هذه قصة اقصها وانا في حالة لا يعلم بها الا الله سبحانه فارجو ان تعذروني لنقلها الى هذا الموقع لعلي اجد الحل .وهي كتالي
في يوما ذهبت زوجتي لوحدها الي سوق الملابس فبعد خروجها بنصف ساعة اتصلت بها عالموبايل فقلت لها لاتتأخري قالت خلصت من شراء الملابس وانا الان ذاهبة الي البيت .
فبعد ربع ساعة اتصلت بها فلم ترد فصار الشك يراودني فبدأت اتصل بها كالمجنون 15 مكالمة وهي لم ترد عالموبايل فبعد ما اتت الي البيت قلت لماذا لم تردي عالموبايل فقالت لي لم اسمعه كان موجود الموبايل في الشنطة . فبدأ الشك يراودني من هذه اللحظة . فعندما سألتها هل انت تخونيني . قالت لا ابدا لم اخونك ولم يلمسني احد .
فقط للعلم عندما خرجت للسوق طلبت من الاذن ان تخرج .
فارجو منكم تحليل وحل قصتي هذه وبارك الله فيكم
مشاكل الخيانة الزوجية
اشك في تصرفات زوجتي
اضيف بتاريخ: Sunday, October 7th, 2012 في 08:17
كلمات مشاكل وحلول: الخيانة, الخيانة الزوجية, زوجة
علي اي اساس تشك فيها هل لاحظت عليها شي في السابق ام هذه المره فقط اذا لم تلاحظ عليها شي في السابق فانت مخطي لانه فعلا ممكن تكون لم تسمع وذالك بسبب دوشه وزحمه الاسواق وانا احيانا اتصل في زوجتي وهي بالسوق ومع اهلها ولا ترد لانها لم تسمع فلا تدع هذه الشغلات البسيطه تقلقك وتدمر حياتك
عليك بى مرقابة ولا تضع اشك والواسوس يسيطرعليك ،واثقى من احسنت اليه.
يااخي اتقي الله في مراتك وبلاش الظن السي وخليك واثق منهاايه الكلام الفارغ اللي تقول عليه الظاهرانك مريض نفسي اومختل يعني ماردت على مكالمتك لها انهاتخونك مش تلتمس لها العذر قديكون الموبايل بتاعها بطاريته خلصت وقفل عليها اوكان على الوضع الصامت تاسف منهاوفورا وخليهاتسامحك وبلاش الافكارالسودةاللي تدمروتخرب حياتكم الزوجية ربي يهديك
انت تحتاج لمراجعة طبيب نفسي
يااخي لاتجعل الشك يدمرحياتك اتقي الله في نفسك وفي زوجتك واعلم ان الشك والاوهام من عمل الشيطان يريدان يفرق بينكم وان يدمرحياتكم الزوجية استعن بالله منه وكن واثقا في زوجتك وفي اخلاقهاوتربيتهاوربي يهديك ويسترعليكم
انا بجد حيات اني مش عارفه اقرا المشكلة او انها مش معروضه عندي كامله بس لما قرات الردود اتاكدت اني قرتها صح ايه ده ده كلام اتقي الله
يا خبر اتقي الله ونظف فكرك ده
و الله انا لو منها مكنتش هرد عليك برضو
ده انت خنقتها ياشيخ
اتلاقيك ملاحقها ف كل حركه بتعملها
١٥ مكالمه ف ربع ساعه يا مفتري !!!
ليه كل ده ؟؟؟
انت مش واثق فيها لأنك مش واثق في نفسك
ربنا يعينها و الله
من الاخر انت تعاني ” الوسواس قهري ” ؟!
