اسرار البنات

بدون جنسيه .. زوج امي ماطلعش ابويا

مساء الخير .. في البدايه اتمني ان كل شخص يجاوب علي مشكلتي لعل الحل اللي هتقوله يكون سبب ان حياتي الاقيها..
انا عندي 21 سنه .. باختصار انا عايشه مع ناس معرفهاش .. معرفش انا صح ولا لا ..
اكبر و الاقي الشخص اللي انا عايشه معاه مش ابويا .. جدتي قبل ما تتوفي قالتلي ان بابايا في فرنسا و امي سايباه من زمان .. لما ماما رجعت مصر اتجوزت علشان تسجلني باسم جوزها و فعلا ده اللي حصل .. و كل حاجه اتزورت اسمي و تاريخ ميلادي .. كل حاجه مش صح .. انا عايشه باسم مش اسمي .. و انا معرفش اذا كانت هي كمان امي ولا لا .. انا اعمل ايه و اروح لمين .. اوصل لاسمي ازاي .. انا مش عارفه اهلي فين و عملوا ايه .. و مش عارفه اروح لمحامي ولا لمين .. ممكن حد يشوفلي اي حل .. و حاليا انا هتخطب و فرحي كمان سنتين و خطيبي عارف كل حاجه و واقف معايا و ساندني بس اهله لو عرفوا كل ده مش هيوافقوا اصلا يناسبونا .. لو رفعت قضيه و اللي انا عايشه معاها اتسجنت انا مش هعرف اكون لوحدي..
قبل ما حد يتعصب انا الست دي مربتنيش .. هي جابتني من فرنسا و تيتا اللي هي والدتها هي اللي مربياني الله يرحمها .. هي متعرفش عني حاجه انا جيت عيشت معاها لما تيتا سابتني السنه اللي فاتت …

مشاكل وحلول ذات صلة

اضيف بتاريخ: Saturday, July 1st, 2017 في 03:50

كلمات مشاكل وحلول: , ,

12 رد to “بدون جنسيه .. زوج امي ماطلعش ابويا”

  1. Lonelyheart
    15/07/2017 at 14:45

    أولا يبنتي الله يهدي سرك ويستر عليكي وعلى جميع البنات
    ثانيا إنتي مصدومه من كلام جدتك الله يرحمها هي قالتلي نص الحقيقه بس فين النص الثاني
    بعدين خلينا نتكلم بصراحه لما حد يقرر يتبنى طفل مش طفله يعني مش من لحمه ودمه يبقى إنسان نبيل في غاية النبل والإنسانيه مين يقدر يستحمل مسؤولية طفل صغير ومتطلباته ويسهر معاه لما يمرض تربية الأطفال حاجه مس سهله وتعرفين دا لما يبقى لك ولاد
    الست دي اللي بتقولي هي جابتك من فرنسا يعني هي جابتك من ملجأ ولا لقيتك في الشارع ولا إزاي
    لو حتى طلعت مش أمك البيلوجيه يبقى كثر خيرها جابتك مصر وودتك عند وحده إهتمت فيك أللي هي والدتها وأكيد هي اللي كانت بتصرف عليكي وعلى متطلبات كويس ماجابتش ليكي دادا قاسيه تضربك وتعذبك وتجيب لك مليون عقده وعقده
    الراجل اللي بتقولي ماطلعشي أبوكي هو ماكانش كويس معاكي وبيعاملك كويس ،كان بيعذبك وبيضربك وبيجوعك أو لاقدر الله بيتحرش فيك جنسيا زيما ما بتسمع اليومين دول
    يابنتي الأهل هم اللي بيربوا وبيكبروا مش بيخلوفوا ويرموا ولادهم
    وفرضا إن والدتك خلفتك من شخص غير معروف أو مثلا إتنكر ورفض تنسبه ليكي يعني هي بقت أم وحشه مافي أمهات بترمي عيالها في المستشفيات وحتى قدام الجامع أو حتى الزباله لما الأب يرفض يعترف فيه
    عمرك ٢١ سنه يعني مش مراهقه ولا قاصر فكري كويس وماتعمليش أي حاجه تخلي والدتك تلعن أبو اليوم اللي عرفتك فيه

