متزوجه من سنه و نص و عندي بنت عندها 6 شهور.. عندي 29 سنه و زوجي اكبر مني ب 7 سنين.. اول مرة اعرض مشكلتي عالانترنت او حتى لأي حد حتى امي ماتعرفش اللي هقوله.. زوجي فضل من يوم ما عرفني من 4 سنين يحاول انه يرتبط بيا و يتجوزني و انا كنت برفض لاني مكنتش مقنعه بيه اوي انا على قدر من الجمال و هو كان وسيم . و من عائله و محترم.. بس اللي كان مخليني ارفضه انه شخصيته مفيهاش روح الشباب و مش مرح و جد بس جدع و طيب و ده بيديه سن اكبر من سنه بكتير جدا و حواراته في حاجات كبيره عليا السياسه العالم الدنيا الناس وحشه وطي صوتك ارستقراطي جدا!!! المهم
لم يتقدملي حد مناسب و انا كان سني داخل عالثمانيه و عشرين بس دايما كنت افتكره و اقول والله كان افضل شخصية عرفتها مع العلم اني اعرف ربنا و متربيه وسط اسره متدينه..
المهم اتقابلنا صدفه و كلمني و كنت سعيده و اول ما طلب مني الزواج طبعا تقلت شوية
و بعدين قلتله موافقه.. اتقدملي و اهلي وافقوا و اتجوزنا لكن
في فترة الخطوبه لاحظت انه مبيجبش هدايا و انه بيرجع من شغله متأخر و انه مبيخرجنيش الا لما اقولة
بعد الجواز فعلاااا كل ده اتكرر!!!!
جه عيد ميلادي و عيد الحب ولااااا هديه
اتعب في الحمل بصراحه ياخدني لاحسن دكتور بس يقوللي خدي بالك من نفسك شويه بقا انا صرفت قد كده عند الدكاتره..
خروجات قليله غير لو طلبت.. خلقه ضيق جدااا.. و عصبي و شايف الناس كلها زباله.. و دايما مخون حتى انا ساعات يخوني و يشك..
و لو في مكان عام بس صوتك قلتله مره بسسس في ايه احنا مش فنانين عالمسرح و الناس مراقبانا!!!
حتى شكله مبقاش مهتم بيه و مظهره و طريقته ساءت و ادته سن اكبر من سنه عشرين سنه
دايما نتخانق عالى طول حتى خايفه على نفسية بنتي من صوت الخناق و هو عنييد جداااا كان نفسي يحتويني!
انا بهتم بنفسي جدا .. و هو على فكره نظيف جدا و بيصلى بانتظام احسن مني في الصلاة بس هي دي عيوبه حاولت معاه كتير مفيش فايده .
اختي الفاضلة اهم شي في الزوج التدين وانه بيخاف الله عزوجل ويودي الصلوات في اوقاتهاودي نعمةكبيرة مش موجودةعندكثيرمن الناس اما العصبيةوالعنادفدي عيوب موجودةفي طبيعةاغلب البشر واستحالة ان يتركهالكن حاولي امتصاص غضبه بالابتسامةالحلوة والكلام الجميل اللي كل راجل يحب سماعه من زوجته من مداعبات لطيفة ونقاش رومنسي هادي حتى تهدااعصابه ويزول التوتروالصراخ بينكم وماتعانديه اوترفع صوتك عليه امام اللاخرين اوتقطع كلامه اثناءالنقاش كوني هادئة ومتزنة وعاقلة وحكيمة وماتطلبي منه طلبات مالهاداعي اوكماليات مالهالازمة اذانفذتي كل هالنصائح تقدري تغيرين زوجك وتتكيف معه بلامشاكل اوخلافات وربنايوفقكم ويهدي سركم ويبعدعنكم الشحناءوالبغضاء
اختي الزوجة انت تقولي ان زوجك على خلق كويسةوبيخاف الله ويصلي ومحافظ على صلواته ودي نعمةكبيرة وفضل من الله عليكم احمدي الله انوزوجك بتلك الصفات الحميدة ومسالة العصبيةوالعناد فهذةمن ضغوطات الحياةاوالعمل التمسي له العذر في ذلك وتفهم حالته وتقربي منه اكثر فمع الحب والمودةوالتفاهم يزول كل شي بين الزوجين ويبقى الاحترام والتقدير مطلوب بين الطرفين ومسالة انه مايهديك هدايا ولا مبالي بالحاجات دي مالهالازمةاصلا اهم شي الحب والودوالتفاهم يكون سائد في العلاقة بين الزوجين اثيريه بانوثتك اثناءالجماع وبادليه المشاعروالعواطف الرومنسية وكوني جميلةوشيك ومتزينةعندمايشوفك وبلاش ترفع صوتك امامه وتغالطيه في الكلام اوتلحي عليه في الطلبات والمصاريف اللي مالهاداعي تكوني اسعدزوجة في الحياة وتعالج كل العيوب اللي تريهاموجودةفي زوجك وتلاقي السعادةوراحةالبال معه دايما
بصى انت احسن من غيرك بكتير انا مثلا جوزى عصبي و مبيصليش و بيمد ايدة و بيعيرنى انى ما بخلفشى تخيلى و عايزنى ما اطلبشى منة الطلاق انا بجد نفسى يطلقنى اعمل اية