كدب شكك بنفسك
راقب مراتك من غير متاخد بالها لمدة اسبوع مثلا بس انا بقولك كدة عشان انا زيك شكااااك
بس الحكايه دة مش مبرر للشك لو فى حاجة تانية ممكن
اللة يعنها هية عليك
مش عارفة اقولك اية الجروب كلة در عليك بس انا هااقولك حاجة ناتية واكيد انت بتعملها علشان كدة شاكك في مراتك انت بتخون مراتك وماشي مع واحدة غيرها وخايف ان كما تدين تدان يعني انت لما متردش علي مراتك بتكون في حضن ست تانية ولا قاعد علي النيل اتقي اللة ما كلنا بنخرج وموبايلتنا بترن ومنردش علي ازوجنا ما بنكوش سامعين خلاص كلنا خاينين اللة يشفيك انت لو جوزي كنت بهدلتك ومشيت وسيبتك علي تفكيرك المريض يعني لو اتاخرت ساعة هاتطلقها
انت احسن حل تغنلها تقولها الشنطه فين يا حنفى وهيا حتعترفلك علطول انا مجنون يا ابنى وحده فى السوق وتليفونها فى الشنطه موصلات ودوشه حتسمعك ازى وبعدين اللى ماشى مع وحده بتخون زوجها بيكون عمل حسابه اقل حاجه ساعه علشان يعود معها بيكون وخد تمول وعلى متروح المكان وتبص يمين وشمال لحد يشوفها يكون عدا ساعه ولا سعتين
ياابني انت عبيط والاايه حتطلق مراتك لمجرد انهاماردت عليك خاف الله وبطل الشك والاوهام اللي بتخرب عليك بيتك واطلب من مراتك تسامحك
لا تفتح باب للشيطان
هقولك حاجة وحل كويس لما تقولك انها رايحة السوق او اى حتة استنى شوية وانزل راقبها وشوف هى بتعمل اية وراقبها اكتر من مرة لحد ما تتاكد لانك لو فضلت فى حالة الشك دى ممن تموت من الشك دة وحش ودى احسن وافضل طريقة
انت كدا بتتلكك بقى دى اتاخرت ربع ساعه وبعدين انا بنزل اشترى حاجات وكتير جوزى بيكلمنى ومش برد لانى مش ببقى سمعه الموبيل يبقى كدا يشك فيا ويطلقنى وعلى فكره لما مبردش بيكون قلقان عليا مش قلقان منى
يا اخي ربع ساعة و انت ترن عليها فروادك الشك …اتق الله في نفسك …انت تعرف الموميل لما يكون في الشنطة لا يسمع….اسمع اذهب بها للمكان الذي احتمل ان تكون فيه ساعة ان رننت عليها و في نفس الظروف و الوقت و ضع الموبيل في الشنطة اكيد لن تسمع رنته و بهده الطريقة سوف يزل عنك الشك …
لاحول ولا قوة الا بالله ناس تشتري المشاكل ووجع الراس بالفلوس
حراااااااام عليك والله ما اشوف في قصتك اي خيانة او اي حاجة
تدل عليها رووووووووح الله يهديك بس
اتقي الله في زوجتك وزد من حسن الظن بها لكن عليك برعايتها وليس مراقبتها فالرعايه والاهتمام يزيد من الروابط بينكما
روح الله يخرب عقلك منك لله انا لو منه اخلعك واضربك بالنار الله يخرب بيتك حتسوء سمعتها وهى معملتش حاجه روح اتعالج الحمدلله الذى عفنا من اشكالك العانس مرتاحه يارب تخلعك
يااااااااااااااااراجل مردتش عليك وانتا اتصلت 15 مره؟!!!! بص اتجوز عليها
علشان هيا ترتاح منك
ربنا يعينها عليك ولا تفكيرك كلنا بنحط الموبايل في الشنطه وبيتوه في الشنطه وكتير م بنسمعوش لانه مش في اليد ولا في الجيب زيك ،انت عندك وساوس كتيره في دماغك استغفر ربنا ما دام م عندكش دليل خيانه
الست مراتك عفوويه جدااا و ده بيحصل ع طوول انك تتصل بحد مش بيرد عليك لانه ماسمعش الرنه ، مش عاارفه ازاي جت فكره الخيانه في بالك ، هو يعني اي حد ما يردش يعني بيعمل حااجه غلط .. ده تفكير غريب جداااااا
نصيحتي استهدي بالله و ابتعد عن وساوس الشيطان و ربنا يهديك لمراتك .. 🙂
انت من لديه المشكله..! كيف يكون حكمك على شريكة حياتك بهذا الجرم من حدث قد يحصل حتى لك انت في حال نسيانك هاتفك على الوضع الصامت.
