عندي 18 سنه وهيا 17 سنه احنا الأتنين في 3 ثانوي ، حبيتها اوي انا اقدر افرق بين حب المراهقين والحب الحقيقي يعني انا محبيتش شكلها قد ما حبيت روحها هيا بأختصار انا متأكد جدا من مشاعري ناحيتها ومتأكد من مشاعرها ناحيتي ،، بنتكلم كل يوم ومقدرش يعدي عليا يوم بدون ما اسمع صوتها وبشوفها مره كل اسبوع تقريبا ، دلوقتي المشكله ان في عريس اتقدملها ووالدها الله يهديه وافق عليه لكن هيا قالت له انها مش مرتاحه له ومش بتفكر في موضوع الجواز دلوقتي باعتبارها لسه صغيره نوعا ما لكن ابوها نشف دماغه وقرأ فاتحه ما العريس وهيا من ساعتها مش بتذاكر ولا بتروح دروس واكلها بقى قليل لاختصار اتبهدلت ،، ورغم انها قالت للعريس انها مش عايزاه لكن هو بيقولها انا هاخدك حتى ولو ليوم واحد ! شايفين الوساخه ،، ومن يومين راح لهم البيت وابوها قاله يا ابني هيا شكلها مش مرتاحه معاك خلاص ربنا يسهلك مفيش نصيب فهو قاله مد الموضوع اسبوع وربنا يسهل وبعدها لو برضه مصممه على رأيها خلاص ، بس وهو خارج من عندها قالها يوم الجمعه هحدد معاد للخطوبه مع ابوكي! يعني هيا حاسه ان ابوها بينيمها بالكلام ،، سؤالي دلوقتي هل والدها ممكن يجبرها بالعافيه عليه ولا هيا ولا فضلت على رفضها العريس هيطفش ،، لعلمكم انا فاتحت والدتي في موضوعها واتكلمت معاها وقالت لي ان شاء الله على 3 كليه تروح تتقدملها يعني انا قصدي خير والله ،،ارجوكوا ردوا عليا اعمل ايه انا بجد تعبت…
اسمع يا اخي انا زوجي كان متلك وانا وياة بنفس الصف ونفس الجيل واجا عند ابي تقريبا 25 عريس وكل عريس اطلع فية عيب من العيوب لحد ما اهلي شكو بالموضوع وقعدت مع امي وفهمتها بس رفضت لانة زوجي الي كان صديقي صغير وما رح يلحق يجهز نفسة البيت والعفش وتكاليف زواج ورغم كل هذا عندت وع حساب شخصيتي وتنازلاتي وهوة نفس الشيئ وطبعا بمساعدة اهلة ومامتي الحمد الله تزوجنا .بس بالبداية كان عذاب بسبب الاهلة لان طبعا ساعدونا وكانو يعاملونا نحن اولاد صغار يتدخلون بخصوصياتنا لحد ما قرفت وانا حبيت فارس احلامي جدع بس كان لامة لانها سهلت علية الزواج .تعبي راسة عليا لحد ما مشاكلنا راحت ما توصل للطلاق من اول سنة وكانت الظروف صعبة بس الحمدالله كل اشي قسمة ونصيب لو انت عايزها قوي شخصيتك وخلي اهلك يطلبوها وشد حالك بالبيت وبمساندة الاهل ان شاء الله خير
شوف يا بتاع الثانوى اولا شوف رد مامتك عليك لما فاتحتها فى الموضوع اخدتك على قد عقلك وحبت تطمنك وقالتلك لما توصل ل 3 كليه هتروح تخطبهالك تعرف ليه لان الزواج مش انى اكلم بنت على الموبايل واسهر معها الليل كلو ولما ابص فى الكتاب اشوف صورتها ولما اسمع صوتها انسى نفسى والدنيا كلها وغير بقى المزدات ورسايل الحب الاول انت لازم تفهم انك فى مرحله خطيره 3 ثانوي يعنى بعد كام شهر ياتبقى راجل يتبقى فاشل وانا شايف بقى من كلامك انك اهملت دراستك وفضيت للحب والغرام انت بقى مصدق انها مبتاكلش ولا بتشرب ولا عادت بتنام الليل ده مجرد كلام بتقلهولك بس علشان متكسرش بخاطرك وتفضل تكلمها على التليفون انت لو روحت انت وامه لا اله الا الله لابوها علشان تتقدملها وانت فى 3 ثانوى مستحيل ابوها يوافق بتعرف ليه لانك لسه بتاخد مصروف يبقى هو هيصرف عليك ولا على