انا بنت عندي 22 سنة عشت مشاكل كثيرة مع اسرتي و والدي المنفصلين … و لم يكن لدي بال لأحب .. إلى ان تعرفت على زميل لي في سنة 2 كلية شدني ليه بأخلاقه و اني اشعر بأنه وحيد و انه طيب جدآ من داخله و بدأت من التقرب له و بدأ يتقرب لي و احببته كثيرآ و هوه اول شخص في حياتي و هو لم يكن يعرف كيف يتعامل مع البنات و احبني كثيرآ و و كان متجاوب كثيرآ معي و نقط الضف فيه قوتها … و حبينا بعض بجد و بقينا قريبين لبعض جدآ و عشنا اجمل و احلى قصة حب بجد و كفاية اني كنت حاسة انه ملهوش غيري و انا مليش غيره و من قربنا لبعض عشنا مع بعض اننا متجوزين بدون تعرية اي جزء و احنا مقتنعيين تمامآ اننا ملناش غير بعض حتى احنا من كتر حبنا زمايلنا بقو يشهدولنا اننا بقينا شبه بعض في الشكل جدآ و الاغراب يفتكرونا تؤام ..
و عرفنا أهلنا بأننا عايزين بعض و عرفت أمي بأمه للتقارب أكثر و هوه كان عايزنا نتخطب قبل بكرة … و جالي عرسان كتييير و متميزين فوق الوصف و الله شاهد على ذلك و كنت ارفض و اقفنع امي اني لست لأحد سوه…
و نحن جميعآ ننتظر التخرج و اما ان يعين معيد او يلتحق بعمل متميز حيث انه من اوائل الكلية …
و بالفعل تخرجنا و لظروف حبيبي فأنه لا يستطيع شراء شقة خارج عمارة اسرته و مما رأيته من مشاكل في اسرتنا كنت لا اعطي الأمان حتى لحبيبي فطلبت منه ان تكتب الشقة في بيت اسرته مناصفة بيني و بينه و قلت ان ده شرط أمي و اقنعته بيه …. .. اهله رفضو ده و قالو ممكن يكتبوها بأسم ابنهم و ينص العقد انه مينفعش يبيعها لحد تاني … … و انا قلتله ان كده خلاص و مش هينفع نكمل .. مكنش مصدق و اتصدم فيا و زعل مني اسبوع مكلمنيش و هوة مش بيطيق يعدي يوم من غير ما نتكلم بالساعات و في الوقت ده جالي عريس متميز في كل حاجة … اخلاقه كويسة و اكبر مني ب 4 سنين و وحيد و باباه و مامته متوفيين و مش ليه غير اخت و هتتجوز و تسيبله الشقة و ميسور جدآ … و كل اهلي اقنعوني بيه و ان هوه ده الزوج الصالح .. و استحالة حاجة زي كده تتكرر … اقبل بالعريس ده و لا افضل مع حبيبي اللي فعلآ ملوش غيري و انه مخلص ليا بجد و اني لو سبته مش عارفة ممكن يحصله ايه و كمان لسة مش عارفة لو كملت معاه هيكون مستقبله و شغله هيكون ازاي و خصوصآ انه لسة عنده جيش …
ارجوكو قولولي اقبل العريس و لا اكمل مع حبيبي ؟.؟
مشاكل الحب والزواج
مستقبلي يتحدد اقبل العريس و لا اكمل مع حبيبي
اضيف بتاريخ: Sunday, May 6th, 2018 في 19:29
كلمات مشاكل وحلول: الزواج, بنات, بنت, زواج, عريس
انتى ملكيش أمان و لا ليكى حبيب
انتى شهوتك بتطغى عليكى ف. كل شى بتعمليه
اى كان اللى هيحصل حاولى تستغفرى قبل ما الدنيا الف و تيجى عليكى
بصي يا بنت الناس . انا مع الفتي الضائع في رده . لايجوز وغير مقبول لاي بنت تطلب مني اكتب لها حاجة باسمها . ده يبقي تجارة . انا اللي هتجوزها هديها اسمي وشرفي اكيد شقة او عمارة مقابل ده مشهتساوي حاجة . وطالما هي طلبت كده تبقي مش واثقة وطالما مش واثقة يبقي مع السلامة ومش هينفع زواج . وبعدين حضرتك واضح انك ما حبيتي الولد ده عشان لو بجد خيروكي بينه وبين اي حاجة هتختاريه هو
شوفي يااختي ماحصل منك من تجاوز في العلاقة مع الشاب وتعاملكم كانكم زوجين ده حرام ولايجوز توبي لربك واستغفريه واندم على ماحصل منك وتحمدي الله انو مافرطت في شرفك معو مسالة موضوع الشقة ده من حقكي واهلك معهم كل الحق ان يكون لك بيت مستقل عن اهله ولامانع انه يكتب الشقة باسمك اومناصفة بينكما لكن اهله رفضوا ذلك الشرط فلاانصحك بان ترخص نفسك وتننازل عن حقوقك فهو عاجز لايقدر على اقناع اهله وبرضو قدامه خدمة في الجيش قد تاخذ لها 3سنوات على الاقل فليس هو الزوج المناسب لك وانت الحمدلله متقدم لك عريس ابن حلال وكويس جدا وجاهز وميسور الحال وعندو شقة جاهزة فلا تفرطي فيه ابدا ومسالة حبيبك الاولاني خلاص راح وانتهى امره انسيه تماما ولعاد تفكري فيه وربنا يؤفقك ويسعدك مع عريسك الجديد ويتتمم لكم بالخير ان شاء الله
اختي صراحة لو اشترطت اي فتاة مهما بلغ درجة حبي لها ما اشتطرته لحبيبك لانفصلت عنها
لان العلاقة الحقيقة بين الرجل والمرأة لا تقدر بثمن ولو كانت هذه الامور بمنظورك
لاصبح النساء و الرجال يباعون في الاسواق
اختي ماقمت به خطا وكان لابد عليك الوقوف معه و تشجيعه وبدوره هو يرى فيك الامل و المستقبل المشرق
من حقه ان يغضب و من حقه التفكير كما يشاء تجاهك
فهو يعتبر انك انسانة مادية وهذا سبب كافي لان لا تنجح هذه العلاقة
لا تحاولي التقرب او التكلم معه ابدا وان عاد اليك حاولي استدراك الامور معه
او انهي علاقتك به نهائيا ربما قد لايكون حبيبك من نصيبك