    قربي منها وإحترميها ومسير الحقيقه تتعرف في يوم من الأيام
    وحطيها حلقه في ودانك الطريقه اللي تعاملين فيها والدتك النهارده بكره ولادك حيعاملوكي بنفس الطريقه
    وخطيبك دا راجل زي كل الرجاله كل اللي راح يربطه بيكي حيكون ورقه وعقد.جواز مفروض مايعرفشي الحاجات الحساسه دي عنك قبل ماتتأكظي على الأقل ،أنا مابدعمشي الغش والتدليس في الزواج لكن إنتي أساسا لسه مش متأكده مت حاجه وزيما قالوا الأساتذه قبلي لو حابه تعملي فحص ال DNA ممكن تعمليه مع إني سمعت إنه مكلف جدا وكمان إسألي والدتك عن شهادة ميلادك لو إتولدتي في فرنسا علشان تروحي تقدمي على الجنسيه الفرنسيه
    حاجه أخيره إنتي في شكلك ومظهرك مابتشبهيش أمك يعني شكلك أجنبيه ولا مصريه سهله دي تتعرف أكيد صح
    وتحياتي وراح أتذكرك في صلواتي ودعائي

  2. صاحبه المشكله
    08/07/2017 at 07:24

    انا متشكره جدا لكلام كل واحد فيكوا و مبسوطه جدا انكوا بتدعموني و محدش هاجمني ..
    بالنسبه لامي اللي عايشه معاها معاملتنا انا وهي اغراب و سيئه جدا .. تقريبا كل ثانيه خناقه جديده ..
    و بالنسبه لزوجها هو سايبنا من حوالي 6 سنين …
    اهلي معرفش عنهم حاجه .. و الباسبور بتاع امي عليه اثار دم و محطوط عليه ميكروكروم علشان اثاره تروح لكن مع الوقت بان اثار الدم..
    و كان ليها علاقه بناس من امريكا و منهم واحد قالها استحملي لغايه ما تاخدي الجنسيه الفرنسيه الاول و امشي..

  3. سمير
    05/07/2017 at 19:28

    اختي العزيزة … اهتمي اولا بمشروع الزواج في الوقت الحالي أما موضوع النسب فأكيد كان فيه اسباب عند الام لكونها سجلتك باسم زوجها الثاني فيجوز ان الاب الحقيقي رفض بنوتك ويجوز انه مات قبل تسجيلك في سجل المواليد … اتركي هذه الاشياء في الوقت الحالي والانسان بشخصيته ونجاحاته وعلاقاته وليس مجرد بيانات في اوراق حكومية… لاتشغلي نفسك بامور لن تقيدك في شئ فأن المهم هو واقعك الحالي ولكن لو مهم بالنسبة لك هذا الموضوع فممكن تلجأي لجيران او اصدقاء لوالدتك كانوا قريبين منها لوقت بعيد قد يكون لديهم اي معلومات تفيدك وأيضا ربما جيران واصدقاء لجدتك قد يكونوا علي علم بقصتك …..وربنا يساعدك

  4. Ishak
    05/07/2017 at 15:55

    الصبر الدنيا دار اختبار الله سبحانه وتعالى إذا أحب قوم ابتلاهم عليكي بالاستغفار وكثرة الدعاء والأسوأ لله والله رؤوف رحيم.

  5. RizzoRaz
    05/07/2017 at 01:06

    لا اله الا الله الله يكون بعونك حبيبتي والله مشكلتك صعبة كتير كتير .. طب انتي حكيتي انو الست الي هي ربتك ما بتعرفك اسأليها أو اسألي الزلمة خليه يخبرك كل التفاصيل , ع الاقل هما لازم يحكو معك في الموضوع مدامك خاطبة !!!

  6. كريم نور
    04/07/2017 at 10:11

    مهما كان هما لهم فضل عليكي اسلوبك مش عاجبني نفترض انهم مش باباكي ومامتها تفتكري الحقيقين بيفكروا فيكي ولا اعتبروكي غلطة اعتزي لهم ومتفكريش كتير لان مع الوقت خطيبك مش هيعملك قيمة هيعتبرك مقطوعة من شجرة

  7. على الطاير
    03/07/2017 at 19:52

    اختي الفاضلة اعملي تحليل دي ان ايه لامك و لك و ايضا استفسري منها عن اوراق لك و كذا و خطيبك شخص محترم وهو شيء نادر و بالنسبة لموضوع رفع دعوى على امك المحتملة فالافضل تؤجليه او تتخلي عنه الا لو ثبت بدلائل جديدة انها ليست امك او تريد ايذائك عن عمد لا سمح الله يعني عندها مخططات شريرة مخبأة وهو شيء استبعده لانك لم تذكري شيء عن سوء خلقها معك فبالتالي اتوقع انها تؤويكي بالمنزل ع الاقل و هو فعل طيب فعامليها بالحسنى اما لو ثبت انها ليست امك فبالتالي شرعيا زوجها اجنبي عنك يعني لستي ربيبته فلا تظهرين امامه بشعرك و حاولي ان لا تسكنين عنده عند ذلك ، و جميل من خطيبك وقوفه معك و ستره عليك و برأيي ان تسرعوا الفرح و تسجلي بالعقد بياناتك الحالية باسمك الحالي كي لا تتغير امور تؤثر على زيجتك و صلي استخارة و ادعي الله و تقربي منه و اكثري من الصالحات و الاستغفار و انظري لمن هو دونك تهون عليكي مصيبتك ،، فرج الله همك .

