبيرا والصلاة والسلام على من أخرج الناس من الظلمات الى النور . وبعد
    1- توبى الى اللة واخلصى النية مع الله اولاً .
    2- الرجوع الى الحق خير من التمادى فى الباطل فعودى الى اهلك فهذا اكرم لك واستر خصوصا انك صغيرة ولكن قبل العودة الى اهلك مهدى ذلك بأن تتصلى باقرب الناس اليك كأمك أو أختك أو أحد من قريباتك ممن لهم يد فى الحل والربط فى العائلة وبعد ذلك عودى الى اهلك .
    3- اعلمى أن الله تعالى غفار الذنوب وأنه يغفر الذنوب جميعا وأن هذا ابتلاء من الله فاصبرى وأحسنى الظن باللة .

  85. حياتى كلها لله
    11/07/2011 at 14:40

    السلام عليكم
    اولا يا اختى استغفري ربنا وتوبي اليه ان الله غفور رحيم واوعى تطاوعى حد في حاجة غلط تانى واعرفي ان لاطاعه لمخلوق في معصيه الخالق واوعى تفكري في الانتحار يعنى كفايه خسرتى نفسك وحياتك عايزة كمان تخسري الاخرة لا يا اختى اتصلي باهلك وارجعى ليهم لان مفيش حد هيخاف ويحافظ عليكى قدهم لان مهما كان دول الناس الوحيدة اللي عايزة مصلحتك والناس الوحيدة اللي هتساعدك وهتقف جنبك ارجعى ليهم في اقرب وقت ومهما كان عقابهم ليكى هيكون اهون بكتير من الناس اللي هتقابيلهم في حياتك

  86. الامل
    11/07/2011 at 09:07

    سلام عليكم…….. الله يستر عليكي ويحفظك اولا توبي الي ربك واستغفريه وربك غفور رحيم تانيا اياكي تستجيبي الي مطامع احد يكفي اللي صاروخاصة الولد او ابيه او اي حد اخر تانيا اتصلي علي اهلك واسترحميهم وان شالله ربنا يصلح الاحوال بينكم واعرفي ان مفيش حد راح يخاف عليكي مثل اهلك اللي انتي كسرتي قلبهم واشوفي حد يقدر يساعدك من العائله رجال يكون متدين وحكيم واعرفي انه لن يصيبك الا ماكتبه الله لكي وربي يصبرك ويهدي قلبك ويغفر لكي ولو اياكي تفكري في الانتحار عايزه تموتي كافره لالالالالا …ياختي كلنا بنغلط وربنا يستر عليكي

  87. سعاد
    11/07/2011 at 07:18

    أوعى تنتحرى كفايه غضب ربنا عليكى أنا مش بلومك بس أنتى بجد صعبتى عليا و اللى فيه الخير إن شاء الله يقدموا ربنا

  88. كبرياء انثى
    11/07/2011 at 03:49

    انا ما بلومك انا بلوم عاداتنا وتئاليدنا اللي بعدها
    تغصب البنت انهاتتجوز حد ما بدها اياه
    انتي غلطي برضو بانك شغلتي ئلبك وما شغلتي عئلك
    ومو مره مرتين وهشي ظلم ل الك و ل سمعتك ولاهلك
    البنت متل الكزاز ازا انكسر مستحيل يتصلح

  89. غدر الزمان والحب وليش غدر الومان
    11/07/2011 at 03:20

    زى ام انتى قولتى هما بيعملوا كدا افرض ان هذا صحيح فانت بنت من الصعيد والكل يعرف ان الصعيد لهم العادات والتقاليد وانتى تفهمى ذلك فلماذا ام تقول لوالدك انك مش عايزاة وانك عايزة تكملى دراستك ولو والدك لم يوافق فعن\ك 100 طريقة لتفنعى اهلك برايك ؟ ولكنى سوف هسالك سؤال انت من الصعيد والشرف عند الصعيدة اغلى من بحر ملى بالمجوهرات فلماذ تذهبين مع شخص لم تثقى قية ؟

  90. والله حابب انصحك
    11/07/2011 at 02:36

    لا حول ولاقوة الا بالله
    ياحبيتي خدي بالك من نفسك واستغفري ربنا وربنا هيسامحك
    وارجعي لاهلك مش هيكون في احن عليكي منهم
    اهم حاجه خليكي مع ربنا وعمه ما هيتخلا عنك وهيحفظك ويحميكي وهو خير حافظ وارحم الراحمين
    خدي بالك من نفسك ياماما وربنا معااكي
    وممكن تروحي لحد الناس بتثقق فيه مثلا اما الجامع لو كان شخص كويس ومعروف عنه كدا لوو ممكن يساعك
    بجد اتمنى من ربنا يفك ازمتك
    وطمنيني عليكي

