تعبت من الحياه و من البلد و عندى احساس انى بكره كل الرجال اللى على وجه الارض مفيش يوم اخرج من البيت مع اصحابى و يكمل حلو لازم حاجه تنكد عليا بس دى كانت اكبر حاجه صدمتنى فى الاولفي شاب كان بيدايقنى بكلام سافل و بعد كدا اتصدمت لقيتو صورنى و لما اتخانقت معاه ضربنى فى الشارع و شدنى من شعرى و المشكله ان الرجال مقربوش ليه غير شباب كانو جايين يلحقونى هو جرى و هما جريو وراه انا متضايقه من اللى حصل لان بابا مش بيضربنى ف ازاى واحد غريب يضربنى من غير ما اغلط فيه مش عارفه اعمل ايه بفكر اقول ل اهلى و نروح نبهدله لانى حاسه انى كرامتى اتهزت و مش ممكن اروح المكان دا تانى عايزه رايكم
اختي العزيزة لازم تخبري اهلك بكل اللي حصل معاك واكيد عارفه الشاب اللي صورك وضربك في الشارع ولو شفتيه مرة اخرى هتعرفيه عشان يتادب وياخذ جزاءه الرادع ليه يعمل في بنات الناس كدا هي اللبلد سايبه ولا فاكر نفسه مين اوعي تتساهل في رد اعتبارك وكرامتك اللي اتهانت من واحد سافل وواطي وربنا يحفظك ويسترعليك ويكفيك شر الاشرار