انا كنت عايزة اشتغل فى برنامج من برامج البث المباشر بتطلع تتكلم فى اى شئ وخلاص وفعلا كان فى اعلان على الفيس بوك وانا قدمت عليه وكان المطلوب صور البطاقة و٣ صور ليا وفيديو تعريفى
وفعلا ارسلتهم لصاحب الاعلان المفروض انه بنت لكن للاسف طلع ولد واتكلم عادى وقال هبلغلك اول ما تتقبلى وبعد كام يوم بدأ فى الاتصال بى كل شويه وعايز يدخل فى علاقة حب بالعافية وانا ما كنت حابة لانى متزوجه وبدأ يقولى انا عندى صور ليكى اخدتها من تليفونك وتفضلى معايا والا هفضحك وللاسف كنت خايفة لان محدش كان يعرف انى عايزة اشتغل فى برنامج بث وكمان معاه عنوانى بالبطاقة وبدأ يعرف بالتدريج تليفونات كل اهلى كان ليه واحد شغال فى اورانج كان بيقولة كل مكالماتى بالتفصيل وجاب نمرة زوجى وامى وكل الاقارب من الناحيتن
وزاد تهديده افضل معاه واسمع الكلام ولى يفضحنى وللاسف خوفا من زوجى وامى الغير متفاهمه ابدا استسلمت وبقيت بعمل اى حاجة عايزها كان بيطلب يفضل سامع الصوت بالاتصال على الواتساب ٢٤ ساعه كل مايدور فى اى مكان انا متواجدة فيه واول ما زوجى يخرج افتح الكاميرا وكان يطلب منى اعمل حاجات سيئة على الكاميرا والشرط انى ابقة مبسوطة وبضحك فى الكاميرا وطبعا زاد الحبل حوالين رقبتى اصبح معاه صور وفيديوهات فاضحة ليا
حاولت انتحر لكن كان ربنا بينجينى وبقيت عايشة فى ظلام ليل نهار اعيط ومش قادرة حتى اتكلم واصبح يتحكم في كل حياتى اخرجى ما تخرجيش ما تتكلميش مع زوجك وماتقعديش معاه وطبعا دة عمل مشاكل كتير لان زوجى مش فاهم سبب بعدى ومش عارفة اعمل ايه
وفى يوم جاء الى اسفل بيتى وهوة عارف ان زوجى غير متواجد وطلب منى انه يطلع البيت طبعا خوفت وماوفقتش لكن هدد يخبط على امى وهيا ساكنه تحتى ويفضحنى وللاسف سكت وطلع البيت وقعد يتكلم ولكن لم يحدث شئ بينا وفضل يحاول يقولى انه بيحبنى وعايز يفضل معايا ومشى وكان هوة بيقولى انه مطلق وعندة بنت واخت عايشه معاه بالبيت وان ابوه لواء فى الجيش
ومن الوقت دة وانا عايشه فى جحيم لحد ما قررت اتكلم مع زوجى واحكيلة وبالفعل طبعا زعل منى ولكن لم احكى على صعود هذا الشاب منزلى وطلب زوجى ان نذهب للشرطة ونبلغ انه يهددنى وبالفعل روحت وعملت محضر انه بيهددنى بفضحى لكن حتى المحققين شاكين انى بينى وبينه علاقة حب لكن الحقيقة لا يعلمها الا الله وانا مستنيه هيحصل ايه ومرعوبة وخايفة
مشاكل اجتماعية
تهديد وابتزاز من اعلان عمل على الفيس بوك
اضيف بتاريخ: Friday, October 4th, 2019 في 21:36
كلمات مشاكل وحلول: الفيس بوك, برنامج, حب, صور, متزوجة
مشكلتك كبيرة جدا لكن لا يوجد لدي حل ، لا تستسلمي لاحد ابدا ولا تقبلي ابتزاز او مساومة على اخلاقك ، اذ وصلتي الى مرحلة الاستسلام اقلبي عليه شر كيده ،حظري له فخ محكم ، سجلي جميع اتصالاته ورسائله وبلغي الشرطة بموعدك معه واخبري جميع اقاربك زوجك واخوانه واخوانك وابناء عمك وچهزي له كاميرات من جميع الاتجاهات ، ما الذي تفعليه عندما تلتقي رجل وتستسلمي لتهديده ،سوف ينتهك اخلاقك وشرف اهلك وزوجك ويحملك اكبر خطيئة ممكن يعملها انسان ، ولو كان مجرم قاتل او من تجار اعظاء البشر تكوني ذهبتي لتسليمه رقبتك ، الم تسمعي بقصص السفاحين ، هناك نوع من البشر لا يعرفو شيء اسمه رأفة او انسانية ولا ااحترام حياة الناس ولا اي احكأم او قوانين ، يوجد بين البشر ناس لن يخطر على بالك كيف ينظرو للناس وكيف يفكرو ، لا تظني ان من يتجرأ على خداعك واستغلال حاجتك وعدم احترام حرمة بيتك ليس منهم من يقوم بهذا العمل الخسيس مجرم ولا يستبعد عن مثله القيام باوسخ الجرائم وابشعها ، في أي شيء يتم ابتزازك فيه وتهديدك مباشرة قومي بتبليغ الشرطة واهلك وتسجيل وتصوير كل شيء على اجهزتك او حول منزلك واي دليل يساعدك
شوفي يااختي لاشك انك غلطانة من البداية عندما ارسلتي له صورك الخاصة وصورة بطاقتك الشخصية دونما تعرفي حقيقة هذا الوغد السافل هل اعلانه عبر الفيس بوك صحيح ام لا ولما عرفتي الحقيقة انه عاوز يقيم معاك علاقة ليه مااسرعتى في الابلاغ عنه سكوتك هذا خلاه يتمادى بكل وقاحة في تهديدك بانه سوف يفضحك بتلك الصور اذا لم تستجيب له صدقيني انه سافل وجبان ولن يجرو على عمل شئ لك بس قاعد يهددك على الفاضي من اجل توافقي على عمل علاقة محرمة معاه باي طريقة الحمدلله انك اخبرتي جوزك بالحقيقة ورحتوا وعملتو محضر بالشرطة وعاوزك تطمني تماما وتخبري الشرطة بكل شئ وماتخافي ابدا سوف يتم تعامل مع الموضوع بسرية تامة ويتم القبض على هذا الكلب السافل اللي يهددك وربما انه يعمل كدا مع غيرك من البنات وله سوابق وسوف يقبضوا عليه ويلاقي جزاءه وتخلصي من هذة المشكلة والمعانات للابد ولازم تتعلم مماحصل لك ولاتوثقي في احد ابدا وتحافظي على حياتك الزوجية واستقرارها وربنا يحفظك ويسترعليك ويسعدك في هذة الحياة
والان جايه هنا ماذا تريدي ، واحد استسلمتي له ووصل الى باب بيتك واخيرا اخبرتي زوجك والشرطة ، حكايتك من اولها الى اخرها لن تسمح لاحد بالتدخل ، لو انك لم تعبريه من البداية ولم تتجاوزي الادب والاخلاق لم يصل معك الى ما وصل اليه ، بس ،