السلام عليكم
انا مشكلتي اني كنت طموح واثق من نفسي متفائل وكنت خاطب بعد قصة حب 5 سنوات وهى كانت كل حياتى وكن بنحب بعض بجنون
ولكن انصيب لم يكمل الزواج فانهرت وتركت كل شي احول النوم لاستطيع احب الموت واحسستت ان الحياة انتهت احاول انساها ولكن لااستطيع واصبحت حياتي ياسة لااستمتع بشي قليلة الكلام واصبحت لااعرف نفسي ولاشخصيتي مستسلم انفر من الدين ولاارغب بفعل شي ولااحمل مشاعر لااحد وانا تعبت بصلى وبقراء قران بس بحس بخنقة بخوف حاسس اني مخنوق ومتضايق من كل حاجة قدامي وبالذات لما اصحي من النوم استحلفك باللة ان ترد على الرسالة وانا حساس بالذنب لانى انا السبب فى كسر فرحة وقلب اجمل ملاك فى الكون بسب قيمة قائمة المنقولات حصل اختلف بين الاهل انا مش عارف اعيش و أُعاني مِن فقدان النوم لمدة طويلة، ساعدوني؛ فقد كرهتُ حياتي ارجو الرد وشكر
مشاكل الزواج
افكر بالانتحار بعد قصة حب انتهت بالفشل
اضيف بتاريخ: Wednesday, May 30th, 2012 في 21:16
كلمات مشاكل وحلول: الزواج, خاطب, قصة حب
حاول ترجعلها يا اخي
واضغط على اهلك عشان يوافقوا على القائمة
ده لو انت شاريها فعلا
بسم الله الرحمن الرحيم :
* أخي المحب : إحساسك الصادق ده أنا حسيته جدا و انفعلت معاه : مش معقولة 5 سنين انتظار و لهفة و بعدين كل حاجة تبوظ !! علشان إيه ؟ القايمة ؟!!! عمرها ما كانت ضمان لحسن العشرة و لا الحب و لاالمودة .
* أكيد خطوبة 5 سنين معناها إنك الراجل المناسب دينيا و خلقيا و عاطفيا برضه ، معقولة أهلها يضحوا بك علشان الشكليات و الماديات !!
– الفلوس و الماديات كلها عمرها ما بتضمن سعادة و حب حد أبدا مهما حاول .
* انتى إنسان ، قلبك كبير ، و رقيق جدا و وفي و مخلص ؛ و كل دي صفات تخليك تعيش بين الناس و انتى مرغوب فيك .
– مش معنى قصة حب فاشلة ( عشناها كلنا ) اننا ننهار و نستسلم للإحباط و اليأس : أبدا أبدا ؛ احنا بنتهز جامد أوي من جوانا ، بس مش لازم نقع ، لأن قيمة الحياة في حد ذاتها أعلى من أي قيمة تانية ، حتى لو كانت قصة حب فاشلة .
* فكر صح : هتنتحر ؟ و تدخل النار باختيارك !!؟ و هي هتعمل إيه ؟ هتتجوز غيرك و ممكن تحبه ، و هتخلف و هتنسى الماضي بعذابه و آلامه. إزاي بقى هي هتقدر تعيش وانتى لأ ؟!!
– لازم تحب حياتك بحلوها و مرها : الحب الفشل مرارة في النفس و عذاب لا يطاق ، بس حب الحياة و الاندماج فيها و الانشغال بالعمل و التفكير في الناس اللي حوالينا ، كل ده بينسينا شوية و بيخفف عنا الضغط العصبي الهائل اللي بنحسه .
* يا ما قصص حب ملتهبة انتهت بالجواز ، و الحبايب بقوا أغراب و انفصلوا : ما حدش عارف الخير فين . ربنا بيقدر الأمور و احنا ما بنفهمش ده إلا بعد فوات الأوان .
* لو تقدر تلحق وقتك و ترجعلها تاني ، يبقى اوعى تتأخر ، بس هتتنازل شوية . جاهز ؟!!
* أنصحك بالعمرة أو الحج : هتحس فعلا فيهم بقيمة الحياة و راحة النفس و السكينة ، و مش هتحس إنك فاقد حاجة أبدا ؛ لا حب ولا مال ولا غيره . راحة و طمأنينة هيشحنوا عزيمتك من جديد .
* الرسول الكريم ( ص ) علمنا دعاء نقوله عند المصائب : ( اللهم أَجِرْني في مصيبتي ، و أََخْلِف لي خيرا منها .) .
* فين عزيمة الرجال ؟!! قوم يا راجل ، الحياة عايزاك .