  91. warda
    11/07/2011 at 01:31

    ربنا يكون فى عونك عشان الشيطان ضحك عليكى وخدعك وانتى كنت لسة صغيرة انا مش عارفة اقولك اية بس الحاجات دى مش بشوفها الا فى الافلام بس انا بجد مش عارفة اقولك تعملى اية بجد مش هقولك غلطتى فى حق نفسك وفى حق اهلك كان زمانك دلوقتى متجوزة ومتصانة فى بيتك بس معلش ال حصل حصل انا كل ال فى ايدى انى ادعيلك ربنا يسترك

  92. lola
    10/07/2011 at 23:02

    صلى صلاة أستخاره و الى هيدلك عليه ربنا أعملى و توبى إلى الله و هو هيستر ك و مش هيفضحك إن شاء الله

  93. مصرية وافتخر
    10/07/2011 at 18:26

    انا مش عارفة اقولك اية بصراحة انتي دمرتي نفسك مكنش لازم تثقي فية ولانم تعرفي انه عمره ما هيشيل مسئولية واحدة وبعدين انتي من الصعيد المفروض تكوني محافظة علي نفسك اكتر من المدن يلا اللي حصل حصل ربنا يستر علي بنات المسلمين جميعا ياررررررررررررررربويستر عرضهم ويستر عليكي المهم انتي استغفري ربنا وتوبي اليه

  94. ملك
    10/07/2011 at 15:43

    استغفري ربنا كتير اوي توبي له و اندمي علي كل اللي عملتيه دة و روحي في اي مسجد اتكلمي مع حد هناك و احكيلهم مشكلتك وشوفي راي الدين ايه و اوعي تعملي كدة في نفسك تاني
    و لو مش هينفع ترجعي لاهلك خليكي في مسجد او في اي دار رعاية او ملجاء ايتام
    بس الاصح ترجعي لاهلك و انتي كتبتي علي نفسك
    مشتتجوزي طولعمرك

  95. ياسر
    10/07/2011 at 14:27

    للأسف ممكن اهلك يقتلوكي

  96. RAHMA
    10/07/2011 at 14:10

    يا جماعة بلاش عتاب ليها اللى فيها مكفيها مشكلتك ممكن تتحل انك تروحى لاهلك واهلك صعايدة يعنى لو رجعتلهم __________ المهم كلميهم فالتليفون وشفيهم عاملين ايه ومن رايى تروحى لاهلك احسن بكتير من اللى عايشة فيها خدى مرتبك من صاحب البيت وارجعى على اهلك او تقعدى شوية وتحوشى فلوسك وتروحى لدكتور يعملك عمليه وحاولى تبعديهم عنك يا اما تحملى وتبقى مصيبة وبعد العملية ممكن ترجعى لاهلك او لو معملتيهاش ارجعلى عشان ماتجبلهمش العار

  97. عاشق القمر
    10/07/2011 at 11:25

    انتى اللى عملتى كدا فى نفسك ؛؛ ارجعى إلى ربك واستغفريه وتوبى إليه وادعيه انه يغفرلك ويطلع من الورطه اللنتى فيها دى !!!!!!

  98. نرمين
    10/07/2011 at 11:18

    طبعاً أنتى خايفة ترجعى لأهلك ليعاملوكى وحش أو يضربوكى ضرب مبرح
    – كلميهم قوليلهم أنك عاوزة ترجعى بس خايفة
    – أنك هربتى لآنك مش عاوزة العريس دة.
    – أكيد هتلاقيهم متلهفين لعودتك لهم و على وعد منهم بعدم تزوجيك هذا الرجل لأنه كبير فى السن.
    – ثم عودى اليهم دون أن تحكى عما حدث لكى
    .فمهما كانت معاملتهم وقسوتهم عليكى فهم أرحم و أحن عليكى من أى مخلوق على وجه الأرض.
    و المثل يقول إلى خرج من داره أتقل مقداره. فتشجعى وعودى أليهم و لا تخرجى منه إلا لبيتك

  99. نيهال
    10/07/2011 at 07:49

    السلام عليكم يا اختى انتى بصراحه غلطانه اوى وانتى اللى وصلتى نفسك لكده انتى غلطتى غلطة كبيرة لما هربتى مع حبيبك لانه انتى كنتى حتتجوزى وتعيشى مصونة الكرامة مهما كان فرق السن كان ربنا حيوفقك فى حياتك احسن من اللى بقيتى فيه دلوقتى وبصراحه الندم مش ينفع خالص والحل دلوقتى انك تصبرى لحد ما تلاقى اى شغل تانى ويكون غير الخدمة وربنا معاكى بس الحقيقة انتى اللى رخصتى نفسك من الاول ويارب يغفرلك ذنوبك ويساعدك المهم دلوقتى انك تقربى اوى من ربنا

  100. ابو عصام
    10/07/2011 at 06:13

    شوفى اى حد يتجوزك ويستر عليكى انتى ظلمتى نفسك وظلمتى اهلك معاكى

اترك رداً أو حلاً لهذه المشكلة