استغفر ربك ولا تجعل للشيطان السيطرة على تفكيرك
على فكره انا اعرف واحد صحبي اتصل على زوجته 21 مره وما ردت عليه طلع ليها وجدها جالسه مع ستات اصدقائها وتلفونها في الشنطه وما سمعت . بلاش الشك من غير داعي حرام عليك نفسك . اسمع نصيحتي لاتدور ورا زوجتك لان اي ست لو عاوزة تخون زوجها هتخونه هتخونه
الي مستغرباله انك سالتها انك بتخونني وهي بكل بساطه لا محدش لامسني
انتوا عيله بصراحه مش عارفه اوصفها في حاجه غامضه في الموضوع لان لو واحد قال لمراته كده
كانت بهدلته ومش بعيد اطلقت منه في حاجه غامضه وخيفه افسرها غلط
اخى الحبيب اكشف على نفسك من الان لانك حتروح فى شىْ طويل ومتسبش نفسك للشيطان
بصراحه انتى انسان شككك وشكلك عامل بلاوى فى حياتك علشان كده بتشك بسرعه وفى حاجه بسيطه فى مراتك هى قلت لك خلاص انا خلص فى السوق والموضوع كلاه خد ربع ساعه ان مش عارف ايه اللى يخليك تشك ارحم نفسك وبلاش الوسوسو يشتغل
يعنى هى عشان مردتش علي الموبايل تبقي بتخونك؟ اتقي الله وبلاش الشك دة وخصوصا انك مشوفتش عليها اي دليل للخيانة لازم يكون عندك ثقه بنفسك اكتر من كدة ويكون عندك فيها ثقه اكبر لانها شايله اسمك وسمعتها هى سمعتك واطرد وسواس الشيطان دة من دماغك وبلاش تفسد حياتك من غير اي سبب
والله أنت أمرك عجيب يا أخي !! هل بكل هذه البساطة تشك بأن زوجتك تخونك لأنها لم ترد علي إتصالك !! عدم الرد علي إتصال الموبايل وارد جدا ويحدث كثيرا خاصة أثناء ما يكون الشخص في الشارع وخارج المنزل لأن صخب الشارع والضجيج وصوت السيارات وماشابه ذلك يجعل صوت رنات الموبايل غير مسموعة لدي المتصل به . والغريب أنك تقول في البداية هذه قصة أقصها وأنا في حالة لا يعلم بها إلا الله !! أين هي القصة في الأساس يا أخي ؟! من يسمعك تقول قصة يتصور أن الموضوع كبير وخطير ولكني في الأساس لم أجد قصة ولا أجد أي مبرر لكل هذا التهويل . أخي الكريم هل هذه أول مرة تشك بزوجتك أم أن هناك أمورا لاحظتها عليها من قبل ؟ إن كان هناك شيئا لاحظته عليها من قبل فلابد لك أن تتأكد منه وإن كنت تبني شكك فيها علي هذا الموضوع الذي أسميته أنت قصة فأنت واااااهم أو ربما تعاني من الوسواس القهري . أسأل الله لك السكينة
خش نام انت شكلك تعبان شوية في ايه يا عم هو حاجة حصلت أصلا — بعد كدة متسيبهاش تخرج لوحدها ولخرج معاها عشان دماغك دي ربنا يعينها
كل الستات تقريبا بتحط التليفون في الشنطة ومش بتسمع