*** و الله أعلم ***
حاول ترجعلها تاني والله حرام قصة الحب دي تنتهي كدة بسبب خلافات الاهل و قيمة القايمة
ايه الكلام ده دي مشكلة بسيطة ممكن تتحل بالتفاهم مع الاهل حاول تاني واتمسك بيها واقنع اهلها وان شاء الله ترجعو لبعض
وابعد عن فكرة الانتحار وان الحياة كدة انتهت و حاول ترجع تاني طموح ومتفائل عشان تقدر انك تعدي المشكلة دي وتقنع اهلها
مش عارف أقولك ايه
بس حاول تحل الموضوع مع خطيبتك أولا
أما الأهل فلا دخل لهم بالموضوع
اخي . لااجد مااقوله اليك ولكن اي انسان يتزوج من اجل الاستقرار وليس غير ذلك … وعندما نتزوج نحن المصريين لايوجد اي نيه لدينا في الانفصال وذلك لاسباب كثيره من اهما الحب والعشره والعيش والملح .. فهي زوجتك التي سوف تصبح جزء منك … فلو هناك قائمه منقولات بسعر مبالغ فيه الي حد ما.. رغم اني لااعتقد ذلك بعد هذا الغلاء فما هي المشكله ؟؟ فهل تنوي ان تترك زوجتك بعد الزواج وتطلقها ؟؟؟ اعتقد لا .. وانك لاتفكر في ذلك … ولهذا لماذا تفكر في القائمه وفي قيمتها بهذه الطريقه ؟؟ ولاتقول لي ان اهلك هم السبب في ذلك .. فأنت الذي سوف تتزوج وليس اهلك .. فكان هناك الف طريقه وطريقه لتتجنب هذه المشكله وتحلها بينك وبين زوجتك واهلها دون ان يتدخل احد من طرفك في هذا الموضوع الحساس واعتقد بأن الفرصه مازالت لديك فتستطيع ان تذهب اليهم بمفردك في البدايه وتوضح لهم هذا اللبس وتجد المبررات التي تحاول ان تقنعهم بها واهمها هو حبك لابنتهم وتعهدك بأنك سوف تحافظ عليها ولن تهينها او تزعلها في يوم ما.. فهذا سوف يزيدك في نظرهم احتراما ووقارا .. ومن الممكن ان تساعدك خطيبتك في ذلك لو كانت تحبك حقا في فعل ذلك بالضغط علي اهلها .. حاول وجرب ولن تخسر شيئا … فمن الممكن ان نبحث علي الحب طوال حياتنا ولا نجده ابدا .. لانه شئ نادر في هذا الوجود .. فلاتضحي بهذه السهوله ودافع عن حبك وقاتل .. وربنا يوفقك وتكمل مشوارك انت وحبيبتك التي ااخترتها
بجد اول ماقريت الرساله حسيت بيك ..اكيد اللي يحصل فيه ده كله يكون بيحب بجد بص
اول حاجه لو المشكله في مديات واطراف اخري لو تقدر تتكلم معاها وتشوف تقدر تصلح الوضع ولا اعمل كده اتحدي كل حاجه لو بتحبها مش في حاجه بتاجي بالساهل متبقاش شخص انهزامي تستسلم وتعيط علي اللي راح .. لو حاولت الف مره ومنفعش وقتها لازم تقتنع انها مش من نصيبك .. عارفه ان الكلام سهل والحب صعب يتنسي بس حاول دايما تفكر في الايجابيات واعرف ان كل حاجه بتحصل لينا حتي لو في نظرنا شر بيكون ربنا قاصد بيها خير لينا ..فكر ان مهما عملت وبكيت دي اراده ربنا .. ويمكن مخبي ليك حاجه افضل .. حاول تركز علي شغلك علي علاقتك مع اصحابك مع اهلك .. حاول تقره كثير المهم انك تصحي من النوم يكون كل تفكيرك ازاي تشغل نفسك الحب زي الادمان شويه بشويه هتقدر تعيش من غيره بس مش هتنساه ..فكر دايما طب وبعدين ان فضلت علي الحال ده هيحصلك ايه .. اكيد لسه عمرك مش كبير يعني الحياه لسه مخبيه ليك كثير يبقي دلوقتي انت هتحاول ترجع ليها لو منفعش حاول تعيش حياتك لازم تحاول مش تخلي الشيطان يدخل ليك من ابواب كثيره …ربنا يوفقك
فى حلين:انت ياما تنسى كل حاجه وترجعلها باه كفايا كده ولازم تعمل كده ياما تنساها بس ده هيكون صعب اوى -والاول احسن طبعا علشان تقدر تكمل حياتك كويس….
الانتحار كفر وشرك بالله وبعدين ممكن تروح تصالح البنت وتمضى على القايمة ومفيش حاجة هتحصل ان شاء الله ادعى ربنا وامضى على القايمة ومتخسرش خطيبتك
انا كمان بقا عندي مشكله في النوم بشكل شبه دائم يعني ياما معرفش انام ياما انام و احلم بكوابيس و كل ده عشان اتعلقت و حبيت الانسان الغلط و عرفت اننا مش هنكون لبعض لو انطبقت السما على الارض و فعلا سبنا بعض و انا بموت في اليوم ميت مره نايه و صاحيه بس صدقني الحل الانثل تتقرب من ربنا قوي و تشغل وقتك بحاجه مفيده و نصيحه متحاولش تحب حد تاني الفتره الجايه لحد ما تهدا تماما لا الحب الاول صعب نسيانه عشان متظلمش طرف تاني ملوش ذنب في اللي حصلك
و حاجه لما عملتها ارتحت تقرا سوره البقره و تدعي اي دعوه ات عايزها ان شاء الله ربنا يستجيب بس متنساش تدعيلي معاك و ربنا يوفقك للخير و الحلال و يوفق كل محتار و كل حزين.