  8. حل بسيط
    03/07/2017 at 02:34

    اتجوزي انتي وخطببك الاول
    وتاني حاجة اطلبي تحليل دي ان اي منها
    ولو رفضت ابعتي مشكلتك لمني عراقي برنامج انتباه هي هتقولك الخطوات اللي تعمليها

  9. ابوالبتول
    02/07/2017 at 05:52

    يابنتي الغالية السلام عليكم ورحمة الله وبركاته وكل عام وانت بخير نشاء الله قرات مشكلتك جيدا وتاثرت لكل ماحدث لك لكن كلامك فيه الكثير من عدم الوضوح وعاوز اسالك هل انت متاكده من كلهذي الحقائق التي ذكرتيها وهي ان اباك الحقيقي موجود في فرنسا وعلى قيد الحياة ام لا وهل الست دي جدتك المتوفية هي من قالت لك الحقيقة وهل عمرك حسيت اني دي مش امك كل الاحتمالات واردة ولاشي مستغرب في هذى الدنيا اذا فرضنا ان ابوكي حي يرزق في هذة الدنيا ليه ماسال عنك مش معقول اب يترك بنته لحمه ودمه ويتخلى عنها مهما كانت الظروف التي ادت الى انفصاله عن امك الان انت لازم تجلسي مع امك وتصارحيها بكل شي وتخبرك الحقيقة عن ابوكي مين ابوك واين هو الان ومن حقكي تعرفي كل شي عنه وعن عيلته واهله واقاربه اكيد له اقارب موجودين في مصر بامكانك اللجو اليهم والسؤال عنه اذا رفضت امك تخبرك عنه وثاني حاجة امك لها الحق ان تتزوج بعد انفصالها عن ابوكي وده الشرع والاعراف بتقول هذا ولاتنسي انها امك والله عزوجل اوصانا بالام لها حق عظيم وكبير عند الله وبها تدخلي الجنة مش عاوزك تتكري فضلها عليك مهما حصل او تغلطي في حقها مهما كانت الظروف ومهما حصل منها تظل امك انت الان مخطوبة لشاب ربنا يتمم لكم بالخير ويسعدكم في حياتكم القادمة وهو يحبك مثلما انت تحبيه وعارف ظروفك تماما فلو كان فعلا ابن حلال كويس وشاريك بالغالي فلن يوثر ماحصل لك من ظروف قاسية خارجة عن ارداتك ولاذنب لك فيها كون ابويك منفصلان وعشت طوال عمرك ماتعرفيش حاجة عن ابوك صدقيني في ناس زيك كدا ولدوا وعاشوا محرومين من اباهم ولايعرفوعنهم شي واذا كانوا اهل خطيبك رفضوا الاستمرار في الخطوبة بعد ماعرفوا الحقيقة فهذا شي راجع لهم ولاعايزك تتاثر بذلك اوتزعلي ربنا بيعوضك ويكرمك بكل الخير ويرزقك بابن الحلال الصالح اللي يصونك ويقدرك ويسعدك في هذى الحياة

  10. mohamed
    02/07/2017 at 00:09

    اولا هتكلم من الناحية العملية : بما ان مفيش اى دليل ورقى يثبت كلامك حتى لو صح فدا معناه انك تقدرى تعملى دليل جديد عن طريق تحليل DNA بس خلينى اتكلم بصراحة تفتكرى ليه جدتك مقلتلكيش ليه على الحقيقة طول المدة دى ؟ الجواب انك مش هتستفادى من دا غير ان حياتك هتتلخبط يعنى دلوقتى افترضى انك اثبتى ان الشخص دا مش والدك طيب هتجيبى منين والدك الحقيقى؟ وبالتالى هتثبتى ازاى اساسا ان والدك الحقيقى فرنسى ؟؟ ال DNA هيعملوا ان هيقارن عينات ويشوف اذا كانت متشابة ولا لا لكن مش هيجبلك صاحب الDNA التانى .. هتكلم بافتراض ان معندكيش اى خيط يوصلك لوالدك الحقيقى انا مش واسع الاتطلاع فى القانون لكن اعتقد انك مش هتفضلى من غير جنسية زى منتى فاكرة اعتقد هتاخدى جنسية الام وفى الحالة دى مفيش حاجة هتتغير وكل اللى هيحصل ان الناس هتبص للست اللى يفترض انها امك انها انا اسف فى الكلمة مش مظبوطة وانها ممكن تكون جابتك فى ظروف مش صح ودا بالتالى هيضرك فى كل الاحوال ومش هينفعك بأى حاجة .. عشان كدا شايف ان مفيش حل دلوقتى غير انك تكتمى على الموضوع وتلاقى طريقة تتعايشى بيها مع الوضع لحد متتجوزى وتبقى مسؤولة من حد تانى وبعد كدا ابدأى قررى من جديد ناوية تعملى ايه