بنتو انت لازم تفوق وتنتبه لدراستك بلاش لعب عيال انت نسيت انت في ايه انت فى الثانويه العامه يعنى عايزه سهر وجد وتعب ومذاكره ليل مع نهار علشان تحصل كليه من كليات القمه تعرف وقتها لما تتخرج ويكونلك شان هتدحك على نفسك وتقول ايه لعب العيال الى انا كنت فيه ده انت لو فضلت على حالتك دى هتخسر دراستك وهتخسر نفسك وهيه كده كده هتتجوز واحد غيرك لان مفيش اب فى الدنيا يجوز بنتو لتلميذ او حتى يوافق على خطوبه بنتو لتلميذ انت عارف تكاليف الزواج يعنى ايه تعالى لما اقولك يعنى ايه اولا شقه محتاج لها ميقلش عن 50 الف جنيه شبكه متقلش عن 20 الف جنيه عفش ميقلش عن 20 الف جنيه تكاليف فرح متقلش عن 20 الف جنيه انت بقى يا تلميذ معاك كام انا واثق ان كل الى معاك لا يتعدى 25 جنيه فوق لنفسك واسمع كلام مامتك هيه مش هتسمح لابنها انو يضيع هيه مش عايزه تخسرك كابن وعارفه انك فى ثاونى علشان كده مش عايزه تزعلك اما انت بقى مش حاسس بنفسك ثم انت بتقول انا اعرف افرق بين حب المراهقه امال الى انت فيه ده ايه ده قمه المراهقه قمه الاستهتار فوق بقى انت لسه تلميذ فوق وانتبه لدروسك ولما تكمل دراستك هتلاقى مليون بنت تحبك وتحبها وتتجوز بس وقتها هتبقى انت راجل مسئول من نفسك والف مين تتمناك وشكرا
انا حاسه بيك جدا بس امامتك لازم تكلم مامتها على الاقل او تلمح لها وهى ربنا يرحمها لو اتجوزته لانه مش عاوز حبها هو عاوز حاجه تانيه واكيد انتا فاهم وهو هيعذبها واكيد هى باباها مستحيل لو عرف الكلمه دىمستحيل هيوافق ورنا معاك ومعاها
السلام عليكم .بص يا صحبى قل شىء نصيب بس لا تشجعا على معصيه ابوها بس مش معنى انى بقول لك كده ان هيا تتزوج غظب عنها لا(الحل) انها تكلم امها وتعرفها انها لا تريده وطبعن الام بتكون قريبه من بنتها وامها اكيد هتكلم ابوها فى الموضوع وكمان تقدر انها تقصر عليه بس انتا راعى ربنا فى اعمالك والزم شرع الله والحب ليس بحرام
بص انا حقولك الكلام ده علي اساس كلامك انك متاكد من حبك ليها وليك طالما بتحبوا بعض بجد يبقي هيه مستحيل توافق علي انها تكون لحد غيرك الحب مسئوليه وهيه لازم ترفض وتدافع عن حبها ليك ولاكن زي ماهيه مسئوله انت كمان مسئول ولازم تدافع عن حبك وتثبت حبك ليها وده ازاي اولا انت لسه صغير وهيه كمان بس طالما فيه حب السن مش مشكله بس انت تروح تتكلم مع والدها ويحس انك راجل ويحترمك وتكبر في نظره وقوله انك بتحبها وانك بتخاف عليها وان نيتك خير والدليل انك جيت اتكلم معاك وانا عارف ان ظروفي متسمحش بس انا ظروفي وتشرح ظروفك بقي وعالفكره ممكن والدها يوافق انكوا تتخطبوا لبعض لانه حيحترم شخصيتك ودافعك عن حبك وعاوزاكوا تقربوا من ربنا وتاكدوا ان الجواز ده نصيب وقدر ولو حصل ايه ومهما كانت الظروف وربنا رايد انكوا لبعض حتبقوا لبعض مهما حصل ارمي حمولك علي الله وبالتوفيق ان شاء الله
انت لو بتحبه روح كلم ابوه واعمل المستحيل عشانه حتى لو كان على حساب شخصيتك
يا ابني احنا مش في سنة 19
مفيش حاجه اسمها واحده تجبر عالجواز دي بتشتغلك
معلش متزعلش من كلامي بس مفيش حد بيتجوز بالعافيه
أخي في الله
إجبار أبيها لها مخالف للدين
ومعرفتك بها مخالفة للدين
كما تتمنى لأبيها أن يتبع الشرع
فاتبع أنت الآخر شرع الله