مافيش حياةبلامشاكل اومشاحنات المراةالعاقلة تعرف تديرحياتهابحنكةوبراعةمتناهية زوجك انسان بيصلي ويخاف الله ودي نعمةكبيرة لكن له عيوب واخطاءوكلنافينا من العيوب والاخطاء ماتنتهي وماحدش منزه من العيب اوالخطا حاولي تغيري من سلوكيات زوجك واخطاوه بدون زعيق اوصراخ اثناء الحواربينكم وتلمسي الاعذارله وقدري ظروف عمله وكوني عوناله في التغلب على مشاكل الحياة واذاتعذرعليكما التفاهم وتعطلت لغةالحواربينكمافمن الافضل لكما الانفصال بهدوء وكلا ينام على الجنب اللي يريحه
مافيش حد بياخد كل حاجة يا ستى
هوا عصبى وشايف الناس وحشة والحاجات الكتير دى بس متقى وبيصلى وبيخاف ربنا ومحترم
بس يعنى حاولى برضو انك تجادلى معاه بس مش تزعفوا يعنى علشان ميفتكرش ان شخصيتك ضعيفة
يمكن هوا بيعمل كده علشان انتى مش بتجادليه
يعنى انتى سبتى طبتة وتدينه والتزامة وبصيتى بس للهدايا وبعدين عمرك ما حتلاقى حد كامل حتى انتى اكيد مش كامله اكيد فيكى عيوب بردو مش هو بس وبعدين تزعلى لو هو بخيل بس انتى بتقولى هو مش بخيل احمدى ربنا انه راجل عاقل وملتزم وبيخاف ربنا فى بيته احس ما يكون راجل مش مهذب ولا محترم وتفضلى طول عمرك فى فكر وتعب ومش حقولك هو مفهوش عيوب زى ما الاخت قالت لك بس انا شيفة ان عيوبه دى بعقلك ممكن تغيريها يا اما تطنشيها على قد ما تقدرى وصدقينى فيه طرق كتيييييير ممكن تتعاملى مع جوزك بيها بحنيه وبود ممكن يتغير عشانك وتلاقيه انسان جديد ابدائى انتى وان شاء الله ربنا حيوفقك للخير وصدقينى هو احسن من غيره بكتييييييييييييييييييييييير فاحمدى ربنا وكونى من الصابرين عالعيوب البسيطه دى بدال ما تندمى
اختي للاسف انتي متزوجة رجل متعالي على كل الناس وشايف نفسه احسن من ناس كلهم ودي قمةالغروروالعظمة وفوق هذا انطواي وخجول خواف من كل شي اذالم يتغير من سلوكه فالحياة معه صعبة وانت المتضررة الوحيدةمعه لذا من حقك طلب الطلاق والخلاص منه اكرم لك من الذل والتسلط هذا
انا شايفه ان مافيش عيوب وفى كتير مشاكل بين الازواج اصعب من دى مش هتلاقى حد زيه
بصى ياقمر كل بيت فى مشاكل بس اهم حاجه احنا عيزين ايه هل عيزين نعيش حياه سعيده ولا نفضل فى زعل والحياه قصيره مش مستهله انتى على حكيتك ان جوزك فى بعض السلبيات وانا شايفه ان كل الحاجات دى بسيطه جدا الحمد لله انها مش خيانه او غير كده انتى احسن من غيرك بكتير والكمال لله وحده لازم الانسان يكون نقصه حاجه وانا شايفه انك تبصى لنص الكوب المليان يعنى بلاش تثبتى نفسك انك تركزى على سلبياته بس لا شوفى الاجبيات اكتر وركزى عليهم وحولى تشغلى نفسك باى حاجه وبلاش الفراغ وربنا يخليلك زوجك وبنتك
انا مش شايفه ان جوزك فيه عيوب على فكره….. انتى بس ال مش عارفا تحتويه كويس…ومش معنى انه مش بيجيبلك هدايا انه مش بيحبك. وانتى مش مديه لنفسك فرصه تشوفى الكويس والحلو ال فيه..وانتى بجد لوحبيتيه من قلبك مش هتقفى على الحاجات البسيطه دى…وملاحظه بسيطه اغلبيه الرجال مابتعبرش عن حبها بهديه..او بكلام ولكن بفعل او رد فعل يبين حبه..
ارى بزوجك صفات طيبة تدعوكي ألا تفرطي فيه وحافظي عليه وعلى بيتك محاولته ان تخفضي صوتك هذا لايعيبه ربما لانه خجول ويحبك ويغير عليك ويخشى ان تلفتي انظار الناس عند علو صوتك العصبية والخلق الضيق تصيب معظم الازواج بسبب ضغزط الحياة والمسئوليات التلا تقع على عاتق الزوج فتانمسي له العذرربما مع تحسن الاحوال المادية تخف العصبية و روح الجد لاتعيبه حاولي أن تخرجيه من هذا الجو بمداعبته والقاء بعض القفشات والنكات معه ربما بسايرك ويخرج من جو الجدية اعتقد ان زوجك شخصية مثالية تحافظ على القيم والمبادىء ويستفزه العشوائية والاستهتار الذي يتصرف بها الناس امامه حاولي أن تثقفي نفسك لو بقراءة الصحف ومشاهدة برامج التوك شو بتقريب المستوى الفكرى مع زوجك ولتكون هناك حوارات مشتركة بينكما بدلا من الخرس الزوجي والله الموفق
حببتى دى عيوب بسيطه وان شاء الله يتغير احمدى ربنا واصبرى