  11. كريم نور
    01/07/2017 at 08:32

    ف البداية انتي اختطاتي نفترض انك مش بنتها تفتكري والدتك بتفكر فيكي دلوقتي ولا اعتبروكي غلطه ورموكي يكفي انك ع قيد الحياة واتبريتي تربية صالحة ف ناس احتضانوكي اعتزي لهم عن اي كلمة وحشة ف حقهم وخدي بالك انتي قلتي والدتها اللي ربتك مش معني دا ان الست دي ملهاش فضل عليكي راجعي نفسك لان خطيبك او جوزك دا عمره ماهيعملك قيمة طول مانتي لحالك مع الزمن والوقت هتعرفي دا

  12. زهرموجةى
    01/07/2017 at 07:39

    بس انتبهي لا تنكري معروفه,هذا فضله عليك كبير,انكار المعروف والجميل كفر ومن الكبائر اللتي عقابها عاجل في الدنيا,هذا انسان له معروف ,واول ما كتبتي عنه,تقولي انا عايشة مع ناس معرفهاش,هؤلاء الله يسألك عن جزاءالاحسان بالاحسان ومعروف اكبر مما عمله معك والدك المسئول عنك,اذا لم تعامليه كصاحب فضل على الاقل لا تنكري معروفه,والدليل انك تربيتي معهم وحافظوا عليك حتى كبرتي وصار عمرك 21 سنة,وهذا اكبر دليل على انهم افضل من والدك,ولماذا تنبشي عن اسم مكتوب في ورق اتركيه كما هو لن يسألك عنه احد اذا كان مسجل باوراق رسمية,وربما لو تبحثي عنه تفتحي قضية تزوير وتتعقد امورك في كل مكان حتى في دراستك وعند وظيفتك ,لن يظرك مجرد اسم على ورق لتيسير اجراءاتك اثناء الدراسة والوظيفة والزواج,لكن من الناحية الشرعية اطلبي منهم ان ينادوك داخل الاسرة ومعارفك دائما باسم والدك الحقيقي هذا شرعياً واجب وحرام تنتسبي لغير والدك,لكن في اوراقك الرسمية اعتقد انه لن يضرك لو بقي كما هو,واكيد انتي عارفة الافضل لك,ولماذا اهل خطيبك يعرفوا او خطيبك من الاساس لماذا تقولي له عن امر لا يعنيه انتي ناوية تخلقي لك مشكلة وتشهري بنفسك لكل اللي حواليك مع انه لا احد يهتم ,وكيف توصلي لاسمك ووالدك وهل امك لا تعلم من هو زوجها وما اسمه,اصلا الحكاية كلها غير مهمة حتى لو كنتي لقيطة ليس لك اب ولا ام معروفين ,عيشي كمنتي لا تنبشي عن اي شيء لا يهم الله اراد خلقك لو كان من صخرة,خليك انسانة باردة لا مبالية في ستين داهية اي حاجة ثانية جيت من وين ما جيت ولو قال لك انتي عفريته من نسل الجن قولي لهم لا يهم خذي الامور ببساطة ولا مبالاة وزي ما تمشي على كيفها,لا تعملي اي شيء ولا تروحي لاي مكان نامي وارمي اوراقك في اي درج الى ان يضاف اليها شهادة الوفاة,اذا كانت المسألة مهمة لاجراءات رسمية واوراقك غير مكتملة او خايفة من شيء اخر اكيد هناك اجراءات رسمية تتبعيها بنفسك او عن طريق استشارة محامي وهذا لا بد منه ربما يحتاج حضور والدك الحقيقي او عمل فحص الـ DNA او اجراءات اخرى لا بد تعرفيها قبل اتخاذ اي خطوات

اترك رداً أو حلاً لهذه المشكلة